[127]
əgər belə olsaydılar insanlıq həddindən çölə çıxıb heyvanlıq həddinə yetişərdilər və
möhkəm kitabında buyurduğu kimi olardılar: «Onlar heyvan kimidirlər bəlkə
onlardan daha da azğındırlar». Mübarək vücudundan bizə tanıtdıqlarından şükründən
bizə ilham etdiklərinə görə,Öz elmindən üzümüzə açdığı üçün, tohidində ixlaslı
olmağa bizə yol göstərdiyinə görə, Öz işində şəkkə düşməyimizdən bizi
uzaqlaşdırdığı üçün Allaha Həmd olsun, Bir cür Həmd ki, o həmdlə şükr edən
bəndələri sırasında ömür keçirək, onunla razılığına öndə gedənlərdən irəli, onunla
razılığına bir cür həmd ki, bərzəxin qardaşlarını bizə nurlandırsın, onun səbəbi ilə
qiyaməti bizlərə asan etsin, o günün şahidləri yaşındakı məqamımızı artırsın, o gün
heç kəsə zülm edilməz və zalımlara yardım göstərilməz, bir həmd ki, müqərrəblərinin
şəhadət verdiyi illiyyun kitabında qeyd edilsin, bir həmd ki, göz qamaşan gündə
gözlərimizin işıqlanmasına səbəb olsun, üzlər qaralanda üzümüz nurani olsun, bir
həmd ki, bizi odun şiddətli əzabından Allahın kərəm sayəsində yerləşdirsin, bir həmd
ki, onunla mələklərlə bərabər olaq, inayət hüzurunda yeri onlara dar edək və onun
vasitəsi ilə əbədi evdə Mürsəl peyğəmbərlərin sırasında birləşək.
Həmd olsun o Allaha ki, xilqətin gözəlliklərini bizlərə ixtiyar etdi və pakizə
ruziləri bizə sarı yönəltdi, bütün məxluqata sahib olmaqla bizə üstünlük bəxş etdi, bu
hesab üzrə onun yaratdıqlarının hamısı qüdrəti əsasında bizə itaət edirlər , onun iradə
qüvvəsi ilə bizə tabe olmaqda çarəsizdirlər.
Həmd olsun o Allaha ehtiyac qapımızı başqasından bağladı, ona nə cür şükr edə
bilərik?!
Yaxud şükrünü nə zaman yerinə yetirə bilərik?! Heç vaxt!
Həmd o Allaha məxsusdur ki, işi yerinə yetirmək əzalarını bizə lütf etdi, bizə
pakizə ruzilərlərlə yemək verdi, fəzli ilə bizi ehtiyac-sız etdi, öz ehsanı ilə sərmayə
bağışladı, sonra bizə göstəriş verdi ki, şükrümüzü imtahan etsin, bütün bu lütflərdən
sonra əmrində çıxdıq, haram etdiklərini mərkəbinə mindik, bütün bunlarla belə bizi
cəzalandırmağa, bizdən intiqam almağa tələsmədi, bizimlə rəhmət və kərəmi üzündən
rəftar etdi, mehribanlıq və helm üzündən bizim xəta yolundan dönməyimizin
intizarını çəkdi.Həmd o Allaha məxsusdur ki, bizə tövbə yolunu göstərdi ki, bu
həqiqəti onun ehsanından savayı bir şey tapmadıq, əgər fəzilətindən olan yalnız bu bir
lütfü hesaba gəlsə haqqımızdakı ənamı yaxşı, ehsanını böyük, bəxşişi çox
əzəmətlidir, çünki keçmişdə tövbə edənlərlə adəti belə olmamış, şübhəsiz ki,
qüdrətimiz çat-mayan işi üzərimizdən götürülmüş, imkan olmadan bizə vəzifə təyin
etməmişdir, asan işlərdən savayı bizə bir şey əmr etməmiş, bu sahədə heç birimizə bir
üzr, bəhanə yeri qoymamışdır. Beləliklə aramızda bədbəxt o kəsdir ki, onun
razılığının əksinə olaraq itaəti tərk etsin və xoşbəxt o kəsdir ki, ona sarı diqqət
yetirsin.
Həmd olsun Allaha bütün o həmdlə ki, ona ən yaxın mələklər, onun yanında ən
əziz məxluq, onu vəsf edir, başqalarının etdiyi həmdin ən üstün kimi, indiki,
keçmişdəki və gələcəkdəki bəndələrinə nemətləri üçün həmd olsun Allaha, elminin
əhatə etdiyi əşyaların sayı qədər, həmişəlik olaraq qiyamətədək. Bir həmd ki,
ölçüsünün sonu, sayının hesabı, sonunun axırı,Müddətinin nəhayəti olmayan qədər.
Bir həmd ki, onun itaət və bəxşiişinə yetməyə, razılığına səbəbə, bağışlanmasına
[128]
vasitə, Behiştinə sarı yol, intiqamından pənah, qəzəbindən amanlıq, ita-ətinə yardım,
məsiyətə maneə, o həzrətin haqqını ödəməyə kömək olmuş olsun. Bir həmd ki, onun
səbəbi ilə dostlarından olan xoşbəxtlərin sırasına keçək, düşmənlərinə qarşı qılınc
işlədən şəhidlərinin zümrəsində qərar tutaq. Həqiqətən də o, yardım edən, hər cür
tərifə, şükrə layiqdir.”
“Səhifeyi-Səccadiyyə”nin siyasi cəhətləri
“Səhifeyi-Səccadiyyə” təkcə dua, münacat və Allahdan hacət istəməkdən ibarət
deyil. Eyni zamanda, onda siyasi, ictimai, mədəni və əqidəvi məsələlər də vardır.
İmam Səccad (ə) öz duaları əsnasında dəfələrlə siyasi məsələlərə, xüsusilə də, imamət
və İslam cəmiyyətinin rəhbərliyi məsələsinə toxunmuşdur. İndi onlardan bəzi
nümunələri sizin nəzərinizə çatdırırıq:
1) İmam Səccad (ə) (Məkarimül-əxlaq duasının) iyirminci duasında buyurur:
“İlahi, Məhəmməd (s) və Ali-Məhəmmədə salam göndər, mənə mənə əl (qüvvə) ilə
zülm edənə qarşı, mənimlə dil (sübut dili) ilə mübarizə aparana qarşı, mənimlə
düşmənçilik və inadkarlıq edənə qarşı mənə qələbə əta et! Mənə qarşı hiylə işlədənə
və fırıldaqçılıq edənə qarşı mənə tədbir, mənə təzyiq edənə qarşı mənə qüvvə, məndə
səhv tutan və məni söyənlərə qarşı mənə təkzib qüdrəti və mənə düşmənlərin qorxu
təhlükəsi qarşısında əmniyyət əta et...”
İmam Səccad (ə) Əbdülməlikin Hişam ibn İsmayıl Məxzumi (Mədinənin
hakimi) kimi nümayəndələrinin zülm, inad, bədgümanlıq, hədə-qorxu və təzyiqlərinə
məruz qalmamışdımı? Buna əsasən, İmam Səccadın (ə) bu duası öz dövrünün
hökumətinin zülmlərinə qarşı bir şikayət olmuş və bu baxımdan da siyasi xarakter
daşımışdır.
2) İmam Səccadın (ə) Qurban bayramı günü və eləcə də, hər cümə günləri
oxuduğu duada deyilir: “...İlahi, bu məqam (Qurban bayramının, cümə gününün
namazı və xütbələri, onun vəzifəsi olan bu hakimiyyət və ümmətin rəhbərlik məqamı)
Sənin seçilmiş bəndələrinə və canişinlərinə məxsusdur. Bu rütbələr Sənin onları çox
yüksək mərtəbədə qərar verdiyin əmin bəndələrinə məxsus olub, ancaq zalımlar
(zalım Əməvi xəlifələri) onu güclə qəsb edib ona sahib çıxmışlar... İş o yerə çatıb ki,
Sənin xəlifələrin (biz İmamlar) məğlub olmuşlar. Onlar Sənin ehkamının
dəyişilməsini, Sənin kitabının əməl meydanından uzaq düşdüyünü, vacib əməllərin
təhriflərə məruz qaldığını, Peyğəmbər sünnəsinin tərk olunduğunu öz gözləri ilə
görürlər.
İlahi, Sənin seçilmiş bəndələrinin düşmənlərinə, əvvəldən axıra kimi, eləcə də
onların ardıcılları və onların işlərinə razı olanlara lənət olsun, onları Öz rəhmətindən
uzaqlaşdır...”
Bu duada İmam Səccad (ə) Peyğəmbər ailəsinə məxsus olan imamət
məsələsindən və onun zalımlar tərəfindən qəsb edilməsindən açıq-aşkar söhbət etmiş,
bununla da, Bəni-Üməyyə hökumətinin qeyri-şəri (qanunsuz) hökumət olduğunu
bəyan etmişdir.
İmam Səccad (ə) Ərəfə gününün duasında buyurur: “İlahi, camaata rəhbərlik
etmək və Sənin əmrlərini yerinə yetirmək üçün seçdiyin, onları Sənin elm