4
Istiqlolning dastlabki yilllarida mustabid tuzumdan voz kechib, demokratik
jamiyat barpo etishga qaratilgan jarayonlar, murakkab va tahlikali davrning oʻzi turli
muammo va vazifalarni oldimizga koʻndalang qoʻydi. Tan olish kerakki, ularni
muvaffaqiyatli hal etish uchun bilim va tajriba, iroda va qat‟iyat yetmagan holatlar
ham boʻldi.
Shu boisdan ham soʻnggi yillarda mamlakatimiz
taraqqiyotini yangi, yuksak
bosqichga koʻtarish, buning uchun yangi islohotlarni amalga oshirish obyektiv
zarurat, eng muhim strategik vazifaga aylandi.
Oʻzbekiston Respublikasining suvereniteti va davlat mustaqilligini,
sarhadlarimiz daxlsizligi, xalqimizning tinch-osoyishta hayoti hamda milliy
manfaatlarimizni ishonchli himoya qilishga qodir boʻlgan Qurolli Kuchlar tashkil
etildi. Milliy valyutamiz – soʻm joriy etildi va oltin-valyuta zaxiralarimiz
shakllantirildi.Qadimiy
tariximiz,
boy
madaniy
merosimiz,
milliy-diniy
qadriyatlarimiz, oʻzligimiz tiklandi.
Koʻp ming yillik taraqqiyot yoʻlini bosib oʻtgan va oʻtmishida katta tarixiy
siljishlar bilan birga tanazzullar va inqirozlarga guvoh boʻlgan oʻzbek xalqi hayotida
XX asrning oxiri va XXI asrning boshlari muhim ahamiyat kasb etdi. Ana shu davrda
xalqimiz yaratgan buyuk bunyodkorliklar, siyosiy, iqtisodiy, huquqiy, ijtimoiy va
ma‟naviy sohadagi beqiyos yutuqlar Oʻzbekistonning bundan keyingi uzoq kelajakka
moʻljallangan taraqqiyotiga asos boʻlib xizmat qiladi. Ushbu davrning mohiyati –
butunlay
yangi tuzum, yangicha turmush tarzi, zamonaviy jahon sivilizatsiyasi
talablariga javob bera oladigan aqliy salohiyat, intellektual imkoniyat bilan
bogʻliqligi muhim ahamiyatga ega.
Soʻnggi yillarda mamlakatimiz taraqqiyotini yangi, yuksak bosqichga koʻtarish,
buning uchun yangi islohotlarni amalga oshirish obyektiv zarurat, eng muhim
strategik vazifaga aylandi.
Oʻzbekistonning eng yangi tarixini oʻrganish bugungi kunning muhim
zaruriyatlaridan biri boʻlib, bu borada Oʻzbekiston Prezidentining taklif va
tashabbuslari, yurtimiz tarixini chuqur va haqqoniy oʻrgatish va yoshlarimizni
bundan bahramand qilish yoʻlida amalga oshirilayotgan sayi-harakatlar oʻzining
amaliy samarasini bermoqda.
2017-yil 30-iyunda Oʻzbekiston Respublikasi Prezidentining “Oʻzbekiston
Respublikasi Fanlar akademiyasi huzurida Oʻzbekistonning eng yangi tarixi boʻyicha
jamoatchilik kengashi faoliyatini tashkil etish toʻgʻrisida”gi Qarori qabul qilinib,
unda Jamoatchilik kengashi oldiga Oʻzbekistonning eng yangi tarixini tizimli,
haqqoniy va xolis tarzda oʻrganishni tashkil etish, yangi avlod ilmiy va oʻquv-uslubiy
adabiyotlarni yaratish hamda mamlakatimizning dunyodagi oʻrni
va rolini
koʻrsatishga qaratilgan qator vazifalar qoʻyildi.
Shuningdek mazkur sohada tizimli va samarali ish olib borish maqsadida
“Oʻzbekiston Respublikasida tarix fani sohasini 2030 yilgacha rivojlantirish
konsepsiyasi”ni ishlab chiqish belgilangan boʻlib, uning asosiy maqsadi sohaning
joriy holatiga tanqidiy-tahliliy baho berish, muammolarni aniqlash, uning ta‟lim-
ta‟rbiya tizimi, axborot makoni bilan uzviy bogʻliqligini samarali yoʻlga qoʻyish
talablaridan kelib chiqqan, ilgʻor milliy va jahon tajribasini inobatga olgan holda,
bosh maqsadi, vazifalari va ustuvor yoʻnalishlarini belgilab olishdan iboratdir. Bu
orqali shuningdek quyidagi masalalarni tartibga solish maqsadga muvofiq:
5
oʻzbek xalqi va davlatchiligining kishilik sivilizatsiyasi tarixida tutib kelgan
an‟anaviy yetakchi oʻrnini ilmiy jihatdan asoslab berish, jamiyatimiz va xalqaro
jamoatchilikka uzluksiz etkazib borish;
oʻzbek xalqi va davlatchiligining tarixiy bosqichlarini
eng avvalo yurtimiz va
mintaqada qadim-qadimdan kechib kelayotgan tabiiy, ijtimoiy, siyosiy, iqtisodiy
jarayonlar mohiyati va oʻziga xosliklaridan, shuningdek, kishilik sivilizatsiyasi
tajribasidan kelib chiqqan holda aniqlashtirish;
tarix fani sohasini rivojlantirishning ustuvor yoʻnalishlarini belgilab olish;
ilmiy darajali mutaxassislarni tayyorlashning milliy va jahon tajribasidan oʻtgan
ilgʻor shakllarini joriy etish;
mutaxassislarni tarix fani sohasini rivojlantirishning ustuvor yoʻnalishlari hamda
jamiyatning tarixiy axborotga boʻlgan kuchli ehtiyojiga koʻra tayyorlash tartibini
bosqichma-bosqich kiritib borish;
mutaxassislarni tayyorlashda ilmiy tadqiqot manbalari, usullari,
izlanishlar
tillarini toʻliq egallashlariga erishish;
boy va noyob oʻtmish tajribasi asosida shakllantirilgan tarixiy tafakkur orqali
jamiyat, ayniqsa, yosh avlodga yurtsevarlik, milliy oʻzlik, ijtimoiy mas‟uliyat, bilim,
kasb-kor, yangilikka intilish ruhini singdirish;
ilmiy ishlanmalar natijalarini baholash, davlat ta‟lim standartlari, davlat ta‟lim
talablarini tarix fani sohasini rivojlantirishning ustuvor yoʻnalishlariga koʻra qayta
ishlab chiqishdan iboratdir.
Soʻnggi yillarda barcha sohalarda amalga oshirilgan samarali islohotlar, uning
dunyo hamjamiyati tomonidan tobora tan olinib borayotgani, ayniqsa xalqimizning
ijtimoiy-iqtisodiy hayoti muntazam yaxshilanib borayotgani,
davlat idoralarining
aholi bilan munosabatlardagi mutlaqo yangi tizimlar zamonaviy tariximizda
mamlakatimizga nisbatan “Yangi Oʻzbekiston” tushunchasining vujudga kelishishiga
zamin yaratdi.
Prezidentimiz Shavkat Mirziyoyev ta‟biri bilan aytganda, “…bugungi kunda
butun xalqimizning qalbidan chuqur joy olgan, umummilliy harakatga aylanib
borayotgan “Yangi Oʻzbekiston” gʻoyasi zamirida ana shunday ulugʻ ajdodlarimiz,
umuman olganda, milliy tariximizda Birinchi va Ikkinchi uygʻonish davrlariga asos
solgan alloma bobolarimizning orzu-intilishlari va armonlari ham mujassam, desak,
adashmagan boʻlamiz”.
Hozirgi vaqtda mamlakatimizda yana bir muhim Uygʻonish jarayoni
kechmoqda. Shuning uchun “Yangi Oʻzbekiston” va “Uchinchi Renessans” soʻzlari
hayotimizda oʻzaro uygʻun va hamohang boʻlib yangramoqda, xalqimizni ulugʻ
maqsadlar sari ruhlantirmoqda.
Bugungi kunda Oʻzbekiston demokratik oʻzgarishlar, keng imkoniyatlar va
amaliy ishlar mamlakatiga aylanib bormoqda. Aynan mana shu jarayon
islohotlarimizning eng katta natijasidir. Chunki, maqsadning aniqligi –
harakatlar
samarasini ta‟minlaydigan eng muhim mezondir.
Yangi Oʻzbekistonni barpo etish – bu shunchaki xohish-istak, sub‟ektiv hodisa
emas, balki tub tarixiy asoslarga ega boʻlgan, mamlakatimizdagi mavjud siyosiy-
huquqiy, ijtimoiy-iqtisodiy, ma‟naviy-ma‟rifiy vaziyatning oʻzi taqozo etayotgan,
xalqimizning asriy intilishlariga mos, uning milliy manfaatlariga toʻla javob
beradigan obyektiv zaruratdir.
6
Yangi Oʻzbekiston – demokratiya, inson huquq va erkinliklari borasida
umume‟tirof etilgan norma va prinsiplarga qat‟iy amal qilgan holda, jahon
hamjamiyati bilan doʻstona hamkorlik tamoyillari asosida rivojlanadigan, pirovard
maqsadi
xalqimiz uchun erkin, obod va farovon hayot yaratib berishdan iborat
boʻlgan davlatdir. Yuqoridagi tarixiy jarayonlarni yoshlarimizga toʻliq yetkazib
berish, tarixning mazkur davridagi barcha sohada amalga oshirilgan islohotlaring tub
mohiyatini tushuntirish va ularda tarixiy tafakkurni hosib qilish muhim vazifa
sanaladi
Dostları ilə paylaş: