Ramiz Dəniz
Yüklə 1,78 Mb. Pdf görüntüsü
|
- Bu səhifədəki naviqasiya:
- XV fəsil. Əqidəsinə görə verilən təklifdən imtina edən müxbir
165 Pula görə namusunu satan, ləyaqəti barəsində azacıq olsun belə, düşünməyən həmin pozğun qadın, hazırda başqasının vicdanını pul ilə satın almağa çalışırdı. - Burada, siz fikirləşdiyiniz kimi, hər şey satın alınmır. – deyə Əliyusif bütün iradəsini toplayaraq, aludəliklə dilləndi. – Mən çalışdığım redaksiyada eybəcərliklər tərif olunmur, orada yalan çiçəklənmir. Əlirza bəy bütün sətirləri saf-çürük edir, müəlliflərlə şəxsən görüşür, mənəviyyatın təbliğ olunmasına xüsusi diqqət yetirir və ən nəhayət o, əxlaq pozğuntularına qarşı səlib müharibəsi elan edibdir. - Sənin maaşın nə qədərdir? – deyə müğənni maraqlandı. - 250 manata yaxın. Bu cavabdan sonra qəhqəhə ilə gülən Zemfira kresloya yayxanaraq əli ilə Natiqin çiyninə vurdu. Sonra o, sinəsinin üstündə bərq vuran kulonu dostuna göstərib istehza ilə soruşdu: - Natı, gördüyün bu brilliant kulonu satsam, neçə müxbir işlədə bilərəm? - Bir aya 250, bir ilə haradasa, 20 nəfər. – deyə riyaziyyatdan yaxşı başı çıxan Natiq, bir neçə saniyə vaxt itirərək, gülə-gülə dilləndi. Eşidilən rəqəmdən vəcdə gələn müxbir öz təəccübünü gizlədə bilmədi və maraqla soruşdu ki, həmin şüşə elə qiymətlidir ki, onun dəyərində bu qədər adam işlətmək 166 olar? Həmin sualdan özünü saxlaya bilməyən Zemfira, kresloya sərilib ayaqlarını yuxarı qaldıraraq əsdirə-əsdirə, qəh-qəhə çəkib gülməyə başladı. Onun belə bir şıltaq hərəkətini özü üçün təhqir hesab edən müxbir, ağzını açıb söz demək istəyirdi ki, birdən müğənni ayaqlarını aşağı salıb mat-məəttəl halda dedi: - Sən necə müxbirsən ki, adi şüşəni brilliantdan ayıra bilmirsən? Heç bilirsən, sinəmdəki kulonun qiyməti nə qədərdir? 50 min manat! Hər müğənni belə bir qiymətli qaşı sinəsində gəzdirməyi arzulayır. - Zərgərlərin ad verdikləri brilliant, almaz, yaqut, zümrüd, əqiq qaşlar mənim üçün Allahın yaratdığı adi şüşə hesab olunur. – Əliyusif köksünü ötürərək, soyuqqanlı tərzdə dilləndi. – Mənim fikrimcə, balaca bir şüşəyə 50 min manat pul verən adam kamil şəxs ola bilməz. Ona görə ki, həmin pulu şüşəyə verincə, kimsəsiz körpələr, uşaqlar, qocalar evinə, internatlara köçürülsə, daha savab iş sayılar. - İncimə məndən, amma sən geridə qalmış adamlar kimi danışırsan. – Zemfira ağzını büzərək narazı halda dilləndi. – Mən zəhmətim bahasına həmin brilliant kulonu əldə etmişəm. O ki, qaldı kimsəsiz uşaqlar evinə və internatlara kömək edən təşkilatlar var. Biz müğənnilərin ora yardım etməyimizin heç bir mənası yoxdur. 167 - Kimsəsiz uşaqlara yardım etmək üçün, adamda gərək geniş ürək olmalıdır. İtə, pişiyə, meymuna, mənasız şeylə- rə, brend adı altında satılan bahalı pal-paltarlara, əşyalara pul xərcləyincə, həmin pul kimsəsiz uşaqlara xərclənsə, onda Allaha da xoş gedər. Bax, elə götürək, içdiyiniz bu konyakı. Mən biləni bu konyakın qiyməti, haradasa, 200- 250 manat civarındadır. Artıq bu israfçılıqdır. Halbuki həmin pula neçə uşaq sevindirmək olardı. XV fəsil. Əqidəsinə görə verilən təklifdən imtina edən müxbir Müxbirin bu sözü bir qədər müğənnini qıcıqlandırdı və o, konyak içə-içə həmin adamı qəribə baxışları ilə süzsü. O, bir qədər ara verəndən sonra ciddi halda dedi: - Elə hamı gözünü bizim pula dikibdir. Mən hər hansı bir malı əldə etmək istəyirəmsə, onda həmin malın qiyməti neçəyə olursa-olsun, mütləq onu əldə etməliyəm. - Sizin pullara heç kimin gözü düşməyibdir. Sadəcə olaraq, mən demək istəyirəm ki, əldə olunan pullar elə 168 xərclənməlidir ki, Allaha xoş olsun. Ən savab iş isə kasıb- küsuba əl tutmaqdır. - Bilmək istəyirsənsə, müğənnilərin əksəriyyəti müəyyən bayramlarda uşaq evlərində, internatlarda tədbirlər keçirir- lər. Allaha şükür ki, həmin xeyriyyə tədbirləri televiziya ekranlarında nümayiş etdirilir. - Televiziya ekranlarında açıq-aydın görmək olur ki, həmin tədbirlər xeyriyyəçilikdən qat-qat uzaqdadır. Müğən- nilər həmin tədbirləri yox, məhz özlərini reklam edirlər. Onlar uşaqlara yardım aparmaq əvəzinə, fanoqramı işə salaraq, orada boş-boşuna attanıb-düşürlər. Uşaqlar onsuz da asudə vaxtlarında maqnitofon qoyub musiqi dinləyirlər. - Sənin dediklərin absurddur. Mus-mus deyincə, birdəfə- lik mustafa de də. Sözünün canını söylə. - Dediyim odur ki, şəxsən mənim 50 min manatım olsa, mən onu, hər hansısa bir ziynət əşyasının alınmasına xərcləmərəm. Çünki həmin ziynət əşyası oğurlansa, elə bil iki otaqlı mənzil oğurlanıbdır. Aldığım məvacibim 250 manatdır və inanmıram ki, belə bir gedişatla mənim məvacibim iki və yaxud üç dəfə artsın. Yenə də Zemfiranın dodaqlarında istehza təbəssümü sezildi və o, növbəti siqareti yandıraraq Əliyusifə şübhəli bir nəzər saldı. Özünü vulqarcasına aparan müğənni, siqaret tüstüsünü həmsöhbətinin sifətinə üfürə-üfürə dedi: Yüklə 1,78 Mb. Dostları ilə paylaş:
|