2-BOB. Maktabgacha tarbiya tashkilotlarida nutqni rivojlantirish dasturi
va ona tilini rivojlantirishga qaratilgan amaliy ishlar
2.1. Bolalar maktabgacha ta’lim tashkilotida nutqni rivojlantirish dasturi,
uning ilmiy asosi, tuzilishi va mazmuni
„Maktabgacha ta’lim tashkilotida ta’lim-tarbiya dasturi" kabi „Nutq
o'stirish dasturi“ ham ilmiy asoslarga tayanib tuzilgan. Eng avvalo, „Nutq
o'stirish dasturi" o'zining butun mazmuni bilan bola shaxsini har tomonlama
rivojlantirishga qaratilgan. Bundan tashqari, „Nutq o'stirish dasturi" bolala r
tomonidan og'zaki nutqni o'zlashtirish to'g'risidagi psixologiya fani
ma’lumotlari, bola bilish faoliyatining xususiyatlari to'g'risidagi nazariyaga
asoslangan.
Shuningdek, dastur bolaning rivojlanishida nutq faoliyatining
roli to'g'risidagi nazariy asoslarga, didaktik
prinsiplarga ham tayanib
tuzilgan: „Maktabgacha ta’lim tashkilotida ta'lim-tarbiya dasturi"da „Nutq
o'stirish dasturi" har bir guruhda quyidagi bo'limlardan iborat qilib tuzilgan.
Birinchi va ikkinchi kichik guruhlarda:
1.
Bolalarni tevarak-atrof bilan tanishtirish, nutq o'stirish, lug'at ustida
ishlash.
2.
Nutqning grammatik tuzilishini shakllantirish.
3.
Nutqning tovush madaniyalini tarbiyalash.
4.
So'zlashuv nutqini (dialog nutqni) shakllantirish.
5.
Bolalar badiiy adabiyoti bilan tanishtirish.
O‘rta va katta guruhlarda:
1.
Tevarak-atrof bilan tanishtirish, nutq o'stirish, lug'at ustida ishlash.
2.
Nutqning grammatik tuzilishini shakllantirish.
3.
Nutqning tovush madaniyatini tarbiyalash.
4.
So'zlashuv nutqini (dialog nutqni) shakllantirish.
5.
Hikoya qilish (monolog nutq)ga o'rgatish.
6.
Bolalar badiiy adabiyoti bilan tanishtirish.
Maktabga tayyorlov guruhi:
1.
Tevarak-atrof bilan tanishtirish, nutq o'stirish, lug'at ustida ishlash.
2.
Nutqning grammatik tuzilishini shakllantirish.
3.
Nutqning tovush madaniyatini tarbiyalash.
4.
So'zlashuv nutqi (dialog nutq)ni shakllantirish.
5.
Hikoya qilish (monolog nutq)ga o'rgatish.
6.
Badiiy adabiyot bilan tanishtirish.
7.
Savod o'rgatishga tayyorlash.
Tarbiyachi dastur bo’limlarini va har bir bo’lim talablarini yaxshi bilishi
va uning mazmunini aniq belgilab olish malakasini egallagan bo'lishi kerak.
Masalan, tarbiyachi katta guruhdagi bolalarni „Tevarak-atrof
bilan
tanishtirish va nutqini o'stirish
”
bo'limida ko'rsatilgan obyekt yoki hodisa
bilan tanishtirishda lug'at ishiga qo'yilgan aniq talablarni yaxshi bilishi,
bolalarni turli savollarga javob berishga o‘rgatishi kerak. Chunonchi:
„Maktabgacha ta’lim tashkilotida ta’lim va tarbiya dasturi“ning nutq o'stirish
bo'limida katta guruhdagi bolalarni oshpazning
mehnati bilan tanishtirish
tavsiya etilgan. Bolalar oshpazning mehnati bilan tanishish jarayonida
oshpazga ovqat pishirish uchun kerak bo'ladigan maishiy-xo'jalik
asboblarining (go'sht maydalagich, tova, qozon, kapgir, cho'mich, taxtakach
va h. k.), oziq-ovqat mahsulotlarining (karam, lavlagi, loviya, no'xat, qovoq,
sholg'om va h. k.), ovqatlarning (sho'rva, mastava, shavla, palov, moshxo'rda,
manti, lag'mon, do'lma, chuchvara, kotlet va h. k.), ovqatlarni pishirish bilan
bog'liq bo'lgan ish- harakatlarning nomlarini ( qovuradi, qaynatadi, suzadi va
h. k.) bilib oladilar va buning natijasida ularning lug'ati boyib boradi va
faollashadi.
Dasturda nutqning grammatik tuzilishini shakllantirishga
katta ahamiyat
berilgan. Bolalar nutqning grammatik tuzilishini kattalar bilan muomalada
bo'lish va taqlid qilish asosida asta-sekin o'zlashtirib boradilar. Nutqning
grammatik tuzilishini egallash murakkab va uzoq davom etadigan jarayondir.
Shuning
uchun
ham
dasturda
nutqning
grammatik
tuzilishini
shakllantirish bo'yicha ish mazmuni har bir yosh guruhi da bolalarning yoshi
va individual xususiyatlarini hisobga olgan holda belgilangan. Masalan,
birinchi va ikkinchi kichik guruhda bolalarga otlarni ko'plikda to'g'ri
ishlatish, sifatlarning ot bilan
shaxs va sonda moslashuvini, fe’lning o'tgan
va kelasi zamonda ishlatishni mashq qildirish, ularni so'roq so'zlarning
intonatsiyasini
egallashga
tayyorlash
kabi
vazifalarni
hal
etish
rejalashtirilgan bo'lsa, o'rta guruhda esa bu vazifa ancha murakkablashadi.
Endi ushbu guruh bolalari nutqini morfologik va sintaktik tomondan
takomillashtirishga, otni kelishiklar bo'yicha to'g'ri turlashga, fe’llarni shaxs
va zamonda to'g'ri tuslashga o'rgatiladi.
Katta va tayyorlov guruhlarda nutqning
grammatik tuzilishini
shakllantirish bo'yicha dastur vazifalari va ularning mazmuni ancha
murakkablashishi bilan ajralib turadi. Ushbu guruhdagi bolalarni o'z
nutqlarida uyushiq bo'lakli, yoyiq va qo'shma gaplarning t urli xillaridan
(bog'langan qo'shma gap, ergashgan qo'shma gap), ko'makchi, bog'lovchi va
ravishlardan foydalanishga o'rgatish, otlarni ko'plikda (qo'ylar, jo'jalar,
uloqchalar) to'g'ri ishlatish kabi malakalar takomillashtiriladi.
Dostları ilə paylaş: