Yüklərin əllə yüklənməsi və boşaldılması,
ağır yüklərin əl arabası ilə daşınması
Əllə yüklərin yüklənib-boşaldılmasında və daşınmasında (qısa məsafəyə) hər bir fəhləyə düşən yük norması aşağıda göstərilən həddən çox olmamalıdır:
-kişilər üçün – 50 kq;
-qadınlar üçün – 15 kq;
-həddi-buluğa çatmayan (yaşı 16-dan 18-ə qədər) oğlanlar üçün – 15 kq;
-həddi-buluğa çatmayan qızlar üçün – 10 kq.
Qadınlar və həddi – buluğa çatmayanlara yalnız aşağıdakı yüklərin yüklənib—boşaldılmasına icazə verilir:
-səpələnən yüklərin;
-yüngül çəkili yüklərin – (1.14.2.1 uyğun olaraq), boş qabların;
-taxta materiallarının (nazik taxta və tirlər).
Əl ilə yüklərin daşınmasına yalnız məsafəsi 60 m-dən, yüksəkliyə qaldırmaq üçün isə yük qaldırılan meydança pilləkənlə təchiz olunduqda və meydançanın hündürlüyü 3 m-dən çox olmadıqda icazə verilir.
Yük daşınan pilləkənlərin və trapların eni 1 m-dən az olmamalı və onların hər iki tərəfdən məhəccəri olmalıdır.
Iş bir neçə fəhlənin köməyi ilə yerinə yetirilərsə, işin təhlükəsiz aparılmasının qanun–qaydasını bilən təcrübəli şəxsdən briqadir seçilməlidir.
Işə başlamazdan əvvəl briqadir briqada üzvlərinə işin təhlükəsiz aparılması barədə təlimat verməlidir.
Briqadir işin düzgün və təhlükəsiz aparılmasına cavabdehdir.
Müəyyən bir ağırlıq qaldırılan, aparılan və endirilən zaman, briqadir elə yerdə dayanmalıdır ki, göstəriş verəndə bütün briqada üzvlərini, briqada üzvləri isə onu görə bilsin.
Göstəriş uca və aydın səslə verilməlidir. Yük qaldırılan, aparılan və endirilən zaman diqqətli olmaq lazımdır ki, yaxınlıqda kənar şəxslər olmasın.
Yük əl arabasında daşınarkən aşağıdakı şərtlərə riayət edilməlidir:
-əl arabasına yığılan yük taraz yığılmalıdır;
-əl arabası yükqaldırma qabiliyyətindən artıq yüklənməməlidir.
Əl arabasının döşəməsi saz taxtadan və ya dəmir lövhədən olmalıdır.
Əl arabası ilə tək (bir) qırılmayan yükü boşaldarkən, işi ehtiyatla görmək lazımdır ki, özünə və ya yaxınlıqda olan şəxsə xətər gəlməsin.
Əl arabasından boşaldılmış yük qabaqcadan ayrılmış yerə səliqə ilə yığılmalıdır.
Yükləmə-boşaltma işlərinin və ağır yüklərin
daşınmasının mexanikləşdirilməsi
Elektrik, hidravlik və yaxud pnevmatik intiqallı kran və qaldırıcılar, işin təhlükəsizliyini təmin edən avtomatik qurğularla (yükqaldırmanı məhdudlaşdıran, hədd dayandırıcısı) təchiz olunmalıdır.
Mexaniki avadanlıqlarda işləməyə bu sahədə iş təcrübəsi olan şəxslər buraxılır.
Bütün yükqaldırıcı mexanizmlərin pasportu olmalıdır. Bu mexanizmlərin, onların gözəçarpacaq yerində bərkidilmiş, yükgötürmə həddləri haqqında məlumat qeyd olunmuş lövhəsi olmalıdır.
Qaldırıcı kranların, bucurqadların və digər qaldırıcı mexanizmlərin, yüklərin öz-özünə düşməsinin qarşısını alan qurğuları və etibarlı əyləci (tormozu) olmalıdır. Işə başlamazdan əvvəl əyləcin sazlığı yoxlanılmalıdır.
Işdən kənar vaxtda bütün yükqaldırıcı mexanizmlər elə vəziyyətdə olmalıdır ki, kənar şəxslərin onları işə salması mümkün olmasın. Bunun üçün kranın işəsalma qurğusu işdən ayrılmalı və qıfılla bağlanmalı, kran işləməyən halındakı vəziyyətinə gətirilməlidir. Kran yük altında qalmamalıdır.
Qaldırılan yükün çəkisi (takelaж qurğuları və taranı nəzərə almaqla) qaldırıcı mexanizmin maksimal yükqaldırma qabiliyyətindən artıq olmamalıdır.
Işçiləri yükqaldıran mexanizm və kranlardan istifadə etməklə bir yerdən başqa yerə köçürmək qadağandır.
Avtokranın sürücüsü və cavabdeh şəxs kranın qəzasız işinə, ilməkçi və yükvuran fəhlələrin əməyinin təhlükəsizliyinə, həmçinin kranın yanğından mühafizəsinə və yüklərin təhlükəsiz yüklənib-boşaldılmasına, daşınmasına cavabdehdir.
Iki kranla yüklərin qaldırılmasına yalnız kranları istismar edən müəssisənin mühəndis-texniki işçisinin rəhbərliyi altında icazə verilir.
Yükləri domkratla qaldırmaq üçün domkratın və yükün altına mütləq taxtadan yastı araqatı qoymaq lazımdır.
Dayanıqsız yüklər, onların etibarlı tutulmasını təmin edə bilən və yükqaldırma həddi göstərilən, xüsusi ilməklərlə ilməklənməlidir.
Mexanikləşdirilmiş vasitələrlə yükləmə və boşaltma işləri aparılan zaman qadağandır:
-sürücünün kabinəsinə yüklərin gətirilməsi və aparılması;
-yüklərin istiqamətləndirilməsi və onun səmtləşdirilməsi məqsədi ilə avtokranın banında fəhlələrin olması;
-sürücünün avtomobilin kabinəsində olması (əgər kabinə xüsusi mühafizə örtüyü ilə örtülməyibsə), eləcə də, avtomobilə texniki xidmət və onun təmir edilməsi;
-yükqaldırıcı mexanizmin yükqaldırma qabiliyyətindən ağır olan yüklərin qaldırılması;
-iki yük arasındakı dar yerdə, donmuş və ya torpaq altında qalmış yükü, eləcə də, kranın oxu altında olan yükü dartmaq məqsədi ilə yükqaldırıcı mexanizmdən istifadə edilməsi;
-asılmış halda olan yüklərin, yüklər daşınan zaman qaldırıcı qurğuların və ya ilməklərin vəziyyətinin düzəldilməsi;
-mexanizmlərinin təmiri, yağlama işlərinin aparılması;
-yükün üstündə adam olduqda onu qaldırmaq və yerini dəyişmək.
Paket halında yığılmış yüklər elə ilməklənməlidir ki, onları yüksəkliyə qaldırarkən, ayrı-ayrı hissələrinin və ya yüklərin bütünlükdə düşməsi halları istisna olunsun. Uzunölçülü yükləri mütləq travers tətbiq etməklə iki ilməklə bağlamaq lazımdır.
Yük qaldırılarkən və yerə endirilərkən qadağandır:
-yük bərkidilmiş burazdan tutmaq;
-qaldırılan yükün altında və ya onun hərəkəti istiqamətində olmaq;
-divarla yük arasında olmaq.
Açıq havada yükqaldırıcı kranla işləyərkən 11m/san və daha çox küləkli havada yükləmə-boşaltma işləri tam dayandırılmalıdır.
Yüklərin yerdəyişməsi ilə bağlı yükqaldırıcı mexanizmlər vasitəsi ilə yerinə yetirilən yükləmə-boşaltma işləri və digər işlər zamanı krançılar bu əməliyyatları yalnız siqnal üzrə yerinə yetirməlidirlər.
Dostları ilə paylaş: |