Ramiz Dəniz
Yüklə 1,78 Mb. Pdf görüntüsü
|
153 yaxınlaşdı və ondan xahiş elədi ki, “balaca uşaqların xatirinə onlar buradan uzaqlaşsınlar. Diskoteka ictimai yer olduğundan burada kefli görünmək qəti qadağandır”. Mühafizə rəisi özündən müştəbeh halda razı olan oğlana yaxınlaşanda Akif müdirini mühafizə etmək üçün dərhal araya girdi, lakin son məqamda özünü ələ almağı bacardı. - Birincisi, biz müəyyən qədər içsək də, heç də kefli deyilik. – deyə Natiq təəccüblə dilləndi. - İkincisi, biz burada olmaqla heç kimin istirahətini pozmuruq. Üçüncüsü isə, istirahət etmək üçün biz də başqaları kimi pul ödəmişik, deməli bizim istədiyimiz kimi istirahət etmək hüququna malikik. - İnciməyin məndən, bura ailəvi istirahət mərkəzidir. Əxlaqa zidd olan hərəkətlər, kimliyindən asılı olmayaraq, hər bir kəsə qadağan edilibdir. - Əxlaqa zidd hərəkətlər hansılardır ki, bizim ondan xəbərimiz yoxdur? – deyə Natiq istehza ilə dilləndi. - Lazımdırsa, mən sadalaya bilərəm, – deyə mühafizə rəisi soyuqqanlıqla dilləndi. – burada azyaşlı uşaqlar və ailələr olduğu üçün, qadın üçün siqaret çəkmək olmaz, kefli şəkildə camaatın arasında görünmək hamıya yasaq edilib- dir, üzr istəyirəm ifadəmə görə, vulqar geyimdə rəqs etmək və rəqs edən zaman öpüşmək qəti qadağandır. 154 Mühafizə rəisinin müdaxiləsi və irad bildirməsi Zemfira- nın xoşuna gəlmədi, o, üz-gözünü bozardaraq, kəskin şəkildə etirazını bildirdi: - Hansı geymdə gəlmək üçün səndən məsləhət almalı- yam və ya siqaret çəkmək üçün səndən icazə almalıyam? Öpüşməyi isə heç kim mənə qadağan edə bilməz. - İnciməyin məndən, hərəkətləriniz bizim adətlərə zid- dirsə və bununla da ətrafdakıların mənəviyyatına, psixoloji durumuna pis təsir göstərirsə, deməli siz başqa məkan seçməlisiniz. Çünki burada nümayiş etdirdiyiniz hərəkətlər, ailəlikcə bura gələn insanlara pis təsir göstərmiş və onlar məcburiyyət qarşısında qalaraq, məyus halda diskotekanı tərk etdilər. Hörmətli qonaqlar, sizdən artıq dərəcədə xahiş edirəm, öz hərəkətlərinizi nəzarət altında saxlayın. - Sən, deyəsən kiminlə söhbət etdiyini bilmirsən? – deyə Zemfira hiddətlənərək, ayağa qalxdı. - Mən, Azərbaycanın tanınmış müğənnilərindən biriyəm. Sən tanınmış müğənni- yə qarşı hörmətsizlik etmək istəyirsən? - Görürəm sən özündən çox razısan? – deyə Akif də söhbətə qarışdı. – Bizim işimizə qarışmaqla sənin başın ağrıya bilər. Qarşındakı adamların kimliyini ayırd etmədən, etdiyin müdaxilə nəticəsində işini də itirə bilərsən. 155 - Mən nə etdiyimi yaxşı bilirəm. – mühafizə rəisi qəzəb- lə dilləndi. - Sizə deyildi ki, ictimai yerdə, xüsusən də, uşaqların toplaşdığı yerdə siqaret çəkmək olmaz. - Sən elə danışırsan ki, guya Zemfiradan başqa burada siqaret çəkən yoxdur? – deyə Natiq məsələni bir qədər yumşaltmaq üçün mühafizə rəisinin sözünü kəsdi. – Mən, bir neçə saat buradayam, bu müddət ərzində bir neçə qadı- nın siqaret çəkdiyini görmüşəm. Nədənsə, onların siqaret çəkməsinə heç kim qadağa qoymur. - Onlar, balaca uşaqların toplaşdıqları yerdə siqaret çəkmirlər. - Buranı mənə tərifləməsəydilər, mən heç vaxt cənub bölgəsinə ayaq basmazdım. – deyə emosional oğlan narazı halda dilləndi. – Nabranın istirahət mərkəzlərində kim hara- da istəyir, orada da siqaret çəkir və hansı geyimə üstünlük verirsə, ondan da istifadə edir. Bundan sonra Natiq əsəbiləşərək, əlavə heç bir şeyi araşdırmaq istəmədən mühafizə rəisinin üstünə düşdü. Arif Fikrət ilə birlikdə vəziyyətin gərginləşməsini istəməyərək, araya girərək onları aralamağa başladı. Bir tərəfdən Natiq yavaş-yavaş anlamağa başladı ki, mühafizə rəisinin iradları düzgündür və belə bir qayda–qanunların hökm sürülməsi, ailəvi istirahət edənlər üçün rahat və əlverişli zəmin yaradırdı. Lakin buna baxmayaraq Zemfira və onun 156 məşuqəsi heç cürə deyilən iradlarla razılaşmaq istəmirdilər. Hətta bəzi hallarda onlar əks tərəfə qarşı əl-qol da atmağa çalışırdılar. Mühafizə rəisinin coşmuş adamların arasında olmasına baxmayaraq, o, bütün iradəsini toplayıb ciddi halda dedi: - Hamınıza axırıncı dəfə xəbərdarlıq edirəm, öz hərəkətlərinizi nəzarət altında saxlamasanız, yəni bizim bu məkanda qoyduğumuz qayda-qanunlara riayət etməsəniz, onda buradan çıxaralacaqsınız. - Biz hələ buna baxarıq. – deyə Natiq hiddətlə dilləndi və artıq emosiyalara əl atmadan o, kottecə getməyi məsləhət bildi. - Bunlara bax ha, elə bil XIX əsrdə yaşayırlar. – deyə Zemfira bayquş baxışlı nəzərlərini həmsöhbətinə yönəldə- rək, ikrah hissi ilə dilləndi. – Mənim, həmişə köhnə fikirli adamlardan zəhləmim gedibdir, bədbəxtçilikdən gəlib onla- rın arasına düşmüşəm. – sonra üzünü yanındakı oğlana tuta- raq, əsəbi halda sözünə əlavə etdi. – Natiq, tez ol, buradan gedək. Mən bir dəqiqə də, Nuh əyyamından qalan insanla- rın yanında qala bilmərəm. Məhz bundan sonra onlar buradan aralanmağa qərara aldılar. Əliyusifin bəxti gətirdi ki, hava qaranlıqdır və bura tutqun lampalarla işıqlandırılırdı. Bu səbəbdən özündən coşmuş qadın müxbiri tanıya bilmədi. Əliyusif həmin Yüklə 1,78 Mb. Dostları ilə paylaş:
|