7.3. Kommersiya - vasitəçilik fəaliyyəti
Beynəlxalq təcrübə göstərir ki, kommersiya fəaliyyəti
zamanı əmtəə mübadiləsinin yarıdan çoxu istehsalçılardan və
alıcılardan heç bir asılılığı olmayan müstəqil ticarət firmaları,
təşkilatları və şəxslər tərəfindən həyata keçirilir. Beləliklə, əm-
təə dövriyyəsinin xeyli hissəsi istehsalçılarla alıcılar arasında
fəaliyyət göstərən firmalar, təşkilatlar və şəxslər tərəfindən
təmin edilir. Kommersiya nöqteyi-nəzərindən, beynəlxalq tica-
rət təcrübəsində geniş yayılmış bu fəaliyyət «vasitəçilik fəaliy-
yəti», onu həyata keçirənlər isə «ticarət vasitəçiləri» adlanır.
Əmtəələrin reallaşdırılması prosesinə vasitəçilərin cəlb
edilməsi ticarət əməliyyatlarının səmərəliliyinin artırılması
məqsədi güdür.
119
Vasitəçilərə əlavə haqq ödənilməsinə baxmayaraq aşa-
ğıdakı amillər hesabına əməliyyatların səmərəliliyi artır:
- vasitəçilərin cəlb edilməsi əmtəələrin satış operativli-
yini artırır və beləliklə də kapitalın dövranını sürətləndirməklə
mənfəətin artırılmasına şərait yaradır;
- vasitəçilər alıcalara daha yaxında olduqlarından bazar
konyukturasının dəyişməsinə daha operativ reaksiya verirlər,
bu isə satıcıların əmtəələrini daha əlverişli şəraitdə reallaşdır-
mağa imkan verir;
- vasitəçilərin cəlb edilməsi malların göndərilmə müd-
dətinin azaldılması, satış qabağı servisin təşkili və texniki xid-
mətin göstərilməsi vasitəsilə malların rəqabət qabiliyyətinin
artırılmasına şərait yaradır;
- bir sıra vasitəçilər satıcılara avans verir, satış kanal-
larının yaradılmasını və fəaliyyətini maliyyələşdirir və beləliklə
də, satıcıların, tədavül dairəsinə sərf edilməsi nəzərdə tutulan
vasitə qənaət etmələrinə imkan yaradır;
- vasitəçilər son istehlakçılara daha yaxında olduqların-
dan, əmtəələrin keyfiyyəti və rəqabət qabiliyyəti haqqında daha
dürüst informasiyaya malik olurlar;
- müəyyən növ əmtəələrin kütləvi satışı ilə məşğul olan
vasitəçilərlə iş birliyinin yaradılması əmtəə vahidi üzrə tədavül
xərclərinin azaldılmasına şərait yaradır.
Beynəlxalq təcrübədə vasitəçilərin aşağıdakı növlərinə
rast gəlinir:
- sadə vasitəçilər;
- etibar edilənlər;
- komissionerlər;
- konsiqnatorlar;
- ticarət agentləri;
- satış vasitəçiləri.
Sadə vasitəçilərə o ticarət firmaları, təşkilatları, şəxslər
aid edilir ki, onlar bir-biri ilə alqı-satqı əməliyyatlarında ma-
120
raqlı olan satıcı və alıcıları axtarıb tapır, onlar arasında əlaqə
yaradır, özləri isə alqı-satqı prosesində nə öz adları, nə də
vəsaitləri ilə iştirak etmirlər. Belə vasitəçilərə brokerlər deyilir.
Öz xidmətlərinə görə brokerlər satıcılardan, bəzi hallarda isə
həm də alıcılardan müəyyən haqq alırlar.
Etibar edilənlər: Bu növ vasitəçilərlə iş birliyi yaradan
satıcılar və alıcılar «etibar edənlər», vasitəçilər isə «etibar
edilənlər» adlanır. Bu vasitəçilik növü münasibətlərin tapşırıq
müqavilələri əsasında qurulmasını nəzərdə tutur. «etibar edən-
lər» bu və ya digər alqı-satqı əməliyyatlarının həyata keçiril-
məsi üçün «etibar edilənlərə» tapşırıqlar verirlər. Tapşırıq
müqavilələrində ən əsas məsələ əməliyyatların kommersiya və
texniki şərtlərinin razılaşdırılmasına «etibar edilənlər»in səla-
hiyyətlərinin həddinin müəyyən edilməsidir.
Komissionerlər: Beynəlxalq ticarətdə komissiya müqa-
vilələri geniş yayılmışdır. Bu müqavilələrə əsasən
«komis-
sioner»lər (vasitəçilər) tərəfdaşların axtarılmasında, öz adın-
dan, ancaq «komitentlər»in (satıcıların və ya alıcıların) hesa-
bına onlarla müqavilələr bağlamaq hüququna malik olurlar. Bu
müqavilələrdə də əsas məsələ əməliyyatların kommersiya və
texniki şərtlərinin razılaşdırılmasında komissionerlərin səlahiy-
yət həddinin müəyyən edilməsidir. Çox vaxt bu müqavilələrdə
nəzərdə tutulur ki, komissioner müqavilələrin əsas şərtlərindən
olan alqı-satqının həcmi, əmtəənin göndərilmə müddəti, əm-
təələrin qiyməti, kreditləşdirmə şərtləri və s. kimi məsələlərin
həll edilməsi üçün komissioner hər dəfə komitentlə məsləhət-
ləşməlidir.
Üçüncü şəxslərlə münasibətdə komissionerlər satıcı
qismində çıxış edirlər. Komissionerlər komitentlərin onların
sərəncamına verdikləri malların qorunub saxlanmasında cavab-
dehlik daşıyırlar. Buna görə də komissiya müqavilələri çox
vaxt malların komissionerlər tərəfindən komitentlərin xeyrinə
sığortalanmasını da nəzərdə tutur. Komissionerlər öz səlahiyyət
121
hədlərinin aşılması nəticəsində komitentlərə dəyən zərərin
ödənilməsində borcludurlar. Eyni zamanda onlar, əgər komis-
siya müqaviləsində nəzərdə tutulmayıbsa, üçüncü tərəfin öz
üzərinə götürdükləri öhdəliklərin yerinə yetirilməməsi üçün
cavabdeh deyillər.
Komissiya müqavilələrində vasitəçilik fəaliyyəti üçün
komissionerə ödəniləcək haqqın miqdarı (məbləği) razılaşdı-
rılır.
Konsiqnatorlar: Komissiya müqavilələrinin ən geniş
yayılmış forması əmtəələrin konsiqnasiya şərtləri əsasında real-
laşdırılmasıdır. Konsiqnasiya şərtlərinə görə satıcı (konsiqnant)
öz mallarının bazarda müəyyən (razılaşdırılmış) müddət ərzin-
də reallaşdırılması üçün vasitəçinin (konsiqnatorun) anbarına
göndərir. Konsiqnator mallar reallaşdırıldıqca onların haqqını
hiss-hissə satıcıya ödəyir. Razılaşdırılmış müddət ərzində real-
laşdırıla bilinməyən əmtəə qalığını konsiqnator konsiqnata qay-
tara bilər.
Konsiqnasiya müqaviləsi həmçinin satılmayan malların
qismən qaytarılmasını və ya tamamilə qaytarılmamasını da nə-
zərdə tuta bilər. Bu hallarda konsiqnator satılmamış əmtəə qalı-
ğının razılaşdırılmış miqdarını almağa borcludur.
Ticarət agentləri: İnkişaf etmiş qərb ölkələrində agent-
lərə o firmaları, təşkilatları və şəxsləri aid edirlər ki, onlar alıcı-
lar və ya satıcılarla bağladıqları müqavilələr əsasında alqı-satqı
müqavilələrinin imzalanmasına yardım etmək hüququ qazanır-
lar. Agentlər o vasitəçilərdir ki, onlarla münasibətlər tapşırıq
müqavilələri və ya sadə vasitəçilik əsasında qurulur.
Agentlər istehsalçılardan və ya satıcılardan əmtəə al-
mırlar, onlar istehsalçı və ya satıcının nümayəndəsi kimi satış
(alış) prosesini həyata keçirirlər. Bu zaman satıcılar malların
reallaşdırılması şərtlərini və onların qiymətləndirilməsi hüqu-
qunu özlərində saxlayırlar.
122
Satış vasitəçiləri (tacirlər, distribyutorlar): Beynəlxalq
ticarətin əsas hissəsi malların təkrar satışı ilə məşğul olan
müstəqil ticarət firmaları tərəfindən həyata keçirilir. Onların
sadə vasitəçilərdən və etibar edilənlərdən fərqi ondan ibarətdir
ki, istər satıcılar, istərsə də alıcılarla alqı-satqı müqavilələrini
öz adlarından və öz hesablarına imzalayırlar.
Agent müqavilələrində, həmçinin distribyutorlarla razı-
laşmalarında satılacaq malların siyahısı, satılacaq ərazi, bazar-
da iş şəraiti, satışın illik həcminin miqdarı razılaşdırılır. Ticarət
firmaları aşağıdakıları da öz üzərlərinə götürə bilərlər:
- bazar konyukturunun öyrənilməsini və bu haqda satı-
cıların (alıcıların) məlumatlandırılmasını;
- satıcının və onun mallarının reklamını;
- əmtəə ehtiyatları üçün anbarın saxlanmasını;
- əmtəələrin satış qabağı servisini və təkmilləşdiril-
məsini;
- regionlar üzrə distribyutorları və dilerləri (son satıcı-
ları) özünə daxil edən stabil fəaliyyət göstərən satış şəbəkəsinin
yaradılmasını;
- satış şəbəkəsinin bütün həlqələrində maşın və texniki
əmtəələrə texniki xidmətin təşkilini.
Satıcı üçün ticarət firmasının işinin necə təşkil edilməsi
xüsusi əhəmiyyət kəsb edir, çünki malların satışının həcmi
xeyli dərəcədə satışın təşkilindən asılıdır.
Dostları ilə paylaş: |