[406]
hökm verməsi də məsuma (ə) dayanarsa, məqbuldur və məvquf deyil, amma özündən
fətva və ya hökm verməsi məqbul deyildir. Bəzi əhli-sünnə alimləri də bu görüşü
qəbul edərək səhabənin dediklərini zəif saymışlar. Buna misal əl-Qasiminin
“Qəvaidüt-təhdis” əsərini göstərmək olar. O, bu əsərində
1455
məvquf və maqtu
hədisləri zəif hədislər cərgəsində qeyd etmişdir. Lakin, əhli-sünnənin əksər alimləri
məvquf və maqtu hədisi lazımı əlamətləri özündə daşıyarsa, cərh və tədil süzgəcindən
keçərsə, məqbul və səhih biliblər.
VII FƏSİL
ZƏİF HƏDİSLƏRİN MEYDANA GƏLMƏSİ VƏ UYDURULMASI
SƏBƏBLƏRİ
1455
səh. 111
[407]
7.1.ZƏİF HƏDİSLƏRİN MEYDANA GƏLMƏSİ
Ötən fəsillərdə qeyd olunduğu kimi, zəif hədislər səhih hədislərin şərtlərini
daşımayan hədislərə deyilir. Bu növ hədislər əlbəttə ki, mütləq mənada məsumların
(ə) sözləri olmayıb, əslində onların adlarına uydurulmuş hədislərdir. Buna görə də
burada hədis sözü əsl mənada deyil, şərti mənada başa düşülməlidir.
Məsumların (ə) adına hədis uydurmağın tarixi qədimdir. Belə ki, bəzi alimlər
hədis uydurmaq fəaliyyətini həzrət Əlinin (ə) xilafəti zamanına aid etsələr də, bu
fikrin heç bir elmi əsası yoxdur. Düzdür, həzrət Əlinin (ə) xəlifəliyi zamanı hədislər
uydurulmuşdur. Lakin, bu yalançılar dərhal ifşa edilərək cəzalandırılır və xalqa belə
şəxslərin söylədiklərinə inanmamaları tövsiyə olunurdu. Bunun bariz nümunəsindən
biri, həzrət Əlinin (ə) məşhur hədis uydurucusu Əbu Hüreyrə haqqında dediyi sözdür.
Belə ki, o Həzrət buyurub: “Peyğəmbərin adından ən yalançı danışan Əbu
Hüreyrədir.”
1456
Ümumiyyətlə bir çox mötəbər qaynaqların verdikləri məlumatlar və həmçinin
bizim tədqiqatımızın nəticəsi onu göstərir ki, hədis uydurma fəaliyyəti məhz
Peyğəmbərin (s) dövründə baş qaldırmış bir işdir. Bunun aşkar formasını
Peyğəmbərin (s) “Mənim adıma heç bir şey uydurmayın, hər kəs mənim adıma
mənim demədiyim bir şeyi deyərsə, öz yerini cəhənnəmdə bilsin.”
1457
Bu hədisin
mənası onu göstərir ki, hələ Peyğəmbər (s) sağ ikən bir qrup şəxslər onun adından
yalan danışmışlar. Bunu eşidən Peyğəmbər də (s) təbii ki, bu prosesin qabağını almaq
üçün belə bir hədis deməyə vadar olmuşdur. Yoxsa ki, onun belə mənada hədis
deməsinin mənası olmazdı.
Məsumların (ə) adlarına hədislərin uydurulması əlbəttə ki, əbəs olmayıb bunun
bir çox səbəbləri vardır. Həmçinin, onların adlarına hədis uydurmaq təkcə
müsəlmanlara aid oln bir iş deyil, bəlkə də bunun toxumu bəzi xristian və yəhudi
dininin nümayəndələrinə məxsusdur. Bu bir tarixi həqiqətdir ki, bir qrup yəhudi və
xristian şəxslər (bəzən alimlər) zahirdə İslamı qəbul edərək onun ideologiyasını və
əsaslarını sarsıtmaq üçün özlərindən sözlər uydurmuşlar. Onların hədis uydurma
işindəki canfəşanlıqları özlərinin məkrli və gizli planlarını “qanuniləşdirmək”,
İslamın guya yəhudi və xristian dininin qalığı və ya onlardan törəmə bir təriqət kimi
təqdim etmələri olmuşdur. Bundan başqa hədis uydurma fəaliyyətinin ən kluminasiya
nöqtəsi bəlkə də Əməvilər (661-750) və Abbasilər xilafətinin (750-1258) dövründə
olmuşdur. Bu fəaliyyətlərin qığılcımını gücləndirən və onu xilafətin rəsmi peşəsinə
çevirən ilk şəxslərdən biri, bəlkə də ən birincisi məşhur Əməvilər xilafətinin banisi,
əli bir çox Peyğəmbər (s) səhabəsinin qanına bulaşmış, insanları Peyğəmbərin (s)
əhli-beytinə (ə) nifrətə səsləyən və onların öldürülməsində ilk addımını atan Müaviyə
bin Əbu Süfyan (661-680) olmuşdur. O, bir qrupsadəlövh müsəlmanları öz ətrafına
toplamış və onların vasitəsilə Peyğəmbərin (s) adına çoxlu sayda yalan hədis
uydurmuşdur. Həmçinin, sonrakı Əməvi hökmdarları və Abbasi xəlifələri bu hədis
1456
Əllamə Məclisi, Biharül-ənvar, c. XX, səh. 547
1457
Səhihi-Buxari, c. II, səh. 81, Əllamə Məclisi, Biharül-ənvar, c. II
[408]
uydurma ənənəsini davam etdirmiş, məcusi və zərdüşt əqidəli insanları xilafətdə
yüksək vəzifələrə təyin etmələri ilə məqsədli şəkildə onların əlləri ilə İslamın adına
yalanlar düzəltmişlər. Həmçinin Qədim Roma, İran və Yunan əfsanələrinin surətlə
ərəb dilinə tərcümə edilməsi və bunların məqsədli şəkildə xilafət məmurları
tərəfindən edilməsi yeni-yeni firqələrin ortalığa çıxmasına səbəb olmuşdur. Təbiidir
ki, hər yaranan və yaranmaqda olan firqələr öz əqidələrini və əməli fəaliyyətlərini
ilahi vəhyə “bağlı olduğunu” və “haqq” hesab edildiyini bildirmək və əsaslandırmaq
üçün hədis uydurmağa əl atmışlar.
Abbasilər lehindəki uydurma xəbərlərə gəlincə bunlar Əməvilərin iqtidarda
olduqları zamandan başlayaraq, Abbasi xilafətinin müxtəlif dövrlərində də davam
etdirilmişdir. Siyasi qayələrlə Əməvilər üçün Osman və Müaviyyə necə istismar
edilmişsə, Peyğəmbərin (s) əmisi Abbas bin Əbdülmüttəlib (öl. 652) də Abbasilər
tərəfdarları üçün istismar mövzusu olmuşdur. Məsələn, Peyğəmbərin (s): “Abbas
mənim vəsim və varisimdir, onun oğullarını Allah xəlifə edəcək, dinini onlarla
qoruyacaq, sünnəmi təhrifə uğrayacaği zaman, Allah Xorasandan onlara yardimçilar
göndərəcəkdir. Əllərində qara bayraqlar olan bu ordunun qabağında hec bir qüvvə
dayana bilməyəcək”
1458
hədisi bunun bariz misalıdır.
Beləliklə, saxta hədislərin uydurulmasında ciddi-cəhdlə çalışan xəlifələr
içərisində Abbasilərin xüsusi yeri vardır. Əməvilər Müaviyə və Bəni-üməyyə
haqqında nələr uydurmşlarsa, onun qat-qat artığını Abbasilər uydurmuşlar. Bunu biz
aşkar şəkildə aşağıdakı hədislərdə də görməkdəyik. Belə ki, Bəzzar Əbu Hüreyrənin
belə dediyini rəvayət edir: “Peyğəmbər (s) əmisi Abbasa dedi: peyğəmbərlikdə sizə
verilib, padşahlıq da.” Təəssüfləndirici hal burasıdır ki, bu kimi qondarma hədislər
Əbu Nəim, İbn Ədi, Tirmizi, Təbərani və digər bu kimi müəlliflərin əsərlərində də
özünə yer etmişdir. Təbərani rəvayət edir: “Peyğəmbər (s) xilafət əmim
oğullarınındır. Onlar bunu İsaya (ə) təslim edənədək qoruyacaqlar.”
1459
Hələ bunlar azmış kimi xəlifə Əbülabbas əs-Səffah haqqında “Fitnənin zühur
etdiyi vaxt əhli-beytimdən bir kişi çıxacaq, ona əs-Səffah deyərlər.”
Görkəmli əhli-sünnə alimi Əllamə Süyuti “Tarixül-xüləfa” adlı məşhur əsərində
yazır: “Xəlifə Mütəvəkkil sünnəyə meyl göstərdi və onun əhlinə kömək etdi. O,
hədisşünasları Samirədə qarşılayıb onlara hörmət etdi və onları “Röyət” haqqında
hədislər deməsini istədi. Hədisşünaslar ona dua etdilər və hətta onun haqqında
“Xəlifələr üçdür: riddə əhli ilə vuruşan Əbu Bəkr, zülmü yıxan Ömər bin Əbdüləziz
və sünnəni dirildən Mütəvəkkil.”
İbn Əbülhədid yazır: “Bunu bil ki, fəzilətlər ilə əlaqədar uydurma hədislər ilk
dəfə şiələr tərəfindən ortaliğa qoyulmuşdur. Onlar öncə Əlinin (ə) haqqında müxtəlif
hədislər uydurdular.”
1460
İbn Teymiyyə yazır: “Batil firqənin ən yalançısı
1461
kimi bilinən şiənin
peyğəmbər tərəfindən (s) Əlinin xəlifə təyin edildiyinə inandirmaq üçün səbəbi-
1458
Süyuti, əl-Ləalül-məsnua, c. I, səh. 429, İbn Arraq, Tənzihüş-şəriət, c. II, səh. 10 hədisi kimi
1459
Süyuti, Tarixül-xüləfa, səh. 12
1460
İbn Əbülhədid, Şərhu Nəhcil-bəlağə, Beyrut çapı, 1954, c. III, səh. 26
1461
İbn Teymiyyə, Minhacüs-sünnə, c. I, səh. 37