406
Lal‐dinməzliyimiz ən çox Kənanı üzdü. Həmişə dil‐dil ötən Sa‐
birə, Yaşara sanki rəhmi gəldi:
– Sizin hamınızı nə qədər səmimi qəlbdən sevdiyimi
sübut etməyə, yəqin ki, lüzum görməzsiniz. Hamınız o qədər
sevimli, təmizqəlbli insanlarsınız ki, sizin hər birinizin sözün‐
dən çıxmaq mənə ölümdən də ağırdır. Bu gün mənə görə süf‐
rədə lal‐dinməz oturmağınızın baiskarı mənəm. Lakin, gəlin bu
mövzunu birlikdə müzakirə edək. Siz, Sabir, Yaşar əmilərim
mənim, atamdan sonra sevdiyim əziz əmilərim, sizcə, kim ara‐
ğın insana xeyirli olduğunu sübut edə bilər?
Sabir:
– Heç kim.
Kənan:
– Ay sağ olun. Bəlkə iştahanızı açır?
Sabir:
– Bir az, bəlkə də heç yox...
– Bəlkə içib arvad‐uşaq bilmədən hətərən‐pətərən danış‐
mağa – “şənləndirir” – deyəcəksiniz?
– Yox. Əgər içə bilmirsənsə, içməyin tərəfdarı deyiləm. Heç
bizim hətərən‐pətərənimizi görmüsən?
– Əsla yox, əksinə, sizin sərxoş halınız daha səmimi gö‐
rünür...
– Ay sağ ol! Demək, arada “pənco‐pənco” gillətmək olar,
düzdürmü? – Yaşar da həvəslə söhbətə qoşuldu.
Kənan:
– Özünüz deyin, əgər sizi sevirəmsə, siz isə mənim sev‐
diyim Sabir əmimin tanrı əsəri olan ruhunu, cismini zəhərlə‐
yərək həm də mənim sevgimi zəhərləyirsinizsə sizə nə ad ver‐
mək olar?
Araya sükut çökdü. Kənan tam hücumdaydı:
– Bir şeyin sənə ziyan və haram olduğunu bildiyin halda,
ona davam etməyin adına nə deməliyik?
407
Yaşar:
– Qardaşoğlu,– “Ulaq bir dəfə girdiyi palçığa ikinci dəfə
girirsə, ona eşşək deyərlər?” – bunu bilirik. Bizə “eşşək” demək
istəyirsənsə, gəl bu söhbəti elə buradaca kəsək.
– Əstəfürullah. Mən belə söz deməyə heç vaxt cürət etmə‐
rəm. Amma gəlin bunun adını bir az yumşaldaq, qoyaq “mə‐
nasız və ziyanlı vərdiş”. İndi siz deyin, kimin cürəti çatar ki,
dünyalar qədər sevdiyim Sabir əmimə, Yaşar əmimə, canım
atama pis adətə qurşanmış insan desinlər? Amma gəlin qəbul
edək, bunu niyə də deməsinlər? Axı özünüz bunu əməlinizlə
sübut edirsiniz. Bu, içkinin şəxsiyyətinizə və sağlamlığınıza
vurduğu birinci zərəri... Gəlin ikinci tərəfini araşdıraq. Sizi and
verirəm Allaha, sizə dərs vermək kimi qəbul etməyin dedik‐
lərimi. O qədər əziz insanlarsınız ki, bunları deməsəm günaha
batmış olaram. Deyin, bu dünyaya elə indiyədək yaşadıqlarınızı
görmək üçünmü gəlmişdiniz? Sizə görk olsun deyə, ətrafınızda
min cür naxışla yaradılmış canlı‐cansız aləmin sizlərə heçmi
dəxli yoxdur? Sizə bu xoş günləri, gözəl nemətlərini qismət edəni
unutmaqla nə qədər haqlısınız? Bir gün hamı kimi axirətə qovu‐
şacağınızı, orada da əbədi dost olaraq qalmağınızı istəməzdiniz‐
mi? Bəlkə, elə bunu düşünməyinizi, ətrafdakı gözəllikləri görmə‐
yinizi istəməyən biridir sizə şərab içirdən? Şeytan...
Yaşar onun sözünü kəsdi:
– Qardaşoğlu, mən başa düşdüm, sən bizi namaza oturt‐
maq istəyirsən. Bu keçməz... Arağı deyirsənsə, onu tərgizə bilə‐
rik, – o da, ən azından sizin evdə – amma dizlərimi yerə qoyub
yalvarmağı isə mən şəxsən bacarmaram və etmərəm. Allaha de,
bizə dəyməsin, bizim də onunla işimiz yoxdu...
– Yaşar əmi, əgər sizə desələr ki, zalım, qüdrətli, var‐
dövlətli birinin qarşısında diz çök, onda üsyan qaldıraram,
əvəzinizə özüm onun dizlərinə qapanaram. Amma qarşısında
diz çökdüyün sənin valideynlərini, bütün sevdiklərini və sevən‐
408
lərini yoxdan var edən, bir gün də sizlərin əlindən almağa qadir
olan, qarşısında biçarə qaldığınız adil Allahdırsa, onda onun
qarşısında diz çökmək şərəfdir. Atam xəstələnib reanimasiyada
yatarkən, biriniz dara düşərkən, hər yerdən əliniz üzüləndə
sığındığınız, yalvardığınız Allahı bir yada sala bilərsinizmi? Nə
vaxt sizin yalvarışlarınızı, ona uzanan əllərinizi boş qaytarıb?
Ata, özün o gün demirdinmi ki, Ünzilənin dili qatlananda
ölümlə üz‐üzə gəlmişdin, Allaha elə yalvarmışdın ki, nəvənə
qıymayıb qonşudan başqa birini qurban aparmışdı..? Yaxşı, o
ölüm sabah yenə də qapınızı kəsdirəndə bax siz hamınız nə ca‐
vab verəcəksiniz? – Kənan bütöv hakimiyyəti əlinə almışdı.
Yaşar mənə sarı döndü:
– Sən yuxu da görürsən?
– Dəhşətli yuxu idi, bəlkə də heç yuxu deyildi – tam həqi‐
qət idi... – dedim.
Afət:
– Danış, qoy hamı bilsin...
– Əslində tez‐tez yuxu görən deyiləm. Axşam gördüyü‐
mü də səhər açılanda xatırlamıram. Amma bu yuxu dəhşət idi...
Kənan gələn günün səhəri idi. O qədər dini söhbətlər etmişdik
ki, beynim qaynar qazana dönmüşdü. Həmin gecə bu dünyaya
aid olmayan bir əzab yaşadım və bu əzabı heç vaxt unutmaram.
Yuxu məni əməlli başlı qorxutmuşdu. Ölüm şərbətinin dadı
hələ də dodaqlarımdadır...
Yaşar:
– Ə, di tez ol, ürəyimizi üzmə, danış görək! Mən də onu
demək istəyirəm ki, Kənan bir az da dindən danışsa bizim də
başımız paltaryuyan maşına dönəcək...
Hamının diqqəti məndəydi. Yuxum yenidən kino lenti
kimi gözümün önündə canlanırdı...
409
* * *
– Cin vuran adam kimi yuxudan dik atıldım. Sanki, məni
boğanın əlləri hələ də xirtdəyimdə idi. Boyun‐boğazımı hövkə‐
lədim. Soyuq tərin içindəydim. Çarpayımda oturdum. “Sübha‐
nəkə”mi oxuyub çəkələyimi ayağıma geydim. Zala düşdüm.
Soyuducunun qapısını açıb stəkanımı buz kimi su ilə doldur‐
dum. Suyu birbaşa başıma çəkdim. Dadı başqa cür idi – bu
dünyadan olmayan başqa bir şərbət dadı... Stəkanı yenə doldu‐
rub yataq otağıma qayıtdım. Alatoranlıqda birinin çarpayımda
uzandığını gördüm. Gözlərimi xeyli ovdum – bu yuxu deyildi.
Soruşdum – “Kimsən?”, dedi – “Ölüm!”. “Demək gəldin, hə?” –
tezliklə gələcəyini onsuz da bilirdim. “Hə, yaxın gəl!” – yorğanı
qaldırıb qucağını açdı. Arxamdakı qapı yox olmuş, yanlarım
divarlarla hörülmüşdü, ancaq bir yolum vardı – qabağa, – ölü‐
mün qucağına gedən yol. Nə soyuqmuş ölümün qucağı... Sanki,
dünyanın bütün yükü çiynimdəydi, çox yorğundum, başım
keyimişdi. O an ölümü çox haqsız, insafsız, məhrəmətsiz gör‐
düm, ölümün amansız olduğunu bildim. Övladlarımla, sevdik‐
lərimlə halallaşmadan, sizlərlə vidalaşmadan ölümlə yola düş‐
məkmi olar? Topuğum onun soyuq baldırına toxunanda üşü‐
düm, dilimin altında, – “Əüzi billahi minəş‐şeytanir‐rəcim, bis‐
milləhi‐rəh‐mani‐rəhim...” – pıçıldadım. Gülümsündü:
– “Şeytanmı sandın məni?”. Gözümü döydüm, cavab ver‐
mədim. Şeytan olsaydı, bu duanın təsirindən məndən əlli min
kilometr uzaq qaçmalıydı – Durna nənəm eyzan belə deyirdi.
Səssizliyin zil səsi otağa hakim kəsildi. Hiss edirdim ki, ürəyim‐
də tutduğumu dərhal oxuya bilir. Əməl kitabımın hansı əlimə
veriləcəyinin həyəcanını yaşadım, – “Allahım, sağmıydı, ya sol‐
muydu, bunun hansı cənnət işarəsiydi”? Beynimin yerinə sa‐
man doldurulduğunu görür, həyatımın batareya daşı kimi tü‐
Dostları ilə paylaş: |