|
![](/i/favi32.png) Суал Мяшял системинин истисмарыСуал-83: Ишчиляря олан тялябляр, онларын юйрядилмя вя тялиматландырма
|
səhifə | 97/138 | tarix | 13.05.2022 | ölçüsü | 1,66 Mb. | | #86951 |
| sual cavablar (3)Суал-83: Ишчиляря олан тялябляр, онларын юйрядилмя вя тялиматландырма
Ъаваб:
Neftqazçıxarma (qazma) sənayesində işlərə yaşı 18-dən az və 62-dən çox olmayan, tibbi müayinədən keçmiş və ya tibbi əks göstərişi olmayan şəxslər buraxılırlar. Qalan hallarda (yaşı 62-dən çox olduqda) tibbi müayinənin müsbət nəticəsinə görə işçilərin ağır və zərərli işlərdən başqa digər işlərdə işləməsinə icazə verilir.
Müəssisəyə yeni işə qəbul olunmuş işçilər və həmçinin başqa işə yeni bir sənət üzrə keçirilənlər əvvəlcədən təhlükəsizlik texnikasına dair öyrədilməli və təlimatlandırılmalıdırlar. Bu haqda müvafiq jurnalda həm təlimatlandırılanın, həm də təlimatçının imzası ilə qeydlər aparılmalıdır.
Işçilərin sərbəst olaraq işə buraxılması üçün öyrədilmənin, təlimatlandırmanın keçirilməsinin, biliyin yoxlanılmasının və işə buraxılmanın təşkili və qaydası [96, 36] tələblərinə uyğun olmalıdır.
Obyektlərdə işə, təhlükəsizlik texnikası üzrə təlimatlandırılmış, istehsalat təlimi keçmiş və müəssisə üzrə verilmiş əmrə əsasən həmin struktur bölmə üçün təyin olunmuş komissiya tərəfindən bilikləri yoxlanılmış işçilər buraxılırlar. Komissiyanın sədri, təhlükəsizlik texnikasına cavabdeh bölmənin texniki rəhbəri təyin olunur. Komissiyanın tərkibinə təhlükəsizlik texnikası, mexanika, energetika xidmətlərinin mühəndis-texniki işçiləri, usta və ya obyektdə bu işlərə məsul olan rəhbər daxil olmalıdır.
Işçilərə, onlardan iltizamnamə almaqla, rəhbərlik tərəfindən peşələr üzrə təhlükəsizlik texnikasına dair təlimatlar keçirilməlidir.
Qazma, mənimsəmə və quyuların təmiri, geofiziki və həmçinin neft və qazın hasilatı və hazırlanması işlərinə rəhbərlik etmək üçün həmin sahələr üzrə müvafiq təhsili olan (mütəxəssis) və təhlükəsizlik texnikası üzrə bilikləri yoxlanılmış şəxslər buraxılırlar. Bu tələb həmçinin xarici ölkələrdən olan mütəxəssislərə də aiddir.
Fəhlə peşələri üzrə işləyən ali və orta ixtisas təhsilli mütəxəssislərin, o cümlədən ali və orta ixtisas təhsil müəssisələrinin praktikantlarının, sərbəst olaraq işə buraxılması üçün, fəhlə peşələri üzrə müvafiq vəsiqələri olmalıdır.
Əsas peşələrin fəhlələri, tələb olunan səviyyədə öyrədildikdən, iş yerində təcrübə keçdikdən, bilikləri yoxlanıldıqdan, istehsalat təlimi keçdikdən sonra və müəyyən işlərin yerinə yetirilməsi hüququnu verən vəsiqəsi olduqda onlara sərbəst işləməyə icazə verilir.
Kompleks briqadaların işçilərinin (işin xüsusiyyətinə görə bir neçə peşə üzrə iş görən) müvafiq ixtisasları (kvalifikasiyası) olmalı və həmçinin əsas və əlavə (əvəzçi) peşələr üzrə icazəsi olmalıdır.
Müəssisənin işçiləri fərdi mühafizə vasitələrindən (FMV) təyinatı üzrə düzgün istifadə etməyi bacarmalı, həyəcan siqnalları üzrə hərəkət (davranış) qaydalarını bilməli və bədbəxt hadisələr zamanı xəsarətalanlara həkiməqədər ilk yardım etməyin üsul və qaydalarını mükəmməl bilməli və onları tətbiq etməyi bacarmalıdır.
Işçilərin təhlükəsiz iş görülməsinə dair biliklərinin yoxlanılması hər il keçirilməlidir.
Yeni texnika, texnologiya, avadanlıq və ya təhlükəsizlik texnikası qaydaları tətbiq edildikdə, həmçinin xəsarətalmaya səbəb olmuş və ya olmamış fövqəladə hadisə baş verdikdə müvafiq işçilərə təhlükəsizlik texnikası üzrə növbədənkənar təlimat keçirildikdən sonra onların bilikləri yoxlanılmalıdır. Bu haqda müvafiq жurnalda qeydlər aparılmalıdır.
Müəssisələrdə işçilər vaxtaşırı olaraq (Azərbaycan Respublikasının Səhiyyə Nazirliyi tərəfindən müəyyən edilmiş müddətdə) yerinə yetirdikləri işlər və peşələr nəzərə alınmaqla tibbi müayinədən keçməlidirlər.
Elektrik qurğuları və avadanlıqlarına xidmət edən işçilər «Istehlakçıların elektrik qurğularının texniki istismar Qaydaları»nda və «Istehlakçıların elektrik qurğularının istismarında təhlükəsizlik texnikası Qaydaları»nda nəzərdə tutulmuş həcmdə və müddətdə təlimatlandırılır və onların bilikləri yoxlanılır.
Elektrotexnoloжi qurğulara xidmət edən və elektrikləşdirilmiş aqreqatları işə salan və açan (dayandıran) və həmçinin elektrik alətləri ilə işləyən işçilər təhlükəsizlik texnikasına dair müvafiq təlimat keçməli və onların elektrik təhlükəsizliyi üzrə ən azı II qrupu olmalıdır.
Köməkçi avadanlıqların (transformatorlar, tezliyi dəyişənlər, mühafizə-açıcı quruluşları və s.) şəbəkəyə qoşulmasını və açılmasını qrupu III-dən az olmayan elektrotexniki heyət yerinə yetirməlidir.
Qazanxanalara, yükqaldırıcı kranlara, təzyiq altında işləyən qablara və digər spesifik avadanlıq və qurğulara xidmət edən işçilər müvafiq Qaydaların tələblərində nəzərdə tutulduğu həcmdə və müddətdə təlimatlandırılır və bilikləri yoxlanılır.
Neft, qaz və qaz - kondensat quyularının qazılması və istismarı, layihələndirilməsi və tikintisi, neft, qaz və qaz - kondensatın nəqli və saxlanılması ilə məşğul olan müəssisələrin və həmçinin yardımçı müəssisələrin rəhbərlərinin və mühəndis-texniki işçilərinin bu Qaydaların və bununla yanaşı müvafiq normativ sənədlərin tələblərini bilmələrinə dair bilikləri yoxlanılmalıdır.
Dostları ilə paylaş: |
|
|