387
– “Oğlumun qayınatası alıb!”. Yox bir, Allah öldürmüşdü səni,
al çax atanın qəbrinə, sonra da as vərəm xəstəsi olan arvadının
boynuna, it köpəyoğlu!
– Ana, günahdı dediklərin, ağlın çaşıb sənin. Axı onun pis
bir niyyəti yoxdur.
– Pis niyyəti yoxdursa, almasın! Mən brilyant taxmaq istə‐
mirəm, mən boynuma kəndir keçirib özümü asmaq istəyirəm.
Artıq mənim sən adda oğlum yoxdur! Sən biqeyrətin təkisən,
rədd ol arvadının yanına, cah‐cəlallı qayınata evinə!
Yox, mən bu kini, nifrəti söndürəcək səbrdə deyiləm. Qar‐
daşlarımı yanıma alıb dənizkənarı boyunca gəzməyə çıxdım.
Qoy anam bir qədər tək qalıb özünə gəlsin, sonra qayıdıb ye‐
nidən daha sakit söhbət edərik.
...Qardaşlarım günbəgün böyüyürdülər. Cahid axırıncı si‐
nifdə, Mahir isə 7‐ci sinifdə oxuyurdu. Cahid çox qaraqabaq,
hər şeyə tez inanan uşaqdır. İçimizdə atama çəkən də odur.
Yaxşı oxuyur, hərbçi olmaq arzusundadır – bilirəm ki, atamızın
qisasını ermənilərdən almaq istəyir. Çox kinlidir və qapalı
uşaqdır. Mahir isə tam əksinə, deyib‐gülməyi, əylənməyi sevir.
Ən çox sevdiyi insan isə Durna idi. Hər dəfə anam coşanda
Durnanın ilk müdafiəsinə qalxan elə Mahir olurdu. Ancaq əlin‐
dən bir şey gəlməyəndə göz yaşlarına güc verirdi. Çox duyğulu
və həssas uşaqdı. Axır vaxtlar anama qarşı bir aqressiya yaran‐
mışdı onda. Dilində şirin qüsuru vardı – sanki, uşaqlığından
tam ayrıla bilməmişdi.
Dənizkənarı qumluqda balıqqulaqlarını təpikləyirdik. San‐
ki bir‐birimizlə küsülüydük, danışmağa utanırdıq. Söhbətə Ma‐
hir başladı:
– Qaqa, Durna bacı bizdən çıxıb gedəcək?
– Niyə gedir ki, qaqa? – soruşdum.
– Anam onun getməyini istəyir axı... Əgər getsə, mən də
onunla gedəcəyəm.
388
Cahid də bizə qoşuldu:
– Həmin günü məni də bir daha görməyəcəksiniz!
– Sən hara gedirsən bəs..? – soruşdum.
– Dəmiryolu vağzalında yük daşıyıb başımın çarəsinə baxa‐
ram. Bu qədər kin və nifrətlə dolu bir evdə yaşaya bilmərəm. Ana‐
mın Durna bacı haqqında dediklərilə heç cür razı deyiləm, amma
sənə elə gəlmir ki, ailəmizi başına toplayıb yumruğunu stola
vurmaqda ləngiyirsən? Başa düşürəm, bir ailə kimi ayrı yaşamaq
sizin haqqınızdır, amma bizə də bir ailə başçısı lazımdır, ya yox?
Sən varkən, mən bunu edə bilmərəm, həm də buna hələ hazır
deyiləm. Ancaq nəsə bir çıxış yolu olmalıdır. Evimizə pul, bizə
pal‐paltar, bazarlıq etməklə deyil, həm də süfrəmizin başında
atam yerində olan böyük qardaşımızı da görmək bizim haqqımız‐
dır. Bax bunda anama bir qədər haqq qazandırıram. Ancaq Durna
bacının “getməsi” məsələsini yığışdırın. Hər şey bir tərəfə, o bizim
bacımız olmaqla, həm də atamızın dostunun qızıdır. Bağışla ki,
başımdan yekə danışıram, ancaq səninlə o vaxt düşmən olaram ki,
Durna bacımın qəlbinə toxuna biləcək hərəkət edəsən!
Cavid son sözündən sıxılıb, bəlkə də doluxsunub başını
aşağı dikdi. Ürəyimdə qardaşlarımla fəxr edirdim. Qolumu Ma‐
hirin çiyninə qoyub Cavidin üzünü “çimdiklədim”:
– Sən nə vaxt öyrənmisən bu cür kişi‐kişi danışmağı? Onda
köməkləşib bu işi birlikdə yoluna qoyarıq. Düzdür, ailəmizi bir
yerə toplayıb yenə əvvəlki kimi mehriban yaşamalıyıq.
Gecə anamgildə yatdım. Səhər, bütün şəhərcik qatı duman
içindəydi. O qədər duman və rütubət vardı ki, sübh, çətin do‐
ğan qadınlar kimi güclə açılırdı. Xurd‐xəşil olmuş maşınıma
baxdım, başımı buladım. Anam evin dalına keçib məndən giz‐
ləndi. Tikintidə iş icraçısı işləyən Ramalın “Jiquli” maşınını gö‐
türdüm – “Uşaqları evə gətirib maşını qaytaracağam”, – dedim.
Yola çıxdım, bütün maşınlar duman faralarını yandırmışdı –
maşının beş metr qabağını görmək olmurdu. Sahil qəsəbəsinə
389
doğru yol aldım. “20‐ci sahə”nin dairəvi döngəsində qarşıma
qəfil bir adam çıxdı, tormozu nə qədər basdımsa da maşın da‐
yanmadı. Maşın adamın üstündən keçəndə ləngər vurdu. Bu‐
ludlu dünya başıma çökdü. Maşını saxlayıb yerə atıldım. Tə‐
kərlər onun ayaqları üstündən keçmişdi. Yaxındakı adamlarla
köməkləşib onu maşına qoyduq və Musa Nağıyev adına xəstə‐
xanaya apardıq. Yolda Sabir əmiyə zəng vurdum, qəza barədə
ona xəbər verdim. Biz xəstəxanaya çatarkən Sabir əmi artıq bizi
gözləyirdi. Xəstəni təcili olaraq reanimasiyaya qəbul etdilər. İt
kimi qorxmuşdum. Yaralının öləcəyini ağlımdan keçirəndə az
qalırdım başımı divara çırpıb partladam. Sabir əmi nə qədər tə‐
səlli versə də, hirsimi cilovlaya bilmirdim, divarı yumruqlayıb
dururdum. Hadisənin səbəbkarı anam idi, bu saat qarşıma çıx‐
sa, ona dişimin dibindən çıxanı deyərdim...
Həkim reanimasiya otağından təxminən yarım saatdan son‐
ra çıxdı. Hövlnak onun üstünə cumdum – “Yaşayacaq, həkim?”.
“Hə”, – dedi. Ürəyim yerinə gəldi. “Amma vəziyyəti ağırdır,
çanaq sümüyü, iki baldır sümüyü sınıb, sidik kisəsi sıxılıb. Mü‐
təxəssis çağırmışıq, indi əməliyyata başlayacağıq” – dedi. Bu
heyndə polis əməkdaşları gəldi. Vəziyyəti öyrənib, mənə dair
qeydləri götürdülər, sonra rəhbərlərinə məlumat verdilər –
“Yaralı ölməyib, vəziyyəti ağır sabitdir, cərrahiyyə əməliyyatını
gözləyirlər”. Məni şöbəyə aparmaq istədilər, ancaq Sabir əmi
israrla dedi: “Qoy xəstənin yaxınları gəlsin, sonra özü gələr –
sonra deyərlər ki, maşınla vurub qaçıb”. Heç yana qaçmayaca‐
ğım barədə dilimdən iltizam aldılar və getdilər. Heç bir saat keç‐
məmişdi ki, xəstənin yaxınları hay‐küylə dəhlizə daxil oldular.
Gələnlər, xəstənin həyat yoldaşı və qardaşı idi. Məni buradaca
öldürəcəklərindən qorxdum – çox qeyzlənmişdilər. Sabir əmi əsl
ağsaqqallar kimi özünü qabağa verib onları sakitləşdirdi.
– Qəzadır, qatı duman olduğundan sürücü qabağı görə
bilməyib, maşın da nasaz olduğundan saxlaya bilməyib qarda‐
Dostları ilə paylaş: |