47
keyfiyyət səviyyəsilə bağlıdır. Əgər yeni elmi məlumat əsaslı elmi
nəzəriyyəyə söykənirsə, əgər məlumat elmi tədqiqatın inanılmış metodlar,
prosedurlar və əməliyyatları nəticəsində əldə edilibsə, o əsaslandırılmış hesab
edilir. Elmi məlumatın həqiqilik meyarı təcrübədir. Təcrübə yalnız empirik
olan kimi başa düşülməməlidir, bu zaman ümumilikdə insan cəmiyyətinin
tarixi-inkişaf prosesində əldə etdiyi təcrübə nəzərdə tutulur. Əgər proqnoz
səmərəli nəticə göstəricilərinə malikdirsə, verifikasiya məqsəd ola bilməz.
III. Proqnoz universal və hər şeyə qadir olan deyil. Proqnozun hazırlanma
xüsusiyyətləri proqnozlaşdırmanın həm zaman diapazonunda, həm də tədqiqat
obyekti diapazonunda məhdud olduğunu və bu xüsusiyyətin daim nəzərə
alınmalı olduğunu göstərir.
YOXLAMA SUALLAR
1.Qabaqcadangörmənin hansı səviyyələri fərqləndirilir?
2.Proqnozun hansı tipləri fərqləndirilir?
3.Proqnozlaşdırma hansı informasiyaya əsaslanır?
4.Proqnoz qurularkən hansı vasitə və üsullardan istifadə edilir?
5.Proqnozun qurulmasının əməlliyyatlar ardıcıllığı necədir?
REFERAT MÖVZULARI
1.Proqnozlaşdırmanın nəzəriyyəsi və təcrübəsi
2.Sosial proqnozlaşdırmanın mahiyyəti və əsas xüsusiyyətləri
3.Sosial proqnozların tipologiyası
4.Proqnozların alətlər kompleksi
5. Proqnozun hazırlanmasının əməliyyatlar ardıcıllığı
ƏDƏBİYYAT:
1.Бестужев-Лада И.В., Наместникова Г.А. Социальное прогнозирование. Курс лекций.
М.: Педагогическое общество России. 2001.
2. Бестужев-Лада И.В., Наместникова Г.А. Технология прогнозных разработок
социальных процессов. М.: Поиск, 1992.
3.Бешелев С.Д. Гурвич Ф.Г. Экспертные оценки. М., Изд-во Педагогическое общество
России, 1999.
4.Вишнев С.М. Основы комплексного прогнозирования. М., Прогресс, 1999.
5.Мартино Дж. Технологическое прогнозирование. М., Мысль, 1977.
6.Методологические проблемы социального прогнозирования / Отв. ред. В.И. Куценко.
Киев, 1996.
7.Рабочая книга по прогнозированию / Отв. ред И.В. Бестужев-Лада. М.: Мысль, 1982.
48
Mövzu
3.
SOSİAL
PROQNOZLAŞDIRMANIN
OBYEKTİ,
PRİNSİPLƏRİ
Proqnozlaşdırmanın obyekti – 1) müəssisənin istehsal tələbatları; 2)
istehsal ehtiyatlarına (maddi, maliyyə, əmək, məlumat) tələbatdır. Proqnoz hər
hansı bir elmi təzahür, iqtisadiyyatın inkişafı və onun ayrı-ayrı sahələri ilə
bağlı elmi uzaqgörənlikdir. Proqnozlaşdırmanın əsas məsələləri sosial iqtisadi
və elmi texniki məsələlərin elmi analizi, gələcəkdə göstərilən proseslərin
inkişafının qiymətləndirilməsi, bu inkişafla bağlı yeni problemlər haqqında
məlumat verilməsi, sosial, iqtisadi və elmi-texniki proseslərin mümkün inkişaf
variantlarının aşkar edilməsi və analizidir. Xalq təsərrüfatında proqnozlar qısa
müddətli (3 ilədək), orta müddətli (5-7 ilədək) və uzun müddətli (10 ildən
yuxarı) fərqləndirilir. Xalq təsərrüfatının proqnozlaşdırılması sistemi
demoqrafik, sosial və iqtisadi proqnozlar, elm və texnikanın inkişafı ilə bağlı,
həmçinin təbii ehtiyatlarla bağlı proqnozları əhatə edir. Proqnozlaşdırma –
texnologiyaların, texnoloji proseslərin, hadisələrin ehtimali baş vermə
müddətini, mümkün işlərin məcmusunu müəyyən edir.
Sosial nəzəriyyədə proqnoz aşağıdakı aspektlərdə öyrənilir: gələcək
haqqında məlumat, öncəgörmə forması və s. Lakin sosiologiyada proqnoz
fəaliyyət mövqeyi nəzərindən, yəni proqnozun həm də insan, şəxsiyyət, fərdin
xüsusi fəaliyyət forması olması öyrənilməyib. Proqnozlu fəaliyyət inkişaf
edən sistemin ayrılmaz hissəsi olub, rəhbər və idarəetmə fəaliyyətinin əsas
elementlərindəndir. Proqnoz tarix boyu həm funksional, həm də təşkilati
olaraq əmək prosesinə tabe edilib. Proqnozlaşdırma kooperasiya və kollektiv
işin əsas forması olub, zəhmətkeş kütlələri ictimai inkişafın planlaşdırılması
və rəhbərliyi prosesinə cəlb edir. Əmək fəaliyyətinin hər bir formasında,
idarəetmə və təsərrüfat qərarlarının qəbulu zamanı bu fəaliyyət sahələrinin
necə dəyişəcəyini və bu dəyişikliklərin qərarların qəbul edilməsinə təsirini
əvvəlcədən görmək vacibdir. Fəaliyyətin sosial, iqtisadi, ekoloji təsirini
əvvəlcədən görmək onların gələcək uğuruna şərait yaradır. Proqnozlaşdırma
gələcək təzahür və tendensiyalar haqqında bilikdir. Proqnozlaşdırma çox
aspektli sosial məlumatın sistemli ümumiləşdirilməsini tələb edir. Müsbət
proqnoz arzu edilən olub, insanları nailiyyətlər əldə etməyə yönəldir, mənfi
proqnoz isə təhlükəli olub, onun qarşısının alınması üçün ictimai qüvvə tələb
edir. Sistemli analiz -
1) proqnozun predmetinə təsir edən müsbət və mənfi xüsusiyyətli
faktorlararası əlaqələri;
2) tendensiyanı sürətləndirən amillərin bir-birini tamamlamasını;
49
3) tədqiq edilən tendensiyaya təsir etməyən və ya mövcud şəraitdə mümkün
dəyişikliklərdə neytral amillərin əlaqəsinin müəyyənləşdirilməsini;
4) müəyyən mərhələdə inkişaf meyllərini zəiflədən amillərin qarşılıqlı təsirini
müəyyən və tədqiq etməyə çalışır.
Proqnoz – idarəetmə obyektinin inkişafı ilə bağlı olan çoxvariantlı
modellərin planlaşdırılmasından əvvəl hazırlanması prosesidir. Müddət, işin
həcmi, obyektlərin rəqəmli göstəriciləri və s. proqnozlaşdırmada nisbi
xüsusiyyət daşıyır və gələcəkdə düzəlişlər edilməsi nəzərdə tutulur.
Proqnozdan fərqli olaraq, plan planlaşdırma obyektinin xüsusiyyətlərini
nəzərə almaqla müəyyən vaxtda həyata keçirilir. Planlaşdırma daha rasional
proqnoz variantı əsasında aparılır. Proqnozlaşdırma zamanı aşağıdakı
məsələlər fərqləndirilir:
1) proqnozlaşdırma üçün vacib məlumatın toplanması, sistemləşdirilməsi,
analizi və düzəlişlər edilməsi;
2) obyektin inkişaf problemlərinin və mövcud tendensiyaların analizi;
3) obyektin inkişafının planlaşdırılması çərçivəsində proqnozun hazırlanması.
Proqnozlaşdırma üçün əsas informasiya mənbələri aşağıdakılardır:
1) dövlətin statistik hesabatları;
2) kütləvi və seçmə tədqiqatların nəticələri;
3) müəssisə və təşkilatların statistik, maliyyə-mühasibat və operativ
hesabatları;
4) ölkə daxilində və xaricdə elm və texnikanın inkişafına dair məlumatlar
əsasında elmi-texniki sənədləşdirmə;
5) patentli-lisenziyalı sənədləşdirmə.
Tədqiq edilən obyektə görə proqnozlaşdırma modelləri qurulur, bu
modellər obyektin gələcəkdəki mümkün vəziyyəti haqqında məlumat almağa
imkan verir. Model – obyektin şərti təsviri olub, onun tədqiqini asanlaşdırmaq
məqsədilə qurulur. Makroiqtisadi, mikroiqtisadi, nəzəri, tətbiqi, bərabər
ölçülü, səmərələşdirici, statik, dinamik, determinik və stoxastik (ehtimali,
təsadüfi) modellər fərqləndirilir. Makroiqtisadi modellər – maddi və maliyyə
göstəricilərinin sıx qarşılıqlı əlaqəsinə əsaslanan iqtisadiyyatı vahid tam kimi
təsvir edir. Mikroiqtisadi modellər – iqtisadiyyatın müxtəlif struktur və
funksional tərkibinin qarşılıqlı təsirini, yaxud bazar mühitindəki hər hansı bir
tərkibinin davranışını təsvir edir. Nəzəri modellər – iqtisadiyyatın ümumi
mahiyyətini, onun xarakterik elementlərini öyrənməyə imkan verir. Tətbiqi
model – konkret iqtisadi obyektlərin funksiyalaşması parametrlərini
qiymətləndirməyə və təcrübi qərarların qəbul edilməsi üçün məsləhətləri
müəyyənləşdirməyə imkan verir. Taraz ölçülü modellər – müxtəlif
vəziyyətlərdə obyekti öz mövcud halından sapdırmağa çalışan amillərin
Dostları ilə paylaş: |