Qirx altinci kitab ————— may 2011 İyul 2011
Yüklə 2,6 Mb. Pdf görüntüsü
|
- Bu səhifədəki naviqasiya:
- İ l h a m Ə l i y e v
- S a k i n l ə r
341
BAKININ ŞƏHƏRƏTRAFI QƏSƏBƏLƏRİNİN SOSİAL-İQTİSADİ İNKİŞAFI İLƏ BAĞLI XƏZƏR RAYONUNDA GÖRÜLMÜŞ İŞLƏRLƏ TANIŞLIQ 7 iyul 2011-ci il
9-da Bakı Şəhər İcra Hakimiyyətində şəhərətrafı qəsəbələrin sosial-iqtisadi inkişafına həsr olunmuş müşavirə keçirilmişdi. Həmin müşavirədə dövlətimizin başçısı şəhərətrafı qəsəbələrin sosial-iqtisadi inkişafı ilə bağlı tapşırıqlar vermişdi. Bu tapşırıqların icrası ilə yerində tanış olmaq üçün prezident İlham Əliyev iyulun 7-də Xəzər rayonunun Buzovna qəsəbəsinə gəlmişdir. Prezident İlham Əliyev əvvəlcə magistral yolun kənarında yerləşən çoxmərtəbəli yaşayış binalarında görülmüş üzlənmə işlərinə baxdı. Diqqətə çatdırıldı ki, binaların həyətlərindəki köhnə istirahət yerləri müasirləşdirilir, bəzi məhəllələrdə yeniləri yaradılır. Bu zaman istirahətin rəngarəngliyi də nəzərə alınır. Belə ki, yeni quraşdırılan maraqlı uşaq əyləncə qurğuları, idman meydançaları balaca sakinlərin ürəyincədir. Qəsəbədə aparılan abadlıq və yenidənqurma işləri ilə tanışlıqdan sonra dövlət başçısı sakinləri salamladı. İ l h a m Ə l i y e v: Salam, xoş gördük. Necəsiniz, işlər necə gedir? S a k i n l ə r: Çox sağ olun, minnətdarıq. Xoş gəlmisiniz, cənab Prezident! İ l h a m Ə l i y e v: Bu binalar çox gözəlləşib. Həm xarici gözəldir, həm girişlər, dam örtükləri, liftlər təzələnib. Park abadlaşdırılıb. Uşaqlar üçün idman meydançası yaradılıb.
342
S a k i n l ə r: Görülən bərpa işləri Sizin bizə yeni hədiyyə- nizdir. Allah Sizdən razı olsun. Burada həm böyüklər, həm də uşaqlar üçün çox gözəl şərait yaradılıb. Ona görə də bütün sakinlər adından Sizə dərin təşəkkürümüzü bildiririk. İ l h a m Ə l i y e v: Bu evlər təmir olunub. İndi o tərəfdəki evlər də təmir edilir. Hər tərəf – şəhərin mərkəzi də, kənarı da gözəl, abad olmalıdır. Bilirsiniz ki, bütün qəsəbələrdə quruculuq işləri aparılır, yollar salınır, yeni məktəblər, xəstəxanalar tikilir, binalar təmir olunur. Bu binalar indi gözəllik nümunəsidir.
343
RUSİYANIN XARİCİ İŞLƏR NAZİRİ SERGEY LAVROV İLƏ GÖRÜŞ
8 iyul 2011-ci il Azərbaycan Respublikasının Prezidenti İlham Əliyev iyulun 8-də Rusiya Federasiyasının Xarici İşlər naziri Sergey Lavrovu qəbul etmişdir. Dövlət başçısı Rusiya Federasiyasının Xarici İşlər naziri Sergey Lavrovun ölkəmizə bu səfərinin Kazan görüşü zamanı müzakirə edilən məsələlərlə əlaqədar olmasının önəmini qeyd etdi. İkitərəfli əlaqələrin inkişaf səviyyəsinin çox böyük razılıq doğurduğunu deyən prezident İlham Əliyev bu münasibətlərin ölkələrimiz və region üçün vacib olduğunu vurğuladı. Prezident İlham Əliyev dinamik və uğurla inkişaf edən ikitərəfli münasibətlərimizin gündəliyini bir daha müzakirə etmək üçün səfərin yaxşı imkan yaratdığını dedi. Xarici İşlər naziri Sergey Lavrov Rusiya Federasiyasının Prezidenti Dmitri Medvedevin salamlarını dövlətimizin başçısına çatdırdı. O, Kazanda Rusiya, Azərbaycan və Ermənistan prezi- dentlərinin ATƏT-in Minsk qrupunun Rusiyadan, ABŞ və Fransadan olan həmsədrlərinin iştirakı ilə Ermənistan–Azərbay- can, Dağlıq Qarabağ münaqişəsinin nizama salınması ilə bağlı keçirilən müzakirələrin nəticəsi olaraq məsələnin həlli ilə bağlı Rusiya prezidenti Dmitri Medvedevin Azərbaycan və Ermənistan prezidentlərinə müraciət hazırladığını dedi və həmin müraciəti dövlətimizin başçısına çatdırdı. Dövlətimizin başçısı İlham Əliyev prezident Dmitri Med- vedevin salamlarına görə minnətdarlığını bildirdi, onun da salamlarını Rusiya dövlətinin başçısına çatdırmağı xahiş etdi. 344
BELARUS RESPUBLİKASININ BAŞ NAZİRİ MİXAİL MYASNİKOVİÇ İLƏ GÖRÜŞ
8 iyul 2011-ci il
iyulun 8-də Belarus Respublikasının Baş naziri Mixail Myas- nikoviçi qəbul etmişdir. Dövlətimizin başçısı ölkələrimiz arasında ikitərəfli müna- sibətlərin uğurla və dinamik şəkildə inkişaf etdiyini vurğula- yaraq Azərbaycanın Belarusla bütün sahələrdə əməkdaşlığı genişləndirməkdə maraqlı olduğunu dedi. Gəncə avtomobil zavodunda Azərbaycan ilə Belarusun birgə layihələrinin uğurla həyata keçirildiyini vurğulayan dövlətimizin başçısı bunu iqtisadi əlaqələrimizin yaxşı göstəricisi kimi də- yərləndirdi. Belarusun Azərbaycana dost dövlət olduğunu və ölkə- lərimizin bütün qurumları arasında yüksək səviyyədə əlaqələrin yaradıldığını qeyd edən prezident İlham Əliyev Mixail Myasni- koviçin respublikamıza səfərinin əlaqələrimizin daha da inkişaf etdirilməsi baxımından əhəmiyyətli olacağına əminliyini bildirdi. Baş nazir Mixail Myasnikoviç Belarus prezidenti Aleksandr Lukaşenkonun salamlarını dövlətimizin başçısına çatdırdı. Baş nazir ölkələrimiz arasında həyata keçirilən birgə layihələrə, o cümlədən Gəncə avtomobil zavodunda Azərbaycan ilə Belarusun birgə həyata keçirdiyi layihələrə verdiyi dəstəyə görə Prezident İlham Əliyevə minnətdarlıq etdi. O, Gəncədəki müəssisədə olarkən yeni istehsal sahələrinin açılışında iştirak etdiyini vurğuladı. Dövlətimizin başçısı Belarus prezidenti Aleksandr Luka- şenkonun salamlarına görə minnətdarlığını bildirdi, onun da salamlarını Belarus dövlətinin başçısına çatdırmağı xahiş etdi. Yüklə 2,6 Mb. Dostları ilə paylaş:
|