Plani Hapësinor për Parkun Kombëtar “Bjeshkët e Nemuna”
Instituti për Planifikim Hapësinor
66
V
DISPOZITAT PËR ZBATIM
5. DISPOZITAT PËR ZBATIM
Dispozitat për zbatim përmbajnë kushtet dhe masat me karakter obligativ
që respektivisht duhet të plotësohen dhe të ndërmirren gjatë zbatimit të
planit hapësinor. Ato janë të përkufizuara me elemente esenciale për
territorin e Parkut Kombëtar “Bjeshkët e Nemuna”. Këto dispozita
drejtojnë zbatimin e planit.
1.1.
DISPOZITAT E PËRGJITHSHME
1.
Plani Hapësinor i Parkut Kombëtar “Bjeshkët e Nemuna“ (në tekstin
e mëtejmë: Plani) i definon caqet e rregullimit/planifikimit të
territorit/hapësirës, organizimit dhe destinimit të territorit/
hapësirës, i përcakton kushtet dhe masat e shfrytëzimit, rregullimit
dhe mbrojtjes së Parkut;
2.
Plani Hapësinor për PK “Bjeshkët e Nemuna“ mbulon periudhën
kohore prej minimum dhjetë viteve nga aprovimi përfundimtar në
Kuvendin e Kosovës;
3.
Rishikimi i Planit bëhet në çdo pesë vjet, por mund të bëhet edhe
në periudhë më të shkurtër varësisht nga kërkesa esenciale për
ndryshime në terren;
4.
Përgjegjës për revidimin e Planit është Ministria e Mjedisit dhe
Planifikimit Hapësinor (në tekstin e mëtejmë: Ministria);
5.
Me dispozitat për zbatim të Planit definohet mënyra e rregullimit të
hapësirës dhe e ndërtimit në territorin/sipërfaqen e Parkut;
6.
Në pajtim me ligjet në fuqi, kushtet dhe kriteret e ndërtimit dhe
shfrytëzimit të parcelave që ndodhen brenda zonës së tretë të
Parkut mund të përcaktohen edhe në kuadër të procesit të
partneritetit publiko privat për ndërtimin dhe zhvillimin e qendrave
turistike në zonën e tretë;
7.
Të gjitha planet tjera të niveleve më të ulëta me ndikim në
territorin e Parkut, i nënshtrohen Planit Hapësinor për PK “Bjeshkët
e Nemuna“;
8.
Ky dokument hyn në fuqi pasi të jetë miratuar nga Qeveria e
Kosovës dhe aprovuar nga Kuvendi i Kosovës.
Sipërfaqja e Parkut
Sipas Ligjit për PK “Bjeshkët e Nemuna” të aprovuar më 13 Dhjetor
2012, sipërfaqja e Parkut prej 62.488Ha ka pësuar ndryshimet e
nevojshme për shkak se: matjet që janë bërë në kohën kur është
punuar arsyeshmëria për shpalljen e territorit të “Bjeshkëve të
Nemuna” Park Kombëtar, kanë qenë rezultat i informatave të pasakta
për kufirin e atëhershëm shtetërorë të Kosovës. Gjatë procesit të
hartimit të Planit Hapësinor për Parkun, nga Agjencia Kadastrale e
Kosovës janë siguruar kufijtë zyrtarë të Republikës së Kosovës. Sipas
këtyre informatave, sipërfaqja e saktë e Parkut është 63.028Ha, e cila
është përdorë si bazë e llogaritjeve në të gjitha fazat e Planit.
Prona në Park
Dokumenti nuk mirret me çështjen e pronës, kjo çështje rregullohet
me Ligjet përkatëse në fuqi, me të cilat definohen të drejtat dhe
përgjegjësitë për pronën, rrespektimi i të cilave do të krijojë kushte
për zhvillimin e qëndrueshëm të Parkut.
1.2.
DISPOZITAT PËR PËRGJEGJËSITË E MINISTRISË
1.
Ministria është përgjegjëse për hartimin, monitorimin dhe zbatimin
e Planit Hapësinor të Parkut Kombëtar “Bjeshkët e Nemuna”;
2.
Ministria përcakton autoritetin përgjegjës për administrimin e
parkut, e përcakton përbërjen dhe buxhetin e nevojshëm për
funksionimin e autoritetit;
3.
Ministria është përgjegjëse për ndarjen e fondeve për ndërtimin e
infrastrukturës së nevojshme për funksionimin e Drejtorisë së
Parkut;
4.
Ministria është përgjegjëse për nxjerrjen e rregullores për rendin e
brendshëm të funksionimit për Parkun Kombëtar;
5.
Ministria është përgjegjëse për dhënien e lejeve të ndërtimit në të
gjithë territorin e Parkut, përpos objekteve familjare kur ato
ndërtohen në zonën e III-të A (vendbanim/fshat);
6.
Ministria është përgjegjëse për aprovimin e Planeve Rregulluese të
Hollësishme ose zgjidhjes urbane të propozuar nga investitori kur
ato hartohen brenda zonës së III-të (B dhe C);
7.
Ministria është përgjegjëse për dhënien e pëlqimit për Planet
Rregulluese të Hollësishme ose zgjidhjet urbane të propozuar nga
investitori kur ato hartohen brenda zonës së III-të (A), para se të
njëjtat të aprovohen nga autoritetet përkatëse komunale;
1.3.
DISPOZITAT PËR PËRGJEGJËSITË E AUTORITETEVE KOMUNALE
1.
Autoritetet komunale që përfshihen në territorin e Parkut (Peja,
Deçani, Juniku, Istogu dhe Gjakova), përpos përgjegjësive të
parapara në bazën ligjore në fuqi, janë përgjegjëse edhe për:
a.
Pjesëmarrje aktive në mbrojtjen dhe promovimin e vlerave të
Parkut;
b.
Respektimin e rregullave të parapara dhe të nxjerra nga
autoritetet qendrore, duke e përfshirë edhe rregullat e nxjerra
nga Drejtoria e Parkut;
c.
Lëshimin e lejeve të ndërtimit në zonën e III-të (A) të zhvillimit
(vendbanimet/fshatrat) në përputhje me kompetencat, rregullat
dhe dispozitat për zbatim në fuqi;
d.
Aprovimin e Planeve Rregulluese të Hollësishme dhe zgjidhjeve
urbane të propozuara nga investitori, pasi paraprakisht të paisen
me pëlqim nga Ministria;
1.4.
DISPOZITAT PËR PËRGJEGJËSITË E AUTORITETIT PËRGJEGJËS PËR
ADMINISTRIMIN E PARKUT
1.
Autoritet përgjegjës për administrimin e parkut është Drejtoria e
Parkut Kombëtar “Bjeshkët e Nemuna” (në vazhdim: Drejtoria e
Parkut);
2.
Përpos përgjegjësive që dalin nga baza ligjore në fuqi, Drejtoria e
Parkut është përgjegjëse edhe për:
a.
Zbatimin e masave për mbrojtjen e resurseve natyrore si dhe
masave për shfrytëzimin e parkut;
b.
Përkujdesje ndaj mbrojtjes dhe mirëmbajtjes së parkut duke e
plotësuar rregullisht dokumentin (kronikën) e parkut, e cila
përmban kryesisht të dhëna mbi faktorët natyrorë, llojin dhe
vëllimin e punimeve në park, gjendjen dhe ndryshimet në florë
dhe faunë, qarkullimin pikniko – turistik, si dhe organizimin dhe
drejtimin e faktorëve tjerë domethënës për parkun;