Ramiz Dəniz
Yüklə 1,78 Mb. Pdf görüntüsü
|
193 Ürfanın buradan uzaqlaşmasını istədi. Müxbir dostunu geri göndərəndən sonra nə lazım olduğunu soruşdu. Zemfira pələmədən sol tərəfdə yerləşən talvarda sərbəst söhbət etmək üçün həmin istiqamətə yollanmağı məsləhət bildi. Müğənninin onunla yanbayan sərbəst şəkildə yol getməsi Əliyusifin daxilində müəyyən şübhələr oyatdı. Çünki o, yaxşı bilirdi ki, yanındakı qadın çox ambisioz və eqoistdir, belə adamlar köhnə ədavətə görə heç kiminlə barışmaq fikrində olmurlar. - Mənim səndən acığım gəlsə də, bir qonşu kimi yazığım gəldiyi üçün səni məlumatlandırmağı qərara aldım. – deyə müğənni pələmənin yanından ötən kimi ikrah hissi ilə dilləndi. – Burada bir gözəlçə səni tutdurmaq istəyir. - Nəyə görə, – deyə vəcdə gələn müxbir bir anlığa soyuqqanlığını itirdi. – kimsə məni şərləmək istəyir? - Şərlədi-şərləmədi həmin gözəlçə səni polisə vermək istəyir. – deyə müğənni əda ilə dilləndi. - Mən nə iş görmüşəm ki, polisə vermək istəyirlər? – deyə eşitdiyi sözlərdən hiddətlənən Əliyusif nəzarətdən çıxmağa başaldı. Həmin an qonşular talvara çatdılar, lakin orada bir neçə adam olduğundan onlar meşə istiqamətində yollarını davam etdirdilər. Zemfiranın hərəkətlərindən hiss etmək olardı ki, o, bilərəkdən oğlanı meşənin içərisinə aparır, amma 194 Əliyusif o qədər həyəcanlı idi ki, o, hara getdiyini dərk etmirdi. Müxbir ayıq başla heç vaxt həmin müğənni ilə təklikdə meşəyə daxil olmazdı. Ona görə ki, Zemfira kimi həyasız qadınlar hər an özünün məkrli planlarını həyata keçirmək üçün onu şərləyə bilərdi. Zemfira dar cığır ilə bir neçə metr də gedib ondan sonra yanındakı adamı qıcıqlandırmaq üçün dedi: - Həmin qızın dediyinə görə sən onu zorlamaq istəmisən. - Bu tamamilə absurd bir fikirdir. – deyə Əliyusif daha da vəcdə gələrək coşdu. – Məni 100 faiz şərləmək istəyir- lər. İndiyənə kimi mən heç bir qadının xətrinə dəyməmiş, əksinə daim onların hörmətini uca tutmuşam. - Elə biz də istəyirik ki, sən öz günahsızlığını sübuta yetirəsən. – tez-tez arxasına baxan müğənni mülayim ifadə tərzi ilə həmsöhbətini şinikləndirərək, onu daha da içəri aparırdı. – Mən rəva bilmərəm ki, yoldan keçən hansısa bir qız mənim qonşumu olmayan bir şeydə suçulandırsın. - Mənim vicdanım nəinki qadınların, hətta kişilərin də yanında təmizdir. – deyə haqsız sözlərdən dili topuq vuran müxbir həqarətlə dilləndi. Beləliklə, onlar xeyli gedəndən sonra hadisə yerinə bir neçə metr çatmamış çaya tərəf endilər. Mənəvi sarsıntı içərisində olan müxbir hələ də hara getdiyini anlamırdı. O, 195 çayın sahilinə çatanda və arxadan Natiqlə Akifin onu yaxalayandan sonra ayıldı. Oğlanlar şüşə butulkadan pivə içə-içə onlara yaxınlaşdı- lar. Əliyusif həyasız oğlanı görən kimi sir-sifətini turşutdu və bir anlığa sarsıntı hissi keçirdi. Müxbir o dəqiqə anladı ki, ambisioz oğlan burada, nəsə hiyləgər bir plan qurubdur. Ona pis təsir göstərən hal o idi ki, bu tamaşanın təşkil olunması üçün onun qonşusu müstəsna rol oynayırdı. Məhz bu səbəbdən müxbir ayaq saxlayıb geri dönmək istədi, lakin artıq gec idi. - Məni bura nə üçün gətiribsiniz? – deyə Əliyusif narazı halda dilləndi və yanındakı adamlara ötəri nəzər salaraq həmin tərzdə sözünə davam etdi. – Siz yaxşı bilirsiniz ki, mənim heç bir şeydə günahım yoxdur. Bəs bura nəyə görə gətirmisiniz? - Sən nəydən qorxursan? Sadəcə olaraq biz bir məsələni aydınlaşdırandan sonra sən yenə də kompleksin ərazisinə qayıdacaqsan. Akif ifadəsini sona çatdırmışdı ki, həmin an Natiq ona yaxınlaşdı və müxbirin geri qayıtmasına imkan vermədi. Həm Natiq, həm də onun sürücüsü Əliyusifi əhatəyə aldı- lar. Müxbir onların simasında gərginlik cizgilərinin sezildi- yini görəndə vəcdə gəldi, çünki hər ikisinin əsəbləri tarıma çəkilmişdi. Əliyusif hələ də dəqiq anlaya bilmirdi ki, qarşı- 196 sındakı adamları hiddətləndirən səbəb nədir və nəyə görə məhz onu bura çağırıblar? Müxbir nə baş verdiyini soruş- duqda, ağzından alov püskürən Natiq səbirsiz halda dedi: - Bir tərəfdən pələmədə tanımadığın bir qıza arxa durmaqla qəhrəmanlıq göstərirsən, o biri tərəfdən isə həmin qızın etimadından istifadə edərək, onun namusuna təcavüz edirsən. Sən köməksiz qızı zorlamaq istəmisən? Bilirsən də, belə biqeyrət hərəkətlərə görə adamı necə cəzalandırırlar? Artıq söhbətin nədən getdiyini dərk edən müxbir özünü cəmləşdirərək, vaxt itirmədən ünvanına yönəldilən ittiham- ları rədd etmək üçün müdafiəyə keçdi. O, baxışlarını azğın- laşmış oğlanın gözlərinin içərisinə yönəldərək həyəcan dolu hisslərlə dedi: - Başa düşmədim, nə üçün belə bir alçaq hərəkətə görə məndən şübhələnirsiniz? Bu cür naqis hərəkət mənim xislətimə uyğun deyil. - Sənin kimi çaqqalları yaxşı tanıyıram, – deyə müxbirə hədsiz dərəcədə kin bəsləyən Natiq qəzəblə qışqırdı. – Bir şey olan kimi sudan duru çıxmağa çalışırsınız? Qızın dediyi əlamət var ki, buna görə sən yaxanı məsuliyyətdən kənara çəkə bilməyəcəksən. - Nə əlamət? Hansı əlamət? Məni şərdən uzaq edin, mən təcili kompleksə qayıtmalıyam. Yüklə 1,78 Mb. Dostları ilə paylaş:
|