Sevginin dadı (roman)
Yüklə 2,71 Mb. Pdf görüntüsü
|
357
dən hədiyyə olsun” – dedi. Tövrat və İncil idi – mən də eynən onun kimi kitabları öpüb alnıma qoydum. O, bizi kilsədən çıxa‐ nadək müşayiət elədi. Aleksandr ata xatirimdə imanlı, xeyirxah və sadiq tanrı qulu kimi qaldı. Tanrı ondan razı olsun. Səhər səfir İoannis Metaksasla görüşə tək yollandım. Əli artıq Kiprə yola düşmüşdü. İoannis eynən azərbaycanlılar kimi qarayanız, qarasaçlı, suyuşirin adam idi. Eynəyi olmasaydı tanıdığım bir vergi işçisinə oxşadardım. Məni çox səmimi qar‐ şıladı. İngiliscə danışırdıq. Gəlişimin məqsədini heç bir siyasət‐ lə əlaqələndirməməsini xahiş etdim: – Bu toy sanki öz övladımın toyudur. Rauf bəylə birlikdə rum tərəfin dini lideri II Hrisostomosu da görmək, iki millət arasında, adanın dinc və birgə inkişafında azca da olsa əməyim olmasını arzulayıram. Qeyri‐rəsmi görüşdür. Təsəvvür edin – “Azərbaycan Mədəniyyəti Mərkəzi”ndə, milli xörəklərimiz və adətlərimiz atmosferində, heç bir beynəlxalq təşkilatın iştirakı olmadan, bir türk və bir yunan qızının ən müqəddəs günündə, iki gəncə ağsaq‐ qal xeyir‐duası vermək və iki millətə nümunə olmaqdan böyük savab olarmı? Mahiyyətcə, bəlkə də siyasi məsələ hesab edilə bilər deyə, kimlərinsə marağına uyğun gəlməyəcəyindən ehtiyyat edərək sizinlə məsləhətləşməyi, yardımınızdan istifadə etməyi qərara aldım. Bu planımız alınarsa, məncə Annan planından 65
da üstün olacaq və adanın dincliyinə azacıq da olsa xidmət etmiş olarıq. Bir də ki, hər ikisi indi siyasətdən uzaq və böyük nüfuza malik insanlardır – məncə böyük siyasi hay‐küyə səbəb olmaz. Sözsüz ki, bu sizin səlahiyyətləriniz və istəkləriniz daxilindədirsə... Səfir əlindən gələn hər şeyi edəcəyinə söz verdi. Onunla ta‐ nış olduğuma çox məmnun oldum. Ona təşəkkürümü bildir‐ dim. Əlaqə telefonumu verdim. Vidalaşıb ayrıldıq.
65
Kipr probleminin həllinə dair BMT Baş Katibi Koffi Annanın planı.
358
* * * Bütün gücümü Əlinin toyuna yönəltmişdim, sanki bu toy bir‐birinə düşmən kəsilmiş ada sakinlərinin barışıq günü ola‐ caqdı. İçimdə özümü buna inandırmışdım. Bunu bacaracağım üçün içimdə misilsiz bir fərəh duyurdum. Bakıdan Kiprə gedəcək adamların siyahısını hazırladım: Baysal və Durna – 2 nəfər (həm də bal ayını Kiprdə keçirəcəklərinə boyun olmuşdum); Sabir – 2 nəfər; Yaşar – 2 nəfər; biz – 4 nəfər + Dilbər = 5 nəfər; bacım Nailə – 2 nəfər; Əlinin qohumları – 6 nəfər. Cəmi 19 nəfər. Pasportlar qaydaya salındı, təyyarə biletləri sifariş verildi...
* * *
Həyatımı yazmağa başlamışkən, mənə qürur verən bu yığıncağa tez çatmaq istəyirəm. Dilbərdən xəlvət, nağıl dilimizi yüyrək tutub 23 günlük hazırlıq işlərimizin xırdalıqlarına var‐ madan birbaş toy gününə keçirəm... Əli Bakıdan gələn qonaqlar üçün oteldə qonşu otaqları “bronlamışdı”. Ayın 15‐i təyyarə ilə İstanbula, oradan isə Lef‐ koşaya uçduq. Bizim qafiləni görənlər çox güman ki, bizi al‐ verçi dəstəsinə bənzədirdilər. Sabir demişkən, – “Dilənmə yeri‐ nə çatmış qaraçı dəstəsi”nə bənzəyirdik. Uşaqları yerbəyer edib Rauf bəyin görüşünə getdim. Qocalmışdı, İngiltərədən ürəyini yenicə əməliyyat etdirib qayıtmışdı. Mən onu, “sağ qalmış son Türk Mücahidi” adlandırırdım. Olduqca mehriban və səmimi insandır. Azərbaycana böyük sevgisi var. Ən azı Kipri müstəqil dövlət kimi ilk tanıyanlar və ilk birbaşa təyyarə reysi açanlar, beynəlxalq münasibətlərdə yaxından dəstək göstərənlər sırasın‐ da olduğuna görə, ölkəmizin rəhbərliyinə böyük ehtiramı var‐ dı. Söz vermişdi ki, ömür vəfa etsə, Azərbaycanı yaxından gör‐ 359
mək üçün bir daha gələcəkdir və elə Oğuzdaca mənim qonağım olacaqdır. Toya II Hrisostomosu da dəvət etdiyimi eşidəndə ilk öncə inanmadı. Yunanıstandakı səfirimizin rəsmi məktubunu, II Hrisostomosun dəvəti qəbul etdiyini ona oxuyanda “şücaəti‐ mə” əhsən dedi. – Xahiş edirəm ki, bu dəvəti türk çılğınlığı ilə, siyasətçi gözü ilə deyil, türk Kıbrısına gəlmiş rumlu qonağı Azərbaycan xatirinə, Azərbaycan adına layiq və ehtiramla qarşılayasınız. İndiyədək aranızda olan fikir ayrılıqlarını bir tərəfə qoyub, türk və rumlu gənclərin toy (türklər toya “düyün” deyirlər, bəlkə də bu, bizdəki, – “toy günü boynuma çatı düyünlədim” ifadəsin‐ dəki eyni mənanı daşıyır) mərasimini şərəfləndirmək, münasi‐ bətlərinizi fərqli bir müstəvidə davam etdirmək, iki millətə nümunə olacaq xoş mesajlar verməyinizi xahiş edirəm. “Uma‐ rım” iki millətin bütövlüyü, adanın dincliyi və nəhayət Azər‐ baycanın xatirinə, beynəlxalq təşkilatların acığına bu işə ciddi maraq göstərəcəksiniz. – Oldu, gərəkəni yaparız, – dedi. Təşəkkürümü bildirib rəsmi dəvətnaməni verdim. Bir qə‐ dər də ordan‐burdan danışıb ayrıldıq. ...Toyun keçiriləcəyi saray, bizim möhtəşəm mədəniyyət mərkəzinin ən iri zalı idi. Təxminən 600 nəfərlik yer hazırlan‐ mışdı. tollar bütöv milli mətbəximizə aid ədviyyat, soyuq salat‐ lar, çərəzlərlə dolu idi. Azərbaycanlı aşpazlar məharətlərini layiqincə nümayiş etdirmişdilər. Zalın və stolların tərtibatına söz ola bilməzdi. Yerə milli xalılarımız döşənmişdi. Əli məni müşayiət edirdi: – Necədir, xoşunuza gəlir? Necati bəy dedi ki, rum tərəf‐ dən olan müəllim‐professor dostlarını da dəvət edib. Hardasa, 70‐ə yaxın yunan ziyalı olacaqdır. Yüklə 2,71 Mb. Dostları ilə paylaş:
|