Ramiz Dəniz
Yüklə 1,78 Mb. Pdf görüntüsü
|
213 verdiyi təklifi qızına deyəndə o, da tərbiyə görmüş bir övlad kimi bildirir ki, hələlik ərə getmək fikrində deyil və münasib vaxt yetişən kimi bu haqda anasını məlumatlandıracaq. İndiki vaxtda Natiq Gülnarə üçün başa düşən, özünü ağır aparan, ciddi davranışlı bir oğlan sayılırdı. Belə bir məqam- da o, başqa bir oğlan haqqında azacıq olsun belə, düşünə bilməzdi. Bütün bunlara baxmayaraq Qənirə əmin idi ki, qızı onun sözündən çıxmayacaq və qısa müddət ərzində bu məsələ ilə bağlı özünün müsbət cavabını verəcək. Elə buna görə də o, rəfiqəsini xətircam etmək üçün bildirir ki, Gülna- rə utandığından bu barədə qəti fikrini bildirmək iqtidarında deyil. Ümumiyyətlə, tanımadığı oğlanlarla ünsiyyətdən kənar duran Gülnarə istirahət zamanı başına gələn müsibətdən sonra hər bir kəsdən uzaq olmağa üstünlük verirdi. Qızın Natiq ilə (Natiq Əliyusifi cəzalandırandan sonra Gülnarə ilə onun arasındakı münasibət xeyli dərəcədə yaxşılaşmış və bununla da zavallı qız həmin adamı özündən uzaqlaşdıra bilmirdi) dostluq əlaqəsi yaranandan sonra, yenə də o, özünü ehtiyatlı aparmağa başladı. Günlər, həftələr, hətta aylar ötüb keçir, lakin Gülnarənin Əliyusifə olan kin-küdurəti, nifrəti, qəzəbi hələ də soyumamışdı. Qızın fikrinə görə onun ləyaqətini alçaldaraq 214 namusuna toxunmaq istəyən bir şəxs ömürlük zülmə düçar olmalıdır. İndiki məqamda rəssam qızın bir arzusu vardı; şəhərin gur hissəsində Əliyusiflə üzləşib və camaat qarşı- sında onun üzünə tüpürsün. Beləliklə o, qəlbən küsdüyü bir insanı camaat arasında biabır edərək, növbəti dəfə ondan qisas almaq istəyirdi. Hər şey Məkanənin onunla görüşüb səmimi söhbətdən sonra dəyişdi. Çünki Məkanə müxbirin sözlərinə istinadən cavan rəfiqəsinə izah edirdi ki, Əliyusifin bu cinayətdə heç bir əlaqəsi yoxdur. Sadəcə olaraq onu qızın gözündən salmaq üçün belə bir böhtan xarakterli hərəkətə əl atıblar. Lakin bütün bu təkidlərə əhəmiyyət verməyən Gülnarə, rəfiqəsinə bildirdi ki, əgər xətrini istəyirsə, bir daha bu məsələ onun yanında müzakirə olunmasın. O, əmin idi ki, həmin ərəfədə başqa oğlanlarla yanaşı Əliyusifin də ona gözü düşmüş və bəlkə də hisslərini ram edə bilməyindən, belə bir alçaq hərəkətə əl atmışdı. - Sən ömrünün axırına qədər həmin adamı qınayacaq- san? – deyə Məkanə təəccüblə dilləndi. – Gülya, sən yaxşı bilirsən ki, təsdiq olmayan bir şeyə görə onu həddindən artıq, mən deyərdim ki, vəhşicəsinə döyərək, sənin gözün- dən saldılar. - Mənə elə gəlir orada yanlışlıq olmayıbdır, - deyə başını aşağı salan rəssam qız həqarətlə dilləndi. – ona görə ki, 215 həmin yaramazı günahlandırmaq üçün kifayət qədər dəlillər vardı. Onlardan biri telefonda səslənən “Bakılı qız” mahnısı. - Gülya, mən səni yaşıdlarına nisbətən həddindən artıq ağıllı, dərrakəli bir qız kimi tanıyır və bilirəm ki, hər bir məsələdə sən müstəqil fikirlər yürüdürsən. Amma sən zəkana üstünlük verərək, bu məsələnin müsbət həllinə ayıq başla nail ola bilərsən. Əsl günahkarın üzə çıxması baş versə, onda sən də rahat nəfəs alarsan. - Məkanə, bilirsən mən nə vaxt rahat nəfəs alıram? – deyə bir qədər həyəcanlı görünən Gülnarə qeyri-müəyyən tərzdə dilləndi və kompüterini işə salıb, orada Əliyusifin Natiq tərəfindən qəddarcasına döyülməsini nümayiş etdirə- rək, elə həmin tərzdə sözünə davam etdi. – Bax, mən indi, bu kadrlara baxa-baxa ləzzət alıram. Ona görə ki, həmin biqeyrət özünün alçaq hərəkətlərinə rəğmən belə bir şəkildə cəzalandırılır. Halbuki bu zorakarılığa görə onu cinayət məsuliyyəti gözləyirdi. - Gülnarə, sənin daxilində olan nifrətin ifrat həddə çatmasına inanmazdım. Amma sən realist fikirli adam olduğun üçün, başa düşməlisən ki, Əliyusif xarakterdə olan oğlan heç vaxt elə alçaq hərəkətə əl atmaz. Atalar yaxşı deyibdir, hirsli başda ağıl olmaz. 216 Ondan sonra Məkanə hava almaq üçün eyvana çıxır. Rəssam qız isə artıq emosiyalara qapılmamaq üçün yavaş- yavaş özünü ələ almağa başladı. Lakin bütün bunlara baxmayaraq o, nəzərini kompüterin displeyindən kənara çəkmirdi. Gülnarə displeyə baxa-baxa öz-özünə düşünməyə başladı. Görəsən, mən həqiqətən də ağlımı itirmişəm? Məkanə nəyə görə həmin yaramaz oğlanın tərəfini saxlayır? Axı, onlar elə istirahət mərkəzində tanış olublar. Qısa müddət ərzində o, həmin oğlanın xasiyyətinə tam bələd ola bilməzdi. Lakin hər şey sübuta yetirilsə də, yenə də Məkanə onun günahsız olduğunu iddia edir. Necə olsa da, mən həmin şərəfsizin sinəsinə çırmaq atmaqla, oradan tük qopartmaqla ona xəsarət yetirə bilmişəm. Məhz bu məqamda rəssam qız “ah” çəkərək, əlləri ilə üzünü tutub yerindəcə donub qaldı. “Aman Allah, ola bilməz!” deyən qızın əl-qolu qurudu. Həmin an eyvanda olan Məkanə otağa girib qızdan nə baş verdiyini soruşdu. - Məkanə, ola bilməz. – deyə Gülnarə əli ilə displeyi göstərib vəcdə gəldi. – Mən nələr görürəm? - Nə olub, axı? – deyə elementar görüntülərdən heç bir şey anlamayan qadın təəccüblə soruşdu. - Yadına düşür, mən demişdim ki, təcavüzə məruz qalan vaxt, mən onun sinəsinə çırmaq atmış və oradan bir topa tük qopartmışdım. Yüklə 1,78 Mb. Dostları ilə paylaş:
|