3
növündə qətimkan tədbiri həbs qətimkan tədbiri ilə əvəz edilməsi, onun məhkəmə iclas zalından dərhal
həbsə alınması, cəza çəkmə müddətinin əvvəlinin 10 fevral 2015-ci il tarixdən hesablanması, cəzasını
ciddi rejimli cəzaçəkmə müəsisəsində çəkməsi, barəsində seçilmiş həbs qətimkan tədbirinin hökm
qanuni qüvvəsini alana kimi dəyişdirlmədən saxlanılması və
26 dekabr 1977-cü ildə Kürdəmir rayonunun Şıxımlı kəndində anadan
olmuş, Azərbaycan Respublikasının vətəndaşı, orta təhsilli, Azərbaycan
Respublikası FHN-nin DYMN-nin YH-nin böyük yanğınsöndürəni
vəzifəsində işləyən, hazırda sərəncamda olan, əvvəllər məhkum olunmamış,
Kürdəmir rayonunun Şıxımlı kəndində qeydiyyatda olmaqla həmin ünvanda
yaşayan, barəsində başqa yerə getməmək haqqında iltizam növündə
qətimkan tədbiri tədbiri seçilmiş
Həmidov Əfqan Əli oğlu Azərbaycan Respublikası CM-nin 221.3-cü maddəsi ilə nəzərdə
tutulan cinayət əməlini törətməkdə təqsirli bilinərək 3 (üç) il 6 (altı) ay müddətə azadlıqdan məhrum
etmə cəzasına məhkum edilmiş, barəsində Azərbaycan Respublikası CM-nin 70-ci maddəsi tətbiq
edilməklə ona təyin olunmuş 3 il 6 ay müddətə azadlıqdan məhrum etmə cəzası 2 (iki) il sınaq müddəti
müəyyən edilməklə şərti olaraq tətbiq edilmiş, üzərinə yaşayış yerini dəyişdikdə onun davranışına
nəzarəti həyata keçirən orqanlara məlumat vermək vəzifəsi qoyulması, davranışı üzərində nəzarətin
həyata keçirilməsinin Kürdəmir Rayon İcra Şöbəsinə tapşırılması, hökm qanuni qüvvəyə minənədək
barəsində seçilmiş başqa yerə getməmək haqqında iltizam növündə qətimkan tədbirinin dəyişdirilmədən
saxlanılması, iş üzrə mülki iddianın tam təmin edilməsi, Məmmədov Ceyhun Məhəmməd oğlundan
3.017 (üç min on yeddi) manat alınıb Həmidov Əfqan Əli oğlunun xeyrinə verilməsi, iş üzrə maddi
sübut olan və Kürdəmir Rayon Prokurorluğunda saxlanılan iki ədəd araq şüşələrinin sınıqları, bir ədəd
şalvar və bir ədəd köynəyin məhv edilməsi, iş üzrə cinayətin aləti olan bir ədəd rezak kəsici alətinin
tapılıb işə əlavə edilməsinin mümkün olmamasının nəzərə alınması, iş üzrə məhkəmə xərci olan 73
manatın təqsirləndirilən şəxs Ceyhun Məmmədovdan tutulub dövlət büdcəsinə keçirilməsi hökm
edilmişdir.
Lənkəran Ağır Cinayətlər Məhkəməsinin 18 fevral 2016-cı il tarixli, 1(089)-40/2016 nömrəli
hökmündən məhkum edilmiş şəxs Məmmədov Aqil Məhəmməd oğlu, onun müdafiəçisi Musazadə
Elşən Möhrab oğlu, məhkum edilmiş şəxs Məmmədov Ceyhun Məhəmməd oğlunun müdafiəçisi
Əzimov Əbdülhəsən Əliş oğlu tərəfindən ayrı-ayrılıqda apellyasiya şikayəti və dövlət ittihamçısı
Məmmədov Anar Ələsgər oğlu tərəfindən apellyasiya protesti vermişdir.
Apellyasiya şikayətlərinin və apellyasiya protestinin dəlilləri:
Məhkum edilmiş şəxs Məmmədov Aqil Məhəmməd oğlunun müdafiəçisi Musazadə Elşən
Möhrab oğlu apellyasiya şikayətini onunla əsaslandırmışdır ki, istintaq və məhkəmə dövründə hadisənin
bir başa səbəbkarları aşkar edliməməmişdir. Belə ki, məhkəmə iclasında şahidlərin ifadələrinə hüquqi
qiymət verilməmişdir. Hesab edir ki, Lənkəran Ağır Cinayətlər Məhkəməsinin 18 fevral 2016-cı il
tarixli, 1(089)-40/2016 nömrəli hökmü tam qanunsuz, əsassız və ədalətsizdir. Məhkəmə iclasında
dindirilən digər təqsirləndirilən şəxslər də eyni məzmunlu ifadələr verərək istintaqda verilən ifadələri
təsdiq etmədiklərini, həmin ifadələrin onlara edilən təzyiq və təsirlərlə əlaqələndirdiklərini bildirdilər.
Lənkəran Ağır Cinayətlər Məhkəməsinin hökmü çıxarılarkən qanunvericiliyin normalarına əməl
edilməmişdir. Məhkəmə istintaqında təqsirləndirilən şəxs, zərərçəkmiş şəxs və şahidlərin ifadələri ilə bir
daha təsdiq olunmuşdur ki, təqsirləndirilən şəxs Məmmədov Aqil Məhəmməd oğlu Azərbaycan
Respublikası Cinayət Məcəlləsinin 221.3-cü maddəsində nəzərdə tutulan cinayət əməlini törətməmişdir.
Lənkəran Ağır Cinayətlər Məhkəməsinin 18 fevral 2016-cı il tarixli, 1(089)-40/2016 nömrəli hökmü
çıxarılarkən «Məhkəmə hökmü haqqında» Azərbaycan Respublikası Ali Məhkəməsi Plenumunun 27
dekabr 1996-cı il tarixli Qərarında göstərilənlər qətiyyən nəzərə alınmamış, Azərbaycan Respublikası
CPM-nin 143-146-cı maddələrinin tələblərinə müvafiq olaraq sübutları tədqiq edilməmişdir.
Göstərilənlərə əsasən, Lənkəran Ağır Cinayətlər Məhkəməsinin 10 fevral 2016-cı il tarixli,
4
1(089)-40/2016 nömrəli hökmünün qanunsuz, əsassız və ədalətsiz olduğundan ləğv edilməsi və
Məmmədov Aqil Məhəmməd oğlunun barəsində bəraət hökmünün çıxarılmasını apellyasiya
instansiyası məhkəməsində xahiş etmişdir.
Məhkum edilmiş şəxs Məmmədov Aqil Məhəmməd oğlu apellyasiya şikayətini onunla
əsaslandırmışdır ki, 02.06.2015-ci il tarixdə həmkəndliləri onları toya dəvət etmiş və bu toyda onlar
həmkəndliləri Həmidovlar ailəsi tərəfindən hücuma məruz qalmışlar. Belə ki, Əfqan Həmidov ona araq
şüşəsi ilə xəsarət yetirmiş, qardaşı Cavid isə stəkan və stul ilə xəsarət yetirmişdir. Kürdəmir rayon
prokurorluğunda Cavid məsuliyyətdən kənarda qalmış Əfqanın əməli isə CM-nin 221.3-cü maddəsi ilə
tövsif olunmuşdur. Lənkəran Ağır Cinayətlər Məhkəməsində CM-nin 126.2.4-cü maddəsilə
təqsirləndirilən Ceyhun Məmmədov 9 il, CM-nin 221.3-cü maddəsi ilə təqsirləndirlən özü 4 il 6 ay
müddətə azadlıqdan məhrum edilmişlər. CM-nin 221.3-cü maddəsi ilə təqsirləndirilən Əfqan Həmidov
isə məsuliyyətdən kənarda qalmışdır. Göstərilənlərə əsasən, özünün və qardaşı Məmmədov Ceyhun
Məhəmməd oğlunun barəsində ədalətli qərar qəbul edilməsini apellyasiya instansiyası məhkəməsindən
xahiş etmişdir.
Məhkum edilmiş şəxs Məmmədov Ceyhun Məhəmməd oğlunun müdafiəçisi Əzimov Əbdülhəsən
Əliş oğlu apellyasiya şikayətini onunla əsaslandırmışdır ki, məhkəmə istintaqında Ceyhun
Məmmədovun Azərbaycan Respublikası CM-nin 126.2.4 və 221.3-cü maddələrində göstərilmiş cinayət
əməllərini törətməsi öz təsdiqini tapmamışdır. Buna görə də onun barəsində bəraət hökmü çıxarılmalıdır.
Məmmədov Ceyhun Məhəmməd oğlunun Azərbaycan Respublikası CM-nin 126.2.4 və 221.3-cü
maddələrində nəzərdə tutulan cinayət əməllərini törətməkdə təqsirli olmasını təsdiq edən kifayət qədər
mötəbər sübutlar məhkmə istintaqı zamanı müəyyən edilməmişdir. Göstərilənlərə əsasən, Lənkəran Ağır
Cinayətlər Məhkəməsinin 10 fevral 2016-cı il tarixli 1(089)-40/2016 nömrəli hökmünü Məmmədov
Ceyhun Məhəmməd oğluna münasibətdə ləğv edib, onun barəsində bəraət hökmünün çıxarılmasını
apellyasiya instansiyası məhkəməsində xahiş etmişdir.
Dövlət ittihamçısı Məmmədov Anar Ələsgər oğlu apellyasiya protestini onunla əsaslandırmışdır
ki, hesab edir ki, Lənkəran Ağır Cinayətlər Məhkəməsinin 10 fevral 2016-cı il tarixli hökmü cinayət
qanununun normaları düzgün tətbiq edilməklə Məmmədov Ceyhun Məhəmməd oğlu və Həmidov
Əfqan Əli oğluna aid hissədə dəyişdirilməli, Ə.Həmidovun barəsində CM-nin 70-ci maddəsinin tətbiq
olunmasına dair müddəalar hökmdən xaric edilməlidir. Qeyd olunmalıdır ki, Əfqan Həmidovun əməli
toplanmış sübutlarla tam sübuta yetirilməsinə baxmayaraq Ə.Həmidov ibtidai istintaq və məhkəmə
baxışı zamanı ona elan olunmuş ittiham üzrə özünü təqsirli bilməmişdir. Məhkəmə tərəfindən cinayətini
etiraf etməyərək əməlindən peşman olmayan Əfqan Həmidova təyin edilmiş azadlıqdan məhrum etmə
cəzasının şərti tətbiq edilməsi anlaşılan deyildir. İşin hallarından isə görünür ki, məhkəmə CM-nin
221.3-cü maddəsində nəzərdə tutulan cinayət əməlini törətmiş Əfqan Həmidova təyin edilmiş 3 il 6 ay
müddətə azadlıqdan məhrum etmə cəzasını CM-nin 70-ci maddəsini tətbiq etməklə əsasssız olaraq şərti
hesab etmiş, hökmdə Əfqan Həmidova cəza təyin edərkən cinayətin xarakterini və ictimai təhlükəlilik
dərəcəsini nəzərə aldığını göstərsə də, faktiki olaraq buna əməl etməmiş, nəzərə almamışdır ki,
Ə.Həmidov ictimai qaydanı kobud surətdə pozan, cəmiyyətə açıqca hörmətsizlik ifadə edən, vətəndaşlar
üzərində zor tətbiq olunması ilə, habelə özgənin əmlakının məhv edilməsi və zədələnməsi ilə müşayiət
edilən qərəzli hərəkətlər edərək masanın üstündən götürdüyü 700 qramlıq araq şüşəsini masanın üstünə
vurub sındırmaqla, şüşənin əlindəki hissəsini silah qismində istifadə edib Aqil Məmmədova tərəf
qəsdən ataraq, sonuncunun döş qəfəsinin ön səthində çapıq toxumasından ibarət dərəcəsi təyin
edilməyən xəsarətlər yetirməklə, toy məclisinin normal gedişinin pozulmasına səbəb olan xüsusilə
qərəzli xuliqanlıq hərəkətləri etmişdir. Bu hallar Ə.Həmidov tərəfindən törədilən cinayətin xarakterinin
və ictimai təhlükəlilik dərəcəsinin yüksək, nəticələrinin ağır olmasına dəlalət edərək ona təyin edilmiş
azadlıqdan məhrum etmə cəzasının şərti hesab edilməsini deyil, məhz çəkilməsini şərtləndirməsinə,
şəxsiyyəti nəzərə alınaraq Əfqan Həmidovun həmin cəzanı çəkmədən islah olunmasının mümkün
olmamasına baxmayaraq, məhkəmə bunun əksinə olaraq ona təyin edilmiş 3 il 6 ay müddətə azadlıqdan
məhrum etmə cəzasını şərti hesab etməyi məqsədəuyğun hesab etmişdir. Təqsirləndirilən şəxs Əfqan
Həmidov tərəfindən törədilən, Azərbaycan Respublikası CM-nin 221.3-cü maddəsində nəzərdə tutulan
cinayət əməli qəsdən törədilmiş cinayət olmaqla az ağır cinayətlər kateqoriyasına aiddir. Cinayətin
bilavasitə obyekti ictimai qaydadır. Əlavə obyektini insan sağlamlığının, şərəf və ləyaqətinin, habelə