[400]
əl-Münkər
Münkər inkar edilmiş mənasındadır. Hədis elmindəki mənası isə o hədisə deyilir
ki, onun ravisi bir nəfər və qeyri-siqə olsun.
1426
Həmçinin bu növ hədis əhli-sünnə
qaynaqlarında da zəif hədis növlərindən hesab edilir və haqqında “zəif bir ravinin
siqə (güvənilən) raviyə müxalif olaraq rəvayət etdiyi hədis” kimi tərifi verilir.
1427
Təriflərdən də aydın olur ki, bu növ hədislərin raviləri güvənilən olmadığından
və həmçinin güvənilən bir raviyə zidd olaraq rəvayət etdiyindən onun rəvayəti rədd
edilmişdir. Böyük Azərbaycan hədisşünası Əbu Bəkr Əhməd bin Harun əl-Bərdici bu
növ hədis haqqında demişdir: “Təkcə ravisindən gələn isnaddan başqa hər hansı bir
yolla mətni məruf olmayan hədisdir.”
1428
əl-Müəlləl
Əhli-sünnə alimləri müəlləl hədisə belə bir tərif verirlər ki, bu növ hədislər o
hədislərə deyilir ki, “zahirən səhih görünən, lakin onun səhihliyini aradan apara bilən
gizli bir illəti (xəstəliyi, səbəbi) özündə daşıyan hədis müəlləldir.”
1429
Müəlləl hədis hədis növləri içərisində ən qapalı, ən gizlin və üzə çıxarılması çox
çətin olan bir hədis növüdür. İbn Həcər bu məqama toxunaraq yazır: “İllət hədis
elmləri növlərinin ən qapalı, ən həssasıdır ki, onu ancaq Allah taalanın fövqəladə bir
anlayış, geniş bir mədəniyyət, ravilərin dərəcələri haqqında mükəmməl bir bilgi və
sənədlərlə mətnləri tam mənasıyla qavrayacaq qüvvətli bir qabiliyyət verdiyi insanlar
anlaya bilir.”
1430
Bu mülahizələrdən məlum olur ki, müəlləl hədis səhhəti zədəli, yəni, tam sağlam
olmayan, onun səhhətini gizli yolla hansısa bir səbəbin zədələməsi nəticəsində ortaya
çıxan bir hədis növüdür. Onun illətinə səbəb olan isə məvsulu mürsəl olaraq, mərfunu
məvquf olaraq və o hədisdə bir vəhmin olduğu aşkar olan surətdə əmələ gələn
hədisdir. Müəlləl hədisin həm isnadına, həm də mətnində illət ola bilər. Onun
isnadında olan illətə isə daha çox təsadüf edilir. İsnadda olan illət həm isnadı, həm də
mətni birlikdə zədələyir, buna misal irsal və məvqufdur. Bəzən isə isnadın səhhəti
zədələnir, amma mətn səhih olur. Belə olduqda isnad zəif, mətn isə səhihdir. Bunlara
aşağıdakı hədisləri göstərmək olar:
“İbn Übeyd-Süfyan Səvri-Amr bin Dinar-İbn Ömər- Peyğəmbərdən (s) rivayət
edir...”
Bu isnad adil və zabit ravinin digər bir adil və zabit ravidən nəql etdiyi hədisdir,
amma sənəddə illət vardır. Belə ki, bu illət Amr bin Dinarın sözüdür. Çünki o,
Abdullah bin Dinardan rəvayət etmişdir. Onların hər ikisi siqə tabeundurlar.
Mətndə olan illətə misal isə Müslimin “Səhih” əsərində yer verdiyi “bəsmələ”
hədisidir. Belə ki, Ənəs bin Malik deyir: “Peyğəmbərin (s), Əbu Bəkrin, Ömərin və
Osmanın arxasında namaz qıldım. Namaza “əl-Həmdu lillahi rəbbil-aləmin” ilə
başlayırdılar və qiraətdə “Bismillah”ı demirdilər.” Bu rəvayətin ləfzində bir qrup illət
1426
S. S. Rəşadi, Hədis elmi, səh. 35
1427
S. əs-Saleh, Hədis elmləri və Hədis istilahları, səh. 66
1428
Təvzihül-əfkar, c. II, səh. 45, S. əs-Saleh, adı çəkilən əsəri, səh. 164
1429
S. əs-Saleh, adı çəkilən əsəri, səh. 144, İ. L. Çakan, Hədis üsulu, səh. 139, H. S. əd-Dari, adı çəkilən əsəri, səh. 64
1430
Şərhu Nühbətil-fikər, səh. 21, S. əs-Saleh, adı çəkilən əsəri, səh. 144
[401]
olduğunu deyirlər. Belə ki, bu rəvayət “Səhiheyn”də (Buxari və Müslimdə) belədir:
“Onlar qiraətə “əl-Həmdu lillahi rəbbil-aləmin” ilə başlayırdılar. Bu da “bəsmələ”nin
qeyd edilməməsini göstərir. Buna görə də alimlər deyir: “Rəvayətçi onu qeyd edilən
ləfzlərlə qeyd etmişdir və onu məna ilə rəvayət etmişdir.
1431
Bu misallardan da göründüyü kimi, hədisin illətli olmasının səbəbi onun vəhm
(şübhə, zənn), xəta, qəflət, yaddaşın pis olması, fisq, yalançılıqda ittiham olma və
digər şeylərlə əlaqəlidir.
Müəlləl hədisin tanınması və ortalığa çıxarılmasının yolları onun rəvayətində
ravinin tək qalması, ona müxalif digər bir ravinin olması və digər əlamətlərin olması
ilədir.
Şiə məzhəbində də müəlləl hədis növü vardır və zəif hədislər qrupunda yer
almışdır. Bu növ hədislərdən bəhs edən Cəfər Sübhani yazır:“Müəlləl iki anlamda
başa düşülür: Onlardan biri fəqihlərə məxsusdur və o da budur ki, illət hökmdə ifadə
olunmuş olsun. Məsələn, içkinin sərxoşedici olması səbəbilə haram olması illəti
(səbəbi) kimi. Həmçinin cümə qüslunun alınması qoltuq altında olan iylərin aradan
qaldırılması səbəbinədir (illətidir). Burada olan illət səbəb mənasını ifadə edir və əsas
məqsəddən xaricdir.
İkinci mənada isə illət, hədisşünasların istilahında işlədilir. Onlar illət terminini
mətnində və sənədində gizli anlaşmazlıq olan hədisə şamil edirlər. Bu da onun
etibarını zədələyir, onun zahiri sağlamdır görünürmüş kimi. Müəlləl illət sözündən
götürülmüşdür və xəstəlik mənasındadır. Necə ki, birinci mənada səbəb, ikinci
mənada isə xəstəlik mənasındadır.
Müəlləlin tanınması və onun seçilməsi hədis elmlərinin növlərindəndir və
onların şərəflilərindəndir.”
1432
Müəlləl hədisə verilən təriflərin müqayisəli təhlilləri onu göstərir ki, bu növ
hədislər hər iki məzhəbdə təxminən olduğu kimi dəyərləndirilib incələnir.
əl-Müdrəc
Müdrəc hədisi keçən fəsildə öyrənib tədqiq etdiyimizdən burada onun haqqında
yalnız dediyimiz budur ki, bu növ hədislərə həm sənəddə, həm də mətndə əlavələr
edildiyindən, həmçinin zəif ravinin siqə raviyə qarşı və yaxud da siqə ravinin daha da
siqə raviyə qarşı nəql etməsi yoluyla meydana gələn hədisdir. Amma burada diqqət
yetiriləsi məqam budur ki, şiə məzhəbli alimlərə görə ravi qəsdən deyil, bilmədən
hədisin mətninə və ya sənədinə bir şey əlavə etməsi onun heç də tam zəif olması
demək deyildir. Ancaq ravi qəsdən bu işi edərsə, təbii ki, o, yalançılıqda ittiham edilir
və rəvayəti rədd edilir.
əl-Məqlub
Məqlub hədis odur ki, o məlum yolla doğru-dürüst gəlsin, amma bir ravi onu
həmin yolla rəvayət etməmiş olsun. Bu hədisin nəql olunan yolunun (təriq) hamısına
1431
H. S. əd-Dari, Muhadarat fi ülumil-hədis, səh. 69
1432
C. Sübhani, Ülumul-hədis və əhkamuhu, səh. 114