381
təbrik elə. Yaxındadırsa telefonu ver ona. Hə.., neynək sonra
özümüz danışarıq. Öpdüm.
Telefonu söndürdü:
– Soyuqlayıb bir az, həkim çağırıb evə. Ciddi bir şey
yoxdur. Deyir “bacarsam, tez gələcəyəm”. Hə, harda qaldıq?
Qardaş, sağ əlin bizim başımıza. Qoy Ünzilə balamızın ayağı
sayalı olsun. İnşallah, bir yaşını gözəl Qubadlıda qeyd edək.
Yaşar əmi atmacasından qalmadı:
– Ə, nə var ey Qubadlıda? Gərmə‐təzək basmaqdan əl‐
ayaqları cadar‐cadar idi. Burda adam kimi gün görür. İndi Fər‐
hadı “hınxlasan” da Qubadlıya qayıdan deyil. Oturub da gül
kimi Bakıda, bütün əzizləri də yanında.
Atam:
– Allah başınıza gətirməsin, heç düşmənimə də arzulama‐
ram didərginliyi. Mən bəlkə də Qubadlıda daha şux, şən, cavan
qalardım. Nə var axı bu şəhərdə? Biclik bilməyən saf kənd uşa‐
ğıydım, şəhərə gəldim pozuldum. Bakıya gəlməsəydim, sizin
bu mürdəşir yumuş sifətinizi də görməzdim.
Yaşar:
– Durna, qızım, səni Allah, düzünü de, Qubadlı alınsa, ge‐
dərsənmi?
Mən:
– Atam, anam hardadırsa, mən də orda – niyə getmirəm ki.
Ən çox da atamın Durna nənəsinin, Familə nənəmin məzarla‐
rını görmək üçün mütləq gedərdim. Oraları gördükdən sonra
isə əminəm ki, Bakıya qayıtmaram, elə orda qalaram. Atam
kəndimizdən o qədər danışıb ki, artıq hər dağ‐dərəni, cığırı əz‐
bərdən tanıyıram. İnanın ki, yuxularımda da görürəm heç vaxt
görmədiyim Qubadlını, Sarayımızı.
Atam:
– Di gördünüz, gördünüz mənim qızımın qeyrətini? Gedib
Qarabağda sərçəyə bir‐iki güllə atmısınız, ağzınıza çullu dov‐
382
şan sığmır. Elə bil milli qəhrəmansınız. Bax neçə ki, cavanları‐
mızın beynində belə yuxular da olsa qalır, deməli qayıdacağıq.
Onda görərsiniz sizin lələşiniz orda sizi necə qarşılayır. Daha
məftil iyi verən araqla yox ey, təmiz tut, kəkotu arağıyla. Ye bir
cəmdəyi, iç “Həcər” bulağının suyundan, qayıt ikinci quzunu
ye. Sizin bu Xəzəriniz, mənim Bərgüşadımın yanından heç arx
olub ötə də bilməz. Elə Bərgüşadın suyudur da, Xəzərinizi ur‐
vatlı edən. Yoxsa, yaxantı qoxan Xəzərinizdə balıq olardı..?
Sabir:
– Nə deyirik ki, bala, Allah ailəlikcə sizi arzunuza qovuş‐
dursun. Bizim də canımız Fərhaddan qurtarsın.
Atam:
– Amin! Qatıqladınız, başqa şeydən danışın, bu gün deyib‐
gülməyə gəlmisiniz, ya cümə axşamına? Hə.., cümə axşamı de‐
mişkən, xəbəriniz var, Kənan namaz qılmağa başlayıb? Deyir
ki, o alkaş əmilərim bir də gəlib pis nəfəslərilə müqəddəs evi‐
mizi kirlətsələr, məndən inciməsinlər – itimiz “Layka”nı açıb
qısqırdacağam üstlərinə. İndidən nə qədər içirsiniz için, evin ki‐
şisi gələndən sonra içkini hamımıza tərgizəcək.
Həmin gecə çox şən keçdi. Maqnitofonu qoşub rəqs edir,
şənlənirdilər. Mənim isə fikrim Baysalımın yanında qalmışdı –
“Görəsən neyləyir indi, arvadı yumşalda bildimi?”. Axşam qo‐
naqları evlərinə yola saldıqdan sonra, atam bizim otağa gəldi –
“Qızım, Baysaldan çox nigaran qaldım, Zəhra anaya bir şey ol‐
mayıb ki?”. “Narahat olma, ata, ciddi bir şey deyil” – dedim. Ona
sığınıb qayınanamla aramızda yaranmış incikliyi açıb danışmaq‐
dan özümü güclə saxladım. Bu saat ən çox ehtiyacım olan insan
atam idi – onun məsləhətinə sığınmaq istəyirdim. O, bu gecənin
son isti ata öpüşü ilə məni mükafatlandırıb yatmağa getdi. Bay‐
salın telefonunu təkrar‐təkrar yığdım. Cavab verən olmadı –
“Telefon ya söndürülüb, ya da əhatə dairəsi xaricindədir”, – ope‐
rator eyni sözü üç dildə tutuquşu kimi təkrar edib durmuşdu...
383
Zəhra:
Mən anayam, yəqin ki, məni bütün analar başa düşər!
Analar heç vaxt tək qalmaq istəməzlər, elə ona görə övlad
doğuruq. Hər kəs ana südündən dəm vurur, ancaq onun dadını
heç kəs xatırlamır. Hər kəs öz canının hayındadır, insanlığını
sürüyüb bir tərəfə çıxarmağa çalışır, ancaq heç kəs anaya qab
yumaqda kömək etmək istəmir. Ana südünün halallığını almaq
övladın birinci vəzifəsi olmalıdır. Vaxtilə övladımın beşiyini
sallayan əllər, ailəni də idarə etməyə qadirdir, hələ dünyanı da.
Amma övladlarım ölmüyüb ha..!
Nağını itirdikdən sonra o bir Allah şahiddir ki, bütün
gücümü topladım, gecəmi gündüzümə qatdım, bir gün ac‐bir
gün tox yaşadım, ərimə layiq övladlar yetişdirmək üçün
əlimdən gələn hər şeyi etdim. Mən danmıram, adamın üstündə
Allah var, Baysalın böyüməyində, əlinin çörəyə çatmağında
Fərhadın rolu danılmazdır, misilsizdir. Ona atasızlığı unutdur‐
du, bu həyatda ən etibarlı dayağı oldu. Oğlumun, bizim bir
şeydən korluq çəkməyimizə macal vermədi. Ancaq, mənim də
qürurum var axı..! Hər şey, Fərhadın ilk dəfə bizə gələrkən
hədiyyə gətirdiyi soyuducudan başladı. Rəhmətlik Nağı hələ
sağ ikən ona dəfələrlə demişdim ki, hər dəfə bu soyuducunu
açanda içindəkiləri haram ərzaq kimi görürəm, ətim ürpənir.
Adamın pulu olanda nə olar ki? Alırsan, uşaqlara oyuncaq
maşın, nə bilim, kitab‐dəftər al. Yoxsa, evimə soyuducu, oğlu‐
ma maşın, ev... Kim mənim yerimə olsaydı deyərdi ki – “Mə‐
nim ərim ölüb ki, sən mənə soyuducu alırsan?!”. Yaxşı, indi
ərim ölüb... Sən mənim ərimsən ki, oğluma ev, maşın alasan?!
Bəli mənim ərim ölüb, nə olsun, qeyrətim ki ölməyib! Qardaşım
qədər ola bilərsən, ancaq qardaşımın yerinə keçə bilməzsən.
Uşaqlarıma yaxşı “atalıq” edə bilərsən, amma imkan vermərəm
ki ərimin yerini tutasan! Uşağım hər gün gözümün qabağında
Dostları ilə paylaş: |