13
zəminində hamar səthli küt əşya dəymə və sürtünmə nəticəsində əmələ gəlməyə xarakterikdir,
müddətləri 02.05.2015-ci il tarixinə uyğundur, ayrı-ayrılıqda və məcmu halında sağlamlığa
zərərvurmayan xəsarətlər olduğu üçün dərəcəsi təyin edilmir.
İş materiallarında olan, məhkəmə-tibbi ekspertizasının rəyində göstərilmişdir ki, Qurbanov
Vüsal Hikmət oğlunun məhkəmə tibbi müayinəsi zamanı bədənində aşağıdakı xəsarət aşkar
edilmişdir. Sol baldır nahiyəsində çapıq toxuması. Həmin xəsarət kəsici-deşici alətin təsirindən əmələ
gəlmişdir, müddəti 02.06.2015-ci il tarixə uyğun gəlir və sağlamlığa zərər vurmayan xəsarət olduğu
üçün dərəcəsi təyin edilmir.
İş
materiallarında olan,
məhkəmə-tibbi eskpertizasının rəyində
göstərilmişdir ki,
Ə.Ə.Həmidovda sifətdə kəskin nəzərə çarpan asimmetiriya və mimika pozğunluğu törədən, üz
sinirinin və tüpürcək vəzisinin zədələnməsi ilə müşayiət olunan sifətin sol yarısının kəsilmiş
yarasından sonrakı kobud çapıq aşkar olundu. Həmin xəsarət kəsici kənarı olan alətin (əşyanın)
təsirindən törənmişdir, törənmə müddəti qərarın təsviri hissəsində göstərilən 02.06.2015-ci il tarixinə
uyğun gəlir və dərəcəsinə görə sağlamlığın uzun müddətə pozulmasına səbəb olan sağlamlığa az ağır
zərər vurmaya aiddir. Ə.Ə.Həmidovda aşkar edilmiş üz sinirin və tüpürcək vəzisinin zədələnməsi ilə
müşayiət olunan sifətin sol yarısının kəsilmiş yarası, sifətdə kəskin nəzərə çarpan asimmetiriya və
mimika pozğunluğu törətdiyindən izi silinməz xəsarətlərə aid edilir.
İş materiallarında olan, məhkəmə-bioloji ekspertizasının rəyində göstərilmişdir ki, Həmidov
Əfqan Əldi oğlunun ABO sistemi üzrə qan qrupu 0 alfa, beta/1/-dir (təqdim olunan sənədin surətinə
əsasən). Ekspertizaya təqdim edilmiş Həmidov Əfqan Əli oğluna məxsus şalvar üzərində insan qanı
ləkələri aşkar edildi. Bu ləkələrdə qanın qrup göstəricisi ABO sistemi üzrə təsdiq olunduqda yalnız
«H» antigeni alındı. «H» antigeni 0 alfa, beta/I/ qrupunun əsasını təşkil edir. Bu qan ləkələri 0 alfa,
beta /I/ qruplu şəxsə, o cümlədən ABO sistemi üzrə Həmidov Əfqan Əli oğluna məxsus ola bilər.
İş materiallarında olan, məhkəmə-trassoloji ekspertizasının rəyindən görünür ki, tədqiqata
təqdim edilmiş paltarlardan köynəyin üzərində rəyin təsviri hissəsində qeyd olunan zədənin yerləşdiyi
yeri və ölçüsü verilib. Həmin zədə kəsici, ucu deşici xassəyə malik olan predmetin təsiri nəticəsində
yaranmağa xarakterikdir. Belə predmetə kəsici ucu deşici xassəyə malik olan bıçaq tiyələri də aiddir.
Təqdim edilmiş şalvarın üzərində hər hansı bir zədə yoxdur. A.M.Məmmədovun bədəni üzərində olan
xəsarətlə ona məxsus köynəyin üzərində olan zədə uyğunluq təşkil edir və üst-üstə düşürlər. Təqdim
edilmiş köynəyin üzərində olan zədə qərarın təsviri hissəsində qeyd olunan şəraitdə (dolu şüşə ilə)
yaranması istisna olunur.
İş materiallarında olan, kompleks məhkəmə-psixiatrik və psixoloji ekspertizasının rəyindən
görünür ki, Məmmədov Ceyhun Məhəmməd oğlu ona şamil edilən hazırkı cinayət hadisəsini
törədərkən patoloji və yaxud fizioloji affekt vəziyyətində olmamışdır (keçirməmişdir). Ceyhun
Məmmədov ona şamil edilən hazırkı cinayət hadisəsini törədərkən onda hərəkətlərinə mühüm təsir
göstərə bilən fərdi-psixoloji xüsusiyyətlər (həyəcan və s.) olmamışdır.
İş materiallarında olan, məhkəmə-psixiatrik ekspertizasının rəyindən görünür ki, Məmmədov
Ceyhun Məhəmməd oğlu ona şamil edilən hazırkı cinayət əməlini törədərkən öz hərəkətlərinin faktiki
xarakterini və ictimai təhlükəliliyini dərk etmək və ya onu idarə edə bilmək iqtidarında olmuşdur, yəni
anlaqlı olmuşdur. Ceyhun Məmmədovun əməli CM-nin 21.1 və 22-ci maddələrinin təsiri altına
düşmür və onun hal-hazırda tibbi xarakterli məcburi müalicə tədbirlərinə ehtiyacı yoxdur.
İş materiallarında olan, məhkəmə narkoloji ekspertizasının rəyindən görünür ki, Məmmədov
Ceyhun Məhəmməd oğlu narkotik vasitələrdən istifadə etmir, narkomaniya ilə xəstə deyil,
narkomaniyadan məcburi müalicəyə ehtiyacı yoxdur.
İş materiallarında olan, ibtidai istintaq orqanının qərarından görünür ki, Həmidov Əfqan Əli
oğlu mülki iddiaçı kimi tanınmışdır.
«Xuliqanlıq işləri üzrə məhkəmə təcrübəsi haqqında» Azərbaycan Respublikası Ali Məhkəməsi
Plenumunun 23 mart 2004-cü il tarixli 01 №-li Qərarının 2-ci bəndində göstərilir ki, izah edilsin ki,
Cinayət Məcəlləsinin xuliqanlığa görə məsuliyyət müəyyən edən 221-ci maddəsinin mətnində nəzərdə
tutulan mənada ictimai qayda dedikdə, cəmiyyətdə insanlar arasında təşəkkül tapmış, adət və ənənələrlə,
əxlaq normaları ilə, habelə qüvvədə olan qanunvericiliklə müəyyən edilən qarşılıqlı davranış və
birgəyaşayış qaydalarının sistemi başa düşülür. İctimai qaydanı kobud surətdə pozan hərəkətlər dedikdə,
14
ictimai və ya şəxsi mənafelərə əhəmiyyətli zərər vuran və ya cəmiyyətdə insanlar arasında bərqərar
olmuş birgəyaşayış və davranış qaydalarının qərəzli surətdə pozulmasında ifadə olunan hərəkətlər başa
düşülür. Cəmiyyətə açıqca hörmətsizlik etmə dedikdə isə təqsirkarın ətrafdakı şəxslər üçün aşkar
surətdə ictimai qaydaya əhəmiyyətli dərəcədə laqeydlik, etinasızlıq göstərməsi, cəmiyyətdə hamı
tərəfindən qəbul olunmuş davranış qaydaları, əxlaq və mənəviyyat normalarına qarşı saymamazlıq, bir
çox insanın və ya cəmiyyətin hər hansı bir üzvünün mənafelərinə toxunan hərəkətlər etməsi başa
düşülür.
Həmin Qərarın 8-ci bəndində qeyd olunur ki, xuliqanlıq hərəkətlərinin odlu silah, soyuq silah,
habelə silah qismində istifadə edilə bilən əşyaların tətbiqi və yaxud tətbiqinə cəhd edilməsi ilə müşayiət
edilməsi, təqsirkar şəxsin əməlinin Cinayət Məcəlləsinin 221.3-cü maddəsilə tövsif edilməsi üçün
əsasdır.
Həmin Qərarın 9-cu bəndində göstərilir ki, izah edilsin ki, xüsusilə qərəzli xuliqanlığa görə
məsuliyyət nəzərdə tutan Cinayət Məcəlləsinin 221.3-cü maddəsinin mənasına görə, silah dedikdə,
hücum və ya müdafiə üçün uyğunlaşdırılmış texniki cəhətdən yararlı olan vasitələrin məcmusu başa
düşülür. Buraya cinayət qanunu ilə qadağan edilib-edilməməsindən asılı olmayaraq, zavodda və ya
kustar üsulla hazırlanmış odlu və soyuq silah, həmçinin qaz silahı aid edilir. Digər əşyalar dedikdə isə
silah olmayan, lakin silah kimi istifadə edilə bilən predmet (dəyənək, kərpic, dəmir çubuq, zəncir, çəkic
və s.) başa düşülür.
Azərbaycan Respublikası Konstitusiya Məhkəməsinin Plenumunun “B.Yusifovanın şikayəti üzrə
Azərbaycan Respublikası Ali Məhkəməsinin Cinayət işləri və inzibati hüquqpozmalara dair işlər üzrə
məhkəmə kollegiyasının 2005-ci il 07 mart tarixli Qərarının Azərbaycan Respublikasının
Konstitusiyasına və qanunlarına uyğunluğunun yoxlanılmasına dair” 17 fevral 2006-cı il tarixli
Qərarında qeyd olunur ki, ...ictimai qaydanı kobud surətdə pozan hərəkətlər təqsirkarın nəqliyyatın,
müəssisə, idarə və təşkilatın normal fəaliyyətinin, kütləvi tədbirin və ya uzun müddətə ictimai asayişin
pozulmasına, yaxud vətəndaşların hüquqlarının və qanuni mənafelərinin toxunulmazlığına təhlükə və
həyəcanın yaranmasına səbəb olan, habelə qanunvericiliklə tənzimlənən birgəyaşayış qaydalarının
qərəzli surətdə pozulmasında ifadə olunan hərəkətləridir. Cəmiyyətə açıqca hörmətsizlik ifadə edən
hərəkətlər təqsirkarın ətrafdakı şəxslər və özü üçün açıq surətdə ictimai qaydaya əhəmiyyətli dərəcədə
laqeydlik, etinasızlıq, cəmiyyətdə hamı tərəfindən qəbul olunmuş davranış qaydalarına, əxlaq və
mənəviyyat normalarına qarşı saymamazlıq göstərən, bir qrup şəxsin və ya cəmiyyətin hər hansı bir
üzvünün qanuni mənafelərinə toxunan hərəkətləridir.
Azərbaycan Respublikası Konstitusiyasının 125-ci maddəsinin VII hissəsinə görə, məhkəmə
icraatı həqiqətin müəyyən edilməsini təmin etməlidir.
Konstitusiyanın 129-cu maddəsinin III hissəsinə görə, məhkəmə qərarı qanuna və sübutlara
əsaslanmalıdır.
Azərbaycan Respublikasının CPM-nin 28.5-ci maddəsinə əsasən, şəxsin cinayət törətməkdə
təqsirli olmasına dair məhkəmə qərarı mülahizələrə əsaslana bilməz və işə aid biri digərinə kifayət
qədər uyğun gələn mötəbər sübutların məcmusu ilə təsdiq olunmalıdır.
Həmin Məcəllənin 144-cü maddəsinə əsasən, cinayət təqibi üzrə toplanmış sübutlar tam,
hərtərəfli və obyektiv yoxlanılmalıdır. Yoxlama zamanı cinayət təqibi üzrə toplanmış sübutlar təhlil
olunur və bir-biri ilə müqayisə edilir, yeni sübutlar toplanır, əldə olunmuş sübutların mənbəyinin
mötəbərliliyi müəyyənləşdirilir.
Həmin Məcəllənin 145.1-ci maddəsinə əsasən, hər bir sübut mənsubiyyəti, mümkünlüyü,
mötəbərliyi üzrə qiymətləndirilməlidir. Cinayət təqibi üzrə toplanmış bütün sübutların məcmusuna isə
ittihamın həlli üçün onların kifayət etməsinə əsasən qiymət verilməlidir.
Həmin Məcəllənin 145.2-ci maddəsinə əsasən, hakim qanunu və vicdanını rəhbər tutaraq
sübutların məcmusunu hərtərəfli, tam və obyektiv baxılmasına əsaslanmaqla öz daxili inamına görə
sübutları qiymətləndirir.
Həmin Məcəllənin 146.1-ci maddəsinə əsasən, cinayət təqibi üzrə toplanmış sübutların kifayət
etməsi dedikdə, müəyyən edilməli hallar üzrə mümkün sübutların elə bir həcmi nəzərdə tutulur ki, onlar
sübutetmə predmetinin müəyyən edilməsi üçün mötəbər və yekun nəticəyə gəlməyə imkan verir.