169
- Belə bir qəpik-quruşla sən özünü necə dolandırırsan?
Həmin pul, mənim on günlük siqaretimə çatmaz.
- Azərbaycanda fəaliyyət göstərən redaksiyaların
əksəriyyətində, ondan yuxarı məvacib yoxdur. Tək-tük
redaksiyalar var ki, orada müxbirlər kifayət qədər, hətta
mən deyərdim ki, 500 manatdan çox maaş alırlar.
- Yaxşı, sən mənim sualıma cavab ver görüm, 250
manatla sən necə dolanırsan? – deyə Zemfira rişxəndlə
soruşdu.
- Hamı necə, mən də elə, yalnız borc-xərc içərisində. –
deyə Əliyusif hüznlə dilləndi.
- Mən sənə ayda iki dəfə çox pul verərəm, hələ bir hər
çıxan məqaləyə görə 50 manat mükafat alacaqsan. Bu ayda
təxminən 600 manat pul edir.
Zemfira yaşının cavan olmasına baxmayaraq, elə razı
halda danışırdı ki, sanki o, hansısa bir zavod, fabrik və ya
şirkətin müdiri idi. İstədiyi adamı işə götürür, istədiyi
adama maaş artırır, istədiyi adamı öz əhatəsinə daxil edirdi.
Halbuki Əliyusif yaxşı bilirdi ki, müğənninin sağa, sola
səpələdiyi pullar onda haradandır. Məhz belə bir məqamda
müxbir həmsöhbətini qıcıqlandırmağa qərara aldı. O, üzünü
abırsız qadına tutub, müəmmalı tərzdə soruşdu:
- Həmin pulları sən mənə verəcəksən, yoxsa başqa
adam? Çünki qısa müddət ərzində səhnədə olan müğənnidə
170
bu qədər pulun olması, bir qədər qəribə görünür. Məndə
olan məlumata əsasən, Natiqin özü də kifayət qədər imkanlı
adamdır. O, sizə...
- Natiqin adını niyə çəkirsən? – deyə Zemfira müxbirin
sözünü kəsərək əsəbi halda dilləndi. - Olmaya, sən onu
mənim oynaşım hesab edirsən? Siz müxbirlər, hər şeydən
dəqiq maraqlanmağa çalışırsınız. – sonra qanacağını nüma-
yiş etdirən qadın sol ayağını kreslonun əl qoyan yerindən
salladıb bir qədər sakitləşdi. – Sən bircə şeyi yadda saxla,
Natiq mənim prodüsserimdir. Onu da bil ki, mənim maliy-
yə vəziyyətim onun maliyyə vəziyyətindən bir neçə dəfə
yaxşıdır. Sənə təyin edəcəyim maaş öz halal pullarımdır və
mən həmin pulları səsimin, istedadımın hesabına qazanmı-
şam. Ayın yarısını mən toylarda keçirdirəm. Sifarişlərim isə
yalnız imkanlı adamlardan gəlir.
- Səndə olan istedada məndə heç bir şübhə yoxdur. –
deyə dodaqlarında acı təbəssüm sezilən Əliyusif rişxəndlə
dilləndi. – Bu yaxınlarda bir müğənni “Günə baxan”da
çıxış edən zaman, bütün tamaşaçılar qarşısında bəyan etdi
ki, toylardan əldə olunan pul ilə zəngin həyat sürmək müm-
kün deyil. O, yalnız bir yerdə yaşadığı şəxsi sponsorunun
sayəsində dolanır. Həmin sponsor müğənninin yaradıcılığı-
na pul buraxmaqdan əlavə, özünün şəxsi pulu hesabına
həmin qadını saxlayır.
171
- Başqasını deyə bilmərəm, amma sənin iş fəaliyyətini
mən öz vəsaitim hesabına maliyyələşdirəcəyəm. – deyə
başını dik tutan müğənni qətiyyətlə dilləndi.
- İndiki zamanda, sənin üçün bundan səmərəli təklif
görmürəm. – deyə Natiq araya girərək heyrətlə dilləndi. –
Belə gedişatla sən kasıbçılığın daşını atarsan.
- Məni tanıyanlar bilirlər ki, mənim ampluam başqadır. –
deyə müxbir təşəxxüslə dilləndi. – Mən çalışıram ki, öz
məqalələrimdə, hər şey təbii alınsın deyə, realist bir müxbir
kimi həqiqəti əks elətdirim. Ampluam dəyişəndən sonra
oxucularım bir ağızdan deyəcəklər ki, mən öz əqidəmdən
dönmüşəm. Xahiş edirəm, başqa müxbirlərə müraciət edin.
Onsuz da sifariş xarakterli məqalələr yazan müxbirlərimiz
kifayət qədər çoxdur.
- Bizə başqa müxbir lazım deyil. – deyə Natiq yenə də
təkidlə dilləndi. – Zemfira xanım sənin qələminə bələd
olduğu üçün, o, məhz səni məsləhət görür.
- Qulaq as, gör nə deyirəm, – deyə Zemfira siqaretini
külqabıda söndürüb, qarşısında olan badəni oynaşına tərəf
uzatdı və ondan konyak süzməsinə işarə edərək, Əliyusifə
nəzər sala-sala sözünə əlavə etdi. – sən mənim şəxsi müx-
birim olsan, onda, hər bir səfər zamanı, sən məni müşaiyət
edəcək və mənimlə bir mehmanxanada qalacaqsan. Bir
sözlə, ən yaxşı geyimlərdə olacaq, ən dadlı təamlardan
172
yeyəcəksən. Bəzi həmkarlarımı tənqid edib məni tərifləsən,
onda səni mətbuat katibim də edəcəm, mən deyənlə oturub-
dursan, onda bir il ərzində sənə bir xarici maşın da alıb
altına qoyacağam.
Müğənninin mədəniyyətə uyğun olmayan hərəkətləri
Əliyusifi hövsələdən çıxarırdı. Verilən təklif onun üçün
gözlənilməz olsa da, nəzərdə tutulan imtiyazlar şişirdilmiş
görünürdü. Sanki içəridəkilər onu məsxələyə qoymuşdular,
çünki Azərbaycanda heç bir müğənni, hər hansı bir jurnalist
ilə işbirliyi quranda, həmin mətbuat adamına bu qədər pul
xərcləmirdi.
Zemfira başqa şou-biznes aləminə daxil olan müğənnilə-
rə nisbətən, xeyli cavan və az tanınan idi. O, mətbuatın və
televiziyanın vasitəsilə, qısa müddət ərzində populyar
olmaq niyyətində olduğu üçün, belə bir üsula əl atmağa
çalışırdı. Lakin buna baxmayaraq, Zemfira böyük pul
məbləğində, mətbuat aləmində, Əliyusifdən də məşhur və
peşəkar müxbirlərə müraciət edə bilərdi. İş ondadır ki,
müğənnidə olan məlumata əsasən, Əliyusif şou-aləminə
daxil olan əksər müğənniləri tənqid atəşinə tutaraq, öz
prinsipiallığı ilə ictimaiyyət arasında kifayət qədər nüfuz
sahibi sayılırdı. Artıq birmənalı şəkildə başa düşmək olardı
ki, o, belə bir təkliflə müxbiri öz tərəfinə çəkmək istəyir.
Həm də dialoq zamanı təkidlə bildirilirdi ki, Natiq
Dostları ilə paylaş: |