[396]
Abdullah bin Rəbah və Əbu Qətadədir. Deməli, sənəd belə olmalıdır: “Musa bin
İsmayıl-Həmmad bin Sabit-əl-Bənani-Abdullah bin Rəbah- Əbi Qətadə...”
əl-Müəlləq
Müəlləq hədis isnadının əvvəlində bir və ya bir neçə ravisi düşmüş hədisdir.
1405
Müəlləq hədisin tərifi hər iki məzhəbdə eynidir. Burada diqqət yetiriləsi məqam
vardır və o da bundan ibarətdir ki, müəlləq hədislər hər iki məzhəbdə zəif hədislər
qrupuna aid olsa da şiə məzhəbində onun eyni zamanda “əqsami-ərbəə” arasında
müştərək hədis növlərindən hesab olunması mümkündür. Bu məsələyə aydınlıq
gətirən CəfərSübhani yazır: “Məlumdur ki, müəlləq sənədin başında ravinin düşməsi
ilə meydana gələn hədisdir. Bu növ hədislər “əl-Fəqih”, “ət-Təhzib” və “əl-İstibsar”
əsərlərində çoxluq təşkil edir. O əqsami-ərbəə arasında müştərək olaraq işlədilən
hədis növüdür. Ötən fəsildə xatırlatdığımız kimi o əsərlərdə olan müəlləqi onlar üsul
və kitablardan rəvayət etmişlər, yəni o müəlliflər ravinin düşməsini bilir və
tanıyırdılar. Amma əgər sənəddə ravinin düşməsi və kimliyi məlum olmasa, o
müəlləq zəif xəbər çeşidlərindən olacaqdır. Bu növ hədislərdə yerinə görə məqsəd
güdülür. Bunun kimi məvquf, məqtu, münqəti, mudal və müəlləq hədislər yaxın
mənalardadırlar. Onları yerinə görə fərqləndirmək lazımdır. Buna görə də oxucuya
vacibdir ki, onları fərqləndirməyə çalışsın və onları bir-birinə oxşatmasın.”
1406
Bunu da qeyd etmək lazımdır ki, müəlləq hədislər Buxarinin məşhur “Səhih”
əsərində də mövcuddur. Bu barədə Talat Koçyigit yazır: “Buxarinin səhihinin
müəlləq hədislərin başlıca mənşəyi olduğu məlumdur. Bu mövzunu ilk ələ alıb
araşdıran və ona “təliq” deyə ad verən Əbülhəsən Dəraqutni (öl. 385 h/q) olmuşdur.
Daha sonra eyni adı işlədən Əbu Abdullah əl-Hümeydi olmuşdur. O, “əl-Cəm
beynəs-səhiheyn” əsərində bunu izləmişdir.
1407
Əhli-sünnə alimlərinə görə də müəlləq hədisin səhhəti isnadının bilinməsinə
bağlıdır. İsnadı bilinən və qəbul şərtlərini özündə daşıyan müəlləq bir hədisin səhih
və ya həsən hökmünü daşıması təbidir...”
əl-Müdəlləs
Müdəlləs “tədlis” sözündən olub, hərfən “malın eybini müştəridən gizlətmək”
mənasında işlədilir. Hədis elmindəki mənasına gəldikdə isə şiə qaynaqlarında bu növ
hədislər üç çeşiddə incələnir:
A). Ravinin görüşdüyü və ya müasiri olduğu, lakin onu eşitmədityi şəxsdən
rəvayət etməsi, bu hal ilə ki, sanki elə zənn edir ki, rəvayətini ondan eşitmişdir.
Məsələn, belə deyə: “filankəs dedi.”
B). Ravinin şeyxi, hansı ki, ona rəvayət edib düşməyir və deməli, sənədin
əvvəlində tədlis baş verməyir. Amma ondan sonrakı zəif raviləri yaxud kiçik yaşlıları
(sənəddən) düşürür və belə hədisdən ravilərin düşməsi hədisi (sanki) gözəlləşdirir.
1405
ən-Nuri, ət-Təqribu vət-təysir, c. I, səh. 181
1406
Üsulul-hədis və əhkamuhu, səh. 105-106
1407
Hədis üsulu, səh. 66, Fuad Sezgin, Buxarinin qaynaqları, səh. 83
[397]
C). Şüyux tədlisi. Bu ravinin öz şeyxini bilinməyən və ya tanınmayan adla və ya
künyə ilə adlandırması ilə ortalığa gələn hədisdir.
1408
Hər iki məzhəb alimlərinin verdikləri bu tərifdən belə başa düşmək olur ki,
ravinin sənəddə keçən ravilərin adlarını qəsdən gizlətməsi və guya bu isnadda
bunların adları yoxmuş kimi rəvayət etdiyi hədis müdəlləs hədis olur.
Müdəlləs hədis növünü daha da gözəl şəkildə incələyən Talat Koçyigit və Sübhi
əs-Saleh yazırlar: “Tədlisin müxtəlif növləri vardır:
1.
Tədlisül-isnad
Ravinin görüşdüyü şeyxdən, doğrudan-doğruya eşitmədiyi, ancaq bir başqası
vasitəsiylə aldığı hədisi aradakı vasitəni qaldıraraq ondan rəvayət etməsidir. Bu tərif
ümumilikdə müdəlləs üçün verilən tərifi xatırladır.
2.
Tədlisüt-təsviyə
Ravinin şeyxini deyil, ya şeyxinin şeyxini, yaxud da daha yuxarıdakı bir şeyxi
ya zəif ya da kiçik yaşlı olduğu üçün isnaddan düşürməsi (atması), başqa sözlə isnadı
təsviyə etməsi ilə ortaya çıxan hədisdir.
3.
Tədlisüş-şüyux
Ravinin isnadı zikr edərkən şeyxini, məruf və məşhur olan isim, künyə, nəsəb və
ya ləqəblə deyil, sırf çaşdırmaq üçün bilinməyən bir isim və ya ləqəblə qeyd etdiyi
hədisdir.
1409
Göründüyü kimi hədisdə tədlis hər iki məzhəb alimlərinə görə hədisi zəiflik
dərəcəsinə endirir və onun dəlil olmasını əngəlləyir. Hədis alimləri hər növ müdəlləs
hədisi pisləmiş və bu kərahətlərini birinci qrup tədlisdə daha da şiddətli göstərmişlər.
Xətib əl-Bağdadi tədlis haqqında demişdir: “tədlis məkruhdur.”
1410
İbn Salah isə
demişdir: “tədlisin birinci növü çox olduqca kərahətlidir və əksər alimlər onu
məzəmmət etmişlər.”
1411
Şöbə bin Həccac isə daha da şiddətli söz işlədərək demişdir:
“tədlis yalanın qardaşıdır.”
1412
6.2.
RAVİDƏKİ CƏRHİN OLMASINA GÖRƏ ZƏİF HƏDİSLƏR
Məlumdur ki, ravidə “mətainu aşara” (on pis söz) deyə məşhur olan sözlərdən
biri və ya bir neçəsi olarsa, o ravinin rəvayət etdiyi hədis zəif olacaqdır. Bu qrupa aid
olan hədis çeşidləri aşağıdakılardır:
əl-Mövzu
Mövzu hədis o hədisə deyilir ki, o hədis yalan, uydurulmuş və qondarma
olsun.
1413
Bu növ hədislər əslində hədis deyildir. Onlar sadəcə olaraq məsumların (ə)
adlarına uydurulmuş bir qrup sözlərdir ki, sanki onları məsumlar (ə) söyləmişlər.Zəif
hədislər içərisində ən aşağı yeri mövzu hədislər tutur. Çünki bu növ hədislərin
1408
Cəfər Sübhani, Ülumul-hədis və əhkamuhu, səh. 115, ən-Nuri, ət-Təqrub vət-təysir, c. I, səh. 186
1409
adı çəkilən əsəri, s-79-81, 136-138
1410
Xətib əl-Bağdadi, əl-Kifayə, səh. 508
1411
İbn Salah, Ülumul-hədis, səh. 67
1412
adı çəkilən əsərlər
1413
C. Sübhani, üsuli-hədis və əhkamuhu, səh. 119, ən-Nuri, ət-Təqrib vət-təysir, c. I, səh. 231