225
- Əli, mən Qənirəyə söz vermişəm ki, ona da mürəbbə
verəcəm. – Xədicə salafan bağlamada olan ərikləri vedrəyə
boşalda-boşalda nəvazişlə dilləndi. – Özü də rəfiqəmə
deyəcəm ki, ərikləri məhz sən yığmısan.
- Ana, bu ayıbdır axı. – deyə Əliyusif utancaq halda
dilləndi və axırıncı bağlamanı götürüb aşağı endi. – Sən
məni onların yanında utandırmaq istəyirsən?
- Burada xəcalətli iş var? Sadəcə olaraq Qənirə sənin
xətrini çox istədiyindən, mən onu sevindirmək üçün
deməliyəm ki, bu əriki məhz sən yığmısan.
- Yaxşıdır ki, demədin onun qızına xəbər verəcəksən. –
deyə Əliyusif anasına qəribə nəzər salaraq atmaca ilə
dilləndi. – Ana, bilirəm sən nəyə işarə edirsən.
- Oğlum, mən zarafat etmirəm. – deyə ziyalı qadın ciddi
halda dilləndi. – Qənirənin qızı çox dərrakəli, halal və
humanist fikirli bir qızdır. Mən hər dəfə onlara pay
aparanda o, da tərəddüd etmədən evlərində olan sovqatdan
pay qoyur ki, arada halallıq olsun.
- Deməli o, uzaqgörən və ənənələrimizə sadiq qalan bir
qızdır. – deyə Əliyusif başını təqdiredici tərzdə yellədərək
səmimiyyətlə dilləndi.
- O, nəinki uzaqgörən, həm də geniş dünyagörüşünə
malik olan, kamil, arif və adil bir qızdır. Mən Gülnarənin
xasiyyətinə, qabiliyyətinə, mədəniyyətinə vurulmuşam.
226
- Allah elə bir dərrakəli qızı mərdiməzardan qorusun və
onu xoşbəxt eləsin!
- Sən yaxşı bilirsən ki, mən sənə Qənirənin kiçik qızını
almaq istəyirdim və bu haqda mən rəfiqəmə bir-iki kəlmə
də söz eşitdirmişəm. Tam cavab almasam da, Qənirənin
hərəkətlərindən başa düşdüm ki, o, bu izdivaca razıdır. –
qayğıkeş ana oğlunun söz demək istədiyini görüb, sağ
əlinin işarəsi ilə onu susmağa vadar etdi və fikrini sona
çatdırmaq üçün hökmlə sözünə davam etdi. – Bilirəm, nə
demək istəyirsən, amma çalış mənim sözümü axıra qədər
dinlə. Gülya çox ağıllı, kamallı, tərbiyəli və qeyri-adi
xasiyyətə malik olan bir qızdır. İndiki zamanda onun kimi
başa düşən, böyüklərin fikirinə hörmətlə yanaşan, həyatda
baş verən bir çox qlobal məsələlərdən aludə olan, haqsızlıq-
la razılaşmayan ədalətə üstünlük verən, bir sözlə arif, aqil,
kamil və fazil bir qız tapmaq qeyri-mümkün bir işdir.
- Ana, sən yaxşı bilirsən ki, insan xarakterində cəmləşən
bütün müsbət keyfiyyətlərin cəminə fəzilət deyilir. Bu
kriteriyanı nəzərə alıb qətiyyətlə deyə bilərəm ki, həmin
qızın xarakterində müəyyən qüsurlar olduğu üçün mən onu
fazil adlandırmazdım. Mən onunla bir neçə dəqiqə söhbət
aparmış və onun nəyə qadir olduğunu görmüşəm.
- Bilmirəm, sən hansı qüsurlardan danışırsan, lakin mən
onunla ünsiyyətdə olduğum zaman heç vaxt ondan artıq-
227
əskik hərəkət görmədim, əksinə onun ali tərbiyəyə malik
olduğunun şahidi oldum. Bir sözlə, sənə demək istəyirəm
ki, gündüzlər əlində çıraqla gəzsən belə, heç vaxt Gülya
kimi ədəb-ərkanlı qız tapa bilməzsən.
- Yaxşı, sən nə məsləhət görürsən, mən indi nə
etməliyəm?
- Məsləhətim odur ki, Gülya kimi ağıllı bir qız mənim
evimin gəlini olsun. Sən onu alsan peşman olmayacaqsan.
- Onda gərək, mən bir daha onunla şəhərdə, münasib bir
yerdə görüşüb söhbət etməliyəm. Gülyanı tanımaq üçün
mən əlverişli imkan tapmalıyam.
- Bunun üçün sən onun iş yerinə gedib onun qabağına
çıxmalı və səmimi söhbət aparmalısan. Onda görərsən ki,
Gülya sənin arzuladığın bir xanımdır. Sən onunla ailə həya-
tı qursan, onda bil ki, mənim də arzumun biri çin olacaq.
- Nə deyirəm ki, anamın sözü mənim üçün qanundur.
Əliyusifin belə bir cavabı gözlənilməz olduğundan,
qağıkeş ana yerindəcə donub qaldı. Necə olsa da müxbir
evlilik məsələsində həmişə müstəqil olmağa səy göstərmiş
və anasının müdaxiləsi olmadan, öz zövqünə uyğun bir qız
ilə izdivac quracağını bildirmişdi. Əliyusifin müsbət cava-
bından sonra Xədicənin rəngi-rufu açıldı, üzü güldü, gözləri
işıqlandı. Ziyalı qadın qamətini şax tutub həvəslə dedi:
228
- Oğlum, yaxın on gün ərzində mən Qənirəgilə gedib,
nişan barəsində söhbət açacam. Çalışıb, payızın əvvəlində
nişan gününü təyin edərəm. Əli, əvvəlcədən sənə deyirəm
ki, Gülya ilə bir yerdə sən xoşbəxt olacaqsan.
- Təki hər şey sənin ürəyincə olsun. – deyə Əliyusif
əlacsız halda dilləndi. - Şübhə yoxdur ki, sən mənim
xoşbəxtliyimi istəyirsən.
Geniş dünyagörüşünə malik olan müxbir anasının
könlünü alandan sonra sevincək halda mətbəxə gedib çay
hazırlamağa başladı.
İzdivacın alınmasına ciddi hazırlaşan Xədicə rəfiqəsinə
zəng edib, onlara qonaq gedəcəyini bildirdi. Hər iki qadın
həddindən artıq yaxın rəfiqə olduqları üçün onların arala-
rında olan söhəbətlər həmişə xoş məcrada gedirdi. Məhz bu
səbəbdən Xədicənin verdiyi təklif tərəddüd edilmədən
Qənirə tərəfindən qəbul edildi. Qalırdı bu haqda Gülnarəni
məlumatlandırmaq. Bunun üçün ana qızına xəbər verməli,
sonra isə bir-iki həftə ərzində rəfiqəsini xəbərdar etməli
idi.
Lakin hər şey onların planlaşdırdığı kimi getməmişdi.
Ona görə ki, lap əvvəlki günlərdə istirahət kompleksindən
qayıdan Gülnarə Natiqin ona göstərdiyi qayğı və nəvaziş-
lərin təsirinə düşərək, bir neçə dəfə onunla rastlaşmış və
cürbəcür mövzularda söhbət etmişdi. Qızın arası onunla
Dostları ilə paylaş: |