19
İkinci əsasa gəlincə bu da yanlışdır. Çünki kəlam elmi haqda
ixtilaf Əşaridən öncə başlamışdır. Hətta Bədəvinin özü belə bunu ilk
başladanlardan birinin Əhməd bin Hənbəl olduğunu elə eyni
kitabında qeyd edir.
14
Bundan əlavə bunu qeyd etdikdən sonra bu fikrə qarşı ilk cavab
verənlərdən birinin də Əşari olduğunu bildirir. Sonra da bu risaləni
başdan sona qeyd edir və belə deyir:
“Bu risaləni ona görə başdan sona qədər qeyd etdik ki, o bu
mövzuda (kəlamı müdafiə mövzusunda) bizə gəlib çatan ilk
risalədir. Müəllifi də Əbul Həsən əl Əşaridir. Onun isə fəhminin
genişliyi, idrakının itiliyi və kəlami məsələlərdəki dərin təhsili
danılmazdır. Bu risalənin ona aid olmasına şəkk gətirmək əsassızdır.
Çünki buna şəkk gətirmənin bir dəlili yoxdur. Üstəlik orada keçən
bir çox şey Əşarinin “əl Lumə” kitabında da keçir. Buna görə də bu
risalənin Əşaridən sonra yaşamış başqa əşari birisi tərəfindən
yazıldığını deməyə ehtiyac yoxdur”.
15
Digər bir araşdırmaçı xanım doktor Fövqiyyə Hüseyin də
risalənin Əbul Həsən əl Əşariyə aid olmadığını qeyd edir. Müəllifin
“əl İbanə” kitabına yazdığı müqəddimədə əlimizdəki risalənin
Əşarinin olmadığını, özünün “Kutubun Mənsubətun iləl Əşari”
kitabında isbatladığını qeyd edir. Lakin təəssüflər olsun ki, həmin
kitabı görə bilmədiyimdən orada dediklərini dartışa bilməyəcəyəm.
Qəribə olanı isə Abdullah Şakir əl Cuneydinin Əşarinin “Risələtun
İlə Əhlis Səğr” kitabına yazdığı müqəddimədə Əşarinin əsərlərindən
danışarkən bu risalə haqda dedikləridir. Həmin bu şəxs Abdur
Rahmən Bədəvinin risalənin Əşarinin olmadığını, xanım doktor
14
Eyni qaynaq, 14-15.
15
Eyni qaynaq, 26.
20
Fövqiyyə Hüseynin də bu fikri dəstəklədiyini qeyd etdikdən sonra
belə deyir:
“Zahir olan da bunun doğru olmasıdır. Çünki bu risalə əvvəlki
siyahıda keçmir. Lakin əgər həqiqətən də Əşarinindirsə bu zaman
şəkk yoxdur ki, bu Əşarinin mötəzili olduğu və onların etiqadını
müdafiə etdiyi zamanda qələmə alınmışdır”.
16
Deyirəm: Abdullah Şakir əl Cuneydinin bu sözünə əsasən
fikirləşirəm ki, bəlkə də o bu risalənin özünü açıb oxumayıb. Çünki
açıb oxusaydı, risalənin etiqadi məsələlərlə heç bir əlaqəsi
olmadığını görəcəkdi. Eləcə də Mötəziləylə bir əlaqəsi olmadığına
şahid olacaqdı. Siz oxucuların da görəcəyi kimi risalənin mövzusu
kəlami üslubun müdafiəsidir. Etiqadi məsələlər deyil. Əşari isə
etizaldan ayrıldıqdan sonra belə kəlami üslubla çıxış edirdi. Bunu
Cuneydinin özü də etiraf edir. Təhqiq etdiyi həmin kitabın sonunda
gəldiyi nəticələri sayarkən ilk üç bənddə məhz bu dediyimi etiraf
edərək belə deyir:
“Kitaba yönəlik təhqiqimdən bəzi nəticələrə gəldim. Onları
aşağıdakı kimi qeyd edirəm:
1. Kəlami üslubun Əşariyə hopması. Bu onun uzun müddət kəlamla
məşğul olması səbəbiylədir.
2. Əşari sələfin məzhəbinə döndükdən sonra ümumi olaraq sələfin
mənhəcini izləyir. Lakin bu mənhəci tətbiq edərkən bəzi
məsələlərdə sələfə müxalif davranır. Bu da uzun müddət onların
məzhəbindən uzaq qalması səbəbiylədir.
16
Cuneydi, Risələtun İlə Əhlis Səğr kitabına yazdığı müqəddimə, 61.
21
3. Əşari filosoflara və mütəkəllimlərə müxalifdir. Onları və istidlal
üslublarını qınayır. Baxmayaraq ki, özü də onların üslubunu izləyir.
Aləmin məxluq olması haqda dediyi şeylər buna misaldır...”.
17
Cuneydinin həməqidələri belə bir etiraz edə bilərlər: Lakin Əşari
Cuneydinin təhqiq etdiyi kitabında kəlamı qınayanlara qarşı sərt
deyil.
Cavab: Sərt olub olmaması başqa mövzudur. Cuneydi bu
risalənin Əşariyə nisbətinin səhih olacağı təqdirdə onun etizal
dövründə qələmə alındığı fikrinin qəti bir fikir olduğunu deyir. Bu
yanlışdır. Çünki Əşari “əl Lumə Fir Raddi Alə Əhliz Zeyği vəl Bidə”
kitabında da əqidə sahəsində nəzər və bəhsi rədd edənləri yolunu
azmış kəslər adlandırır.
18
Adı keçən kitabı isə etizaldan ayrıldıqdan
sonra qələmə alıb. Yəni Əşari etizaldan çıxdıqdan sonra da kəlami
üslubu qadağan edənlərə qarşı sərt idi. Sonradan mülayim ola bilər,
-ki “Risələtun İlə Əhlis Səğr” kitabında da bu hiss olunur- lakin
kəlamı qadağan edənlərə qarşı sərtliyi təkcə etizal dövrünə aid bir
şey deyil. Etizaldan çıxdıqdan sonra da bu cür sərt davranmışdır.
Üstəlik İbn Asəkirin də Əşaridən nəql etdiyi kimi, Əşari özü
kəlamı və əqli araşdırmanı inkar edənlərə rəddiyə verdiyini
bildirib.
19
Bütün bunları qeyd etdikdən sonra risalə haqda öz qənaətimi
bildirmək istəyirəm. Muhəmməd Vəlinin qeyd etdiyi sənədə və
Hindistanda nəşr edilən nüsxələrin əsaslandıqları sənədə baxsaq
risalənin Əşarinin qələmə aldığı bir risalə olduğunu demək mümkün
ola bilər. Uca Allahın izni ilə vaxt və imkan edərəmsə risaləyə aid
17
Bax: Eyni kitabın sonunda etdiyi qeydlər, 316.
18
Əşari, əl Lumə Fir Raddi Alə Əhliz Zeyği Vəl Bidə, 23.
19
İbn Asəkir, Təbyinu Kəzibil Muftəri, 128.
Dostları ilə paylaş: |