Суал–79: Кямяр хяттляри, трап, тутум вя сепараторларын щидравлик сынаьы вя
цфцрцлмяси заманы т/т тялябляри
Ъаваб:
Суал–80: Йцкгалдырма ямялиййатлары
Ъаваб:
Ümumi tələblər
Yükləmə-boşaltma işləri və yüklərin nəqli [215] uyğun yerinə yetirilməlidir.
Yükləmə-boşaltma işləri müəssisənin rəhbərliyi tərəfindən əmrlə təyin edilmiş, bu işlərin təhlükəsizliyinə cavabdeh şəxsin rəhbərliyi altında yerinə yetirilməlidir.
Yükün ağırlığı 50 kq-dan çox olan hallarda yükləmə-boşaltma işləri bir qayda olaraq kranların, yükləyici və kiçik mexanizasiya vasitələrinin köməyi ilə yerinə yetirilməlidir.
Yüklərin yüklənib-boşaldılması zamanı avtomobil sürücülərini yükləyici kimi işlətmək qadağandır.
Qaldırıcı kranın tətbiqi ilə yükləmə-boşaltma işlərinə rəhbərlik edən şəxs elə yerdə olmalıdır ki, krançının onu yaxşı görməsi təmin olunsun.
Iki və daha çox ilməkçi tərəfindən aparılan yükləmə-boşaltma işlərində krançı yalnız təyin olunmuş (baş) ilməkçinin işarəsindən sonra yükü qaldırıb-endirə və ya yerini dəyişdirə bilər.
Mexanizm və ya qurğu ilə qaldırılmış yük altında və onun hərəkəti istiqamətində adamların olması qadağandır.
Mexanikləşdirilmiş qurğular işlədilən yerlərdə kənar şəxslərin olması qadağandır.
Nasaz mexanizm və qurğulardan istifadə etmək qadağandır.
Yükün yuxarıdan yalnız sıra ilə və yaxud topa ilə yığılmasına icazə verilir.
Yükləmə-boşaltma, ağır yüklərin daşınması və onların nəql edilməsi işlərini yerinə yetirən fəhlə bədbəxt hadisələr zamanı ilk tibbi yardım göstərilməsi qaydalarını və üsullarını mükəmməl bilməli və onları tətbiq etməyi bacarmalıdır.
Yük daşıyan bütün nəqliyyat vasitələrinin tüstü boruları qığılcım söndürənlə təchiz olunmalıdır.
Yükləmə-boşaltma işləri adətən gündüz vaxtı aparılmalıdır. Sutkanın qaranlıq vaxtı (gecə) yükləmə-boşaltma işləri yerinə yetirilərsə, iş yeri lazımınca işıqlandırılmalı və bu işlər cavabdeh şəxsin rəhbərliyi altında aparılmalıdır.
Yükləmə-boşaltma meydançaları hamar olmalı və onların mailliyi 50–dən çox olmamalıdır.
Yükləmə-boşaltma işləri ilə məşğul olan işçilərin təhlükəsiz hərəkət etmələri və həmçinin, nəqliyyat və xüsusi texnikinin sərbəst manevr etməsi və yerləşməsi üçün meydança müvafiq ölçülərə malik olmalı, döşəməsi isə yerinə yetirilən işlərin tələblərinə uyğun olmalıdır.
Meydança qış vaxtı buzdan, qardan təmizlənməli, lazım gələrsə, qum,kül, şlak tökülməlidir.
Yükləmə-boşaltma meydançalarının göstərici işarələrlə təchiz olunmuş giriş, çıxış və dönmək üçün yolları olmalıdır.
Eyni vaxtda bir neçə nəqliyyat vasitəsi yüklənib-boşaldılarsa, onların arasındakı məsafə 1 m-dən az olmamalıdır.
Yüklərin nizamsız vəziyyətdə və divara (tikiliyə və ya hər hansı bir qurğuya və s.) söykənmiş halda saxlanması (yığılması) qadağandır.
Banın (kuzovun) bortlarının hündürlüyündən artıq çıxan ədədlə daşınan yüklər saz kəndirlə etibarlı bərkidilməlidir. Bu məqsəd üçün metal kanat və məftildən istifadə etmək qadağandır.
Anbarlarda saxlanılan yükləri nəqliyyat vasitəsinə rahat və təhlükəsiz yükləmək və ya boşaltmaq üçün, anbarların qarşısındakı platformalar (estakadalar) nəqliyyat vasitəsinin banının (kuzov) döşəməsi səviyyəsində olmalıdır.
Yüklər avtomobilin kuzovuna aşağıdakı tələblərə riayət edilməklə yığılmalıdır:
-qarışıq yüklər avtomobilin bortları hündürlüyünü aşmamaqla kuzovun bütün sahəsi üzrə bərabər paylanmaqla yerləşdirilməlidir;
-bortun hündürlüyünü aşan tək-tək yüklər etibarlı bərkidilməlidir;
-yığılmış (yüklənmiş) yüklərin hündürlüyü yol boyu qarşıya çıxan körpülərin, tunellərin və darvazaların keçid hissələrinin qabarit ölçülərini aşmamalıdır.
Qabarit ölçülü olmayan yüklərlə, borularla, tirlərlə (şablon), torşəkilli, zəhərli və yanar materiallarla yüklənmiş avtomobilin kuzovunda və qoşqu meydançalarında, həmçinin yük daşıyan ikitəkərli arabada adamların olması qadağandır.
Zirzəmi və yarımzirzəmi olan yerlərdə hündürlüyü 1,5 m-dən çox olan pilləkəndən yükləri boşaltmaq (yükləmək) üçün trap, lyuk, yükü qaldırıb-endirmək üçün isə qaldırıcı mexanizm olmalıdır.
EVX altında yükləmə-boşaltma işlərini görmək və ya hər hansı bir yükü orada anbarlaşdırmaq (hətta müvəqqəti olsa belə) qadağandır.
Dostları ilə paylaş: |