133
- Əgər, elə şeylərə əhəmiyyət versək, onda heç bir oğlan
hər hansı bir qız ilə ünsiyyət qurmamalıdır.
- Amma hər şeyin öz həddi var. – deyə rəssam qız
oğlanın dedikləri ilə razılaşmadı. – Sən şəhərdə də, elə
burada da olanda məni təqib edirsən. Bu hərəkətlərə görə
mən xəcalət çəkirəm.
- Əmin-amanlıqla bildirmək istəyirəm ki, mənim sənə
yaxınlaşmaqda pis niyyətim yoxdur. Sən hələ məni yaxşı
tanımırsan. Mən bütün varlığımla sənin qulluğunda durmaq
istəyirəm. Mən həqiqətən də sənə pis niyyətlə yaxınlaşmı-
ram. Sadəcə olaraq, hər dəfə mən səninlə üzləşib ünsiyyət
qurmaq istəyəndə, aramızda narazılıq baş verir.
- İncimə məndən, haçan səninlə üzləşirəmsə, həmin an
mənim halım pisləşir. Ona görə ki, sən gah qrup yol-
daşlarımın, gah iş yoldaşlarımın yanında mənə yaxınla-
şaraq, qabağımı kəsir, bərkdən danışır, son anda isə acılayıb
uzaqlaşırsan.
- Sən mənə qulaq asmaq istəmədiyin üçün mən
hiddətlənirəm. Axı, sən mənim nə demək istədiyimi və
məqsədimi öyrənmək istəmirsən. Mənim yaxşı təklifim var.
- Yaxşı, sözünü de, ondan sonra məni rahat burax.
- Gülya xanım, sadəcə olaraq, mən səndə olan
mədəniyyəti görüb, sənə yaxşı iş təklif etmək istəyirəm.
134
- Maraqlıdır, sən mənə hansı iş təklifi edə bilərsən? –
deyə qız baxışlarını gizlədərək istehza ilə dilləndi. - Bəlkə
sən, hansısa böyük şirkətin prezidentisən?
- Açığını desəm, Bakının mərkəzində mən böyük bir
restoran işlədirəm. – deyə nəzərlərini qızın gözəl çöhrəsin-
dən ayıra bilməyən Natiq, bir qədər tərəddüd edəndən sonra
səmimiyyətlə dilləndi. – Həmin restoranın müştəriləri çox
nüfuzlu adamlardır və onlar oraya yeməkdən çox, mənəvi
istirahət etmək üçün gəlirlər. İstərdim ki, sən mübarək
addımlarınla ora ayaq basasan.
Bu sözlərdən sonra Natiq ona lovğa adam kimi göründü.
İş ondadır ki, Gülnarə qarşısındakı oğlanın imkanlı ailədən
olduğunu bilirdi. Qızda olan məlumata görə Natiq
Rusiyadan Azərbaycana böyük həcmdə tikinti materialları
gətizdirərək, onları iri tikinti sektorlarında realizə edirdi.
Məhz bu iş ilə əlaqədar o, mütəmadi olaraq Rusiyaya ezam
olunurdu. Rəssam qız dəqiq bilirdi ki, yazılmamış
qanunlara görə Natiq imkanlı ailədən olduğu üçün atası ona
kasıb ailədən qız almayacaq. Elə ailələrdən olan valideynlər
adəti üzrə öz imkanlarına uyğun olan qız alıb, qız verirlər.
Bu vaxta qədər isə Natiq neçə dəfə Gülnarə ilə
görüşübdürsə, həmişə də qızdan xoşu gəldiyini və ona olan
münasibətinin ciddi olduğunu bəyan etmişdi. Bundan əlavə
özündən müştəbeh halda razı olan oğlan bahalı hədiyyələr
135
alması ilə şirnikləndirməyə çalışmışdır və belə bir
söhbətlərdən sonra o, Gülnarənin nifrətini qazanırdı. Bir
sözlə, özünü restoran müdiri kimi qələmə verən Natiq bu
dəfə də lovğalığına görə qızın gözündən düşdü.
- Çox gözəl ki, sənin restoranın var. – deyə Gülnarə
ciddi halda dilləndi. - Amma bildirmək istəyirəm ki, mən
heç vaxt restoranlarda olmuram. Çünki aldığım məvacib
buna imkan vermir.
- Bilmək olar, işlədiyin yerdə nə qədər məvacib alırsan?
- Buna heç bir ehtiyac yoxdur.
- Nə deyirəm ki, harada işləməyindən asılı olmayaraq,
sənə daha yaxşı, daha səmərəli, daha yüksək məvacibli, iş
təklif etmək niyyətindəyəm.
Bu təklif o qədər də qızın ürəyindən olmasa da, o, başını
qaldırıb oğlana tərəf sualedici nəzərlərini yönəltdi. Həm-
söhbəti heç bir söz işlətməsə də, lakin onun mimikasının
tərpəndiyini görən Natiq həvəslə sözünə davam etdi. O:
- İstərdim ki, sən mənim restoranımda administrator
vəzifəsində işləyəsən. Həmin işin öhdəsindən gəlmək üçün
mənə tərbiyəli, qabiliyyətli və bacarıqlı bir xanım lazımdır.
- Üzr istəyirəm səndən, - deyə rəssam qız təəccüblə
dilləndi. - məni yaxından tanımadan haradan bilirsən ki,
mən tərbiyəli, qabiliyyətli və bacarıqlı adamam?
136
- Mən xeyli müddətdir ki, sənin hərəkətlərini, davranışı-
nı izləyir və müəyyən mənada, sənin hansı xarakterə malik
olduğuna bələdəm.
- Qəribə olmasa da, verdiyin təklifə öz etirazımı
bildirdiyim üçün, səni məyus etməli olacağam.
- Mən deyərdim ki, təəssüflər olsun. – deyə həmsöhbə-
tinin belə bir cavab verəcəyinə hazır olan Natiq məyus
halda dilləndi. - Bilmək olar, nəyə görə sən belə bir
əlverişli təklifə öz etirazını bildirdin?
- Çünki bu təklif qeyri-real kimi görünür. – deyə qız
qətiyyətlə cavab verdi. – Sən yaxından tanımadığın bir
adama elə bir məsuliyyətli işi necə tapşıra bilərsən? Sən
kənardan mənim hərəkətlərimi izləsən də, heç vaxt mənim
xarakterimə bələd ola bilmərsən. Deməli, mən heç bir vaxt
verdiyin etimadı doğrulda bilmərəm.
- Əbəs yerə belə fikirləşirsən, mənim təklifim çox
ciddidir. Restoran mənimdir və mən kimi hansı vəzifəyə
istəsəm, ora da təyin edirəm. Seçimimdə isə mən heç
kiminlə məsləhətləşmirəm. Mənim üçün bir gün kifayətdir
ki, adamın xasiyyətinə lazım olan qədər bələd olum.
- İncimə məndən, mənim kimi bir adam hər şeydən
ehtiyat edə-edə restoranda, kafedə işləyə bilməz.
- Sənə dedim axı, ora çox elitnıy restorandır, müştərilə-
rim isə ölkəmizin çox nüfuzlu adamlarıdır. Hətta müğənni-
Dostları ilə paylaş: |