Plani Hapësinor për Parkun Kombëtar “Bjeshkët e Nemuna”
Instituti për Planifikim Hapësinor
64
d.
Ndërtimi i rrugës që e lidhë Jabllanicen me Istogun, me gjërësi
adekuate, me karakter transporti të limituar;
e.
Ndërtimi i rrugës në relacionin Junik – Lugu i Gjatë;
f.
Rregullimi dhe asfaltimi i rrugës kryesore (primare) prej hyrjes
në park nga fshati Batushë deri në Kompleksin e Memorialit të
Betejës së Koshares;
g.
Rregullimi dhe shtruarja e zhavorrit në rrugën dytësore
(sekondare) nga Juniku nëpër Jasiq e deri në Kompleksin e
Memorialit të Betejës së Koshares;
h.
Rregullimi dhe shtruarja me zhavor e rrugës dytësore për në
Karakoll dhe në R. e Shqipërisë:
o
Varianti I-rë nga Kompleksi Memorial përmes urës së re mbi
lumin Gusha;
o
Varianti II-të nga Restoranti “Katana” në hyrje të zonës së
Memorialit;
i.
Zbatimi i projektit për rregullimin e rrugëve malore për
automjete të lehta motorike dhe të zjarrfikësve në zonën e
Memorialit;
j.
Vendosja e teleferikut në zonën EST, respektivisht në drejtim të
zonës turistike Kopranik;
k.
Zbatimi i projektit për ndërtimin e teleferikut nga Kompleksi
Memorial deri në Rrasë të Koshares;
l.
Ndërtimi i shtigjeve për këmbësorë që e mundësojnë qasjen e
vizitorëve në vendet më atraktive të parkut kombëtar:
o
Përmirësimi i shtigjeve ekzistuese në pjesën veriore dhe në
pjesën jugore (Pjesa e Pejës);
o
Ndërtimi i shtigjeve të reja për ecje në pjesën veriore dhe në
pjesën jugore (Pjesa e Pejës);
o
Përmirësimi i shtigjeve kulturore dhe ndërtimi i shtigjeve të
reja;
o
Zhvillimi i shtigjeve ekstreme për çiklizëm;
o
Zhvillimi i shtigjeve për kalërim;
o
Hapja e shtigjeve për skijim;
m.
Ndërtimi i pikave të pushimit në çdo kilometër përgjatë shtigjeve
për këmbësorë;
n.
Ndërtimi i parkingjeve në hyrjet kryesore të parkut dhe në
vendet me kapacitete turistike;
o.
Vendosja e linjave të rregullta të transportit publik deri tek të
gjitha vendbanimet brenda parkut dhe tek të gjitha hapësirat
tjera me përmbajtje të rëndësishme siq mund të jenë ski
qendrat me hotele dhe infrastrukturë përcjellëse
4.5.2.
Objektivi – Sigurimi i infrastrukturës së energjisë elektrike – Për
zhvillimin ekonomik të parkut kombëtar, kuptohet që është i
domosdoshëm sigurimi i furnizimit të rregullt dhe të duhur të tij me
energji elektrike. Vendbanimet dhe të gjitha përmbajtjet tjera në
park kanë nevojë për këtë, në mënyrë që të mund të funksionojnë.
Kjo shtron nevojën që infrastruktura e tanishme e energjisë elektrike
të përmirësohet, sepse nuk është në nivel të kënaqshëm. Duhet të
përmirësohet rrjeti i shpërndarjes së energjisë elektrike duke
përfshirë edhe instalimin e trafove të rinj nëse është e nevojshme.
Në mënyrë që të arrihet objektivi i sigurimit të infrastrukturës së
nevojshme për furnizim me energji elektrike duhet të realizohen
projektet apo veprimet konkrete si:
a.
Realizimi i një studimi me parashikimin për sasinë e energjisë
elektrike të nevojshme për furnizimin e parkut në 10 vjetët e
ardhshëm duke i përfshirë këtu edhe veprimet e nevojshme për
sigurimin e kësaj sasie;
b.
Realizimi i një studimi për gjetjen dhe shfrytëzimin e burimeve
alternative, të ripërtërishme të energjisë;
c.
Ndërtimi i linjave të reja furnizuese 10 kV gjegjësisht 0.4 kV me
trafostacione përcjellës;
d.
Zëvendësimi i linjave ajrore me ato kabllore nëntokësore;
e.
Rekonstruktimi-përmirësimi i rrjetit të shpërndarjes dhe trafove
ekzistues, vendosja-instalimi i trafove të rinj, të gjitha në bazë
të studimit nën pikën 1;
f.
Vendosja e shtyllave për ndriçim publik të fshatrave brenda
parkut dhe hapësirave me përmbajtje në funksion të turizmit
4.5.3.
Objektivi – Sigurimi i infrastrukturës ujore – Momentalisht, prej 20
vendbanimeve sa janë brenda parkut, vetëm në dy janë të instaluar
sistemet publik të ujësjellësit, ndërkaq sisteme publik të kanalizimit
të ujrave të zeza dhe impiant për pastrimin e këtyre ujrave nuk ka në
asnjërin nga këto vendbanime. Kjo flet për një nivel jo të lartë të
jetesës brenda parkut, mungesën e kushteve elementare për
zhvillimin e turizmit dhe rrjedhimisht për nevojën e investimit në
sigurimin e infrastrukturës ujore. Objektivi për ta ndërtuar këtë
infrastrukturë mundëson furnizimin e të gjithëve në park me ujë të
pijshëm, i kanalizon ujrat e zeza dhe duke i pastruar këto ujra, i
mbron lumenjt nga ndotja. Ky objektiv do të arrihet duke i plotësuar
mungesat që u përmendën më lartë pra me:
a.
Realizimin e një studimi për sasinë e ujit të pijshëm të
nevojshëm për furnizimin e parkut gjatë 10 vjetëve të ardhshëm
dhe për nevojat për kanalizimin e ujrave të zeza;
b.
Realizimi i studimit për burimet e ujrave nëntokësor në mënyrë
që të konstatohet se cilët nga burimet ekzistues do të mund të
shfrytëzoheshin për furnizimin e parkut me ujë të pijshëm;
c.
Hulumtimi i burimeve të reja të ujrave nëntokësor;
d.
Instalimin e rrjeteve publik të ujësjellësit me kapacitet në bazë
të studimit të lartpërmendur në të gjitha vendbanimet dhe
përmbajtjet tjera brenda parkut, qofshin ato turistike,
prodhuese apo të tjera;
e.
Instalimin e rrjeteve publik të kanalizimit të ujrave të zeza në
bazë të studimit të lartpërmendur në të gjitha vendbanimet dhe
përmbajtjet tjera brenda parkut, qofshin ato turistike,
prodhuese apo të tjera;
f.
Ngritja dhe ndërtimi i digës së rezervarit të ujit në lumin Gusha
për ndërhyrje në rast zjarri;
g.
Ndërtimi i impianteve për pastrimin e ujërave të zeza dhe i
kolektorëve që mbledhin ujërat e zeza dhe i dërgojnë deri tek
impianti
4.5.4.
Objektivi – Sigurimi i infrastrukturës së telekomunikacionit – Sot
bota nuk mund të paramendohet pa telekomunikacion, pra pa
ekzistencën e mjeteve të komunikimit ndërmjet njerëzve. Gjendja e
sotme në park tregon se ai vetëm pjesërisht apo në mënyrë jo të
kënaqshme është i përfshirë në shërbimet e telekomunikacionit.
Kështu është për arësye se zhvillimi i infrastrukturës së
telekomunikacionit nuk është në nivel të duhur. Mundësia që në
park njerëzit të komunikojnë në forma të ndryshme, është njëri prej
kushteve për zhvillimin e dëshiruar të turizmit atje dhe një indikator
për nivelin e jetesës brenda parkut. Nga këto fakte që u përmendën
ka dalur objektivi që të sigurohet infrastruktura e telekomu-
nikacionit, e cila mundëson që parku të mbulohet plotësisht nga
sinjali i telefonisë mobile GSM, që atje të ketë edhe telefoni fikse,
pastaj Internet, që të mbulohet nga sinjali televiziv ajror, të ketë
televizion kabllor dhe kështu të mundësohet komunikimi ndërmjet
njerëzve. Ky objektiv arrihet duke i kryer veprimet si:
a.
Vendosja e antenave për ta mbuluar tërë hapësirën e parkut
kombëtar me signalin e telefonisë mobile;
b.
Instalimi i linjës telefonike kabllore nëntokësore për sjelljen e
signalit të telefonisë fikse tek ndërtesat nëpër fshatra,
kapacitetet turistike dhe tek Kompleksi i Memorialit të Betejës
së Koshares;
c.
Vendosja e pajisjeve që mundëson qasjen pa tela (wireless) në
rrjetin e Internetit në të gjitha kapacitetet turistike, në fshatra
dhe në Kompleksin e Memorialit;
d.
Përforcimi i signalit televiziv ajror për fshatrat, vendet me
kapacitetet turistike dhe për zonën e Betejës së Koshares, si dhe
instalimi i kabllove në ndërtesa për televizionin kabllor dhe
Internetin;
e.
Vendosja e punkteve postare në vendet me kapacitetet turistike.
4.5.5.
Objektivi – Sigurimi i infrastrukturës për menaxhimin e
mbeturinave – Imazhi i një parku të pastër, të liruar nga
mbeturinat është shumë i rëndësishëm për zhvillimin e turizmit.
Është e kuptueshme që një park ku mbeturinat do të
shpërndaheshin gjithandej, nuk do të ishte tërheqës për vizitorët
dhe rrjedhimisht zhvillimi i turizmit do të vëhej në pikëpyetje. Për
këtë arësye, në park duhet të sigurohet infrastruktura për
mbeturinat në mënyrë që parku të mbahet i pastër. Sigurimi i kësaj
infrastrukture paraqet objektivin e radhës dhe ai konsiston në
kryerjen e disa veprimeve konkrete si:
a.
Kontraktimi i operatorit që do të menaxhojë me mbeturinat në
park;
b.
Vendosja e kontejnerëve të mbeturinave në fshatra, në vendet
ku ka kapacitete turistike dhe në zonën e Betejës së Koshares, si
dhe vendosja e shportave për mbeturina në vende të caktuara
pranë shtigjeve për këmbësorë dhe në të gjitha pjesët që
frekuentohen nga vizitorët;
c.
Vendosja e tabelave njoftuese për gjobat që pasojnë pas
hedhjes pa vend të mbeturinave në park
;