Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait
52
Misal:
Salah Şeexin Hollandiyaya qarşı işində
107
Avropa İnsan Hüquqları Məhkəməsi Somalidə azlıq təşkil
edən bir klanın üzvlərinin qadağan olunmuş, ləyaqəti alçaldan rəftardan ibarət riskin "hədəf qrupuna" aid
olduğunu müəyyən etmişdir. İşlə bağlı müvafiq məsələ iddiaçının həmin ölkədə müdafiə olunmaq və
keçmişdə ona qarşı törədilmiş əməllərə görə kompensasiya əldə etmək imkanlarının mövcud olub-
olmamasından ibarət idi. Avropa İnsan Hüquqları Məhkəməsi iddiaçının Somalini tərk etdiyi vaxtlardan
etibarən orada yaxşıya doğru əhəmiyyətli dəyişikliklərin baş vermədiyini nəzərə alaraq onun bu cür
müdafiə və ya təzminatla təmin olunmaq iqtidarında olmadığını hesab etmişdir. İddiaçı və onun ailəsi
Somalidə azlıq təşkil edən bir qrupa mənsub olduğundan "xüsusi" bir hədəfə götürülmüşdür və məlum
olduğu kimi heç bir müdafiə vasitəsinə malik deyildi. Şəxsən iddiaçının əvvəllər və hal-hazırda
riskə məruz
qaldığını nümayiş etdirmək üçün əlavə olaraq xüsusi və fərqləndirici əlamətlərin mövcudluğunu sübuta
yetirilməsi ondan tələb olunmurdu. Beləliklə, Avropa İnsan Hüquqları Məhkəməsi onun çıxarılmasının
Avropa İnsan Hüquqları Konvesiyasının 3-cü maddəsi ilə ziddiyyət təşkil etməsi qənaətinə gəlmişdir.
Bir çox halda ölkədə müşahidə olunan ümumi zorakılıq vəziyyəti Avropa İnsan Hüquqları Konvensiyasının 3-cü
maddəsini pozmaya da bilər. Zorakılıq kifayət qədər yüksək səviyyədə və ya həddindən artıq
intensiv olduqda
şəxsin məxsus olduğu qrupun digər üzvləri ilə müqayisədə daha ağır vəziyyətdə olduğunu nümayiş etdirməsinə
ehtiyac yoxdur. Bəzi hallarda isə şəxs həm şəxsi risk faktorlarına həm də ümumi zorakılıqdan ibarət riskə məruz
qaldığını nümayiş etdirməli ola bilər. Məhkəmə üçün yeganə sual ləyaqəti alçaldan rəftardan ibarət ehtimal
olunan və həqiqi riskin Avropa İnsan Hüquqları Konvensiyasının 3-cü maddəsinə zidd olub-olmaması
məsələsinə baxmaqdan ibarətdir.
Misal:
NA.-nın Birləşmiş Krallığa qarşı işində
108
Avropa İnsan Hüquqları Məhkəməsi Şri Lankada müşahidə
olunan ümumi zorakılıq səviyyəsinin bu ölkəyəgeri qaytarılmaların qadağan edilməsi üçün kifayət
etmədiyini, lakin iddiaçıya xas olan şəxsi faktorlarla birgə götürdükdə onun geri qaytarılmasının Avropa
İnsan Hüquqları Konvensiyasının 3-cü maddəsinə zidd olduğunu müəyyən etmişdir. Beləliklə, ilk dəfə
olaraq Avropa İnsan Hüquqları Məhkəməsi zorakılıqla bağlı ümumi vəziyyətin geri qaytarılmaların qadağan
edilməsi üçün mümkün olduğunu qəbul etmişdir.
Misal:
Sufi və Elminin Birləşmiş Krallığa qarşı işində
109
Avropa İnsan Hüquqları Məhkəməsi Somalinin
paytaxtı Moqadişuda hökm sürən kütləvi zorakılıq vəziyyətinin insan həyatı və ya istənilən mülki şəxs üçün
real təhlükə yaradan kifayət qədər yüksək səviyyədə və həddindən artıq gərgin olması qənaətinə gəlmişdir.
Məhkəmə zorakılıq səviyyəsini qiymətləndirərək bu kimi qeyri-müfəssəl meyarlara diqqət yetirmişdir:
münaqişə tərəfləri mülki şəxslər arasında itkilər riskini artıran və ya birbaşa mülki şəxslərə qarşı yönəldilmiş
müharibə metodları və taktikasından istifadə edirlərmi; bu cür metodlardan və ya taktikadan istifadə
münaqişə tərəfləri arasında geniş yayılıbmı; və nəhayət silahlı toqquşmalar nəticəsində ölən, yaralanan və
məcburi köçən mülki şəxslərin sayı. Moqadişu şəhərində ümumi zorakılıqla bağlı vəziyyətin kifayət qədər
gərgin olması Avropa İnsan Hüquqları Məhkəməsinə imkan verirdi ki, geri qayıdan hər bir şəxsin bu ölkədə
yalnız olması səbəbindən 3-cü maddəyə zidd olaraq ləyaqəti alçaldan rəftardan ibarət real riskə məruz
qalacağı barədə qənaətə gəlsin (əgər həmin şəxsin müdafiə ilə təmin olunacağını nümayiş etdirmək üçün
şəhərdəki nüfuzlu qüvvələrlə kifayət qədər sıx əlaqələri mövcud deyilsə).
Ölkədən çıxarılacaq şəxs Avropa İnsan Hüquqları Konvensiyasının 3-cü maddəsinə zidd rəftar hesab edilən
zərərin müxtəlif növlərindən ibarət risklərlə üzləşə bilər ki, həmin risklərin mənbələri bilavasitə qəbul edən
dövlətlə deyil, oradakı qeyri-dövlət qüvvələri ilə, xəstəliklər və ya humanitar vəziyyətlə əlaqədar ola bilər.
107
Salah Şeexin Hollandiyaya qarşı
(Salah Sheekh v. the Netherlands)
Avropa İnsan Hüquqları
M
ə
hk
ə
m
ə
sind
əki 1948/04 saylı, 11 yanvar
2007-
ci il tarixli işi.
108
NA.-
nın Birləşmiş Krallığa qarşı
(Salah Sheekh v. the Netherlands NA. v. the United Kingdom)
Avropa İnsan Hüquqları Mə
hk
ə
m
ə
sind
ə
ki
25904/07 saylı, 17 iyul 2008
-
ci il tarixli işinin 114
-117, 147-
ci paraqrafları.
109
Sufi v
ə
Elminin Birl
əşmiş Krallığa qarşı
(Sufi and Elmi v. the United Kingdom)
Avropa İnsan Hüquqları Mə
hk
ə
m
ə
sind
ə
ki 8319/07 v
ə
11449/07 saylı, 28 iyun
2011-
ci il tarixli işinin 241
-250, 293-
cü paraqrafları.Somalidə
ki v
ə
ziyy
ə
tin
ə
n son qiym
ə
tl
ə
ndirilm
ə
si il
ə
bağlı
K.A.B-
ın İsveçə
qarşı
Avropa İnsan Hüquqları Mə
hk
ə
m
ə
sind
əki 886/11 saylı, 5 sentyabr 2013
-
cü il tarixli işinə
baxın.