BİRİNCİ FƏSİL
HÜQUQ SOSİOLOGİYASI IIÜQUQUN ÜMUMİ
NƏZƏRİYYƏSİNİN TƏRKİB HİSSƏSİDİR
L Hüquq sosiologiyasının prcdmcti
Hüquq sosiologiyası ictimai sistem kontekstindo hüquq institutla
rının fəaliyyətini tədqiq edən, sosiumun hüquqla qarşılıqlı fəaliyyət qa
nunauyğunluqlarını aşkarlayan biliklər sahəsidir.
Hüquq sosiologiyası o qədər də uzun tarixə malik olmayan nisbətən
gənc elmi fəndir. O, təqribən yüz əlli illik tarixə malikdir. Lakin hüquq so
siologiyası özünəməxsus tarixi köklərə malikdir və həmin köklər Platon və
Aristotel dövrünə aparıb çıxarır. Bu isə iyirmi beş əsrlik bir dövrü əhatə edir.
Hüquq sosiologiyasının cmbrional inkişaf mərhələsində onunla bağlı
ideya və prinsiplər sosial-fəlsəfi və hüquqi təlimlər daxilində təşəkkül
tapmış və mövcud olmuşdur. Məhz buna gərə də fəlsəfə və hüquqşünaslıq
hüquq sosiologiyası üçün bu günədək əsas başlanğıc kimi qalmaqdadır.
Hüquq sosiologiyası bu sıx və doğma yaxınlığı indi də hiss etməkdədir.
O, kömək üçün müntəzəm olaraq sosial-fəlsəfəyə və hüquqşünaslığa mü
raciət etməkdə davam edir. Sosial-fəlsəfə və hüquqşünaslıq hüquq sosio
logiyasını özünün nəzəri-metodoloji müddəaları, ideya və prinsipləri,
habelə artıq nəzəri cəhətdən işlənib hazırlanmış sosial və antropoloji
faktoqrafıyası ilə təmin edir. Belə sosial və antropoloji faktoqrafıyanın
dairəsi çox genişdir.
Sosiologiya cəmiyyətdə hüquqla nəyin baş verməsi haqqında infor
masiyaları toplayır, ümumiləşdirir və sistemləşdirir. Buraya sosial sub
yektlərlə ictimai və fərdi hüquq düşüncəsi arasındakı hüquq münasibət
lərinə aid informasiyalar da daxildir. Sosiologiyanın hüquqa özünəməx
sus yanaşmaları müxtəlif sosial strukturları hüquqla bağlayan səbəbli əla
qələrlə müəyyən edilir. Lakin, əgər hüquqşünaslar üçün həmin səbəbli
əlaqələr, bir qayda olaraq, sosial sistem kimi dövlətin hüdudlarından kə
nara çıxmırsa, sosioloqlar üçün bu əlaqələr sivilizasiya kimi nəhəng
bədənin məkanında itən Ölçü kimi görünür.
Bu zaman sosioloji diqqətin prcdmcti normativ strukturların həm
lokal sivilizasiyaları, həm də inteqrasiya edilmiş tamın birliyi qismində çıxış
36
edən dünya sivilizasiyası ola bilər. Sonuncu halda hüquq sosiologiyası artıq
hüquqi sivilizasiyaların makrososiologivasına çevrilir. Beləliklə, hüquq
sosiologiyası müstəqil nəzəri fənn kimi aşağıdakıları tədqiqədir:
1) səciyyəvi tipoloji əlamətlərə malik spesifik sosial sistemdən iba
rət olan hüququ;
2) sivilizasiyalı meqasistemin hüquqa səbəbli təsirini;
3) hüquq sisteminin sivilizasiyalı meqasistemə əks səbəbli təsirini.
Hüquq sosiologiyası iimumi sosiologiyanın bilavasitə hüququn özünə
sosioloji yanaşmanın nəticəsi kimi təşəkkül tapmışdır. Ona görə də
hüquqa sosioloji yanaşmanı daha ətraflı nəzərdən keçirmək lazımdır.
Hüquqa sosioloji yanaşma. Bu yanaşma tədqiqatların məntiqi qanunları
nın sosial detenninizm prinsipinə tabeliyini nəzərdə tutur. Sosial determinizm
prinsipi isə öz növbəsində ictimai münasibətlərin, sosial institutların və
strukturların hüquq münasibətlərinə və hüquq düşüncəsinə müəyyən məzmunlu-
fikri istiqamət verməyə qadir olduğunu əsas götürməyi tələb edir.
Sosioloji yanaşma əsasında lıüquq müstəqil və mühüm fenomen kimi
deyil, sosial sistemin tərkib hissəsi və xeyli dərəcədə tabe hissəsi kimi tə
zahür edir. Hüquq bu keyfiyyətdə bir sıra xidnıətcdici funksiyalara malik
olur. Bu zaman hüquq münasibətlərinə ictimai münasibətlərin xüsusi
formalarından biri kimi baxılır. İnsan isə muxtar
şəxsiyyət deyil, şəxsi so-
sionomıativ strukturun təsiri altında olan geterenom (sərbəst) fərd qis
mində çıxış edir. Belə yanaşma hüquqa sosial təsirlərin bütün məcmu
sunu nəzərə almağa imkan yaradır.
Hüquqa sosioloji yanaşma əhəmiyyətli dərəcədə müsbət hüquq
sahəsində tədqiqatlar zamanı səmərəli olur. Hüquq düşüncəsi və hüquq
münasibətlərinin fərdi subyektləri onun əsasında müəyyən sosial birlik
lərin, ictimai münasibətlərin konkret-tarixi sisteminin məhsulu və repre-
zcntantları kimi çıxış edir, onların mahiyyəti isə özünü antropoloji real
lıqlar qismində aşkar edir.
Sosioloji nöqteyi-nəzərdən insanda olan başlıca keyfiyyət əxlaqi-
hüquqi keyfiyyətdir və cəmiyyət məhz bu keyfiyyətin köməyilə inkişaf
edir. Fərdin sosiallaşma dərəcəsi onıın şəxsi xassələrinin normativ nümu
nələrə uyğun gəlməsi meyarı ilə müəyyən edilir.
Hüquqa sosioloji yanaşma özündə tamın hissə, sosiumun fərd üzə
rində prioriteti ideyasını ehtiva edir. Hüquq məhz onun göstərişləri əsa
sında bu ideyanın təcrübəyə miincər edilməsi vasitəsi, tənzimləyici me
xanizm kimi çıxış edir.
37
Gctcrcnom varlıq qismində insanın ictimai-tarixi zərurətin güc xət
tindən və sosial sistemin xarici mexanizmlərindən bilavasitə asılılıqda ol
maması sosiologiya iiçün prinsipial cəhətdən mühümdür. Onun başlıca
həyati vəzifələrindən biri belə asılılığın mənasına və mahiyyətinə nail
olmaqdan, onun tələblərinə uyğunlaşmaqdan və onların daxilində müm
kün sosial azadlığını axtarmaqdan ibarətdir.
Sosial determinasiyaya nəyinsə yaranmasının ictimai sisteminə fəal
kömək və insan hərəkətləri azadlığının məhdudlaşdırılması, məqsədə
çatmaq və məqsədin həyata keçirilməsi üçün normativ, təşkilati, texnoloji
hüdudlar kimi baxmaq olar. Buna görə də determinasiya mexanizmləri
hərəkətlərinin düzünə nəticəsi könüllü və ya məcburi adaptantlar kimi
çıxış edən, sosial sistemə tabe olmaq məcburiyyətində qalan subyektlərin
şəxsi qcyri-azadlığı ola bilər.
Belə şəraitdə hüquq düşüncəsi dövlət və vətəndaş cəmiyyəti kimi
makro-sosia! sistemlərin tələblərinə şəxsiyyətin uyğunlaşmasına imkan
verən özünü tənzimləyici vasitə kimi çıxış etməyə başlayır.
Hüquq sosiologiyası hüquqa sosial təsisat kimi baxır. Onu cəmiy
yətin, onun strukturunun və institutlarının təsiri altında hüquq münasi
bətlərində və hüquq düşüncəsində yaranan hər şey maraqlandırır. O,
sosiumla hüquq normaları, dəyərlərlə fikirlər arasında baş verən proses
lərin tədqiqilə məşğuldur. Hüququn sosial məkanda və tarixi dövrdə in
kişaf edən və fəaliyyət göstərən, həm cəmiyyətin tarixi tipindən, onun
coğrafi mövqeyindən, həm do ictimai və fərdi şüurun inkişaf səviyyə
sindən asılı olan mürəkkəb dinamik sistem kimi başa düşülməsi htiquq
sosiologiyasının spesifik cəhətidir. Hüquq sosiologiyası hüququn öz baş
lanğıcını cəmiyyətdən götürdüyünü əsas kimi qəbul edir. Hüquq cə
miyyətin yetirməsi olduğuna görə, bütün hüquqi fenomenlər sosial feno
menlərdən ibarətdir. Lakin əksinə, hər cür sosial fenomen hüquqi fe
nomen hesab oluna bilməz.1
Molumdur ki, insan cəmiyyətində qeyri-hüquqi fenomenlər do möv
cuddur. Belə qeyri-hüquqi fenomenlər adətən, davranış hadisələri qis
mində qiymətləndirilir. Belə hadisələr adətlərlə (hüquqi adətlər, adət hü
quq normaları) əlaqələndirilir. Ona gərə do cəmiyyətdə baş verən hadi
sələrin hansının hüquqi, hansının isə davranış hadisəsi olduğunu fərq
ləndirmək vacibdir. Məsələn, gəmi kapitanının batmaqda olan gəmini
1 Касьянов В.В., Нечипуренко B.H. Социология права. Ростов-на-Дону, 2001, с. 10.
38
hamıdan əvvəl tərk etməsi, yaxud həkimin xəstəyə kömək göstərməməsi
və s. bu kimi hərəkətlər hüquqi (ictimai təhlükəli əməldir) hadisədir.
Nəqliyyatın intensiv hərəkət etdiyi yolda piyadanın yolu piyadalar üçün
nəzərdə tutulmuş xətdən və ya xüsusi keçiddən keçməməsi, yaxud sürü
cünün avtomobili idarə etdiyi zaman mühafizə kəmərini taxmaması dav
ranış hadisəsidir.
Hüquqi hadisə törədilmiş hərəkətin ictimai təhlükəlilik dərəcəsindən
asılı olaraq zəruri dövlət məcburiyyət tədbirinin (sanksiyanın) tətbiqilə
nəticələnir. Belə hüququ tətbiqetmə dövlətin buna müvəkkil edilmiş səla
hiyyətli orqanları tərəfindən həyata keçirilir. Davranış hadisəsi isə ictimai
təhlükəliliyə malik olmadığı üçün əksər hallarda (buna zərurət yaran
dıqda) məzəmmət və ya ictimai qınaqla nəticələnir.
Deməli, sosiologiyanın predmeti ilə hüquqşünaslığın predmeti ...qismən
üst-üstə düşür. Bununla belə, istər sosiologiyanın, istərsə də hüquqşünaslığın
predmetinin hər birinin öz spesifikliyi vardır. Nəticədə sosiologiyaya və eyni
zamanda (hüquqla tənzimləndiyindən) hüquq elmlərinin obyektinə daxil olan
ictimai münasibətlər müxtəlif cür, fərqli aspektlər və üst-üstə düşməyən
mövqelərdən öyrənilir. Hüquq elmini ilk növbədə müvafiq ictimai müna
sibətin hüquqi forması, onun subyektlərinin hüquq və vəzifələrinin məzmunu
maraqlandırır. Sosiologiya isə bu və ya digər ictimai hadisənin sosial mən
şəyini, sosial yerini və sosial funksiyalarını aydınlaşdırır. Hüquqşünas ailə-
nikah münasibətlərini səciyyələndirərkən əsas diqqəti ər-arvadın hüquqi
vəziyyətinə, uşaqların hüquq və vəzifələrinə verir. Sosioloqu isə ilk növbədə
ailə üzvlərinin faktiki qarşılıqlı münasibətləri, yəni onların bir-birinə qarşı
rəğbət və ya nifrəti, qarşılıqlı dəyərləndirmələri, ...insanların davranışındakı
müxtəlif təzahürləri maraqlandırır.'
Hüququn məzmunu, son dərəcə mürəkkəb və çoxölçülüdür. Buna
görə də hüquqa ən müxtəlif aspektlərdən baxıla bilər. Həmin aspektlərə
aşağıdakıları aid etmək olar:
1) metafizika
- hüququn transtsendent ilk başlanğıc varlıqla
bağlılığım nəzərə alan aspekt;
2) kosmoqoniya - hüququ dünyəvi qaydanın universal qanunlarına
müneor
edən aspekt;
3) naturalizm - hiiququ, daxilində cəmiyyətin, insanın və hüquqi
reallığın mövcud olduğu təbii aləmdən asılılıqda təhlil edən aspekt;
1 Vahidov F.Q., Ağayev T.B. Sosiologiya: Dərs vasaiti. Bakı, “Toknur”, 2008, s.264-265.
39