Penitensiar sistemdə vərəmə nəzarət üzrə Təlimat, 2013
55
İMM-nin apteki
Vərəmin müalicəsində istifadə edilən bütün VƏD və digər dərmanlarla bağlı
tələbnamələrin hazırlanması və tərtibatı, dərmanların sifarişi, qəbulu, saxlanması və
bölüşdürülməsi üçün bütün prosedurlara İMM-nin aptekinin rəisi cavabdehdir. Dərmanların
bütün hərəkətlərinin ciddi qeydiyyatı aparılır. Şöbələr tərəfindən qəbul edilmiş və istifadə
edilməmiş dərmanlar növbəti gündən gec olmadan aptek anbarına geri qaytarılır.
Dərmanların saxlanmasına nəzarət hesabına aşağıdakılar təmin edilir:
Dərmanların təmiz yerdə və düzgün şəraitdə saxlanması;
Dərmanların mövcud ehtiyatının tez yoxlanılması imkanı;
Dərmanların saxlanması və şöbələrə buraxılması jurnallarının mövcudluğu;
Şöbələrdə dərman ehtiyatı saxlanmasının olmaması;
Məsul şəxslərdən başqa kənar şəxslərin dərman anbarına girişinə məhdudiyyət;
Anbarın temperatur və rütubət rejiminin gündəlik olaraq ölçülməsi və müvafiq
qeydiyyatın aparılması.
Dərmanların sifarişi
İMM-nin hər şöbəsi növbəti gün üçün zəruri olan dərmanların əvvəlcədən sifarişini edir.
Sifariş tərtib edilərkən aşağıdakılar nəzərə alınır:
Sifariş günü söbədə olan xəstələrin sayı;
Təyinatlara müvafiq olaraq hər xəstənin müalicə rejimi;
Istifadə edilməmiş dərmanların qalığı.
Hər gün dərmanlar paylandıqdan sonra tibb bacısı növbəti gün üçün sifariş tərtib edir və
istifadə edilməmiş dərmanları aptekə geri qaytarır. Həmin gün aptek hər şöbə üçün
sifarişləri icra edir və dərmanları müvafiq çantalara qablaşdırır. Növbəti gün səhər vaxtı tibb
bacısı aptek tərəfindən hazırlanmış çantaları təfil götürür və öz şöbəsində xəstələrə
dərmanarı paylaşdırır.
Istifadə olunan dərmanların əsaslandırılması
Hər ayın sonunda aptek rəisinin rəhbərliyi altında onun köməkçisi anbarda olan mövcud
qalığı hesablayır və inventarizasiyasını edir. Dərmanların istifadəsi hesabat formalarında /
aylıq hesabatlarda olan rəqəmlərlə müqayisə edilir və təkrar yoxlanılır.
PS-də VƏD-lərin arzuolunmaz dövriyyəsinə nəzarət
Vərəmli xəstələrin müalicəsi yalnız İMM-də həyata keçirilir. İT-lərin və CM-lərin tibb
heyəti tərəfindən hər-hansı VƏD-in təyin edilməsi yolverilməzdir. Onlar müəssisəyə VƏD-
lərin keçirilməsinin və istifadə edilməsinin yol verilməməsinə cavabdehlik daşıyırlar.
Aptek və dərmanların bölüşdürülməsinə nəzarətin aparılması üçün superviziyalar
Şöbənin baş tibb bacısı hər xəstəninn müalicə kartında qeyd edilən həkim təyinatlarını
dərman sifarişləri ilə müqayisə edir. VƏD-lərin qeydiyyatına / uçotuna və sifarişin
hazırlanmasına cəlb olunmuş heyət peşə hazırlığını artırmaq üçün müntəzəm olaraq
təlimləndirilir.
Penitensiar sistemdə vərəmə nəzarət üzrə Təlimat, 2013
56
Fəsil 10: Heyətin təlimləndirilməsi
ƏN TBİ-nin fəaliyyətinin prioritet istiqamətlərindən biri heyətin peşə biliklərinin və
hazırlıqlarının inkişaf etdirilməsi və möhkəmləndirilməsidir. Bu məqsədlə 2012-ci ildə
İMM-nin nəzdində Vərəm üzrə Təlim mərkəzi yaradılmışdır. Təlimlərin mövzularından,
habelə tibbi və inzibati heyətin hazırlanmasından və təkmilləşdirilməsindən asılı olaraq
kursların gedişatında İMM-nin müxtəlif müalicə şöbələri, laboratoriyası və digər bölmələri
istifadə olunur. 2012-ci ildəki ÜST Qiymətləndirmə missiyası zamanı bu Təlim mərkəzinin
ÜST-ün Əməkdaşlıq Mərkəzi kimi təkməlləşdirilməsi tövsiyəsi verilmişdir.
Təlimlərin planlaşdırılması
Təlimlərin planlaşması zamanı bir sıra məsələlər həll edilməlidir:
Təlimi necə təşkil etmək;
Təlim keçənlər kim olmalıdır (iş funksiyaları və xüsusiyyətlərinə görə hər dinləyici
qrupu üçün);
Təlimdən neçə iştirakçı keçməlidir;
Təlimin gedişində hansı üsullar və materiallar istifadə edilməlidir;
Təlim harada və kim tərəfindən keçiriləcəkdir;
Təlimlərin qrafiki necə tərtib edilməlidir;
Təlimlərin effektivliyinin yoxlanılması və əldə edilmiş biliklərin keyfiyyətinin
qiymətləndirilməsi necə aparılacaqdır.
Tibb işçilərinin peşə vərdişlərinin əldə edilməsi və lazımi səviyyədə saxlanılması üçün
müxtəlif və müntəzəm tədris tədbirləri keçirilməlidir:
Yeni işə başlayanlar üçün və biliklərin təzələnməsi üçün kurslar;
Xüsusi mövzularda seminarlar;
Vərəm üzrə milli və beynəlxalq konfranslarda iştirak;
Müasir tibbi ədəbiyyata çıxış.
ƏN TBİ-nin əlaqələndirici qurumunun aparıcı mütəxəssisi təlimlərin illik planının
hazırlanması üçün məsuldur, təlim materiallarının işlənməsini və adaptasiyasını təmin edir,
digər proqramlarla və profil təşkilatları ilə fəaliyyəıtləri əlaqələndirir, habelə təlimlərin
bütövlükdə qiymətləndirilməsini aparır. Bütün təlimlər icra edilən işlə bilavasitə bağlı
olmalı və dinləyicilərin fəliyyət dairəsini əks etdirməlidir. Təlimlərin hazırlığı
proyektorların, yazı taxtasının, dəftərxana və digər ləvazimatları daxil olmaqla bütün zəruri
materialların hazırlanmasını ehtiva edir.
Təlimlərin keyfiyyətinin qiymətləndirilməsi
Təlimlərin qiymətləndirilməsi əvvəlcədən planlaşdırılır və onun keçirilməsinin
keyfiyyətinin və dinləyicilərin hazırlıq səviyyəsinin yüksəldilməsi məqsədini daşıyır.
Dinləyicilərin təlimdən əvvəl və sonra bilikərin yoxlanılması başlıca şərtdir. Bununla
yanaşı, tədrisin keyfiyyətini yüksəltmək və dinləyicilərə tədris materiallarını çatdırmaq
üsullarını təkmilləşdirmək üçün dinləyicilərin müəllimlər barədə ayrı-ayrılıqda fikirlərini
öyrənmək lazımdır.
Təlim mərkəzinin SƏP-i üçün bax: Əlavə 17.
Dostları ilə paylaş: |