Dövlət və hüquq nəzəriyyəsi
dan başqa, müxtəlif dövlət müəssisələrində çalışan kadrlar da dövlət
mexanizminin fəaliyyətini təmin edirlər. Həmin kadrlara mədəniyyət,
elm, təhsil, səhiyyə, istehsal və xidmət sahələri üzrə fəaliyyət
göstərən dövlət müəssisələrinin işçiləri aiddir, inzibati aparatın sosial
və iqtisadi proseslərə ciddi təsir göstərməsi, bu aparatın qanunverici
və məhkəmə hakimiyyətlərinə münasibətdə muxtarlığa malik olması,
həmçinin bir sıra hallarda bu və ya digər sahələr və məsələlər üzrə
siyasi kursun formalaşması və həyata keçirilməsi ilə bağlı
hakimiyyətə təsir göstərməsi anonim hakimiyyət kimi başa düşülən
«bürokratik dövlət» anlayışının yaranmasına səbəb olmuşdur.
«Bürokratiya» bir neçə mənada, həmçinin neqativ mənada işlədilsə
də, bu hadisə müasir dövlətin ayrılmaz elementinə çevrilmişdir. Maks
Veber müasir dövlətin yaranması və inkişafını məhz bürokratik
aparatın formalaşması ilə əlaqələndirirdi. Tanınmış sosioloqun
fikrincə, irsən ötürülən feodal hakimiyyətinin və silki quruluşun
doğurduğu qaydaların neqativ təzahürlərinin aradan qaldırılmasında
bürokratik aparatın heç də az rol oynamamış, kapitalizmin və
bürokratiya- nın qarşılıqlı əlaqəsi müasir dövlətin inkişafına səbəb
olmuşdur.
inkişaf etmiş müasir dövlətdə inzibati aparat daimilik
xüsusiyyətinə malikdir, yəni daim fəaliyyət göstərir. Seçkilər zamanı
aparılan mübarizədən, parlamentdə siyasi qüvvələrin tutduğu
mövqedən birbaşa asılı olan dövlət hakimiyyətinin ali orqanlarından
fərqli olaraq, İnzibati aparat siyasi zirvədə baş verən dəyişikliklərdən
bir o qədər də asılı deyil. Bu aparatda çalışan məmurlar parlamentin
buraxılmasından,
növbədənkənar
seçkilərdən,
hökumət
böhranlarından asılı olmadan öz işlərini görməkdə davam edir və ali
siyasi vəzifəli şəxslərin dəyişilməsi, onların da vəzifədən getməsinə,
inzibati aparatın böhran vəziyyətinə düşməsinə, personalın kütləvi
şəkildə yeniləşməsinə səbəb olmur.
V.İ.Vlasovun yazdığı kimi, bütün cəmiyyəti əhatələyən kütləvi
hakimiyyət dövlət orqanlarında təcəssüm olunur və dövlət mexanizmi
vasitəsilə dövlət hakimiyyətinə çevrilir, transformasiya olunur.
Hakimiyyət real olaraq məhz dövlət orqanlarına, dövlətin
171
ilqar Məmmədov
vəzifəli şəxslərinə məxsus olur. Bundan əlavə, dövlət hakimiyyəti
dövlət mexanizmini təşkil edən müvafiq dövlət orqanlarının vasitəsilə
və yaxud aktiv iştirakı ilə leqallaşdırılır (qanuniləşdiri- lir), yəni hüquqi
formada əsaslandırılır və möhkəmləndirilir.
Odur ki, leqallıq həm də dövlət hakimiyyətinin əlamətlərindən biri
kimi çıxış edir. Hakimiyyətdə olan qüvvə hakimiyyətə həm leqal, həm
də qeyri-leqal yolla gələ bilər. Lakin dövlət hakimiyyətinin özü leqal
olur. Yəni öz fəaliyyətində qanunlara əsaslanır. Onun subyektləri
yuridik cəhətdən möhkəmləndirilmiş hüquq və vəzifələrə malik olur.
V.Çirkin yazır ki, dövlət hakimiyyətinin leqallaşdırılması onun
yaradılmasının, təşkilinin və fəaliyyətinin qanuni əsasa malik
olduğunu elan etmək, təsdiqləmək deməkdir. Müasir dövrdə dövlət
hakimiyyətinin leqallaşması, əsasən referendum yolu ilə qəbul
edilmiş konstitusiya vasitəsilə həyata keçirilir. Leqalaşdırma,
həmçinin xalqın təşkil etdiyi təsis yığıncağı tərəfindən konstitusiyanın
qəbul edilməsi yolu ilə həyata keçirilir. Misal üçün, 1947-ci ildə
İtaliyada, 1996-cı ildə İsə Ukraynada bu cür hadisə baş vermişdir.
Leqallıq, hakimiyyətin hüquqi əsasa malik olmasının və bu
əsasda fəaliyyət göstərməsinin formal cəhətdən təsdiqlənməsi
deməkdir. Buna görə də, hərbi çevrilişlər, dövlət çevrilişləri, inqilablar
baş verən zaman yeni hakimiyyət, ilk növbədə, müvəqqəti aktlar
qəbul etməklə öz fəaliyyətinin leqal əsaslarını yaratmağa çalışır.
1917-1918-cl illərdə Rusiyada Bolşeviklər tərəfindən elan edilmiş
«Oktyabr dekretləri», XX əsrin altmışıncı illərində Misirdə Naser
tərəfindən müvəqqəti konstitusiyanın elan edilməsi, həmin əsrin 70-ci
illərində Həbəşistanda hərbi şura tərəfindən elan edilən
proklamasiya və s. buna misal göstərilir. İnqilabi və ya fövqəladə
rejimin mülki rejimə çevrilməsi prosesində konstitusiya qəbul edilir,
rejimin başçısı isə həmin konstitusiya ilə müəyyənləşmiş dövlət
başçısı postuna seçilir. Bununla, leqalaşma da tamamlanır və
hakimiyyətin leqallığının daimi əsası yaradılır. Asiya, Afrika, Latın
Amerikası ölkələrinin tarixi bu cür hadisələrlə zəngindir.
Dövlət hakimiyyətinin, dövlət orqanlarının və onların fəaliyyətinin
leqallaşdırılması konstitusiyadan əlavə, başqa hüquqi
172
Dövlət və hüquq nəzəriyyəsi
aktlar, yəni qanunlar, prezidentin fərmanları, hökumətin qərarları,
məhkəmənin qərarları (misal üçün. Konstitusiya Məhkəməsinin
qərarları) və s. aktlar vasitəsilə də təmin edilir. Dövlət mexanizmi
elementlərinin və dövlət hakimiyyəti subyektlərinin fəaliyyəti, onların
bir-birilə münasibəti qanunlarla tənzimlənir. Buna əsasən də, onların
hüquq və vəzifələri legitim hesab olunur. İ.N.Homerovun yazdığı kimi,
həmin legitimlik hakimiyyət subyektlərinin öz şəxsi keyfiyyətlərinə
əsaslanan legitimlikdən fərqlənir. Bu halda legitimlik əsas etibarilə
dövlət hakimiyyətinin, onun subyektlərinin, həmçinin bu subyektlərin
hüquq və vəzifələrinin əhəmiyyətliliyinə olan inamla bağlıdır. İnsanlar
cəmiyyətin üzvlərindən müəyyən bir qisminin dövlət hakimiyyətindən
müəyyən məqsədlər üçün istifadə etməsinin, hakimiyyəti həyata
keçirməsinin, həmçinin xüsusi qaydada müəyyənləşmiş qanunların
və digər normativ hüquqi aktların (hüquq normalarının)
əhəmiyyətliliyinə inanırlar. Beləliklə, İ.N.Homerov göstərir ki, dövlət
mexanizminin elementlərinin, dövlət hakimiyyəti subyektlərinin,
bütövlükdə dövlət hakimiyyətinin legitimliyi cəmiyyət üzvlərinin
qanunların əhəmiyyətliliyinə olan inamına bağlıdır.’^
Dövlət qulluğunda çalışan şəxslərin fəaliyyətinin normativ
hüquqi aktlar və ya hüquqi əhəmiyyətli qaydalar vasitəsilə
tənzimlənməsinin kökləri qədim dövrlərə gedib çıxır. Misal üçün.
Qədim Misirdə məmurların fəaliyyətini tənzimləyən qanunlar və
müvafiq instruksiyalar mövcud idi. Analoji normalar Qədim
Hindistanda, Qədim Çində və s. dövlətlərdə də mövcud olmuşdur.
Çində tarix boyu məmurların müvafiq normalara və instruk- siyalara
uyğun fəaliyyətinə xüsusi diqqət verilmişdir. Qədim Yunan filosofu
Platonun qanunun qüvvədə olmadığı və kiminsə hakimiyyətindən
asılı olduğu yerdə dövlətin tez bir zamanda məhvə məhkum olduğunu
söyləməsi onun həmin hadisəyə xüsusi əhəmiyyət verdiyinə dəlalət
edir. Dövlət hakimiyyətinin le- qallığı qanunlar və digər normativ
hüquqi aktlar vasitəsilə real-
*
* Гомеров И.Н.
Государство и государственная власть. М., 2002, S.
524.
173
Dostları ilə paylaş: |