Ramiz Dəniz
Yüklə 1,78 Mb. Pdf görüntüsü
|
149 dan əvvəl, Elnarə oğlu Muradı buranı gəzdirirdi. Lakin musiqi səsləri eşidilən kimi o, övladını götürüb, fəvvarə tərəfə yollandı. Havanın qaralmasından təxminən bir saat keçmiş Əli- yusifgil qeyri-ixtiyari olaraq, professor Zeynalovla diskote- kanın həyətində üzləşdi və onlar şirə sifariş edib bir-biriləri ilə söhbət etməyə başladılar. Jurnalisti maraqlandıran bir çox suallar vardı ki, o, həmin sualların cavablarını məhz Fikrət həkimdən almaq istəyirdi. Onlar rahat söhbət etmək imkanından məhrum idilər. Çünki burada qoyulan kolonkalardan çıxan yüksək səs diapazonu, deyilən sözün rahat eşidilməsinə mane olurdu. Ürfan da öz kamerası ilə birlikdə burada idi. O, elə bir mövqe seçmişdi ki, həmin yerdən rəqs meydançası çox yaxşı görünür, amma onun özünün nə ilə məşğul olmasını yanındakı adamdan başqa heç kim görə bilməzdi. Ürfanın əsas məqsədi buradakı maraqlı rəqsləri, o cümlədən, Zemfiranın fəaliyyətini kadrlara salmaqdan ibarət idi. Zemfira ortaboylu, normal bədənli, incə belli, balaca sifətli, balaca ağızlı, dik burunlu, iri gözlü, nazik qaşlı, qara uzun saçlı, 22 yaşlı göyçək, cəlbedici bir qadın idi. Zemfi- ranın səsi olmasa da, o, uşaqlıqdan mahnı oxumağa böyük həvəs göstərmiş və iştirak etdiyi qohum toylarında müğənni 150 kimi iştirak etməyə müvəffəq olmuşdu. Məhz həmin toyla- rın sayəsində, səsinə ahəng vermək üçün, daim mikrafonun səs gücündən istifadə edən cavan müğənni, musiqi sahəsin- də naşı olan insanları aldadaraq, özünə kifayət qədər müştə- ri toplamış və bununla da tez-tez tədbirlərə çağırılırdı. Onun əsas gəlir mənbəyi çadır toyları idi. Çadır toyunda səsgücləndirici kolonkalar, camaat arasında onu daha da məşhur etmişdi. Bəzən, yaşlı imkanlı adamlar Zemfiranın gözəlliyinə və cəlbedici bədən quruluşuna görə, onu öz nəvələrinin ad gününü keçirməyə restoranlara, bəzən də elə olurdu ki, evlərinə dəvət edirdilər. Lakin bütün bu dəvətlərə baxmaya- raq, ilkin aylarda o, həyasız, sırtıq, özündən müştəbeh halda razı olan kişilərdən uzaq olmağa çalışırdı. Məhz belə təd- birlərdən sonra onun valideynləri arasında güclü mübahisə- lər yaranırdı. Hətta bir dəfə ata sözə baxmayan qızını kötəkləyəndə, Zemfira onu polisə verərək, ailə qarşısında özünü tamamilə gözdən salmışdı. Sonrakı dövrdə o, musiqi sahəsində öz təcrübəsini artırmaq üçün Bakıya gəlir. “Yeni Ulduz” musiqi yarışmasında iştirak etmək üçün Bakıya gələndə Zemfira paralel olaraq sənədlərini İncəsənət universitetinə verir və o, təsadüf nəticəsində yolda Məzahir ilə tanış olur. 151 Bahalı hədiyyələrin müqabilində yaxın münasibətlərə rəvac verən Zemfiranın ilkin şərtlərdən biri o olur ki, onun məşuqu qısa müddət ərzində həvəskar müğənnini böyük səhnəyə çıxarmalıdır. Zemfira gələcəkdə məşhurlaşacağına baxmayaraq, ömrünün sonuna qədər, ona sponsorluq edən Məzahirə öz sədaqətini nümayiş etdirməliydi. Vaxtlarını səmərəli keçirməyə cəhd edən Natiq ilə Zemfira yeniyetmə uşaqlara qarışaraq, həm milli, həm də xarici estrada musiqisi sədaları altında rəqs edirdilər. Akif isə tək-tənha oturub onların hərəkətini izləyirdi. Əliyusifin qiyabi tanıdığı Zemfira, ar bilmədən, heç kimə əhəmiyyət vermədən qısa, dar yubkada, sinəsi açıq olan sıx koftada, uzun saçlarını sağa-sola hərlədə-hərlədə erotik tipli rəqs edərək, uşaqları ilə bura gələn valideynlərin nifrətini qazanırdı. Yanındakı uşaqlara və gənclərə heç bir əhəmiyyət verməyən Natiq camaatın əhatəsində oynaya- oynaya hərdənbir müğənni Zemfiranı qucaqlayaraq, onun üzündən öpürdü. Bu, mədəniyyətdən uzaq olan hərəkətlər ətrafdakı insanları çox qıcıqlandırırdı. Nəinki Natiq, hətta onun yanında olan qız da kefli idi və belə bir vəziyyətdə olmalarına baxmayaraq, onlar qısa fasilədən istifadə edib, masaya yaxınlaşır və şampan içərək, ayırdan rəqs meydanı- na qayıdırdılar. Zemfira isə tam ərköyün şəkildə uşaqlara məhəl qoymadan ağzına siqaret qoyub, dəqiqə başı gülüm- 152 süyürdü. Belə bir vəziyyətdə uşaqlarının tərbiyəsi üçün narahat olan valideynlər məcburiyyət qarşısında qalaraq, buradan uzaqlaşmağa başladılar. Onların masası Əliyusifgilin masasına yaxın olduğundan müxbir yarıqaranlıq məkanda görünməmək üçün hərdənbir əlləri ilə üzünü örtürdü. Növbəti dəfə Zemfira gəlib masa- nın arxasında əyləşərək, siqaretini yandırdı. O, sağ ayağını sol ayağının üstünə qoyub, buradan, yaxından tanıdığı oğla- na atmaca sözlər yağdırmağa başladı. Kefli olan qız tama- milə abırını itirmişdi, paltarı o qədər qısa idi ki, belə bir vəziyyətdə onun alt tumanı görünürdü. Diskoteka əyləncə yeri sayılsa da, o, ətrafdakı adamların qınaq obyektinə çevrilirdi. Bura yarıqaranlıq olduğundan həqiqətən də Zemfira Əliyusifi tanıya bilmədi. Elə bu anda Arif ilə Fikrət diskotekada baş verən biabırçılığa görə öz narazılıqlarını bildirdirməyə başladılar. Bu məqamda Əliyusif neytral mövqedə durmağı qərara aldı. Çünki o, Zemfira ilə qonşu idi və buna görə də hələlik gözləmə mövqeyini tutdu. Belə bir biabırçılığa tab gətirmə- yən Nurlan övladını götürüb uşaq meydançasına tərəf yollandı. Çox keçmədən istirahət kompleksinin mühafizə rəisi, əsəblərini birtəhər öz daxilində boğa-boğa, birbaşa Natiqə Yüklə 1,78 Mb. Dostları ilə paylaş:
|