17
Həmin Məcəllənin 2.1-ci maddəsinə əsasən Azərbaycan Respublikasının Cinayət Məcəlləsinin
vəzifələri sülhü və bəşəriyyətin təhlükəsizliyini təmin etməkdən, insan və vətəndaş hüquq və
azadlıqlarını, mülkiyyəti, iqtisadi fəaliyyəti, ictimai qaydanı və ictimai təhlükəsizliyi, ətraf mühiti,
Azərbaycan Respublikasının konstitusiya quruluşunu cinayətkar qəsdlərdən qorumaqdan, habelə
cinayətlərin qarşısını almaqdan ibarətdir.
Həmin Məcəllənin 8.1-ci maddəsinin tələblərinə görə cinayəti törətmiş şəxs haqqında tətbiq
edilən cəza və ya cinayət-hüquqi xarakterli tədbirlər ədalətli olmalıdır, yəni cinayətin xarakterinə və
ictimai təhlükəlilik dərəcəsinə, onun törədilməsi hallarına və cinayəti törətməkdə təqsirli bilinən şəxsin
şəxsiyyətinə uyğun olmalıdır.
Həmin Məcəllənin 41.2-ci maddəsinin məzmununa görə, cəza sosial ədalətin bərpası,
məhkumun islah edilməsi və həm məhkumlar, həm də başqa şəxslər tərəfindən yeni cinayətlərin
törədilməsinin qarşısını almaq məqsədi ilə tətbiq edilir.
Həmin Məcəllənin 65.2-ci maddəsinə əsasən, residivə görə cəzanın müddəti törədilmiş cinayətə
görə bu Məcəllənin Xüsusi hissəsinin müvafiq maddəsində müəyyən edilmiş daha ciddi cəza növünün
son həddinin yarısından, təhlükəli residivə görə üçdə ikisindən, xüsusilə təhlükəli residivə görə isə
dörddə üçündən az ola bilməz.
Həmin Məcəllənin 70.1-ci maddəsinə görə, islah işləri, hərbi xidmət üzrə məhdudlaşdırma,
intizam xarakterli hərbi hissədə saxlama və ya müəyyən müddətə azadlıqdan məhrum etmə növündə
cəza təyin edən məhkəmə, məhkumun cəza çəkmədən islah olunmasını mümkün sayırsa, həmin cəzanın
şərti olaraq tətbiq edilməsi haqqında qərar çıxara bilər.
Həmin Məcəllənin 70.2-ci maddəsinə əsasən, məhkəmə şərti məhkum etmə təyin edərkən
törədilmiş cinayətin xarakterini, ictimai təhlükəlilik dərəcəsini, məhkumun şəxsiyyətini, habelə cəzanı
yüngülləşdirən və ağırlaşdıran halları nəzərə alır.
«Məhkəmələr tərəfindən cinayət cəzalarının təyin edilməsi təcrübəsi haqqında» Azərbaycan
Respublikası Ali Məhkəməsi Plenumunun 25 iyun 2003-cü il tarixli 4 saylı Qərarının 1-ci maddəsinə
görə məhkəmələrə izah edilmişdir ki, hər bir konkret halda təqsirləndirilən şəxslərə cəzaların təyin
edilməsinə fərdi yanaşılmalı,cinayət qanununun vəzifələri və cəzanın məqsədindən bəhs edən CM-in 2
və 41-ci maddələrinin müddəalarının həyata keçirilməsini sözsüz təmin etməlidirlər. Cinayət qanununun
ədalət prinsipindən bəhs edən CM-nin 8-ci maddəsinə görə cinayət törətmiş şəxs haqqında tətbiq edilən
cəza cinayətin xarakterinə və ictimai təhlükəlilik dərəcəsinə, onun törədilməsi şəraitinə, təqsirkarın
şəxsiyyətinə uyğun olmalıdır.
Həmin Qərarın 2-ci bəndində göstərilir ki, cəzaların tətbiqi məsələsi müzakirə edilərkən cəzanın
növü və miqdarının seçilməsinin mühüm əhəmiyyəti vardır. Cəza birinci növbədə təqsirləndirilən şəxsin
islah olunmasına xidmət etməlidir.
«Məhkəmə hökmü haqqında» Azərbaycan Respublikası Ali Məhkəməsi Plenumunun 27 dekabr
1996-cı il tarixli 4 №-li Qərarının 13-cü bəndində qeyd olunur ki, məhkəmələr cəza təyini zamanı
təqsirkara həm yüngüllük, həm də ağırlıq baxımından açıq-aşkar ədalətsiz cəza təyin edilməsi hallarına
yol verməməlidirlər...Məhkəmə cəza təyin edərkən törədilmiş cinayətin xarakterini və ictimai
təhlükəlilik dərəcəsini, təqsirkarın şəxsiyyətini, məsuliyyətini yüngülləşdirən və ağırlaşdıran halları
nəzərə almalıdır. Məhkəmə tərəfindən cəza tədbiri seçilərkən hökmdə cinayətin xarakteri və ictimai
təhlükəlilik dərəcəsini, habelə təqsirkarın şəxsiyyətini göstərən hansı konkret halların nəzərə alındığı
göstərilməlidir.
Avropa İnsan Hüquqları Məhkəməsi özünün bir çox qərarlarında (Delcourt Belçikaya qarşı iş üzrə
17 yanvar 1970-ci il tarixli qərar; Piersack Belçikaya qarşı iş üzrə 01 oktyabr 1982-ci il tarixli qərar; De
Cubber Belçikaya qarşı iş üzrə 26 oktyabr 1984-cü il tarixli qərar) ədalətin bərpasını belə ifadə etmişdir:
«Ədalət mühakiməsinin həyata keçirilməsi ilə bərabər, ədalətin bərqərar edildiyi də aydın
görünməlidir».
Bundan başqa «Azərbaycan Respublikasının bəzi qanunvericilik aktlarına əlavələr və dəyişikliklər
edilməsi barədə» 11 iyun 2004-cü il tarixli 688-İİQD saylı Azərbaycan Respublikası Qanununun 3-cü
hissəsinin 9-cu bəndinin və 4-cü hissəsinin 7-ci bəndinin Azərbaycan Respublikası Konstitusiyasının
130-cu maddəsinin 9-cu hissəsinə uyğunluğunun yoxlanılmasına dair» Azərbaycan Respublikası
Konstitusiya Məhkəməsi Plenumunun 25 yanvar 2005-ci il tarixli Qərarının izahına əsasən, «istənilən
18
məhkəmə aktının qanuni və əsaslı hesab edilməsi üçün mütləq şərtlərdən biri onun ədalətli olmasıdır,
çünki ədalət mühakiməsinin həyata keçirilməsi ilə bərabər, ədalətin bərqərar edildiyi də aydın
görünməlidir».
Azərbaycan Respublikası CM-nin 126.2.4-cü maddəsinin sanksiyalarında altı ildən on bir ilədək
müddətə, Azərbaycan Respublikası CM-nin 221.3-cü maddəsinin sanksiyasında isə üç ildən yeddi
ilədək müddətə azadlıqdan məhrum etmə cəzası nəzərdə tutulmuşdur. Birinci instansiya məhkəməsinin
hökmündən görünür ki, Məmmədov Ceyhun Məhəmməd oğlu Azərbaycan Respublikası CM-nin
126.2.4 və 221.3-cü maddələri ilə nəzərdə tutulmuş cinayət əməlini törətməkdə təqsirli bilinərək, CM-
nin 126.2.4-cü maddəsi ilə 8 (səkkiz) il müddətə azadlıqdan məhrum etmə cəzasına və CM-nin 221.3-cü
maddəsi ilə 5 (beş) il 6 (altı) ay müddətə azadlıqdan məhrum etmə cəzasına məhkum edilmiş,
Azərbaycan Respublikası CM-nin 66.3-cü maddəsinin tələbinə əsasən təyin edilmiş cəzaları qismən
toplamaq yolu ilə ona cinayətlərin məcmusu üzrə 9 (doqquz) il müddətə azadlıqdan məhrum etmə cəzası
təyin edilmiş, Azərbaycan Respublikası CM-nin 67.1-ci maddəsinə əsasən Ceyhun Məmmədova
Lənkəran Ağır Cinayətlər Məhkəməsinin əvvəlki hökmü üzrə təyin edilmiş 4 il 6 ay müddətə azadlıqdan
məhrum etmə cəzasının çəkilməmiş qalan 3 ay 24 gün hissəsi hazırki hökm üzrə təyin edilmiş cəzaya
qismən birləşdirilməklə ona qəti olaraq 9 (doqquz) il 2 (iki) ay müddətə azadlıqdan məhrum etmə cəzası
təyin edilmiş, cəzasını ciddi rejimli cəzaçəkmə müəsisəsində çəkməklə cəzaçəkmə müddətinin əvvəli 19
sentyabr 2015-ci il tarixdən hesablanmış, Məmmədov Aqil Məhəmməd oğlu Azərbaycan Respublikası
CM-nin 221.3-cü maddəsində nəzərdə tutulan cinayət əməlini törətməkdə təqsirli bilinərək 4 (dörd) il 6
(altı) ay müddətə azadlıqdan məhrum etmə cəzasına məhkum edilmiş, cəzasını ciddi rejimli cəzaçəkmə
müəsisəsində çəkməklə cəza çəkmə müddətinin əvvəli 10 fevral 2015-ci il tarixdən hesablanmış,
Həmidov Əfqan Əli oğlu Azərbaycan Respublikası CM-nin 221.3-cü maddəsi ilə nəzərdə tutulan
cinayət əməlini törətməkdə təqsirli bilinərək 3 (üç) il 6 (altı) ay müddətə azadlıqdan məhrum etmə
cəzasına məhkum edilmiş, barəsində Azərbaycan Respublikası CM-nin 70-ci maddəsi tətbiq edilməklə
ona təyin olunmuş 3 il 6 ay müddətə azadlıqdan məhrum etmə cəzası 2 (iki) il sınaq müddəti müəyyən
edilməklə şərti olaraq tətbiq edilmişdir. Yəni C.M.Məmmədova birinci instansiya məhkəməsi
tərəfindən təqsirli bilindiyi Azərbaycan Respublikası CM-nin 126.2.4 və 221.3-cü maddələrinin,
A.M.Məmmədova və Ə.Ə.Həmidova isə CM-nin 221.3-cü maddəsinin sanksiyası həddində Azərbaycan
Respublikası CM-nin 41.2-ci maddəsinin tələblərinə uyğun qanuni və ədalətli cəza təyin edilmişdir.
Odur ki, məhkəmə kollegiyası məhkum edilmiş şəxs Məmmədov Aqil Məhəmməd oğlu, onun
müdafiəçisi Musazadə Elşən Möhrab oğlu, məhkum edilmiş şəxs Məmmədov Ceyhun Məhəmməd
oğlunun müdafiəçisi Əzimov Əbdülhəsən Əliş oğlu tərəfindən ayrı-ayrılıqda verilmiş apellyasiya
şikayətlərinin dəlillərini qeyri-məqbul hesab edir.
Məhkəmə kollegiyası eyni zamanda qeyd etməyi zəruri hesab edir ki, birinci instansiya
məhkəməsi təqsirləndirilən şəxs Həmidov Əfqan Əli oğlu Azərbaycan Respublikası CM-nin 221.3-cü
maddəsi ilə təyin edilmiş 3 (üç) il 6 (altı) ay müddətə azadlıqdan məhrum etmə cəzasını Azərbaycan
Respublikası CM-nin 70-ci maddəsinə əsasən şərti olaraq tətbiq etməkdə haqlı olmuşdur. Belə ki,
yuxarıda göstərilən yüngülləşdirici halların məcmusu, habelə baş vermiş hadisə nəticəsində ən çox ona
zərər dəyməsi (üz sinirinin və tüpürcək vəzisinin zədələnməsi ilə müşayiət olunan sifətin sol yarısının
kəsilmiş yarası, habelə sifətdə kəskin nəzərə çarpan asimmetiriya və mimika pozğunluğu ilə müşayiət
edilən izi silinməz xəsarətlər alması) məhz Əfqan Həmidovun barəsində Azərbaycan Respublikası CM-
nin 70-ci maddəsinin tətbiq edilməsi üçün əsas olmuşdur. Odur ki, məhkəmə kollegiyası dövlət
ittihamçısı Məmmədov Anar Ələsgər oğlunun apellyasiya protestinin “Ə.Həmidovun barəsində
Azərbaycan Respublikası CM-nin 70-ci maddəsinin tətbiq edilməsinə dair müddəalar hökmdən xaric
edilməlidir” hissəsini məqbul hesab etmir və apellyasiya protestinin həmin hissəsinin təmin edilməsi
üçün hər hansı bir əsas görmür.
Beləliklə, məhkəmə kollegiyası hesab edir ki, hazırkı iş üzrə birinci instansiya məhkəməsi
Azərbaycan Respublikası CM-nin və Azərbaycan Respublikası CPM-nin normalarının tələblərini nəzərə
almaqla işin faktiki halları ilə bağlı düzgün hüquqi nəticəyə gəlmiş, Azərbaycan Respublikası CM-nin,
Azərbaycan Respublikası CPM-nin, Azərbaycan Respublikası Ali Məhkəməsi Plenumunun «Məhkəmə
hökmü haqqında» 27 dekabr 1996-cı il tarixli 4 №-li, «Məhkəmələr tərəfindən cinayət cəzalarının təyin
edilməsi təcrübəsi haqqında» 25 iyun 2003-cü il tarixli 4 №-li, «Xuliqanlıq işləri üzrə məhkəmə
19
təcrübəsi haqqında» 23 mart 2004-cü il tarixli 01 №-li, Azərbaycan Respublikası Konstitusiya
Məhkəməsi Plenumunun «Azərbaycan Respublikasının bəzi qanunvericilik aktlarına əlavələr və
dəyişikliklər edilməsi barədə» 11 iyun 2004-cü il tarixli 688-İİQD saylı Azərbaycan Respublikası
Qanununun 3-cü hissəsinin 9-cu bəndinin və 4-cü hissəsinin 7-ci bəndinin Azərbaycan Respublikası
Konstitusiyasının 130-cu maddəsinin 9-cu hissəsinə uyğunluğunun yoxlanılmasına dair» 25 yanvar
2005-ci il tarixli və “B.Yusifovanın şikayəti üzrə Azərbaycan Respublikası Ali Məhkəməsinin Cinayət
işləri və inzibati hüquqpozmalara dair işlər üzrə məhkəmə kollegiyasının 2005-ci il 07 mart tarixli
Qərarının Azərbaycan Respublikasının Konstitusiyasına və qanunlarına uyğunluğunun yoxlanılmasına
dair” 17 fevral 2006-cı il tarixli qərarlarının yuxarıda sadalanan normalarının tələblərini, eləcə də
Avropa İnsan Hüquqları Məhkəməsinin yuxarıda göstərilən presedentlərini nəzərə almaqla məhkum
edilmiş şəxsə ədalətli cəza təyin etmişdir.
Lakin birinci instansiya məhkəməsinin hökmündən görünür ki, Məmmədov Ceyhun Məhəmməd
oğluna hökmlərin məcmusu üzrə cəza təyin edərkən məhkəmə səhvə yol vermişdir. Belə ki,
məhkəmənin hökmündən görünür ki, Ceyhun Məmmədova Azərbaycan Respublikası CM-nin 67.1-ci
maddəsinə əsasən Lənkəran Ağır Cinayətlər Məhkəməsinin 19.09.2011-ci il tarixli hökmü ilə CM-nin
29,149.1-ci maddəsi ilə təyin edilmiş 4 il 6 ay müddətinə azadlıqdan məhrum etmə cəzasının
çəkilməmiş qalan 3 ay 24 gün hissəsi həmin hökm üzrə təyin edilmiş cəzaya qismən birləşdirilməklə
ona hökmlərin məcmusu üzrə qəti olaraq 9 (doqquz) il 2 (iki) ay müddətə azadlıqdan məhrum etmə
cəzası təyin edilmişdir. Lakin iş materiallarından görünür ki, Ceyhun Məmmədov Lənkəran Ağır
Cinayətlər Məhkəməsinin 19.09.2011-ci il tarixli hökmünə əsasən CM-nin 29,149.1-ci maddəsi ilə
təqsirli bilinib 4 il 6 ay müddətinə azadlıqdan məhrum etmə cəzasına məhkum edilmiş, cəzaçəkməsinin
əvvəli 13 iyul 2011-ci il tarixdən hesablanmışdır. Ceyhun Məmmədov məntəqə tipli cəzaçəkmə
müəssisəsində olarkən hazırki cinayət əməlini törətmiş, 19 avqust 2015-ci il tarixdə həbsə alınmışdır.
Göründüyü kimi həmin cəzanın 4 ay 24 gün hissəsi çəkilməmiş qalmışdır. Lənkəran Ağır Cinayətlər
Məhkəməsinin 19.09.2011-ci il tarixli hökmü ilə Ceyhun Məmmədova təyin edilmiş 4 il 6 ay müddətə
azadlıqdan məhrum etmə cəzasının çəkilməmiş qalan 4 ay 24 gün hissəsi hazırkı 10 fevral 2016-cı il
tarixli hökmlə təyin olunmuş cəzaya birləşdirilməli olduğu halda məhkəmə qanunsuz və əsassız olaraq 3
ay 24 gün hissəsini qismən birləşdirmişdir. Bundan əlavə məhkəmə Ceyhun Məmmədovun
cəzaçəkməsinin əvvəlini onun həbsə alındığı tarixdən, yəni 19.08.2015-ci il tarixdən hesablamalı
olduğu halda, həmin hissədə də səhvə yol verərək C.Məmmədovun cəzaçəkməsinin əvvəlini
19.09.2015-ci il tarixdən hesablamışdır. Azərbaycan Respublikası CM-nin 67.1-ci maddəsində göstərilir
ki, hökmlərin məcmusu üzrə cəza təyin edilərkən, məhkəmə yeni hökm üzrə təyin edilmiş cəzaya
əvvəlki hökm üzrə təyin edilmiş cəzanın çəkilməmiş hissəsini tamamilə və ya qismən birləşdirir. Ona
görə də məhkəmə kollegiyası həmin hissədə apellyasiya protestinin dəlillərini məqbul hesab edir və
həmin əsasla apellyasiya protestini qismən təmin etməklə birinci instansiya məhkəməsinin hökmünün
dəyişdirilməsi qənaətinə gəlir.
Bununla da məhkəmə kollegiyası iş üzrə toplanmış və birinci instansiya məhkəməsinin məhkəmə
iclasında tədqiq edilmiş sübutları bir daha təhlil edib, həm onlara, həm də yuxarıda qeyd edilən hallara,
həmçinin apellyasiya şikayətləri və apellyasiya protesti üzrə apellyasiya instansiyasında aparılmış
qismən məhkəmə istintaqının nəticələrinə əsaslanıb, eyni zamanda onlara obyektiv hüquqi qiymət
verərək Məmmədov Ceyhun Məhəmməd oğlunun Azərbaycan Respublikası CM-nin 126.2.4, 221.3-cü
maddələri, Məmmədov Aqil Məhəmməd oğlunun və Həmidov Əfqan Əli oğlunun Azərbaycan
Respublikası CM-nin 221.3-cü maddəsi ilə məhkum edilmələri barədə Lənkəran Ağır Cinayətlər
Məhkəməsinin 10 fevral 2016-cı il tarixli, 1(089)-40/2016 nömrəli hökmünü ləğv edərək iş üzrə yeni
hökm çıxarmağı, yaxud həmin hökmü ləğv edərək cinayət işi üzrə icraata xitam verilməsi barədə qərar
qəbul etməyi, yaxud Məmmədov Ceyhun Məhəmməd oğlunun törətdiyi cinayət əməllərini Azərbaycan
Respublikası CM-nin 126.2.4, 221.3-cü maddələrindən, Məmmədov Aqil Məhəmməd oğlunun əməlini
isə
Azərbaycan
Respublikası
CM-nin
221.3-cü
maddəsindən
həmin
Məcəllənin
digər
maddəsinə(maddələrinə) tövsif etməyi, yaxud da C.M.Məmmədova və A.M.Məmmədova təyin edilmiş
cəzaları yüngülləşdirməklə və (və ya) Ə.Ə.Həmidova təyin edilmiş cəzanı ağırlaşdırmaqla həmin
hökmü dəyişdirməyi məqsədəmüvafiq hesab etmir. Odur ki, məhkəmə kollegiyası Məmmədov Ceyhun
Məhəmməd oğlunun Azərbaycan Respublikası CM-nin 126.2.4, 221.3-cü maddələri, Məmmədov Aqil
20
Məhəmməd oğlunun Azərbaycan Respublikası CM-nin 221.3-cü maddəsi ilə məhkum edilmələri barədə
Lənkəran Ağır Cinayətlər Məhkəməsinin 10 fevral 2016-cı il tarixli, 1(089)-40/2016 nömrəli
hökmündən məhkum edilmiş şəxs Məmmədov Aqil Məhəmməd oğlu, onun müdafiəçisi Musazadə
Elşən Möhrab oğlu, məhkum edilmiş şəxs Məmmədov Ceyhun Məhəmməd oğlunun müdafiəçisi
Əzimov Əbdülhəsən Əliş oğlu tərəfindən ayrı-ayrılıqda verilmiş apellyasiya şikayətlərinin təmin
edilməməsini, lakin dövlət ittihamçısının apellyasiya protestinin qismən təmin edilməsini və hökmün
həmin apellyasiya protestinə və Azərbaycan Respublikası CPM-nin 397-ci maddəsinə əsasən əvvəlki
hökm üzrə təyin edilmiş və çəkilməmiş qalan cəzanın yeni hökm üzrə təyin edilmiş cəzaya qismən
birləşdirilməklə qəti cəza təyin edilməsi və cəza çəkilməsinin əvvəlinin müəyyənləşdirilməsi hissəsində
dəyişdirilməsini məqsədəuyğun sayır.
Azərbaycan Respublikası CPM-nin 398.1.4-cü maddəsinə əsasən, apellyasiya şikayətinin və ya
apellyasiya protestinin baxışı nəticəsində apellyasiya instansiyası məhkəməsi birinci instansiya
məhkəməsinin hökm və ya qərarının dəyişdirilməsi barədə qərar qəbul etməyə haqlıdır.
Həmin Məcəllənin 399.3-cü maddəsinə görə, işin bütün hallarının araşdırılması nəticəsində
çıxarılmış və mahiyyətcə düzgün olan birinci instansiya məhkəməsinin hökm və ya qərarı yalnız bu
Məcəllənin tələblərinin pozulması səbəbindən formal mülahizələrə əsaslanaraq ləğv edilə bilməz.
Şərh olunanlara əsasən və Azərbaycan Respublikası CPM-nin 397-399, 403, 407-410 və 412-ci
maddələrini rəhbər tutaraq Şirvan Apellyasiya Məhkəməsinin Cinayət Kollegiyası
Q Ə R A R A A L D I :
Məmmədov Ceyhun Məhəmməd oğlunun Azərbaycan Respublikası CM-nin 126.2.4, 221.3-cü
maddələri, Məmmədov Aqil Məhəmməd oğlunun və Həmidov Əfqan Əli oğlunun Azərbaycan
Respublikası CM-nin 221.3-cü maddəsi ilə məhkum edilmələri barədə Lənkəran Ağır Cinayətlər
Məhkəməsinin 10 fevral 2016-cı il tarixli, 1(089)-40/2016 nömrəli hökmündən məhkum edilmiş şəxs
Məmmədov Aqil Məhəmməd oğlu, onun müdafiəçisi Musazadə Elşən Möhrab oğlu, məhkum edilmiş
şəxs Məmmədov Ceyhun Məhəmməd oğlunun müdafiəçisi Əzimov Əbdülhəsən Əliş oğlu tərəfindən
ayrı-ayrılıqda verilmiş apellyasiya şikayətləri təmin edilməsin.
Lənkəran Ağır Cinayətlər Məhkəməsinin 10 fevral 2016-cı il tarixli, 1(089)-40/2016 nömrəli
hökmündən dövlət ittihamçısı Məmmədov Anar Ələsgər oğlu tərəfindən verilmiş apellyasiya protesti
qismən təmin edilsin.
Lənkəran Ağır Cinayətlər Məhkəməsinin 10 fevral 2016-cı il tarixli, 1(089)-40/2016 nömrəli
hökmü dövlət ittihamçısı Məmmədov Anar Ələsgər oğlunun apellyasiya protestinə əsasən dəyişdirilsin.
Azərbaycan Respublikası CM-nin 67.1-ci maddəsinə əsasən, Lənkəran Ağır Cinayətlər
Məhkəməsinin 19.09.2011-ci il tarixli hökmü ilə Məmmədov Ceyhun Məhəmməd oğluna təyin edilmiş
04 (dörd) il 06 (altı) ay müddətə azadlıqdan məhrum etmə cəzasının çəkilməmiş qalan 04 (dörd) ay 24
(iyirmi dörd) gün hissəsi hazırkı hökmlə təyin edilmiş cəzaya qismən birləşdirilməklə ona hökmlərin
məcmusu üzrə qəti olaraq 09 (doqquz) il 02 (iki) ay müddətə azadlıqdan məhrum etmə cəzası təyin
edilsin.
Məmmədov Ceyhun Məhəmməd oğlunun cəza çəkməsinin əvvəli 19 avqust 2015-ci il tarixdən
hesablansın.
Lənkəran Ağır Cinayətlər Məhkəməsinin 10 fevral 2016-cı il tarixli, 1(089)-40/2016 nömrəli
hökmü dövlət ittihamçısı Məmmədov Anar Ələsgər oğlunun apellyasiya protestinə əsasən qalan hissədə
dəyişdirilməsin.
Qərar elan edildiyi andan dərhal sonra qanuni qüvvəyə minir.
Qərardan Azərbaycan Respublikasının Cinayət-Prosessual Məcəlləsinin 410-cu maddəsində
nəzərdə tutulmuş müddətlərdə Azərbaycan Respublikası Ali Məhkəməsinin Cinayət Kollegiyasına
kassasiya şikayəti və kassasiya protesti verilə bilər.
Sədrlik edən: İmza var.
Hakimlər: İmzalar var.
Əsli ilə düzdür: Sədrlik edən:
Amil Dosiyev
21
Sədrlik edən: Amil Dosiyev
Hakimlər:
Zəki Babayev
Ələsgər Novruzov
Dostları ilə paylaş: |