hissələrindən hazırlanmış məlhəmlə civzə, irin və dəri yaraları müalicə olunur. Ağ, qara, xar tutun
meyvələri qanartırıcı xassəyə malikdir.
Giləmeyvələr
Böyürtkən (mörəkkəb) – qanlı babasilə qarşı işlədilir. Yara üçün təzə yarpağı və xırda qol-
budağından döyülüb alınmış şirəsi tut, gavalı ağaclarının qabığında olan yapışqan ilə bir qədər
qatılıb təpitmə kimi istifadə edilir. Bu həm də göz şişi, gözətrafı yaralar üçün də məsləhətdir.
Çiyələk – bədənə soyuqluq və rütubət verir. Meyvəsi dadlıdır, ürəyi, beyini qüvvətləndirir. Qanı
təmizlədiyi üçün dərinin rəngini şəffaflaşdırır, yaxşılaşdırır, həzmə kömək edir. Böyrək daşı
xəstəliklərinə qarşı istifadə edilir.
Qarağat – bədənə soyuqluq və quruluq verir, mədə və ürək üçün xeyirlidir. Şirəsi susuzluğu yatırır,
ürəyi qüvvətləndirir. Meyvəsi və onun şirəsi qan təzyiqini aşağı salır, şəkər xəstəliyi olanlar üçün
çox faydalıdır.
Moruq – bədənə quruluq verir. Meyvəsindən soyuqdəymə hallarında tərqovucu vasitə kimi istifadə
olunur. İstər yarpağı, istərsə də çiçəyi mədə-bağırsaq pozulması hallarında istifadə olunur, şəkər
xəstəliyi olanlar üçün xeyirlidir.
Zirinc – öd üçün olduqca münasibdir, zəfəranla qarışdırıldıqda həzmə kömək edir. Zirinc şirəsi qan
təzyiqini aşağı salır. Soyuqdəymədən və ciyər xəstəliyindən əziyyət çəkənlərə hər gün yeməkdən
qabaq bir fincan qəbul etmək məsləhətdir.
Sitrus meyvələri
Limon – mədə-bağırsaq xorası olanlar turş limon əvəzinə şirindən istifadə edə bilərlər. Dişlərin
sağlamlığı üçün həftədə iki dəfə ağızı limon suyu ilə qarqara etmək məsləhətdir. Öskürəyə zərərdir.
Portağal – portağal yemək sümükləri möhkəmləndirir, dəriyə təravət verir. Qanı saflaşdırır.
Badam (acı) – təngnəfəslik, sinə şişi və ağciyər üçün faydalıdır. Dalaq xəstəliyi və sarılıqda bal ilə
qarışdırıb işlətmək məsləhətdir. Yağı bədənə istilik verir. Dəriyə sürtdükdə üzdəki ləkələri aparır,
qırış və çatlar üçün yaxşıdır. Ağrı zamanı qulağa damcılatmaq faydalıdır.
Badam (şirin) – bədənə istilik verir və daxili orqanları yumşaldır. Baş-beyin üçün faydalıdır. Şirəsini
şəkər ilə qatıb yemək öskürək zamanı, sinə və nəfəs yolu üçün, mədə pozğunluğu hallarının qarşısını
almaq üçün yaxşıdır.
Fındıq – bədənə istilik və quruluq verir, beyin fəaliyyəti üçün münasibdir. Onun yarpağını ayı piyi ilə
qatıb başa vurmaq tük tökülməsinin qarşısını alır.
Qoz – qoz ləpəsi şəkər xəstəliyi üçün ən münasib müalicə üsulu hesab edilir. O, mədəni və orqanizmi
qüvvətləndirir, insanın cavanlıq qüdrətini saxlayır. Tərəfləri bioloji cəhətdən aktivləşdirir.
Püstə – bədənə istilik və quruluq verir, öd yollarının pozulması zamanı faydalıdır, təmiz qan yaradır,
bədəni gümrahlaşdırır, kökəldir. Qaraciyər ağrısı, xronik öskürək, ürək döyüntüsü, böyrək zəifliyi,
sarılıq və dalaq xəstəlikləri zamanı müalicə üçün faydalı sayılır, ürəyi və hafizəni möhkəmləndirir.
Şabalıd – bədənə istilik verir, bədəni kökəldir və möhkəmləndirir. Şabalıddan çox istifadə etmək
sidik kisəsinə və boğaz ağrısına qarşı ziyandır.
Dənli bitkilər
Arpa – bədənə soyuqluq və quruluq verir. Adamı kökəldir, sidik kisəsinə ziyandır. Ağ rəngli təzə arpa
yaxşı hesab olunur. Onun xəmirini qıcqırdıb, ayranda həll edib, bir gecədən sonra 300-400 qram
içmək bədənə xeyirdir.
Buğda – bədənə istilik verir. Çibanın yetişib tezləşdirilməsi üçün üzərinə əzilmiş buğda təpitməsi
qoyurlar. Buğda ununu keşniş suyu ilə şişlər üzərinə yaxmaq faydalıdır. Yanmış buğdanı mum və gül
yağı ilə qatıb üzə sürtdükdə üzə təravət, şəffaflıq gətirir.
Çəltik-düyü – quruluq, soyuqluq və istilik baxımından orta vəziyyətdədir. Qanlı ishal, böyrək və sidik
kisəsi xəstəlikləri zamanı düyü xörəkləri yemək məsləhətdir. Düyü xörəyi bədəni yaxşılaşdırır, yaxşı
yuxu gətirir.
Günəbaxan – faydalı qida maddəsidir, beyin və qaraciyər üçün xeyirlidir. Günəbaxan çiçəyi
qızdırmanı aşağı salır. Kökündən hazırlanmış şərbət ürəyi möhkəmləndirir. Yarpağının təpitməsi
oynaq ağrılarını kəsir.
Qarğıdalı – bədənə quruluq verir, qəbzlik gətirir, bəlğəm zamanı işlədilir. Onun bişmişini sirkə ilə
təpitmə düzəldib, qotur və qaşınma, dəri çatladığı hallarda işlədirlər. Qida maddəsi kimi ishal, vərəm
xəstəliyi olanlar üçün münasib hesab edilir.
Paxlalı bitkilər
Acı paxla – bədənə istilik verir, çox istifadə etmək üzün rəngini saraldır, həzmə ziyandır. Təpitməsi
dəri ləkələrini aparır.
Lobya – göy lobya faydalı qida mənbəyidir. Qadınlar üçün olduqca münasibdir, ana südünü artırır.
Göy lobya yemək orqanizmin bir çox xəstəliklərə qarşı müqavimətini artırır, qanazlığı və zəiflik
zamanı lobya xörəkləri yemək faydalıdır. Hafizəni möhkəmləndirir.
Mərcimək – bədənə quruluq verir, qaynanmış suyu isə mədəyumşaldıcı xassəyə malikdir. Öskürək,
sinə ağrısı zamanı ondan istifadə etmək faydalıdır. Mərciməyi çiy yumurtaya qatıb təpitmə kimi
qoymaq dəri üzərindəki çatlara xeyirli hesab olunur.
Noxud – bədənə istilik və quruluq verir, sinəni, sinir sistemini möhkəmləndirir, təmiz qan yaradır.
Mədə qurdunu təmizləmək üçün səhər-səhər acqarına həll bişmiş noxud yemək faydalıdır. Damaq şişi
və diş ağrısı zamanı təzə, göy noxudu əzib şirəsi ilə qarqara etmək məsləhətdir.
Paxla – paxla yedikdə mədə tez aşağı yatır, ona görə də ondan ishal və ürəkbulanma zamanı istifadə
edirlər. Sinəni və ağciyəri təmizləyir, öskürəyi sakitləşdirir. Yanıq yaraları üzərinə yarpaqlarından
təpitmə qoymaq yaxşı nəticə verir.
Yuxarıda yazdığım məlumatlar şifahi olaraq nəsildən-nəslə keçən və ya orta əsrlərin təbiblərinin
əsərlərində yazılmış məlumatlardır və bunların bəzilərini bugünkü tibb elmi təsdiqləmir.
Dostları ilə paylaş: |