Суал Мяшял системинин истисмары

Суал-84: Чяпярляр (юртцкляр, сипярляр)

Ъаваб:

• 
  Avadanlıqların, aparatların, mexanizmlərin və alət­lə­rin açıq hərəkət edən və fırlanan hissələri çəpərlənməli və ya ör­tük­lə bağlanmalıdır. Belə avadanlıqlar çəpər olmadıqda və ya açıq olduqda onların işə düşməsinin qarşısını alan bloklayıcı sis­tem­lə təchiz edilməlidirlər.
  
• 
  Çəpər tez yığıla bilən və quraşdırma üçün rahat ol­ma­lıdır.
  
• 
  Çəpərin və ya örtüyün konstruksiyası və bər­ki­dil­mə­si işçilərin təhlükəli hissələrə təsadüfən toxunmasını istisna et­məlidir.
  
• 
  Ionlaşdırıcı şüalanma mənbəyi olan avadanlıq və ar­matur 124-ün tələblərinə müvafiq mühafizə ekranı ilə təchiz edil­məlidir.
  
• 
  Neftqazçıxarma obyektlərinin bütün potensial təh­lü­kəli yerlərində (açıq tutumlar, transmissiyalar və s.), oraya bü­tün istiqamətlərdən yolu bağlayan çəpərlər olmalıdır.
  
• 
  Çəpərin qapısının açılmasını və ya onun götürülməsini ava­dan­lıq və ya mexanizm tam dayandıqdan sonra etmək olar. Ava­dan­lığın və ya mexanizmin işə salınmasına yalnız çəpər yerinə qo­yulduqdan və onun bütün sökülüb-yığılan hissələri etibarlı bər­kidildikdən sonra icazə verilir.
  
• 
  Məhəccərli çəpərin hündürlüyü 1,25m-dən (intiqalı kə­mərdən olan avadanlıqlar üçün 1,5m-dən) az olmamalı, çə­pə­rin aşağı kəmərinin (zolağının) hündürlüyü 0,15m olmalı, ayrı-ay­rı kəmərlər (zolaqlar) arasındakı məsafə 0,40m-dən, dirəklər ara­sındakı məsafə isə 2,5m-dən artıq olmamalıdır.
  
• 
  Kəmər intiqallı avadanlıqlarda məhəccərli çəpərlər tətbiq edi­lərkən, intiqal kəməri qırılan zaman yaranacaq təhlükənin qar­şısını almaq məqsədilə hər iki qasnağın (şkiv) xarici tərəfində me­tal sipərlər quraşdırılmalıdır.
  
• 
  Əgər təhlükəli zonadan 0,35m-dən artıq məsafədə çəpər qoy­maq mümkündürsə, onda avadanlıq və mexanizmlərin hə­rə­kət edən hissələrinə girişi bağlamaq üçün məhəccərli çəpərdən is­ti­fadə etməyə icazə verilir.
  
• 
  Avadanlıqların hərəkət edən elementlərinin tor­şə­kil­li çəpərinin hündürlüyü 1,8m-dən az olmamalıdır. Hündürlüyü 1,8m-dən az olan mexanizmlər tam olaraq (üstdən də) çə­pər­lən­mə­lidir. Torun gözcüklərinin ölçüləri 30x30mm-dən artıq, məf­ti­li­nin diametri isə 2 mm-dən az olmamalıdır. Torşəkilli çəpərin me­tal çərçivəsi (karkası) olmalıdır.
  
• 
  Kənarı, hərəkət edən və yaxud fırlanan detallardan 0,1 m aşağı və döşəmənin səviyyəsindən 0,5 m yuxarı olarsa, aşa­ğı hissəsi açıq olan örtüklərdən istifadə etməyə icazə verilir.
  
• 
  Qayış ötürməsinin çəpərinin hündürlüyü 1,5 m-dən az olmamalı və hər iki qasnağın xarici tərəfdən metal sipərləri ol­malıdır.
  
• 
  Tez-tez nəzərdən keçirilməsi və xidmət göstərilməsi tə­ləb olunan bəndlərin sökülə bilən çəpərləri və ya tezçıxarıla bi­lən lyukları olmalıdır.
  
• 
  Dişli və zəncirli ötürmələr rahat yığılıb-sökülən, çı­xa­rılan hissələri və tərtibatları olan bütöv metal sipərlərlə (ör­tük­lər­lə) örtülməlidirlər.
  
• 
  Mexanizmlərin və aqreqatların hərəkət edən hissə­lə­rinin çıxıntılı detalları (o cümlədən valların işgilləri) və hərəkət edən birləşmələr bütün hərəkətləri boyu örtüklə bağlan­malı­dırlar