375
Zəhra anamdan çox nigaran idim, əlindən bir xəta çıxacağından
qorxurdum. Ancaq anamgildə özümü sevgi ilə əhatə olunmuş
hiss edirdim deyə 1‐2 saatdan sonra qayınanamı unutdum.
Baysal öz otağımızda (ata evindəki otağımı Baysalla belə adlan‐
dırırdıq) yatmağa çıxdı, çox yorğun və əsəbi görünürdü. Biz isə
Ünziləni nənəsinin yenicə aldırdığı yüyrüyə qoyub balaca əl‐
lərini və burnunu əlləşdirib gülüşürdük. Əlləri bələyin pambığı
ilə dolmuşdu, körpə qoxusu Dilbəri “dəli” eləmişdi. İçimdə Dil‐
bərin halına acıyırdım. Ana olmaq ona necə də yaraşardı... O,
çox gözəl ana ola bilərdi, bir an da olsa gözünü körpədən çək‐
mirdi. Onun bu vaxtadək ərə getməməsinə çox üzüldüm.
Axşam qayınanam zəng elədi, telefonu anam götürdü.
Anam telefonda çox pərt olmuşdu, rəngi qızarır‐bozarır, hal‐
dan‐hala düşürdü. Telefonu qoyub mənə sarı döndü. Dik quru‐
yub qalmışdı:
– Baysalı oyat, de ki, anası onunla danışmaq istəyir. Val‐
lah, bu arvad başını itirib, – Zəhra idi. Deyir – “Oğlumu əlim‐
dən aldığınız yetmədi, indi də nəvəmə gözünüzü dikmisiniz,
qızını saxla, oğlumla nəvəmi göndər evimə!” deyib telefonu
yerə çırpdı. Yumruğunu stola elə vurdu ki, az qala qulağım
batsın...
Dilbərin heyrətdən əli üzündə qalmışdı:
– Nə danışırsan, Zəhra xala niyə belə eləsin? Məgər körpə
həm də sənin nəvən deyilmi?
– Yox, o düz deyir. Gərək körpəni birinci o görəydi. Öz
evinizə getməyiniz məsləhət idi – anam dedi.
– Mən Baysala dedim, amma razı olmadı. Deyəsən, dünən‐
dən anasıyla sözləri çəp gəlib. Arvad əməlli‐başlı quduzlaşıb,
artıq çox qorxulu olubdur.
Öz otağımıza qalxdım. İçəri girəndə Baysal yuxudan oyan‐
dı. Qollarını açıb məni gözlədi. Qucağına girdim, sinəsinə qısıl‐
376
dım. Saçımı sığalladı. Telimi sığallamasından xoşum gəldiyini
bilirdi.
– Zəhra anam zəng vurmuşdu, deyəsən anamı bir az acı‐
ladı. Sənin zəngini gözləyir.
– Vallah canımı boğazıma yığıb bu arvad, indi ağzıma gə‐
ləni deyəcəm! Birdən‐birə cin‐şeytan hardan doldu bunun içinə,
niyə belə qısqanc, paxıl oldu!? – Baysal hirslə ayağa qalxdı.
– Səni and verirəm Allaha, səbrini bas, nə qədər də olmasa
anamızdır. Görünür nədənsə çox narahatdır. Mehriban danış,
lap israr eləsə, elə bu dəqiqə yığışıb evimizə gedək. Məsələni
şişirtmə.
İdman paltarını geyib dəhlizdəki telefonla anasını yığdı.
– Salam, ana, necəsən? – hikkəliydi. Yaxınlaşıb ərimə qısıl‐
dım. Telefonun digər ucunda qayınanam od püskürürdü.
– Canına azar, boğazına qara boğma necəyəm! A biqeyrət
itin küçüyü, qayınatanın müftə çörəyi səni nə tez qudurtdu,
hə!? Sən doğmaca ananı atıb, vərəm qaynananın yanına apar‐
mısan mənim nəvəmi? Südüm sənin burnundan gəlsin elə! Qu‐
cağımda ilan bəsləyirmişəm ki..!
– Ana, ay ana! Sən öz doğma oğlunla danışdığının fərqin‐
dəsənmi? Sən nələr deyirsən doğma oğluna, sənə nə olub belə,
niyə şeytana uyub günaha batırsan? Səni nə vaxt kiminsə aya‐
ğına vermişəm, nə vaxt qəlbinə dəyəcək günah iş tutmuşam?
Axı Durna səni öz anasından da çox sevir. Niyə ona bu qədər
nifrət edirsən? Allahından, qıldığın namazından, tutduğun oru‐
cundan qorxmursanmı?
– Sən daha mənim oğlum deyilsən! Mən adda anan da
yoxdur! O köpəyin qızı qarğa (“Durna” adıma lağ edirdi) sənin
beynini atasının pulu, var‐dövlətilə yedi, gözlərini qapatdı. Sən
də haram yeyən qarınotaranın birisən, səninçün ana müqəddəs‐
liyi deyilən bir şey qalmayıb. Tfu sənin üzünə! Oğul böyüt, oxut,
377
sonra da ver birinə ərə. Camaat evinə gəlin gətirir, mənsə oğul
ərə vermişəm, kül mənim təpəmə! Sən arvadsan, arvad! Fər‐
hadın qızına ərə getmiş biqeyrət arvad! Tez evə gəl, yoxsa əlim‐
dən bir xəta çıxacaq! Gəlirsən?! Cavab ver, gəlirsən, ya yox?!
– Qorxulu adamsan, anacan, çox qorxulu olmusan. Axşam
gələcəm.
– Mən indi, bax elə bu dəqiqə gəlməyini istəyirəm, yoxsa
özümü doğrayacağam..!
– Yaxşı, gəlirəm, dəlilik eləmə! – Baysalı puçur‐puçur tər
basmış, sifəti ayazımışdı.
Telefonu yerinə qoyub otağa girdi. Anasına görə məndən
xəcalət çəkirdi. Üzümə baxa bilmirdi.
– Qoy mən də hazırlaşım birlikdə gedək. Mən qorxuram,
Baysal. Burda qala bilmərəm – dedim.
– Yox. Onun nifrətini hiss etmirsənmi? Belə vəziyyətdə
onun yanında qala bilməzsən.
Paltarını geyinib, – “Heç fikir eləmə, düzələr, yenə əsəbləri
pozulub yəqin” – dedi.
Aşağı düşdük. Anam və Dilbər gözlərini mat‐məəttəl bizə
zilləmişdilər. Anam stola yemək düzürdü – “Harasa gedirsən‐
mi, oğul?” – Baysaldan soruşdu.
– Hə, Afət xala, anama dəyməliyəm.
Anam:
– Yemək yeyib sonra gedəydin...
Çöldən gələn siqnal səsi söhbətin dalına mane oldu. Atam
idi. Anam ona zəng vurub bildirmişdi ki, “nəvən bizdədir, gəl
gör”. Adətə görə evə gələn adam gərək qapıda gözləyəydi ki,
qırxlı körpəni qapıyadək onun “üstünə çıxarsınlar”. Yoxsa, gə‐
lən adam körpəli evə bilmədən girərdisə, ağırlığını körpənin
üstünə tökmüş sayılırdı. Dilbər körpəni qucağına alıb giriş qa‐
pısınadək çıxardı və qapını açdı. Atam əlindəki iri hədiyyə ye‐
şiyini, gözəl gül buketini yerə atıb nəvəsini qucağına aldı.
Dostları ilə paylaş: |