1-ilova
1 - TOPSHIRIQ
Topshiriq ta'rifi: Baholash shakllarining afzallik va kamchiliklarini tahlil qilish
Maqsad: mezoniy va me'yoriy baholash shakllarining afzallik va kamchiliklarini tahlil qilish bo‘yicha bilimlarni mustahkamlash.
Ta'lim vositalari: Flipchart qog‘ozi, markerlar
Talab etiladigan vaqt: 80 daqiqa
Topshiriqni bajarish texnologik jarayoni:
Magistratura talabalari 4 ta kichik guruhga ajratilib, har bir kichik guruhga topshiriq beriladi. 1-guruhga ―Mezonga asoslangan baholashning afzalliklari‖, 2-guruhga ―Mezonga asoslangan baholashning kamchiliklari‖, 3-guruhga ―Me'yorga asoslangan baholashning afzalliklari‖, 4-guruhga ―Me'yorga asoslangan baholashning kamchiliklari‖ bo‘yicha vazifalar beriladi. Kichik guruhlar belgilangan vaqt oralig‘ida topshiriqni bajaradilar va flipchart qog‘oziga yozadilar. Belgilangan vaqt tugagandan so‘ng, flipchart qog‘ozlari yig‘ib olinadi va har bir guruh 5 daqiqadan bajargan ishlarini taqdimot qiladi. Barcha taqdimotlardan so‘ng, kichik guruhlar bajargan ishlar bo‘yicha muhokama boshlanadi. Muhokamada bajarilgan vazifalar to‘ldiriladi va xulosa qilinadi.
2 - TOPSHIRIQ
Topshiriq ta'rifi: Test turlari bo‘yicha savollar ishlab chiqish
Maqsad: test turlari bo‘yicha savollar ishlab chiqish ko‘nikmasini shakllantirish
Ta'lim vositalari: Tarqatma materiallar, qog‘oz A4.
Talab etiladigan vaqt: 80 daqiqa
Topshiriqni bajarish texnologik jarayoni:
Magistratura talabalari ixtiyoriy juftlikda guruhlarga ajratilib, har bir juftlikga bir xil topshiriq beriladi, ya'ni ular turli test turlariga (ko‘p tanlovli, to‘ldiruvchi, muvofiqlashtiruvchi, ketma-ketlikni aniqlash testlari) 1 tadan misol ishlab chiqadilar. Har bir test turi bo‘yicha savollar ishlab chi?ishga 5-7 daqiqadan vaqt ajratiladi. Har bir test turi bo‘yicha savollar ishlab chiqishga ajratilgan vaqt tugagandan so‘ng, ta'lim beruvchi 2-3 ta guruhdan misollarni o‘qib eshittirishni so‘raydi. Keltirilgan misollar magistratura talabalari tomonidan baholanadi.
Dostları ilə paylaş: |