Qapalı Sahə Nümunələri
Qapalı sahənin ümumi tərifi göstərir ki, aşağıda qeyd olunanlar da daxil olmaqla sahələrin bir çox növləri qapalı və bu səbəbdən də təhlükəli hesab oluna bilər:
böyük boru kəmərləri
çənlər
tutumlar
separatorlar
keçidlər
kollektorlar
şurflar
bacalar
Digər Qapalı Sahə Nümunələri
Eyni zamanda tərifə çirkləndiricilərin təhlükəli səviyyədə toplaşa bildiyi və ventilyasiyanın məhdud olduğu və aşağıdakıları əhatə edə bilən hər hansı bir sahə də daxildir:
qazılmış çalalar (adətən 1,2 metrdən dərin)
ağzı açıq çənlər
bağlı və ya ventilyasiya olunmayan otaqlar
çirkab quyuları və suburaxma boruları
pis ventilyasiya olunan hər hansı bir digər sahə
Təhlükələr
Qapalı sahələrə giriş və orada işlə bağlı təhlükələr işçinin bədən xəsarəti almasına, xəstələnməsinə və ya ölümünə səbəb ola bilər. Adətən qapalı sahələrdə rast gəlinən təhlükələrə aşağıdakılar daxildir:
hidrogen sulfid (H2S), benzol və karbohidrogen qazları kimi təhlükəli konsentrasiyalardakı zəhərləyici maddələr
yanğın və ya partlayış potensialına malik alışan qazlar, buxarlar və məhlullar; aşağı partlayış həddi (APH) 10%-dən çox və ya qaynaq işi tələb olunduğu halda 0% (APH)
Qapalı sahədə qaynaq, kəsmə, fırça və ya püskürtmə vasitəsilə rəngləmə, yapışqan və həlledici maddələrdən istifadə edilməsi kimi görülən işlərlə əlaqədar yaranan qaz, buxar və ya tüstülər
boğulma ilə nəticələnən oksigenin olmaması və ya çatışmazlığı (19,5%-dən az həcmdə oksigen olan hava oksigen çatışmayan hava hesab olunur).
oksigenlə zənginləşdirilmiş hava (oksigenin miqdarı 23%-dən artıq)
elektrik şoku və ya portativ işıqlar, alətlər və ya əlaqədar elektrik avadanlıqlarından od tutan alışan qazlar
qeyri-adekvat şəkildə hərəkətə gətirilən qarışdırıcı cihazlar, konveyerlər və s. kimi mexaniki avadanlıqlardan alınan xəsarət
aşındırcı və ya qıcıqlandırıcı maddələrlə birbaşa təmas
keçidlər, borular və s. vasitəsilə digər sahələrdən daxil olan çirkləndiricilər
pirosulfit ehtiyatları
statistik elektrik enerjisindən alışma
ionlaşdırıcı şualanma mənbələri (məs: səviyyəölçənlər, Təbii halda rast gəlinən radioaktiv materiallar)
Kommunikasiya problemləridə daxil olmaqla Təhlükəsizliklə bağlı ümumi Təhlükələr və aşağıda qeyd olunanlar kimi fiziki təhlükələr:
- normadan artıq temperatur, səs-küy, vibrasiya, düşən obyektlər, qeyri-müvafiq görünmə dərəcəsi və s.
- qazılmış çalaların üçma ehtimalı.
Dostları ilə paylaş: |