Ramiz Dəniz
Yüklə 1,78 Mb. Pdf görüntüsü
|
137 lərin seçimində biz peşəkarlığa, musiqi intellektinə böyük önəm vermişik. Ziyalılarımızın və kübar insanlarımızın qəbul etmədikləri açıq-saçıq geyinən və səhnədə özlərini apara bilməyən müğənnilər, həmin restoranın kəndarından içəri buraxılmır. - İlk növbədə bu haqqda mən anamla məsləhətləşməli- yəm. Lakin birmənlı şəkildə bildirmək istəyirəm ki, anam bu haqda biləndə bu təklifə öz razılığını verməyəcək. - Xanım, həmin işə görə mən sənə ayda 1000 dollar pul verəcəyəm. İndiki zamanda belə maaş heç bir yerdə yoxdur. Bəlkə, bu haqda mən sənin ananla özüm danışım? - Sənə dedim axı, o, razılığını bildirməyəcək. – deyə qız qətiyyətlə dilləndi və üzünə ciddi ifadə verərək iradə ilə sözünə davam etdi. – Xahiş edirəm, bir daha bu məsələyə qayıtmayaq. İndi isə mən getməliyəm. İstərdim ki, bir daha məni burada təqib etməyəsən. Qızın bu xahişinə müqavimət göstərməyən Natiq, onun uzaqlaşmasına mane olmadı. Natiq Gülnarədən ayrılandan sonra birbaşa kottecə yollandı. Hal-hazırda o, məşuqəsi ilə kottecdə oturub elə Zemfiranın televizorda yayımlanan mahnısını dinləyirdi. Baxmayaraq ki, Əliyusif Arifin qonşusu idi o, çalışırdı istirahət müddəti ərzində onlara maneəçilik törətməsin. Ən əsas isə o, Zemfiradan uzaq olmağa çalışırdı. Çünki 138 Zemfira olan yerdə, həmişə qalmaqallı hadisələr baş verirdi. Müğənninin vulqar hərəkətləri və atmaca sözləri kənarda olan adamların hiddətinə səbəb olurdu. Ofeliya samovar çayı içmək üçün Xədicənin qaldığı kottecə getmək fikrinə düşdü. Həyat yoldaşının xətrini həddindən artıq çox istəyən Arif tərəddüd etmədən onu və nəvəsi Aydanı 112 saylı kottecin küləfirəngisinə apardı. Ondan sonra Arif Əliyusif ilə əlaqə saxlayıb, onunla birlikdə kompleksin cənubundan daşan çayın üzərində yaradılan süni göl istiqamətinə yollandı. Çünki Nurlan qohumu Fikrət həkimlə birlikdə orada balıq tutmaqla məşğul idi. Yaşlı olmasına baxmayaraq həmişə enerjili görünən Fikrət nəhəng çinar ağacının altında tilovla oturaraq, iki balıq - bir çəki və xanı balığı tutmuşdu. Ekzotik yerlərdə yeyib-içməyi və xüsusən də istirahət etməyi xoşlayan həkim oturduğu yerdə, Nurlanın köməkliyi ilə balaca bir süfrə açmışdı. Süfrəyə bir araq, mineral su, pendir, servelat kolbasa və tabaka qoyulmuşdu. Bir neçə stəkanın olması ondan xəbər verirdi ki, balıq tutan turistlər kimlərinsə gəlişini gözləyirdilər. Nurlan onları görən kimi öz tilovunu Əliyusifə verib cəld kolbasanı, pendiri doğradı, tabakanı isə parçalayandan sonra arağı stəkanlara süzdü. Qonşu oğlanın hərəkətlərini 139 diqqətlə seyr edən müxbir gördü ki, Nurlan yalnız öz stəkanını boş saxladı. Bu ondan xəbər verirdi ki, yüksək tərbiyə görmüş oğlan azərbaycanlı ənənəsinə uyğun olaraq, atası ilə bir masa arxasında spirtli içki içmirdi. - Bir saatdan sonra şam yeməyi başlayacaq. – deyə Arif xəbərdarlıq edərək vedrənin içərisindəki balıqlara nəzər yetirdi. - Əsl şam yeməyi buradadır. – deyə səhiyyə işçisi pendiri çörək arasına qoyaraq həvəslə dilləndi. – Hayıf deyil, təbiətin qoynunda pendir-çörək yemək. - Bilirsiniz, şəhər ilə mənzərəli rayonun arasında fərq nədədir? – müxbir stəkanı qaldıraraq müəmmalı tərzdə dilləndi. - Şəhərdə kabab yeyəndə adam onun tamını bilmir, amma buradakı pendir-çörək şəhərdəki kababdan da dadlıdır. - Mən getdikcə təəccüblənirəm. – deyə stəkanı başına çəkən Arif balıqlara baxa-baxa fəhmsizliklə dilləndi. – Hələ yadıma düşmür ki, hansısa bir istirahət mərkəzində belə bir şərait yaradılsın. Diri heyvanlara tamaşa etmək, süni göldən balıq tutmaq, hər biri insanın əsəblərini sakitləşdirir. - Arif, sən elə bilirsən mən burada balıq tuturam? – poetik duyğularla ətrafı seyr edən həkim əli ilə qarşısındakı mənzərəni göstərərək, yüksək əhval-ruhiyyə ilə dilləndi. - 140 Xeyr! Mən buradakı gözəlliklərə tamaşa edə-edə böyük həzz alıram. - Həqiqətən də balıq tutmaqdan ləzzətli bir şey yoxdur. – Əliyusif qırmağına düşən yarım kiloluq çəki balığını o biri balıqların üstünə atıb hərarətlə dilləndi. - Doğrudan da elədir. – deyə dərindən nəfəs alan və buradakı havanın təmizliyindən məst olan həkim xumar- casına dilləndi. – Buradakı təmiz hava bütün xəstəliklərə dərmandır. Mehmanxanada yox, meşənin içərisində çadırda qalsam, onda cavan bir oğlan kimi Bakıya qayıda bilərəm. - Lazımdırsa, sizin üçün bir çadır təşkil edək. – deyə Nurlan süfrəyə kölgə salan böyük çətiri bir qədər qohumuna tərəf yaxınlaşdıraraq tələsik halda dilləndi. – Buranın rəhbərliyinə müraciət etsək, onlar sizi iki və yaxud üç nəfərlik çadır ilə təmin edərlər. - Tək olsaydım, məmnuniyyətlə çadırda qalardım. – deyə Fikrət təəssüflə dilləndi. – Həm də qiymətlər bir qədər ucuz olsa, adam on günlüyə gəlib burada istirahət edər. - Fikrət müəllim, ürəyiniz haçan istəsə, mən sizin üçün elə bir şərait təşkil edərəm. – deyə polis əməkdaşı səmimi halda dilləndi. Peşəkar həkim həsrət dolu baxışları ilə ətrafdakı mənzə- rəni seyr edən zaman Arif tələsik halda stəkanları araqla doldurdu və kolbasanı doğrayıb, sağlıq dedi: Yüklə 1,78 Mb. Dostları ilə paylaş:
|