Penitensiar sistemdə vərəmə nəzarət üzrə Təlimat, 2013
122
İMM-nin bölmələrində məlumatlandırma sessiyaları
Bu sessiyalar hər şöbənin həkim və orta tibb personalı tərəfindən aparılır.
Qrup halında sessiyalar həkimlər tərəfindən ən azı ayda 3 dəfə aparılır (10 gündə 1
dəfə).
Tibb bacısı bölməyə gətirilmiş xəstələrin siyahısını hazırlayır;
Təyin edilmiş vaxtda onları məlumatlandırma sessiyasına dəvət edir;
Bölməyə uyğun məlumatlandırma sessiyasını keçirir.
Feldşer və tibb bacıları hər xəstə ilə ayda 1 dəfə fərdi dərslər aparırlar.
Tibb işçilərinin aşağıdakılar haqqında biliyi və bacarığı olmalıdır:
Məhbusları, PS işçilərini və ziyarətçiləri SM ilə təmin etmək.
Məhbuslar, PS işçilərində və ziyarətçilərdə vərəm simptomlarını müəyyən etmək.
Daxilolma skrininqi zamanı vərəm ehtimal olunan şəxsləri aşkarlamaq və onların
tibbi məsləhət məqsədi ilə həkimə müraciət etmələri üçün ruhlandırmaq.
SM, daxilolma skrininqi ilə əlaqədar lazımi sənədlərin hazırlanması və
məhbusların CM-lərdən gətirildikdən sonra qeydiyyatdan keçirilməsini təmin
etmək.
Özlərini peşə ilə bağlı risklərdən qorumaq.
Tibbi tullantıların təhlükəsiz şəkildə məhv edilmə qaydalarını bilmək.
İnzibati təhlükəsizlik qaydalarına əməl etmək.
Maarifləndirici vasitələr:
Uğurlu maarifləndirmə vasitələri diqqəti cəlb edən, məlumatlandırıcı, düzgün və
dəqiq olmalıdır. Bu səbəbdən, təsirini saxlamaq üçün ismarıclar təkrar olunmalı və
müxtəlif yollarla möhkəmləndirilməlidir.
Əldə olan bəzi vasitələr:
Qrup şəklində və fərdi məlumatlandırma;
Posterlər, broşürlər;
Afişalar (bildirişlər);
Hekayələr;
Vərəm haqqında maarifləndirici filmlər;
Video, audio materiallar;
Reklam vasitələri (vərəmə dair ismarıclarin əks olunduğu dəftər, qələm və s.).
Bütün materiallarla bütün şöbə və bölmələr xəstə və məhbusların istənilən vaxt
istifadəsi üçün təmin edilmişdir.
Monitorinq və qiymətləndirmə
Vərəmin profilkatikası sahəsində maarifləndirmə işlərinin aparılmasının təşkili,
tətbiqi, yaxşılaşdırılması üçün görüləcək işlərə xüsusi komitə tərəfindən nəzarət
ediləcək.
Penitensiar sistemdə vərəmə nəzarət üzrə Təlimat, 2013
123
Əlavə 15: Müalicəni bitirmədən azadlığa buraxılan vərəmli xəstələrə dəstək layihəsinin iş
prinsipləri
Müalicəni bitirmədən
azadlığa buraxılan vərəmli xəstələrin kurasiyası üzrə müqavilə
Azərbaycan Respublikası Səhiyyə Nazirliyinin
Elmi-Tədqiqat Ağ Ciyər Xəstəlikləri İnstitutu
və
Qlobal Fondun 9-cu Raund Vərəm Layihəsinin sub-resipiyenti
“Sağlamlığa Xidmət” İctimai Birliyi
arasında
müalicəsi başa çatmadan Ədliyyə Nazirliyinin İxtisaslaşdırılmış müalicə
müəssisəsindən azadlığa buraxılmış vərəmli xəstələrin Səhiyyə Nazirliyinin tabe vərəm
əleyhi tibb müəssisələrində müalicələrinin sonadək izlənilməsi üzrə
ƏMƏKDAŞLIQ MÜQAVİLƏSİ
“TƏSDİQ EDİRƏM”
“TƏSDİQ EDİRƏM”
Azərbaycan Respublikası
Səhiyyə Nazirliyinin Milli Vərəmə
Nəzarət Proqramı adından
Viktor Qasımov
Səhiyyə Nazirliyinin Milli Vərəmə
Nəzarət Proqramının rəhbəri
Azərbaycan Respublikası
Ədliyyə Nazirliyinin
Tibb baş idarəsi adından
Rəfail Mehdiyev
Ədliyyə Nazirliyinin Tibb baş
idarəsinin rəisi
Penitensiar sistemdə vərəmə nəzarət üzrə Təlimat, 2013
124
I. Giriş
Müqavilənin məqsədi və əhatə dairəsi
Azərbaycan Respublikasının Ədliyyə Nazirliyi penitensiar sistemdə Ümumdünya
Səhiyyə Təşkilatı (ÜST) tərəfindən dəstəklənən DOTS strategiyasına (Birbaşa Müşahidə
Olunan Terapiya) əsaslanan Vərəmə nəzarət proqramı həyata keçirir. Bu istiqamətdə nəzərə
çarpan nailiyyətlərin əldə olunmasına baxmayaraq, bəzi problemlər hələ də movcuddur.
Həmin çətinliklərdən bəziləri azadlığa buraxıldıqdan sonra xəstələrin vərəm
dispanserlərində qeydiyyata alınması, adekvat müalicə ilə təmin olunması, müalicə və
müayinə proseduralarının ölkədə qəbul olunmuş kliniki prokollara uyğun aparılması,
penitensiar və mülki sektor arasında vərəmli xəstələrin izlənilməsinə dair informasiya
mübadiləsin zəif olması ilə əlaqədardır.
Vərəmli xəstələrin müalicəsinin, xüsusən də ikinci sıra vərəm əleyhinə dərmanlarla
müalicəyə cəlb olunmuş xəstələrin uzun müddətli olmasını və azadlığa buraxılan keçmiş
məhkum/vərəm xəstələrin əsasən natamam təhsilli olduğu, bir sıra hallarda aqressiv
davranışlı, bir çoxunun narkotik vasitə və spirtli içki aludəçisi olduğu, tələb olunan qayda və
qanunlara riayət etmək baxımından olduqca çətin əhali qrupu olduğunu nəzərə alaraq
azadlığa buraxılmış vərəmli məhkumlar arasında müalicədən yayınma hallarının minumuma
endirilməsi məqsədilə onlara dəstək göstərilməlidir. Müalicəni yarımçıq dayandırmış xəstə
qısa müddət ərzində xəstəliyin daha kəskin formasına düçar ola bilər və onunla əlaqədə
olanları vərəmə yoluxma riskinə məruz qoya bilər. Daha təhlükəlisi odur ki, müalicənin
sonadək çatdırılmaması Dərmana Davamlı (DD), o cümlədən, Geniş sayda Dərmanlara
Davamlı (GDD) vərəmin yaranmasına gətirib çıxarır.
Bu müqavilənin başlıca məqsədi müalicələrini tamamlamadan azadlığa buraxılmış
bütün vərəmli xəstələrin: dərmana həssas vərəm (DH-vərəm) və DD-vərəmli xəstələrin
mülki vərəm əleyhi tibb müəssisələrində və ya Milli Vərəmə Nəzarət Proqramının (MVNP)
DOT məntəqələrində müalicələrini davam etdirmələrini təmin etməkdir. Xəstələr azadlığa
buraxıldıqdan sonra onların müalicələrini davam etdirməkdə məqsəd vərəmdən əziyyət
çəkən bütün xəstələrə eyni münasibət göstərməklə mülki əhali arasında vərəm ştammlarının
ötürülməsini, DH-vərəm və DD-vərəmlə xəstələnmə və ölüm hallarını azaltmaq,
rezistentliyin artmasının və GDD-Vərəm ştammlarının yaranmasının qarşısını almaq üçün
penitensiar sektorda müalicəyə qoşulmuş bütün vərəm xəstələrin sonadək müalicəsini təmin
etməkdir.
Bu Müqavilə xüsusi yüksək riskli əhali qrupunun, o cümlədən, azadlığa buraxılmış
DD-Vərəmli şəxslərin spesifik sosial və iqtisadi problemlərinin mövcudluğu nəzərə alınaraq
hazırlanmışdır və məqsədi Ədliyyə Nazirliyinin (ƏN) və Səhiyyə Nazirliyinin (SN) dəstəyi
ilə Qlobal Fondun 9-cu Raund Vərəm Layihəsinin sub-resipiyenti “Sağlamlığa Xidmət”
İctimai Birliyi qeyri-hökumət təşkilatı tərəfindən müalicəsi başa çatmadan azadlığa
buraxılan vərəmli xəstələrin mülki vərəm əleyhinə müəssisələrdə müalicələrini davam
etdirmələrinin təşkili, nəzarət və dəstəyi layihəsinin həyata keçirilməsindəki maneələri və
çətinlikləri aradan qaldırmaqdan ibarətdir.
II. Cari müqaviləyə aid tərəflər
Bu Müqavilə məsələyə aidiyyəti olan aşağıda qeyd edilən tərəflər arasında bağlanır:
Azadlığa buraxıldıqdan sonra müalicə davam etdirilən mülki vərəm əleyhi tibb
müəssisələrinin bu fəaliyyətini təşkil və nəzarət edən Səhiyyə Nazirliyinin məsul
qurumu qismində Direktor cənab Elcan Məmmədbəyovun təmsil etdiyi Elmi-
Tədqiqat Ağ Ciyər Xəstəlikləri İnstitutu (SN ETACXİ)
Azadlığa buraxıldıqdan sonra xəstələrin müalicəyə sadiqliyinə və müalicənin
sonadək çatdırılmasına nail olmaq məqsədilə sosial dəstəyi təmin edən qurum
qismində Direktor cənab Elçin Muxtarlının təmsil etdiyi “Sağlamlığa Xidmət”
Dostları ilə paylaş: |