11
İnsan Hüquqlarının və Əsas Azadlıqların Müdafiəsi Haqqında Konvensiyanın 6-cı maddəsinin
(«Ədalətli məhkəmə araşdırması hüququ») 1-ci hissəsində göstərilir ki, hər kəs, onun mülki hüquq və
vəzifələri müəyyən edilərkən və ya ona qarşı hər hansı cinayət ittihamı irəli sürülərkən, qanun əsasında
yaradılmış müstəqil və qərəzsiz məhkəmə vasitəsilə, ağlabatan müddətdə işinin ədalətli və açıq
araşdırılması hüququna malikdir.
Həmin Konvensiyaya dair 22 noyabr 1984-cü il tarixli 7 saylı Protokolun 2-ci maddəsinin 1-ci
bəndində isə qeyd olunur ki, cinayət törətməyə görə məhkəmə tərəfindən məhkum edilmiş hər kəsin,
barəsində çıxarılmış hökmə və ya təyin olunmuş cəzaya yuxarı məhkəmə instansiyasında yenidən
baxılması hüququ vardır. Bu hüququn həyata keçirilməsi və onun həyata keçirilə biləcəyi əsaslar
qanunla tənzimlənir.
Azərbaycan Respublikası CPM-in 1.3-cü maddəsində qeyd olunur ki, Azərbaycan Respublikasının
cinayət-prosessual qanunvericiliyi qanunçuluğun, insan və vətəndaş hüquq və azadlıqlarına hörmətin
bərqərar olmasına imkan yaradır.
Həmin Məcəllənin 12.1-ci maddəsində isə qeyd göstərilir ki, cinayət prosesini həyata keçirən
orqanlar cinayət prosesində iştirak edən bütün şəxslərin Konstitusiya ilə təsbit edilmiş insan və vətəndaş
hüquq və azadlıqlarına riayət olunmasını təmin etməlidirlər.
Həmin Məcəllənin 397.1-ci maddəsinə əsasən, apellyasiya instansiyası məhkəməsi tərəfindən işin
faktiki hallarının müəyyən edilməsinin, habelə cinayət qanununun və bu Məcəllənin normalarının tətbiq
edilməsinin düzgünlüyünü yoxlayır.
Həmin Məcəllənin 397.2-ci maddəsinə əsasən, birinci instansiya məhkəməsi tərəfindən müəyyən
edilmiş faktiki hallar apellyasiya instansiyası məhkəməsi tərəfindən yalnız apellyasiya şikayətinin və ya
apellyasiya protestinin hüdudlarında yoxlanılır. Birinci instansiya məhkəməsi tərəfindən cinayət
qanununun və bu Məcəllənin normalarına riayət edilməsi apellyasiya instansiyası məhkəməsi tərəfindən
apellyasiya şikayətinin və ya apellyasiya protestinin dəlillərindən asılı olmayaraq yoxlanılır.
Şirvan Apellyasiya Məhkəməsinin Cinayət Kollegiyası cinayət işinin materiallarını araşdıraraq,
qismən məhkəmə istintaqı apararaq, apellyasiya şikayətlərinin və apellyasiya protestinin dəlilləri barədə
proses iştirakçılarının mövqeyini dinləyərək hesab edir ki, Məmmədov Ceyhun Məhəmməd oğlunun
Azərbaycan Respublikası CM-nin 126.2.4, 221.3-cü maddələri, Məmmədov Aqil Məhəmməd oğlunun
və Həmidov Əfqan Əli oğlunun Azərbaycan Respublikası CM-nin 221.3-cü maddəsi ilə məhkum
edilmələri barədə Lənkəran Ağır Cinayətlər Məhkəməsinin 10 fevral 2016-cı il tarixli, 1(089)-40/2016
nömrəli hökmündən məhkum edilmiş şəxs Məmmədov Aqil Məhəmməd oğlu, onun müdafiəçisi
Musazadə Elşən Möhrab oğlu, məhkum edilmiş şəxs Məmmədov Ceyhun Məhəmməd oğlunun
müdafiəçisi Əzimov Əbdülhəsən Əliş oğlu tərəfindən ayrı-ayrılıqda verilmiş apellyasiya şikayətləri
təmin edilməməli, dövlət ittihamçısı Məmmədov Anar Ələsgər oğlu tərəfindən verilmiş apellyasiya
protesti isə qismən təmin edilməli və hökm həmin apellyasiya protestinə əsasən dəyişdirilməlidir.
Belə ki, birinci instansiya məhkəməsinin hökmündən görünür ki, məhkum edilmiş şəxslər
Məmmədov Ceyhun Məhəmməd oğlu, Məmmədov Aqil Məhəmməd oğlu və Həmidov Əfqan Əli
oğlunun törətdikləri, qərarın təsviri-əsaslandırıcı hissəsinin «İşin halları» bölməsində göstərilən cinayət
əməlləri özlərinin ifadələri ilə yanaşı, zərərçəkmiş şəxs Qurbanov Vüsal Hikmət oğlu, şahidlər
Həmidov Cavid Əli oğlu, Həmidova Ruhiyyə Süleyman qızı, Həmidova Mıxsə Soltan qızı, Həmidli
Tünzalə Əfqan qızı, Məmmədova Sədaqət Soltan qızı, Məmmədov Alim Oruc oğlu, Məmmədova
Samirə Qismət qızı, Kərimova Züleyxa Asim qızı, Mövlayev Kamran Rəşid oğlu və Məmmədov
Müzadil Ağamməd oğlunun ifadələri, məhkəmədə tədqiq edilmiş şahid Əzimzadə Hacı İldırım oğlunun
ibtidai istintaq zamanı vermiş olduğu ifadəsi, hadisə yerinə baxış keçirilməsi haqqında protokol, ibtidai
istintaq orqanının qərar və ptotokolları, üzləşdirmədə dindirmə protokolları, məhkəmə-tibbi
ekspertizasının rəyləri, məhkəmə-bioloji ekspertizasının rəyi, məhkəmə-trassoloji ekspertizasının rəyi,
kompleks məhkəmə-psixiatrik və psixoloji ekspertizasının rəyi, məhkəmə-psixiatrik ekspertizasının
rəyi, məhkəmə-narkoloji ekspertizasının rəyi, protokollar, fotoşəkillər və işdə olan digər sənədlərlə tam
sübuta yetirilmiş, Məmmədov Ceyhun Məhəmməd oğlunun əməlləri birinci instansiya məhkəməsi
tərəfindən Azərbaycan Respublikası CM-nin 126.2.4, 221.3-cü maddələri, Məmmədov Aqil
Məhəmməd oğlu və Həmidov Əfqan Əli oğlunun əməlləri isə CM-nin 221.3-cü maddəsi ilə ilə tövsif
edilmişdir.
12
İş materiallarında olan, şahid Əzimzadə Hacı İldırım oğlunun ibtidai istintaq zamanı vermiş
olduğu ifadəsindən görünür ki, o həmin ifadəsində göstərmişdir ki, 02.06.2015-ci ildə təxminən saat
19 radələrində taksi fəaliyyəti ilə məşğul olduğu “VAZ-2106” markalı 99-GZ-658 dövlət nömrə
nişanlı avtomaşınıyla Kürdəmir şəhərindən Yenikənd kəndinə sifariş üçün getmiş, sifariş verən şəxslə
Yenikənd kəndinə dönən yolda körpünün üstündə rastlaşıb avtomaşını saxlayarkən, bu zaman bir
nəfər şəxs tələsik, həyəcanlı vəziyyətdə avtomaşının qabaq sağ tərəfindən qapını sol əli ilə açıb
əyləşmiş, həmin şəxsin Şıxımlı kənd sakini Ceyhun olduğunu bilmiş, Ceyhunun onu tez Şıxımlı
kəndinə aparmasını xahiş etsə də, Ceyhuna müştərisi olduğu üçün tələsdiyini deyib onu aparmamış,
həmin vaxt Ceyhunun əlində «rezak»a oxşar dəstəyi yaşıl rəngli kəsici alət görmüşdür.
İş materiallarında olan, hadisə yerinə baxış keçirilməsi haqqında protokoldan görünür ki,
hadisə yerinə baxış keçirilərkən müəyyən edilmişdir ki, cinayət hadisəsinin baş verdiyi yer Kürdəmir
rayonunun Xırdapay kəndində yerləşən «Köhnə Bazar» şadlıq evidir. Şadlıq evi İmişli-Kürdəmir-
Ağsu yolunun Xırdapay kəndindən keçən hissəsində Ağsu istiqamətində sol tərəfdə yerləşir. Şadlıq
evi birmərtəbəlidir, içərisində üç cərgə ilə düzülmüş masalar və ətrafında stullar vardır. Baxışda
iştirak edən şadlıq evinin sahibi Aqil Seyfullayev bildirmişdir ki, 02.06.2015-ci ildə baş vermiş
cinayət hadisəsi şadlıq evinin giriş qapısının sol tərəfində olan birinci masanın arxasında oturmuş Aqil
və Ceyhun Məmmədov qardaşları ilə həmin masaya yaxınlaşan həmkəndlisi Əfqan Həmidov arasında
yaranmış mübahisə ilə əlaqədar olmuş, əvvəlcə sözlə mübahisə edən tərəflər sonra masanın üstündə
olan araq şüşələrini bir-birinə qarşı istifadə edərək dalaşmışlar. Baxış zamanı iş üçün əhəmiyyət kəsb
edən hər hansı predmet və ya əşya aşkar edilməmişdir.
İş materiallarında olan, ibtidai istintaq orqanının qərar və ptotokolundan görünür ki, istifadə
edilmiş və sınmış iki ədəd, üzərində «Delovaya rus» sözləri yazılmış araq şüşələri sınıqları və
təqsirləndirilən şəxslər Əfqan Həmidova məxsus şalvar və Aqil Məmmədova məxsus köynək iş üzrə
maddi sübut kimi tanınmaqla saxlanması üçün Kürdəmir rayon prokurorluğunun maddi sübutların
saxlanc otağına təhvil verimişdir.
İş materiallarında olan, üzləşdirmədə dindirmə protokolundan görünür ki, ibtidai istintaq
zamanı Həmidov Əfqan Əli oğlu, Məmmədov Aqil Məhəmməd oğlu və Məmmədov Ceyhun
Məhəmməd oğlu ilə ifadələrində olan ziddiyətlərlə bağlı üzləşdirilmiş, üzləşmə zamanı tərəflər
ifadələrində göstərilənləri bir daha təsdiq edərək eyni xüsusatları bir-birlərinin üzünə qarşı
bildirmişlər.
İş materiallarında olan, üzləşdirmədə dindirmə protokolundan görünür ki, ibtidai istintaq
zamanı Ruhiyyə Həmidova və Mıxsə Həmidova Aqil Məmmədov və Ceyhun Məmmədovla üzləşmə
zamanı ifadələrində göstərdiklərini bir daha onların üzünə qarşı deməklə ifadələrini təsdiq etmişlər.
İş materiallarında olan, üzləşdirmədə dindirmə protokolundan görünür ki, ibtidai istintaq
zamanı Əzimzadə Hacı İldırım oğlu təqsirləndirilən şəxs Məmmədov Ceyhun Məhəmməd oğlu ilə
üzləşmə zamanı ifadəsində göstərdiklərini bir daha onun üzünə qarşı deməklə ifadəsini təsdiq
etmişdir.
İş materiallarında olan, üzləşdirmədə dindirmə protokolundan görünür ki, Həmidov Cavid Əli
oğlu təqsirləndirilən şəxslər Məmmədov Aqil Məhəmməd oğlu və Məmmədov Ceyhun Məhəmməd
oğlu ilə üzləşmə zamanı ifadəsində göstərdiklərini olduğu kimi həmin şəxslərin üzünə qarşı deməklə
ifadəsini bir daha təsdiq etmişdir.
İş materiallarında olan, məhkəmə-tibbi ekspertizasının rəyində göstərilmişdir ki, Aqil
Məmmədovun bədənində döş qəfəsinin ön səthində döş sümüyünün üst səviyyəsində, döş qəfəsinə
nüfuz etməyən kiçik ölçülü cərrahi tikişə ehtiyacı olmayan yara və yaraya uyğun çapıq toxuması,
üzündə almacıq sümüyünün üstü səviyyəsində sıyrıq, sağ dirsək oynağında sıyrıq yeri müəyyən
edilmişdir. Həmin xəsarətlərdən--döş qəfəsinin ön səthində yara və yaraya uyğun çapıq toxuması iti
uclu və kənarı kəsici əşyanın təsirindən əmələ gəlmişdir, zərərçəkmişin dediyi kimi sınmış şüşə
parçası ilə yetirilməyə xarakterikdir, 1 litrlik dolu plastik su qabı ilə yetirilməsi mümkün deyil. Belə
ki, dolu plastik su qabı hamar səthlidir, müəyyən edilmiş yara isə uc hissəsi batıcı, kənarları kəsici
xüsusiyyətə malik əşya ilə yetirməyə xarakterikdir. Yaranın ətrafında hər hansı bir qançır və ya sıyrıq
müəyyən edilməmişdir. Almacıq sümüyünün üstü nahiyəsində sıyrıq hamar səthli küt əşya ilə vurma
nəticəsində, sağ dirsək oynağında olan sıyrıq yerləri isə küt əşyanın təsirindən əmələ gəlmişdir, dava