65
(kodlaşdırılması) metodu, mahiyyətindən asılı oaraq bloklara bölünmüş
informasiyanın
toplandığı
ilkin
mənbələrin
mətnlərinin
məqsədli
dəyişdirilməsi metodu, müxtəif informasiya sistemlərinin qurulması üçün artıq
istifadə edilmiş informasiya banklarının ikinci dəfə istifadə edilməsi metodu.
Bu metodlara aid olan ümumi xüsusiyyət mətnlər öyrənilərkən subyektivlik
elementinin ən aşağı səviyyəyə çatdırılması və daha obyektiv elmi əsaslarda
təhlil aparılmasıdır. Müxtəlif predmetli və müxtəlif tipli mətnlərin
informasiya
analizi aşağıdakılara imkan yaradır:
1) sosial göstəricilər sisteminin qurulması üçün ədəbiyyatda olan
məlumatları və bu məlumatlara uyğun olan yanaşmaları sistematik olaraq
təhlil və müqayisə etmək. İnformasiya analizinin bu forması mövcud olan
konsepsiyaların və kateqoriyaların öyrənilməsinə yönəlir. Bu zaman qeyd
edilən konsepsiyalara dair mətnlərin sistemli analizi nəzərdə tutulur.
2) sosial obyekt haqqında müxtəlif tərəfli biliklər lazımi istiqamətə uyğun
sistemləşdirilməlidir. Bu informasiya-məqsədli analiz geniş yayılıb və
bilavasitə qnoseoloji obyektə, tədqiq olunan obyektin hipotezinin
hazırlanmasına yönəlir. Bu metod bir qədər eksperiment xüsusiyyəti daşıyır,
bu zaman müxtəlif mətnlərdən məqsədəuyğun informasiya mənimsənilir.
İnformasiya-məqsədli analiz zamanı mətndə həm birinci, həm də ikinci
dərəcəli informasiya aşkar olunur. İkinci dərəcəli informasiya çox zaman
birinci dərəcəli informasiya ilə üst-üstə düşmür və mətnin məğzi ilə bağlı olan
əsas informasiyanı təhrif edir. Mətnlərin informasiya-məqsədli analizi sintetik
metod olub, deduktiv (kontent-analiz) və induktiv metodların xüsusiyyətlərini
özündə birləşdirir. Burada terminologiyanın sistemləşdirilməsinə informasiya
yanaşması mövcuddur. Mətnlərin informasiya-məqsədli analizi əsasında sosial
göstəricilər sisteminin qurulması üçün – bir tərəfdən tədqiq edilən sosial
obyektin normativ göstəricilərinin, digər tərəfdən real strukturunun aşkar
olunmasına yönələn – iki qrup metod istifadə edilir. Birinci qrup metodlar
fəaliyyətin bu və ya digər sahəsinə dair mətnlərin informasiya-məqsədli
analizini və sosial subyektlərin fəaliyyəti və qarşılıqlı təsiri ilə bağlı
modellərin qurulması üçün lazımi göstəricilərin əldə edilməsini nəzərdə tutur.
İkinci qrup metodlar – ekspertlərin və əhalinin sorğusu, müşahidə ilə bağlı
olub, sosial obyektlərin fəaliyyət və qarşılıqlı təsir strukturunun aşkar
edilməsini nəzərdə tutur.
Ümumi tədqiqat sxeminin qurulması üçün aşağıdakı suallara
əsaslandırılmış cavablar verilməlidir:
1. Tədqiq olunan obyektin hansı komponenti mətnlərin təhlili zamanı ilkin
olan
kimi qəbul edilərək, «açar» rolunu oynayır?
66
2. İnformasiya-məqsədli təhlil zamanı mətnlərin hansı elementləri, hansı
parametrlərə görə və nə üçün nəzərə alınmalıdır?
3.Normativ göstəricilər sistemi qurularkən aşkar olunan elementlərin
transformasiyası üçün hansı metodlar istifadə edilməlidir?
4. Hansı informasiya əsasında bu göstəricilər həm keyfiyyət, həm də
kəmiyyətcə ifadə oluna bilər?
Mətnlərin təhlilinə başlamazdan əvvəl tədqiqat obyektini öyrənmək üçün
nəzəri-metodoloji tədqiqat aparılmalıdır. Tədqiqatın birinci mərhələsində
mətnin pilotaj (idarəetmə) analizi aparılmalı, əsas kateqoriyaların siyahısı
tutulmalı, bu meyarlar əsasında tətbiqi referentlərin (köməkçi amillər)
xüsusiyyətləri müəyyənləşdirilməli və mətnin informasiya-məqsədli təhlili
əsasında informasiya toplanması üçün sorğu vərəqi hazırlanmalıdır. Növbəti
mərhələdə sorğu və qoşulmuş müşahidə aparılır və ikinci səviyyəli
informasiya ilə müqayisə aparmaq üçün ilkin informasiya hazırlanır. Əsasən
iki növ sorğu istifadə olunur: birinci növ sorğu müxtəlif sosial qruplara aid
sıravi vətəndaşlara, ikinci növ sorğu isə vəzifəli şəxslərə, yaxud
mütəxəssislərə ünvanlanır. Hər iki sorğu iki variantda yerinə yetirilir: birinci
əşyaların indiki vəziyyətini və planlaşdırılmış gələcəyinin, ikinci isə, nəzərdə
tutulmuş planların müəyyən zaman çərçivəsində reallaşması dərəcəsinin aşkar
edilməsinə yönəlir. İkinci mərhələ mətnlərin analizindən ibarətdir. Bu
mərhələdə ilk növbədə maraq dairəsində olan elementlər seçilməlidir. Bu
məqsədlə normativ xüsusiyyətli materiallar (lüğətlər, məlumat kitabçaları və
s.) tədqiq olunur. Tərtib olunmuş elementlər siyahısı əsasında həmin
elementlər arasındakı «münasibətlər toru» qurulur və göstəricilər
sistemləşdirilir. Bu sistemlər əsasında həm ilkin, həm siyasi (kəşfiyyat və
normativ) modellər qurulur. Tərtib olunmuş «münasibətlər toru» əsasında
sosial fəaliyyət subyektlərinin parametrləri, vacib şərait, mümkün nəticələr və
s. müəyyənləşdirilir. Mətnlərin bu informasiya-məqsədli analizi uzun zaman
müddəti və daha böyük tədqiqatçı qrupu tələb edir. Təklif olunan metodlardan
hər hansı biri əsasında ilkin modelin qurulması bir məqsəd daşıyır:
proqnozlaşdırma obyektini müəyyənləşdirmək, onu göstəricilər sistemi
formasında təqdim etməkdir. Göstəricilər sistemi bu və ya digər dinamik
elementlərin keyfiyyət analizinin aparılmasına, matritsa, yaxud riyazi
tənliklərin qurulmasına və analitik və dioqnostik yanaşma əsasında tədqiqat
obyektinin öyrənilməsinə şərait yaradır. Məhz bu
əsasda kəşfiyyat və normativ
proqnozlar qurulur.
İlkin modelin qurulması ardıcıllığı
1.Aşağıdakı metodlar vasitəsilə ilkin modelin indikatumlarının (mümkün
göstəricilərin adı) siyahısının tərtib edilməsi: