397
Xəstəni palataya keçirdilər. Bir xeyli də gözlədik. Sabir əmi
mənə:
– Ananı da götür get evinizə, uşaqlar da təkdir, – dedi. Ax‐
şamdan içdiyi arağın qoxusu gəlirdi, – “Yeyib‐içdiklərini bu‐
runlarından gətirdim, gör bir nə işə saldım bunları”. Çox çək‐
çevirdən sonra aşağı düşdük, könülsüz taksiyə oturub anamla
evə yollandıq.
Anamgilə çatanda gözlərimə inanmadım. Cavid və Mahir
həyətdə yüyrük düzəltmişdilər. Ünziləni yüyrükdə yellədir,
onun balaca barmaqlarına lağ edib gülüşürdülər. Durna əyninə
xalat geyib qaz plitəsinin üstündə yemək bişirirdi. Bizi görcək
tələsik anamın boynuna sarıldı. İlk dillənən anam oldu:
– Bağışla, qızım, imam övladıymışsan, qarğışım özümü
tutdu. Səni çox alçaltdım, keç günahımdan. İstədim oğlumu
qaytaram, ancaq az qaldı ki, tamam itirəm. Şükür balamı mənə
qaytaran Allaha. Mənim yerim artıq cəhənnəmdir. Bircə siz
haqqınızı halal edin. Xoşbəxt olun balalarım...
Anam ikimizin də boynunu qucaqlayıb başlarımızı sinə‐
sində birləşdirdi. Gözlərindən yaş axırdı. Araya söz qatıb bu
kədərli səhnəni pozmaq istədim:
– Sən kimnən gəldin, nə tez gəldin? – Durnadan soruşdum.
– Anamdan ötrü burnumun ucu göynəyirdi. Səsi elə təlaş‐
lıydı ki, Dilbərlə taksi tutub gəldik, – Dilbər də az aşın duzu
deyildi ha, dili, ilanı yuvasından çıxarar.
– Bəs Dilbər hanı, ananı tək qoydunuz evdə?
– Hə. Dilbər evin dalında palazları çırpır.
Bir neçə dəqiqə sonra kolbasa‐yumurta qızartmasının qo‐
xusu otağı bürüdü. Hamı süfrə arxasına keçdi. Anamla Durna‐
nın barışması bayaqkı qəzanı az qala tam unutdurmuşdu. İndi
ən sevimli insanların əhatəsindəydim və anladım ki, bu süfrə‐
398
nin, bu ocağın başçısı mənəm. Mənim də başıma yığacağım in‐
sanlar var və bunlar, məsuliyyətini daşıdığım əzizlərimdir.
Bunlarla birlikdə yeyilən soğan‐çörək də bal dadırmış...
Fərhad:
Baysalın qəza ilə adam vurması bir müddət yeyib‐içdiyi‐
mizin duzunu qaçırdı. Cavid xəstəxanada təxminən bir ay
yatdı. Sağ olsunlar, şikayətçi olmadılar – polislər necə dedilərsə,
eləcə də izahat yazdılar. Baysalın sürdüyü maşının sahibinə bir
qədər “cərimə” yazdılar, Baysalın isə sürücülük vəsiqəsini
“aldılar”. Bütün xərcləri Sabir tək çəkdi. Məhkəmə işində isə
Yaşarın böyük köməkliyi dəydi – yaxşı əlaqələri varmış...
Afət, qəza xəbərini aldığımız axşam mənə Durna və Zəh‐
ranın arasındakı mübahisələri açıb olduğu kimi danışdı. Bunu
indiyədək məndən gizlətdiyinə görə Afəti ilk dəfə çox ciddi acı‐
ladım. Gecə səhərədək ilan vurmuş adam kimi yerimdə dönüb
durdum. Gecəyarısı mansarddakı ofisimin arxa otağına qalxdım.
Siqareti siqaretə calamışdım. Zəhraya haqq qazandırırdım.
Səhvlərimi aydınca görür və dərk edirdim. Özüm də istəmədən
ailəmin bütövlüyü xatirinə başqasının ailəsini dağıdırmışam, bir
ananı doğma oğlundan “ayırırmışam”. Necə olub ki, mən bunun
fərqinə varmamışdım. Bəli, hər kəs öz evinin yaraşığıdır. Özgə
evin ən şirin naxışıyla öz evimin bəzəyini tamamlamaq istəmiş‐
dim. Və bunu acımadan eləmişdim. Yaxşı deyiblər, “Gülü dərsən
sənin olar, dərməsən hamının” – mən başqasına məxsus bir gülü
xaincəsinə dərmişdim. Demək, xoşbəxtliyimi başqa bir ananın
göz yaşları, övlad nisgili üzərində qururmuşam. Mən belə dar‐
düşüncəli olmamalıydım... Demək qızım məndən ağıllıymış. Heç
mənim məsləhətimi, razılığımı da almadan qayınanasının yanına
399
getməklə məndən nə qədər düşüncəli olduğunu sübut etmişdi.
Qocalmışam, şən həyat gözlərimi bağlayıbmış. Yox dostum, artıq
səhnədən getmək vaxtındır, bir az da qalsan, səhnədən əl çək‐
məyən müğənnilər kimi ya mikrofon əlindən düşəcək, ya da səni
pomidor‐yumurta yağışına tutacaqlar.
Atam yadıma düşdü. “Atacan, bilsən bu saat sənə nə qədər
ehtiyacım var? Axı sən bu cür səhvlərə yol verməyə qoymazdın
məni... Bağışla məni, atacan, öz övladımın xoşbəxt güzaranı
üçün, başqasının oğlunu xoş rəftarımla, əzizləmə ilə əlindən
alıbmışam. İndi isə az qala həm qızımı, həm də oğlum qədər
sevdiyim kürəkənimi itirəcəkdim. Ax oğul, bircə sən tez gəlsəy‐
din çəkilərdim bir kənd‐kəsəyə, ömrümü sakit guşədə başa
vurardım”. Saata baxdım, indi Kiprdə saat 1.30‐dur. Kənanı
yığdım, dərsləri normasında gedirdi. Üç aya universiteti bitirib
vətənə qayıdacaqdı. Özümə gələ bilmirdim, hətta Kənanla da‐
nışmağım da hirsimi soyutmadı. Çox firavan yaşamağımız Bay‐
salı bizim ailəyə cəlb etmişdi, doğma evlərində isə onu böyük
oğul qayğıları, ailə başçısı olmaq kimi çətin vəzifə gözləyirdi. O
isə bu yükü çiyninə götürməyə görünür özünü hələ hazır hesab
etmirdi və ya bilmədən bu yükdən qaçırdı. Zəhra bacı tamamilə
haqlıdır. Sadəcə, ana üsyanını bir qədər qabarıq biruzə verməyə
bilərdi, lakin ona da haqq qazandırmaq olar, axı söhbət onun
doğma övladından gedir... Bu mənim başıma gəlsəydi, nəinki
maşını, soyuducunu əzər, hətta evi rəqibimin başına uçurar‐
dım. Yaxşı ki, hər şeyi Durna ilə Zəhranın özləri dinc yoluna
qoymağa bacardılar. Mən isə heç vaxt bu məsələnin üstünü
vurmadım, sanki bundan heç xəbərim də yox imiş...
* * *
Dostları ilə paylaş: |