266
İkincisi – Qəribin Ərzuruma gəlməsi, onun aşıq deyişməsin-
də iştirakı və qələbəsi, Şahsənəmin köndərdiyi adamla görüşmə-
si (üçüncü pərdənin ikinci şəkli). Daha sonra, dördüncü pərdədə,
iki istiqamət birləşir. Qəribin vətənə qayıtması, onun Şahsənə-
min toyuna gəlməsi, süjetin inkişafında kulminasiyaya Qəriblə
Şahsənəmin fərəhli görüşünə gətirib çıxaran yeni pillələrdir.
Opera koda ilə
–
sevgililərin toyu ilə bitir.
Bəstəkar səhnə hadisələrinin ziddiyyətli müqayisəsindən isti-
fadə etmişdir. Məsələn, elçilik səhnələri bir-birinin ardınca gəlir.
Şahsənəmin, Qəribin anasının və bacısının nəhayətsiz kədərini
göstərən səhnə və Ərzurum paşasının sarayındakı kef məclisi
səhnəsi bir-birini əvəz edir.
Belə bir cəhət də səciyyəvidir ki, eyni bir səhnə daxilində
ziddiyyətli müqayisələr yoxdur. Bu baxımdan, dördüncü pərdə-
nin ikinci şəklinin əvvəli istisnadır. Burada Şahvələdin evindəki
toy-bayram əhvali-ruhiyyəsi səadətə qovuşmaq ümidini itirmiş
Şahsənəmin acı duyğularına ziddir. Bu səhnə bilavasitə hadisə-
nin kulminasiya nöqtəsini hazırlayır.
Opera qəhrəmanlarının daxili aləmini onların portretləri açır.
Bu həmçinin hadisənin ağır-rəvan inkişafına imkan yaradır. Belə
ki, Qəriblə Şahsənəm obrazlarında operanın əvvəlindən lirik cə-
hətlər, bir-birinə dərin məhəbbətin ifadəsini görürük. Onların
münasibətində liriklik opera boyu saxlanılır. Əksinə, Şahvələd
həmişə hökmlü, təkəbbürlü bir adam kimi təsvir olunur.
Operanın əsas musiqi materialı muğamlardır. Azərbaycan
bəstəkarlarının inqilaba qədərki operalarında olduğu kimi, xalq
musiqisinin bu janrı burada da ənənəvi formaları: ariya, ariozo
və ansamblı əvəz etmişdir. Müsbət qəhrəmanların təsvirində
muğamın əsas rolunu, janr-məişət şəraitinin qəhrəmanların duy-
ğuları ilə müqayisəsini qeyd etmək istərdik. Bu məqsədlə bəstə-
kar lirik (“Mirzə Hüseyn segahı”), çox vaxt isə qəm-qüssə,
hüzn-ələm ifadə edən “Bayatı-kürd”, “Şüştər”, “Bayatı-qacar”
və s. muğamlarından istifadə etmişdir. Təbiidir ki, şux ruhlu mu-
ğamlar qəhrəmanları operanın əvvəlində xarakterizə edir. Kədər
və qüssə ifadə edən muğamlardan isə bəstəkar ayrılıq səhnələ-
rində istifadə etmişdir.
267
“Aşıq Qərib” operası, Qərib – Ə. Sadıqov, 1950-ci il.
Qərib surətini bəstəkar necə səciyyələndirir? Qəribin partiya-
larında çox vaxt ritmik muğamlardan
–
zərbi muğamlardan, xü-
susilə “Qarabağ şikəstəsi” və “Maani”dən istifadə edilmişdir.
Çünki zərbi muğamlarda instrumental akkompanement ritmik
cəhətdən həmişə açıq-aydındır. Məhz bu cəhət həmin janrı aşıq
musiqisinə yaxınlaşdırır. Deməli, Qəribin partiyasında zərbi mu-
ğamlardan tez-tez istifadə olunması onun aşıq mənşəyini nəzərə
çarpdırır. Baş qəhrəmanın partiyasında aşıq musiqisindən is-
tifadə olunması böyük dramaturji əhəmiyyətə malikdir. Məlum-
dur ki, aşıq xalqın arzu və diləklərini ifadə edən şairdir. Onun
məhəbbəti gözəl və ilhamlıdır. Buna görə də təsadüfi deyil ki,
xalq arasında sevən adamı aşiq adlandırırlar.
268
Operada Qərib surətini səciyyələndirən iki instrumental
mövzu səslənir. Onlardan biri intonasiya və ritm cəhətdən aşıq
zərbi muğamı ilə əlaqədardır. Digəri “Bakı şikəstəsi” adlanır və
xalq mahnı-rəqs mövzusundadır. Mahiyyət etibarilə, bu iki möv-
zu Aşıq Qəribin leytmotivi rolunu oynayır.
İlk dəfə bu mövzu üverturada səslənir. O, aşıq musiqisi üçün
səciyyəvi olan ritmik “ölçüyə”: 2/4 malikdir. Eyni zamanda me-
lodiyanın dəfələrlə təkrarı diqqəti cəlb edir. (bax: nümunə № 1).
Melodiyanın bu quruluşu aşıq təranələrinə də xasdır. Çox vaxt o,
solo hissələrində intermediya rolunu oynayır. Mahiyyət etibari-
lə, bu, qəhrəmanın obrazına bütövlük və fərdilik gətirir.
Operada Qəribin partiyasının orkestr akkompanementində
dəfələrlə səslənən başqa bir mövzu da var. Bu, zərbi muğamın
instrumental müqəddiməsini təşkil edən “Bakı şikəstəsi”dir. Onu
şərti olaraq Qəribin ikinci leytmotivi adlandıra bilərik.
Əsas qəhrəman obrazının bu cür aydınlaşmasına Azərbaycan
operalarında tez-tez rast gəlmək olar. Üzeyir Hacıbəylinin “Əsli
və Kərəm” operasının qəhrəmanı Kərəmin də özünəməxsus leyt-
motiv xarakteristika vardır. R.Qliyer “Şahsənəm” operasının
aşıq deyişməsi səhnəsində “Kərəmi”dən istifadə etmişdir. Bütün
opera boyu “Kərəmi” zərbi-muğamı sevgi nəğməsi kimi səslənir.
Qəhrəmanların fərdi səciyyələrinin bu və ya digər xor parça-
ları ilə ahəngdar olması operanın mühüm dramaturji xüsusiyyə-
tidir. Beləliklə, birinci pərdənin birinci şəkli Qərib obrazının
açılmasına həsr olunmuşdur. Musiqidə qəhrəmanın həyəcanlı
daxili vəziyyəti öz təcəssümünü tapmışdır. Solo nömrələri musi-
qinin lirik məzmununu dərinləşdirən xor parçaları ilə (Qəribin
dostlarının xoru) qovuşur.
Şahsənəm obrazının da mahiyyəti operada buna oxşar tərzdə
açılır. Qadın qəhrəmanın partiyasını nisbətən bitkin parçaları xor
epizodları ilə (qızların xoru) növbələşir, Şahsənəmin partiyasını
bədii cəhətdən tamamlayır. Onlardan çoxu qəhrəmaların həya-
tında emosional mühitin yaradılması imkanı verir.
Bəzən isə xor parçaları hadisələrin inkişafına təkan verir.
Şahvələdin və Qəribin elçilərinin xor və birinci pərdədəki səhnə
arxası xor (Qəribin yuxusu) buna misal ola bilər.