90
«Ölülər» əsərində də rast gəlirik. «Ölülər»in birinci
pərdəsində Kəblə Fatma şeyxin ölü diriltmək əhvalatını
eşidib sevinir, il yarım əvvəl itirdiyi qızının – Saranın
yenidən ona qayıdacağının həyəcanından ağlayır. Ona
qarşı etinasız olan ərindən bir küncə sıxılaraq ağlayan
qadına İskəndərin ürək yanğısı da budur: «Yazıq ana»
(111, 92).
Fəlakət və müsibət içində göz yaşlarına qərq olan,
köməksiz qadın – anaların faciəsi, insan psixologiyası-
nın ən gözəl, ən incə nöqtələrini duymaq və aça bilmək,
təhlil etmək məharəti kimi hər iki əsərdə oxşarlıqla lirik
fonda sənətkarlıqla qələmə alınır.
Ədibin nəsrində dramatik əsərin tərkib hissələrin-
dən biri olan təksəslilik əsərdə iştirak edən obrazlardan
birinin tək, öz-özünə danışması psixoloji təhlil kimi
müəllifin obraza verdiyi müstəqim xasiyyətnamə xarak-
teri daşıyaraq lirik intonasiyanın yaranmasında çox
mühüm rol oynayır. «Danabaş kəndinin əhvalatları»
əsərində Məhəmməd Həsən əminin taleyi, süjet boyu
kifayət qədər tanış olduğumuz «qaragünçülük» onun
öz-özünə şikayətlənməsində daha konkret təsəvvür ya-
radır: «Lap işlərim çətin yerə dayandı. Vallah, bilmirəm
kasıblıq dərdi çəkim, arvad-uşaq dərdi çəkim, eşşək
dərdi çəkim. Yəni eşşəyi də verməmək olmazdı. Söz
yox, nə tövr verməmək olar? Eşşəyi verməsəm, onda
dəxi kənddə baş gəzdirmək olar? Genə necə olsa ha-
kimdi, katdadı. Günün günorta çağı gəldi, nahaq yerdə
yaxaladı ki, bu qədər iştrafındı ver, onda bəs necə
olsun? Xeyr, olmazdı ki, vermiyeydim» (111, 312). Mə-
91
həmməd Həsən əmi hökm sürən özbaşnalığı, haqsızlığı,
çarəsizliyi görür. O, bilir ki, hakim təbəqəni özündən
narazı salmaq olmaz. Obrazın sarsıntıları, düşdüyü
vəziyyətdən çıxış yolları axtarması, öz xasiyyət və
xarakterinə tənqidi münasibətə bəzən haqq qazandırma
mövqeyi tədricən ictimai və psixoloji cəhətlərin əyani
şəkildə yekunu kimi səslənir: «Hələ mən bilmirəm ki,
vallah bu arvad-uşaq nə deyir?! Hələ bu küçük niyə belə
özünü yerdən yerə çırpır?! Deyinən görək axır mənnən
bir yerdə alnının tərini silib pul qazanmısınız? Verdim,
çox yaxşı elədim verdim. Öz eşşəyimdir, özüm də
verdim də. Dəxi sizə nə dəxli var? A kişi, yəni insafən
onların da günahı yoxdur. Onlar da elə məndən ötrü
qalmaqal eləyirlər da» (111, 312).
Xüsusi olaraq onu da qeyd etmək lazımdır ki,
ədibin üç əsəri – «Buz», «İki qardaş» və «Zəlzələ»
hekayələrinin üslubunda satira ilə lirika qovuşuq halda
deyil. Burada müəllif fikri qüvvətli həyəcanın emossio-
nal təsiri kimi özünü göstərir. Müəllif şahidliyi ilə
söylənilən hər üç əsər təhkiyəçinin müəyyən andakı
hiss-həyəcanını ifadə edərək sevinc, hüzn kimi hissi -
emossional təzahürü ifadə edir. «Buz» hekayəsində
xəstəyə zamanında çatdırılmayan buzun müəllifə həyatı
boyu verdiyi hüzn və iztirab, «Zəlzələ» hekayəsində
təbii fəlakətin yaratdığı acınacaqlı mənzərə, «İki
qardaş» əsərində uzaq səfərə yola düşən qardaşların
məhəbbəti hadisə axarında lirik boyalarla canlandırılır.
M.Məmmədov C.Məmmədquluzadənin nəsr əsərlə-
rini üslub baxımından qruplaşdırarkən haqlı olaraq belə
92
yazır: «C.Məmmədquluzadənin sırf satirik hekayələri
(«Qurbanəlibəy», «Bəlkə də qaytardılar», «Zırrama»,
«Taxıl həkimi», «Proletar şairi»…) lirik hekayələri
(«Zəlzələ», «İki alma», «İki qardaş») olduğu kimi,
məzmunundakı lirika ilə satira vəhdət şəklində meydana
çıxan əsərləri də vardır («Danabaş kəndinin əhvalat-
ları», «Poçt qutusu», «İranda hürriyyət», «Qoşa balınc»
və s.) (132, 110-111).
Ədibin satirik üslubunda satira və sarkastik intona-
siyalar daha qüvvətlidir. Əsərlərdə zahiri zarafatya-
nalıqla tənqid hədəfinə ifşaedici münasibət ön plana
çəkilir. Onun satirik üslubunda tənqid hədəfinin rəzilli-
yini, məhvə məhkumluğunu göstərən vətəndaş təlaşları,
axtarışları təşkil edir. Cəlil Məmmədquluzadə satirik
üslubunda satirik və sarkastik intonasiyanın əsl xarakte-
rini əyani təsəvvür etmək üçün əsərlərin bəzi məqam-
larını nəzərdən keçirək.
«Danabaş kəndinin əhvalatları» dərin ictimai
məzmunlu, realist əsərdir. Burada Məhəmməd Həsən
əmi adlı kasıb, avam, mömin bir kəndlinin Kərbəlaya
getmək üçün hazırladığı eşşəyinin itmək məcarası nağıl
edilir. Ancaq bu, hadisənin zahiri tərəfidir. Bu maraqlı
əhvalatın arxasında ədibin dərin mənada istehzası, acı
gülüşləri cəmlənir. C.Məmmədquluzadə satirik üslubda
zamanın ictimai ziddiyyətlərini, ədalətsizliyini zahiri
neytrallıqla kəskin ifşa edir:
«Amma dünyada bəzi vaxt, bəlkə də çox vaxt çox
təəccüblü işlər ittifaq düşür. Məsəla, indi bu saat,
burada Xudayar katda ləzzətnən yıxılıb yatdı. Amma
93
elə bu saat Danabaş kəndində üç yerdə matəm qurulub-
dur. Üçünə də Xudayarbəy özü bais olubdu. Doğrudan çox
gülməli əhvalatdır və çox qəşəng əhvalatdır. Ondan ötrü
qəşəng əhvalatdı ki, adam gülür, ürəyi açılır» (111, 287).
Zahirən istifadə olunan üslub məzəli, xoş zarafat-
lıdır. Ədib nifrət və qəzəbini belə zahiri şuxluqla ifadə
edib «qəşəng», «gülməli» satirik atmacaları ilə öz ürək
sözlərini, dərdlərini deməyə fürsət tapır, hər hansı bir
təfsilatın fonunda bu öldürücü ittihamlar daha qabarıq,
daha aydın nəzərə çarpır.
Bəzən zahiri neytrallıq əsərdə tərəfkeşliklə əvəz
olunur. Zahiri görünən bu yaxınlıq ictimai qüsurların
səbəbini üzə çıxarır, ədibin qəzəbini, nifrət və hiddətini
qabarıq ifadə edərək ifşa və ittihamı qüvvətləndirir.
«İndi, söz yox, kənardan baxan Xudayarbəyi mə-
zəmmət eləyir. Amma, xeyir, burada əsla və qəti mə-
zəmmət yeri yoxdur. Əgər duraq insafnan danışaq, haqqı
itirməyək, gərək heç Xudayarbəyi günahkar tutmayaq.
Doğrudur, bu qilüqalın hamısına bais Xudayarbəydi.
Amma Xudayarbəyin qəsdi o deyil ki, xalqın evinə
mərəkə salsın. Xudayarbəyin tək bircə qəsdi var. Onun
qəsdi məhz Zeynəbi almaqdır (111, 298).
Göründüyü kimi, ədibin üslubunda satiranın ən
səciyyəvi cəhətlərindən biri zahiri tərəfkeşliyin kinayəli
xarakterdə olmasıdır. Ədib ifadə tərzini sakit, adi ifadə
etməklə fikri daima emossional, dəqiq və kəsərli təqdim
edir. «Kinayəli gülüş üslubu ilə yazılan, ictimai qüsur
və kəsirləri qırmaclayan bədii əsərlərdə ictimai tənqidin,
xüsusilə satirik tənqidin əhəmiyyəti və təsiri çox böyük
Dostları ilə paylaş: |