7
etnologiya, o„zbek tili va adabiyoti, dinshunoslik fanlari yutuqlaridan xalqimizning
turmush tarzi, tili va milliy mentalitetini tasvirlashda foydalaniladi. Tarixshunoslik,
manbashunoslik, arxivshunoslik kabi maxsus fanlar eng yangi tarix falsafasini chuqur
anglab yetishga ko„maklashadi.
Bugungi globallashuv asrida O„zbekistonning eng yangi tarixi fanini o„qitish
yoshlar salohiyatini yuksaltirish va vatanparvarlik tuyg„ularini
shakllantirishda
muhim ahamiyat kasb etadi. Yoshlarning yuksak ma‟naviy darajasini shakllantirish,
o„zligini anglash, ularni shaxs, davlat hamda jamiyat manfaatlari yo„lida xizmat
qilishga undab, fuqarolik pozitsiyasini shakllantiradi.
Mazkur fanning o„qitilishi jarayonida talaba fan bo„yicha mustaqillikka
erishish arafasida O„zbekistonda yuzaga kelgan murakkab vaziyatni, ularning
sabablari va oqibatlarini; mustaqillik yillaridagi o„zgarishlarni, O„zbekistonning eng
yangi
tarixi masalalarini, zamonaviy jarayonlarda O„zbekistonning jahon
hamjamiyatidagi o„rnini tarixiylik va xolislik nuqtai nazaridan bilib oladi;
Asosiy vazifa O„zbekiston tarixi fanining mantiqiy davomi bo„lgan
O„zbekistonning eng yangi tarixi fani bo„yicha yosh avlodni millatning dardiga
darmon bo„ladigan, yurt kelajagi uchun qayg„urib yashaydigan komil, o„z ona yurti
bilan g„ururlanadigan inson qilib tarbiyalashdan iborat.
Vatan va xalq tarixini o„rganishda O„zbekiston Respublikasi Prezidenti
Sh.M.Mirziyoyevning asarlari, maqola va nutqlari,
Farmon va qarorlari, 2016-2021
yillarda qabul qilingan Qonun va meyoriy hujjatlar ham muhim nazariy-metodologik
asos sifatida xizmat qiladi.
Dostları ilə paylaş: