145
- Bu fikrin ilə səninlə razılaşmıram. Mən Gülnarəni çox
mədəni, tərbiyəli, əxlaqlı, yerini bilən bir qız kimi gördüm
və qətiyyətlə deyə bilərəm ki, indiki zamanda elə xasiyyət-
də olan qızlara nadir hallarda rast gəlmək olar.
Elə bu vaxt Qənirə əlində böyük bir podnes Günayla
birlikdə kottecdən çıxdı və şəhərdən gətirdiyi tortu masanın
üstünə qoydu. Paralel olaraq Əliyusif də samovarı dəm çay-
niki ilə birlikdə masaya yaxın bir yerə qoydu və ara vermə-
dən stəkanları çayla doldurdu. O, işini başa çatdıran kimi
buradan getmək istədi, lakin Ofeliya narazılığını bildirərək,
müxbirin qalmasını xahiş etdi. Əliyusif də qabiliyyətli
oğlan kimi qonşusunun sözündən çıxmayıb, Arifdən sol
tərəfdə özünə yer elədi və utancaq halda baxışlarını yerə
zillədi.
Daim nənəsinin yanında olduğundan ona öyrəşən Aydan
Ofeliyanın yanında əyləşərək, əlindəki balaca çay qaşığı ilə
tort dilimini kəsib yeməyə başladı.
Hamıya nisbətən yalnız Xədicə məyus halda əyləşərək,
hərdənbir oğluna tərs nəzər salırdı. Səhhətində problem
olan Ofeliya isə hamıdan şux görsənirdi və Qənirənin kiçik
qızı Gülnarə ona xoş təsir göstərdiyindən o, istəyirdi ki,
Əliyusif ilə həmin qız arasında sıx əlaqələr yaransın. Məhz
buna görə də o, üzünü Qənirəyə tutub hərarətlə dedi:
146
- Qənirə xanım, belə çıxır ki, biz hazırın naziriyik? Belə
olmaz.
- Nə olub, axı? – deyə Qənirə çiyinlərini çəkərək,
rəfiqəsinə qəribə nəzər saldı.
- Siz tortu gətirmisiniz ki, qızlarınız ilə birlikdə burada
çay dəstgahı təşkil edəsiniz, amma onlar burada yoxdular.
Onlar burada olmadan şəxsən, mənim boğazımdan bir tikə
də tort keçməz.
- Bu barədə narahat olmağa dəyməz. Halal xoşunuz
olsun! Onsuz da qızlarımın günü tort yeməklə keçir. Həm
də əvvəlcədən bilirdim ki, Aydan kimi şahzadə bir qız bura
gəlib, hazırlanan tortun dadına baxacaq.
- Evdə başqa, amma istirahət kompleksində tort yeməyin
başqa ləzzəti var. Hətta Arif də diabet xəstəsi olmasına
baxmayaraq, burada tort yemək həvəsində olur. Mənə elə
gəlir, onlarsız tort yemək yaxşı düşməz.
Məhz bundan sonra çıxılmaz vəziyyətdə qalan Qənirə
yenə də mobil telefonu ilə zəng edərək, qızlarını çay dəst-
gahına dəvət etdi. Lakin qızlar bildirdilər ki, onlar qayıqda
gəzdikləri üçün bir qədər yubanacaqlar. Bu cavab Ofeliya
ilə qonşu qadını məyus etsə də, əksinə, Əliyusifin ürəyin-
dən oldu. Onlar gələnə kimi müxbir çayını içib başqa bir
bəhanə ilə buradan uzaqlaşacaq. Onsuz da yarım saatdan
sonra şam yeməyi başlayacaqdı.
147
Çay dəstgahına toplaşanlar buradakı füsunkar gözəlliyə
malk olan təbiətdən söz açaraq, cənnətdə olduğu kimi
özlərini hiss edirdilər. Onların dediyindən belə çıxırdı ki,
cənnət görmək istəyən “Relax”a gəlsin.
Əliyusif ağzına su alıb otursa da, o, vaxtaşırı boşalan
stəkanları çay ilə doldurub, hamının qulluğunda dururdu.
Onun bu hərəkəti, nümayiş etdirdiyi qabiliyyət ailəsindən
uzaq olan hər bir kəsi heyran etmişdi. Əliyusif hiss etdi ki,
Qənirənin də ondan xoşu gəlmiş və ziyalı qadın onun hər
bir addımını diqqətlə izləyir. Bütün bunlara baxmayaraq
müxbir vaxtın tez gəlib keçdiyini və buradan tezliklə
uzaqlaşmağını istəyirdi.
Elə oldu ki, şam yeməyinin vaxtı gəlib çatdı, qızlar isə
hələ də bura gəlib çıxmadılar. Onlar bildirmişdilər ki,
Məkanə ilə bir yerdə göldən çıxıb birbaşa küləfirəngiyə
gedəcəklər.
Şam yeməyi bir saat idi ki, başa çatmışdı və böyük
küləfirəngidə olan adamların demək olar ki, hamısı oradan
uzaqlaşmışdı. Əliyusif Arif ilə kompleksin yuxarı ərazi-
sində gəzişirdi. Əvvəlcədən əldə edilən razılaşmaya əsasən,
həmişə həyat yoldaşı ilə bir yerdə olan neft mütəxəssisi, bu
dəfə Ofeliyanı Xədicənin yanında qoyub, ondan sonra
müxbir ilə gəzintiyə çıxmışdı. Onların müzakirə obyekti,
payızda işıq üzü görəcək “Hikmətli kəlamlar” kitabı idi.
148
Əliyusif təbiətən ağır bir insan idi və o, cidd-cəhdlə
calışırdı ki, vulqar hərəkətli, vulqar geyimli, qeyri-ciddi,
danışığına hədd qoymayan insanlardan uzaq olsun. Məhz
bu səbəbdən o, asudə vaxtını Arif ilə keçirməyi xoşlayırdı.
Qalmaqal həyat tərzinə öyrəşən Natiqgil günorta yemə-
yindən sonra meşəyə gəzintiyə çıxmışdılar. Onlar vaxtları-
nın xeyli hissəsini meşədə keçirib yalnız, hava qaralana
yaxın kompleksin ərazisində peyda oldular. Hava qaralanda
burada istirahət edən cavan və yaşlı turistlər əylənmək üçün
yay diskotekasında toplaşırdı. Elə Natiq də qonağı ilə
birlikdə həmin yerə getdi. Lakin ikili oyun aparan emosio-
nal oğlan ora getməmişdən əvvəl Akifə tapşırıq vermişdi ki,
Gülnarənin orada olduğunu öyrənsin. O, istəmirdi ki,
rəssam qız onu Zemfira ilə bir yerdə görsün. Ümumiyyətlə,
Natiqin sürücüsü qızın haralarda olması və kimlərlə
vaxtının keçirməsi barəsində məlumatlar toplayıb, müdirinə
lazımi məlumatlar çatdırırdı.
Elə Əliyusifin özü də mümkün olan dərəcədə onlardan
uzaq olmaq istəyirdi və onların gözlərinə görünməmək
üçün o, əvvəlcədən Arif ilə birlikdə diskotekada fəaliyyət
göstərən çayxanada oturaraq, vaxtını keçirirdi. Nurlan da
həyat yoldaşı ilə Aydanı götürüb bura gəlmişdi. Onlar lap
diskotekanın meydanına yaxın bir yerdə əyləşərək limonad
içə-içə ləbləbi yeyirdilər. Diskoteka fəaliyyətə başlamamış-
Dostları ilə paylaş: |