Ramiz Dəniz
Yüklə 1,78 Mb. Pdf görüntüsü
|
201 Müxbir çantasını götürüb ayağa qalxdı və ağsaya-ağsaya çaya tərəf aşağı düşdü. O, əl-üzünü yuyandan sonra gördü ki, sifətində sızaqlar qalıbdı. Əsas zərbələr bədən nahiyəsi- nə endirildiyindən Əliyusifin sifəti demək olar ki, salamat qalmışdı. Müxbir Allaha şükür edirdi ki, azğınlaşmış Natiq onu birdəfəlik şikəst etməmişdi. Hətta Əliyusif fiziki cəhət- cə nə qədər möhkəm olsa da, onun sağ ayağı bərk zədələndiyindən ağsamağa başladı. Bütün ağrıları öz daxilində dəf edən müxbir axsaq şəkildə çayın o biri sahilinə keçərək, meşənin içərisi ilə üzü kotteclərə tərəf getdi. Beləliklə o, xeyli yol gedərək qaldığı mehmanxananın arxasına çıxır və orada ayaq saxlayır. Əliyusif belə bir görkəmdə camaatın gözünə görünməmək üçün, hava qaralana kimi burada qalmağı planlaşdırdı. İndi əsas məqsəd heç kimin gözünə dəyməməklə mehmanxa- naya dazil olmaq idi. İş elə gətirdi ki, Ürfan ona zəng edib harada olduğunu soruşdu. O, elə bilirdi ki, müxbir hələ də müğənni ilə bir yerdədir. Əliyusif isə ona həqiqətdə harada olduğunu izah edərək, onunla görüşmək istədiyini dedi. Ürfan tərəddüd et- mədən deyilən yerə özünü çatdırır və müxbirin hansı vəziy- yətdə olduğunu görəndən sonra dəhşətə gəlir. Əliyusif əvvəlcə ona nə baş verdiyini ərz etmək istəmədi, lakin son məqamda o, Ürfanın ağzıbütöv oğlan kimi tanıdığı üçün 202 sirrini ona açıqlamağı məsləhət bildi. Həm də bu işin açılmasında cavan oğlan müxbirə böyük köməklik göstərə bilərdi. Ürfan zədələnmiş müxbiri mehmanxanaya ötürür. Tərs- likdən Qəşəm dostları ilə birlikdə Piran kəndi yaxınlığında yerləşən “Yeddi göl”ə getmiş və gecəni orada qalmalı idi. Əliyusif üçün bir neçə saat istirahət etmək üçün əlverişli imkan yaranırdı. Vəziyyət elə gətirdi ki, axşama doğru onun bədənindəki zədələrin ağrısı daha da şiddətləndi. Burnu və alt dodağı şişdi. Sağ qaşının üstündəki yara böyük iz yaratdı. Ürfan primitiv qaydada, yəni, yaş dəsmalın vasitəsilə bədəndə əmələ gələn şişləri yatızdırmağa çalışsa da, bunun heç bir effekti olmadı. Ağrılar daha da kəskinləşirdi. Şam yeməyinin vaxtı çatanda Ürfan böyük küləfirəngiyə getdi ki, xəsarət almış dostuna azuqə gətirsin. Hər şeyə ciddi və məsuliyyətlə yanaşmağa vərdiş edən Ürfan vəziyyətin o qədər də ürəkaçan olmadığını dərk edərək, bu haqda anasını məlumatlandırmağı qərara aldı. Çünki belə bir vəziyyətdə Əliyusifə ambulator müalicə lazım idi. Sənubər hər şeydən hali olanda dəhşətə gəlmişdi. Olma- yan bir cinayəti kiminsə boynuna qoymaq və buna görə həmin adamı cəzalandırmaq, bu ağlasığmaz bir şey sayılır. 203 Mütləq bu müəmmalı məsələni araşdırmaq lazım idi. Sənu- bər Gülnarə ilə rəfiqə olduğu üçün, bu məsələnin araşdırıl- masında məhz o, müxbirə köməklik göstərə bilərdi. Lakin hər şey nəzərdə tutulduğu kimi asan deyildi. İş ondadır ki, Zemfira çəkdiyi videonun görüntüləri, elə müğənninin vasi- təsilə Gülnarənin mobil telefonuna ötürməyə nail olmuşdu. Məkrli niyyətini həyata keçirən Natiq rahatlaşmaqdansa, özünü daha da əsəbi halda aparmağa başladı. Ona görə ki, bu hadisədən sonra Gülnarə müəyyən mənada depressiyaya düşmüş və bir daha təkbaşına kompleksin ucqar yerlərinə ayaq basmırdı. O, hər şeydən ehtiyat edirdi. Əliyusifi cəzalandırmaqda xüsusi rol oynamış Natiq bu hərəkəti ilə müəyyən qədər Gülnarənin etimadını qazanmış- dı. O, depressiyaya düşən Gülnarə ilə daha yaxın əlaqələr yaratmaq şansını əldən vermək istəmirdi. Məhz buna görə də Natiq mütəmadi olaraq rəssam qıza zəng edib, ondan hal-əhval soruşurdu. Onun bu hərəkəti müəyyən mənada Gülnarəni sakitləşdirsə də, o, həmin kottecdə tək olmadığı- nı bəhanə gətirərək, oğlandan zəng etməməyi xahiş etdi. Maraqlı o idi ki, anasını təşvişə salmaq istəməyən rəs- sam qız başına gələn müsibəti daxilində sirr kimi saxlamağı qərara almışdı. Onun fikrincə, onsuz da cinayətkar öz cəza- sına çatibdır. Elə onun səhhəti və indiki durumu ilə maraq- lanan Sənubər rəfiqəsini yoxlamaq üçün Gülnarın qaldığı 204 kottecə gəlmiş və bir daha fürsət tapan kimi Əliyusifin günahsız olmasını sübuta yetirmək istədi. Lakin sarsıntı içərisində olan qız müxbirin adını eşidən kimi, birdəfəlik həmin adamın adının hallanmamasını rəfiqəsinə bildirir. Sənubər məyus halda mehmanxanaya qayıdır və əldə etdiyi lazımi dərmanlarla primitiv qaydada müxbirin müali- cəsi ilə məşğul olmağa başladı. Bakıya qayıtmaq üçün vaxtın tükəndiyini görən Natiq get-gedə azğınlaşmağa başlayırdı. O, Zemfiranın yanında olsa belə, özünü narahat hiss edirdi. Özünü əsəbi aparan Natiq, söhbət zamanı qeyri-ixtiyari olaraq, qarşısındakı qadını acılayırdı. Necə ki, Natiq, eləcə də Zemfira emosio- nal və əsəbi adam sayılırdı. Arada narazılıq yaranan kimi oğlandan tez, həyasız qadın emosiyalara qapılaraq, məşuqu ilə qızğın mübahisə yaradırdı. Həmin geçəni Sənubər xəsarət almış müxbirin qulluğun- da duraraq, onun zədələrinin sağalmasına böyük bir təkan verdi. Günortaya yaxın Əliyusif ayağını çəksə də, sərbəst şəkildə yeriyə bilirdi. Bəlli olur ki, hava qaralan zaman istirahət edən turistlər- dən ikisinin, istirahət müddətinin başa çatdığı üçün, gəldik- ləri “Mersedes” maşınında geri qayıtmalıdırlar. Ürfan sürü- cü ilə danışıb, müxbiri onlarla birlikdə Bakıya göndərdi. Yüklə 1,78 Mb. Dostları ilə paylaş:
|