390
şımızı basdalayıb. Həkimlər nə lazım olsa edəcəklər, vəziyyəti
də qorxulu deyil. Əməliyyatı gözləyirik. İş hər ikimizin başına
gəlib, xahiş edirəm səbrli olaq. Allaha yalvaraq ki, sağ‐salamat
ailəsinə qovuşa bilsin.
Xəstənin yoldaşı göz yaşlarını axıdaraq zarıyırdı. Hıç‐qır‐
tılar arasında bunları başa düşə bildim:
– Dedim ki, bu gün getmə işə, hava da pisdir. Elə bil ürə‐
yimə nəsə dammışdı. Döşəmə‐parket yonandır. Dedi heç olma‐
sa makinanı aparıb bazarın qabağında qoyum ki, bəlkə zəng‐
zad edən olar. Al, bu da sənin əcəl zəngin. Allah, sən balalarıma
rəhm elə, onları atasız qoyma, ya Rəbbim, qapında itin olum, ay
Allah!
Qaynı onu sakitləşdirirdi. O isə susmaq bilmir, tanrının
ətəyindən yapışıb hıçqırtıyla yalvarırdı. İnsanın, yalnız Allaha
işi düşəndə ondan ikiəlli yapışmasında azca haqsızlıq var –
ömrün boyu unut, işin düşəndə isə kişinin baş‐beynini apar.
Amma bu saat, tanrıya ən sidq‐ürəkdən yalvaran insan bu qa‐
dın idi bəlkə də.
Gör başımıza nələr gələcəkmiş... İndi “Jiquli”nin sahibi Ra‐
malı da cəncələ saldım... Ax ana, ana..! Dilin, nəfsin öz balanın
başında çatladı! Sənə bu lazım idimi?
Ramal və anam da gəldilər. Ramalın maşınını tanıyan olub,
ona bədbəxt hadisə barədə xəbər veriblər, o isə anamı da
götürüb gəlmişdi. Ramalın üzünə baxmağa utanırdım. Anam
günahkar kimi başını peşiman‐peşiman aşağı dikmişdi, dindi‐
rəsi halda deyildi. Heç mən də ona yaxınlaşmadım. Təkcə Sabir
əmi ona, – “Qorxma, hər şey yaxşı olacaq”, – deyib təsəlli verir‐
di. Anam yaralının arvadına yaxınlaşıb – “Yoldaşını vuran uşa‐
ğın anasıyam. Qurbanın olum, məni balalarının başına çevir,
şikayətçi olma. Əlimizdən nə gəlirsə edəcəyik, narahat olma.
Allah özü kömək olsun!”. Yazıq arvad güclə – “Amin!” – dedi.
Anam bicliklə “hücuma keçmişdi”:
391
– Kim istərdi ki, belə bədbəxt hadisə olsun. Maşın özgə‐
nindi, indi yazığı da incidəcəklər. Səni and verirəm Allaha, özü‐
nü ələ al, uşağın tanışları çoxdur, nə xərc olsa özümüz ödə‐
yəcəyik, qoymarıq ki, sənin yoldaşına bir şey olsun.
Anam “tanışları çoxdur” deyəndə, qayınatamı qəsd etdi‐
yini bilirdim, əmin idim ki, o anda gözlərimdəki kini açıqca sez‐
di. Anam Sabir əmiyə yaxınlaşdı – “Fərhad qardaşın xəbəri var‐
mı?” – utanmaz‐utanmaz soruşdu. Sabir əmi – “Yox”, – dedi.
Anam:
– Bəlkə xəbər verək?
Sabir əmi dinməzcə telefonda Fərhad əmini yığdı:
– Alo, necəsən? Bir imkanın olsa Musa Nağıyev adına xəs‐
təxanaya dəyərsən... Baysal bir nəfəri maşınla vurub... Yox.., bir
az əzilib, bir də çanağı, ayaqları sınıb, indi reanimasiyadadır.
Uşaqlara demə, qoy narahat qalmasınlar. Hə, burdadı... Zəhra
bacı, yaralının qohumları və mən... Oldu, sağ ol.
Heç yarım saat keçməmişdi ki, Fərhad əmi gəldi. Çox sakit
idi – səbirli olmaqda necə də ona bənzəmək istərdim. Zərərçə‐
kənin qohumlarına yaxınlaşdı – “Keçmiş olsun, Allah şəfasını
versin”, – dedi. Şöbənin həkiminin yanına girib xəstənin vəziy‐
yətini soruşdu – sifətində bir qayğı vardı. Anamla hal‐əhval
tutdu, mənə isə heç salam da vermədi – bircə bunu soruşdu –
“Özünə bir şey olmayıb? Öz maşının hardadır ki, başqasının
maşınını sürürdün?”. Anama baxdım. “Yağını dəyişməyə ver‐
mişəm, ustadadır” – dedim. Fərhad əmiyə yalan danışmağın nə
qədər ağır olduğunu bir biləydiniz... – bu, ona danışdığım ikin‐
ci yalanım idi. Ürəyimdə, – “Di hı, anam mənim, indi nə de‐
yim? Deyim ki, anam havalanıb sənin verdiyin maşını xurd‐
xəşil edib”?! Təklənmişdi. Divarın bir küncünə qısılıb xəstənin
sağ qalması üçün dilinin altında Allaha yalvarırdı. Anama ya‐
zığım gəldi. Xəcalət çəkdiyini hiss edirdim. Ona yaxınlaşıb əlini
ovcuma aldım. Fərhad əminin gəlişi ilə sanki içimdə bir rahatlıq
392
yaranmışdı, sanki yaralı ölməyəcək, elə bu dəqiqə durub bi‐
zimlə evinə gedəcəkdi. Mən qayınatamın şəxsiyyətinə həddən
artıq pərəstiş edirəm və məni anamdan “soyudan” da deyəsən
elə bu pərəstişdən doğan müti itaətim idi. Cavidin sözlərindəki
həqiqəti anlamağa başlamışdım. Fərhad əmiyə heç bir ləkə
yaxmağa haqqım yox idi, amma öz övladlıq borcumu da qə‐
dərincə yerinə yetirmədiyimi anlayırdım. Mən öz kiçik ailəmlə
isti ocaq qurub, doğmalarımdan xeyli aralanmışdım. Pay‐püş,
yemək‐içməklərini almaqla kifayətlənmişdim, anam da bunu
şişirdib dağ boyda eləmişdi. Bəlkə də düz edir, üstünə vaxtında
düşməsə, məni tam itirəcəyindən əmin olduğu üçün belə edir.
Demək, bu, anamın qaldırdığı üsyan, həyəcan siqnalıymış.
İçimdə anama qarşı hirsim həlim bir sevgiyə dönürdü. Mən ona
qısıldıqca, o məni bağrına basırdı. Bax elə buradaca bir‐birimizə
olan hirsimiz sevgi ilə əvəzləndi. Anam bütün analar kimi zərif,
lakin olduqca güclü qadındır. Anamın doğma qoxusunu duy‐
dum, az qala yadırğamışdım bu qoxunu. Ana qoxusu ilahi cazi‐
bəsidir, doğulan körpəni məməyə doğru dartan cazibə kimi.
“Canım anam mənim, mən indi bilirəm ki, sən Fərhad əmidən
də güclüsən. Gör öz balanı qucağına qaytarmaq üçün nə yollara
əl atdın, nə müsibətlər çıxardın, necə bir qəzaya səbəb oldun?
Ancaq bütün bunlar, bir ananın öz doğma balasına qovuşma‐
ğına dəyərmiş. Anasının qoxusunu unudan yüz yaşlı övlad da
ana əmcəyini kəsən bədəsildir, yönlü vələd deyil. Sənə qur‐
ban olum, ana, bağışla məni”.
– Sənə qurban olum, ana, bağışla məni – söz biixtiyar di‐
limdən sürüşüb çıxmışdı.
Alnımdan öpdü, – “Sən də bağışla, oğul, mən də lap dəlilik
elədim”, – dedi.
Çağırılmış həkimlər gəldilər, birbaşa əməliyyat otağına
keçdilər. Həyəcanlı dəqiqələr yenidən başladı. Dəhliz boyu o
baş‐bu başa yortmağa başladıq. Sakitcə oturub halını pozmayan
Dostları ilə paylaş: |